ಧರಂಸಿಂಗ್

ಧರಂಸಿಂಗ್

ಧರಂಸಿಂಗ್ ಭಾರತ ದೇಸೊದ ಕರ್ನಾಟಕ ರಾಜ್ಯದ ೧೭ನೆ ಮುಖ್ಯಮಂತ್ರಿಲು, ಕಾಂಗ್ರೆಸ್ ಪಕ್ಷತ ಸದಸ್ಯರಾತ್ ಇತ್ತೆರ್. ಗುಲ್ಬರ್ಗ ಜಿಲ್ಲೆತ, ಜೇವರಗಿ ತಾಲೂಕ್ತಾ, ನೇಲೋಗಿ ಗ್ರಾಮಟ್ ೧೯೩೬ ಟ್ ಪುಟ್ಟಿನ ಧರಂಸಿಂಗ್, ಹೈದರಾಬಾದ್ ಓಸ್ಮಾನಿಯಾ ವಿಶ್ವವಿದ್ಯಾಲಯಟ್ ಎಂ.ಎ. ಬುಕ್ಕ ಎಲ್.ಎಲ್.ಬಿ. ಪದವಿನ್ ಪಡೆತೆರ್. ವಕೀಲರಾತ್ ಒಂತೆ ಕಾಲೊ ಕಾರ್ಯ ನಿರ್ವಹಣೆ ಮಾಲ್ತೆರ್ ಮಿತ್ತ್ ೬೦ ರ ದಶಕಟ್ ಕಾಂಗ್ರೆಸ್ ಪಕ್ಷತ ಸದಸ್ಯರಾತ್. ಗುಲ್ಬರ್ಗ ಜಿಲ್ಲೆತ ಜೇವರಗಿ ವಿಧಾನಸಭಾ ಕ್ಷೇತ್ರಟ್ ಸತತ ಎಂಟು ಸರ್ತಿ ಚುನಾಯಿತರಾತೆರ್. ೧೯೮೦ ರಟ್ ಗುಲ್ಬರ್ಗ ಕ್ಷೇತ್ರೊಡ್ತ್ ಲೋಕಸಭೆ ಸಹ ಚುನಾಯಿತರಾತೆರ್.

ಮುಖ್ಯಮಂತ್ರಿಯಾಪುನ ದುಂಬು ಕರ್ನಾಟಕ ಸರ್ಕಾರಟ್ ವಿವಿಧ ಖಾತೆನ್ ನಿರ್ವಹಣೆ ಮಾಲ್ತೆರ್. ಮಾಜಿ ಮುಖ್ಯಮಂತ್ರಿ ಎಸ್.ಎಂ.ಕೃಷ್ಣ ಅರ್ ಸರ್ಕಾರಟ್ ಲೋಕೋಪಯೊಗಿ ಖಾತೆನ್ ನಿರ್ವಹಣೆ ಮಾಲ್ತೆರ್. ಇದೆಕ್ಕ್ ದುಂಬು ಗೃಹ ಖಾತೆ, ಸಮಾಜ ಸುಧಾರಣಾ ಖಾತೆ, ಅಬಕಾರಿ ಖಾತೆ, ಆದಾಯ ಖಾತೆ ಇಂಚಿಪೊದ ಖಾತೆನ್ ನಿರ್ವಹಣೆ ಮಾಲ್ತೆರ್. ಕೆಪಿಸಿಸಿ (ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಕಮಿಟಿ)ದ ಅಧ್ಯಕ್ಷತೆನ್ ಸಹ ವಹಿಸಾತೆರ್.

ರಾಜಕೀಯೊ ಪ್ರವೇಶ

1. ಅರೆನಾ 24, 25 ನೇ ವಯಸ್ಸಿಟ್ ಕಾಂಗ್ರೆಸ್ ನೊಂಟ್ಟುಗ್ ಅಧಿಕೃತವಾತ್ ಗುರುತಿಸಿ ತಾರ್
2. 1968 ಟ್ 1988 ಮುಟ್ಟ ಸಿಟಿ ಕೌನ್ಸಿಲ್ ಅಧ್ಯಕ್ಷರಾತ್ ಕಾರ್ಯ ನಿರ್ವಹಿಸತೆರ್.
3. 1978 ಗ್ ದುಂಬು ಸರ್ತಿ ಜೇವರ್ಗಿ ವಿಧಾನಸಭಾ ಕ್ಷೇತ್ರಡ್ತ್ ಆಯ್ಕೆಯಾಪುನ ಮೂಲಕ ವಿಧಾನಸಭೆ ಪ್ರವೇಶ
4. 1980 ಗ್ ಕಲ್ಬುರ್ಗಿ ಲೋಕಸಭಾ ಕ್ಷೇತ್ರಡ್ತ್ ದುಂಬು ಬಾರಿ ಲೋಕಸಭೆ ಪ್ರವೇಶ.
5. 1983,1985,1989,1994,1999,2004, ಗ್ ಜೇವರ್ಗಿ ಕ್ಷೇತ್ರಡ್ತ್ ಶಾಸಕರಾತ್ ಆಯ್ಕೆ
6. 2004 ಮೇ 28 ಗ್ ಕರ್ನಾಟಕತ 17 ನೇ ಮುಖ್ಯಮಂತ್ರಿಯಾತ್ ಅಧಿಕಾರ
7. 2006 ಜನವರಿ 28 ಗ್ ಮುಖ್ಯಮಂತ್ರಿ ಸ್ಥಾನಕ್ಕ್ ರಾಜೀನಾಮೆ
8. 2008 ಟ್ ಜೇವರ್ಗಿ ಕ್ಷೇತ್ರಡ್ತ್ ಸ್ಪರ್ಧಿಸಿ ಎಂಟನೇ ಸಾರಿ ವಿಧಾನಸಭೆ ಪ್ರವೇಶ ಮಾಲ್ಪುನ ಕನಸಿಗೆ ಭಗ್ನ. ಈ ಸರ್ತಿ ಸೋಲು.
9. 2009 ಟ್ ಬೀದರ್ ಲೋಕಸಭಾ ಕ್ಷೇತ್ರಡ್ತ್ ಸ್ಪರ್ಧಿಸಿ ಗೆಲ್ತೆರ್
10. 2014 ಡ್ ಲೋಕಸಭಾ ಚುನಾವಣೆಡ್ ಸೋಲ್ತೆರ್
11. 2006-2007: ಪ್ರತಿಪಕ್ಷ ನಾಯಕ, ಕರ್ನಾಟಕ ವಿಧಾನಸಭೆ
12. 2009 ಡ್ತ್: ಸಂಸತ್ತ್ ಸದಸ್ಯ