ಧನಲಕ್ಷ್ಮಿ ಬ್ಯಾಂಕ್
ಧನಲಕ್ಷ್ಮಿ ಬ್ಯಾಂಕ್ ಲಿಮಿಟೆಡ್ ಭಾರತದ ಖಾಸಗಿ ವಲಯದ ಅನುಸೂಚಿತ ವಾಣಿಜ್ಯ ಬ್ಯಾಂಕ್‌ಲೆಡ್ ಒಂಜಿ. ಇಂದೆತ ಪ್ರಧಾನ ಕಚೇರಿ ಕೇರಳದ ತ್ರಿಶೂರ್ ನಗರಡುಂಡು. 1927ನೇ ಇಸವಿಡ್ ಸ್ಥಾಪನೆಯಾಯಿನ ಈ ಬ್ಯಾಂಕ್, ಕೇರಳದ ಪಿರಾಕ್‍ದ ಖಾಸಗಿ ಬ್ಯಾಂಕ್‌ಲೆಡ್ ಒಂಜಾದುಂಡು. ಚಿಲ್ಲರೆ ಬ್ಯಾಂಕಿಂಗ್, ಕಾರ್ಪೊರೇಟ್ ಬ್ಯಾಂಕಿಂಗ್, ಎಂಎಸ್‌ಎಂಇ ಬ್ಯಾಂಕಿಂಗ್, ಬೊಕ್ಕ ಡಿಜಿಟಲ್ ಬ್ಯಾಂಕಿಂಗ್ ಕ್ಷೇತ್ರೊಲೆಡ್ ಗಿರಾಕಿಲೆಗ್ ಸೇವೆಲೆನ್ ಕೊರೊಂದುಂಡು. ಬ್ಯಾಂಕ್ 1977ನೇ ಇಸವಿಡ್ ಅನುಸೂಚಿತ ವಾಣಿಜ್ಯ ಬ್ಯಾಂಕ್ ಸ್ಥಾನಮಾನೊನು ತಿಕ್ಕಿಂಡ್. ಸದ್ಯೊಗು ದೇಸೊರ್ಮೆ ೨೬೧ ಶಾಖೆಲು ಬೊಕ್ಕ ೨೮೪ ಎಟಿಎಮ್‌ಲು ಉಲ್ಲ.
ಇತಿಹಾಸ
[ಸಂಪೊಲಿಪುಲೆ]ಸ್ಥಾಪನೆ
[ಸಂಪೊಲಿಪುಲೆ]ಧನಲಕ್ಷ್ಮಿ ಬ್ಯಾಂಕ್‌ನ್ 1927ದ ನವೆಂಬರ್ 14ಗ್ ತ್ರಿಶೂರ್‌ಡ್ ಉದ್ಯಮಿಲು ಬೊಕ್ಕ ವ್ಯಾಪಾರಿಲೆನ ಕೂಟ ಉಂಡು ಮಲ್ತ್ಂಡ್. ಸುರುಟು ಬಂಡವಾಳ ₹11,000 ಪಣವುನು ಪತೊಂದು ವ್ಯವಹಾರ ಸುರು ಮಲ್ತ್ಂಡ್. ೭ ಜನ ಬೇಲೆದಕುಲು ಬೇಲೆಗ್ ಇತ್ತೆರ್. ಸ್ಥಳೀಯ ವ್ಯಾಪಾರ, ಬೆನ್ನಿ ಬೊಕ್ಕ ಎಲ್ಯ ಉದ್ಯಮಲೆಗ್ ಹಣಕಾಸುದ ಸೇವೆಲೆನ್ ಕೊರ್ಪುನ ಉದ್ದೇಶೊಡು ಬ್ಯಾಂಕ್ ಸುರು ಆಂಡ್.[1]
ಬುಲೆಚಿಲ್
[ಸಂಪೊಲಿಪುಲೆ]ಸ್ವಾತಂತ್ರ್ಯದ್ ಬೊಕ್ಕದ ಕಾಲೊಡು ಬ್ಯಾಂಕ್ ಕೇರಳದ ಬೇತೆ ಬೇತೆ ಜಾಗೊಲೆಗ್ ತನ್ನ ಶಾಖೆಲೆನ್ ವಿಸ್ತರಣೆ ಮಲ್ತ್ಂಡ್. 1990ನೇ ಇಸವಿದ ಪೊರ್ತುಡು ತಮಿಳುನಾಡು, ಕರ್ನಾಟಕ, ಮಹಾರಾಷ್ಟ್ರ ಬೊಕ್ಕ ಬೇತೆ ರಾಜ್ಯೊಲೆಡ್ ಪೊಸ ಶಾಖೆಲೆನ್ ದೆತ್ತ್‌ದ್ ಬುಳೆಯೆರೆ ಸುರು ಮಲ್ತ್ಂಡ್.[2]
ಅನುಸೂಚಿತ ವಾಣಿಜ್ಯ ಬ್ಯಾಂಕ್ ಸ್ಥಾನಮಾನ
[ಸಂಪೊಲಿಪುಲೆ]1977ನೇ ಇಸವಿಡ್ ಭಾರತೀಯ ರಿಸರ್ವ್ ಬ್ಯಾಂಕ್ ಧನಲಕ್ಷ್ಮಿ ಬ್ಯಾಂಕ್‌ಗ್ ಅನುಸೂಚಿತ ವಾಣಿಜ್ಯ ಬ್ಯಾಂಕ್ ಸ್ಥಾನಮಾನ ಕೊರಿಂಡ್. ಇಂದೆಡ್ದ್ ಬ್ಯಾಂಕ್‌ಗ್ ಮಸ್ತ್ ಮನ್ನಣೆ ತಿಕ್ಕಿಡ್ ತನ್ನ ವ್ಯವಹಾರ ವಿಸ್ತರಣೆ ಮಲ್ಪೆರೆ ಸಹಾಯ ಆಂಡ್.
ತಂತ್ರಜ್ಞಾನ
[ಸಂಪೊಲಿಪುಲೆ]1993ಡ್ ಬ್ಯಾಂಕ್ ತನ್ನ ಕೇಂದ್ರ ಕಚೇರಿಡ್ ಇಲೆಕ್ಟ್ರಾನಿಕ್ ಡೇಟಾ ಪ್ರೊಸೆಸಿಂಗ್ ವಿಭಾಗೊನು ಸುರು ಮಲ್ತ್ಂಡ್. ಬೊಕ್ಕ ಕೋರ್ ಬ್ಯಾಂಕಿಂಗ್, ಎಟಿಎಂ ಜಾಲ, ಇಂಟರ್ನೆಟ್ ಬ್ಯಾಂಕಿಂಗ್ ಬೊಕ್ಕ ಮೊಬೈಲ್ ಬ್ಯಾಂಕಿಂಗ್ ಸೇವೆಲೆನ್ ಜಾರಿ ಮಲ್ತ್ಂಡ್.
ಪುದರ್ ಬದಲಾವಣೆ
[ಸಂಪೊಲಿಪುಲೆ]ತನ್ನ ವ್ಯಾವಹಾರಿಕ ಗುರುತುನು ಪೊಸತಾದ್ ಮಲ್ಪುನ ಉದ್ದೇಶೊಡು ಬ್ಯಾಂಕ್ ೨೦೧೦ನೇ ಇಸವಿಡ್ ತನ್ನ ಪುದರ್‌ನ್ "Dhanalakshmi Bank" ಇನ್ಪಿನೆಡ್ದ್ "Dhanlaxmi Bank" ಪಂದ್ ಬದಲ್ತ್ಂಡ್.[3]
ಕಾರ್ಯಾಚರಣೆಲು
[ಸಂಪೊಲಿಪುಲೆ]ಧನಲಕ್ಷ್ಮಿ ಬ್ಯಾಂಕ್‌ಗ್ ದೇಸೊರ್ಮೆ ಶಾಖೆ ಬೊಕ್ಕ ಎಟಿಎಂ ಉಲ್ಲ. 2025ದ ಪೊರ್ತುಡು ಬ್ಯಾಂಕ್ ೨೬೪ ಶಾಖೆಲು ಬೊಕ್ಕ 28೫ ಎಟಿಎಮ್‌ಲೆನ ಮುಖಾಂತರ ಗ್ರಾಹಕರೆಗ್ ಸೇವೆ ಕೊರೊಂದುಂಡು. ಬ್ಯಾಂಕ್‌ದ ಜಾಲ ಕೇರಳ, ತಮಿಳುನಾಡು, ಕರ್ನಾಟಕ, ಆಂಧ್ರ ಪ್ರದೇಶ, ತೆಲಂಗಾಣ, ಮಹಾರಾಷ್ಟ್ರ, ದೆಹಲಿ ಬೊಕ್ಕ ಪಶ್ಚಿಮ ಬಂಗಾಳ ಸೇರ್ದಿನಂಚನೆ ಮಸ್ತ್ ರಾಜ್ಯೊಲೆಡ್ ವಿಸ್ತರಣೆ ಆತುಂಡು.[4]
ಬ್ಯಾಂಕ್‌ದ ಒಟ್ಟು ವ್ಯವಹಾರ 2025ದ ಮಾರ್ಚ್‍ಗ್ ₹28,219 ಕೋಟಿಗ್ ಮುಟ್ಟಿಂಡ್, ಠೇವಣಿಲು ₹16,013 ಕೋಟಿ ಬೊಕ್ಕ ಮುಂಗಡ ₹12,206 ಕೋಟಿ ಆದಿತ್ತ್ಂಡ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "A journey that started with a belief to Bank Different". dhan.bank.in. Dhanlaxmi Bank Ltd. Retrieved 21 June 2026.
- ↑ "Dhanlaxmi Bank Ltd. Company History and Annual Growth Details". goodreturns.in. goodreturns. Retrieved 21 June 2026.
- ↑ "Dhanalakshmi Bank gets RoC nod for name change". Business Standard India. Press Trust of India. 14 August 2010.
- ↑ "Dhanlaxmi Bank Ltd. Company History and Annual Growth Details". goodreturns.in. goodreturns. Retrieved 21 June 2026.