ನಯನತಾರಾ ಸೆಹಗಲ್

ನಯನತಾರಾ ಸೆಹಗಲ್
೨೦೧೬ ರ ಪ್ರೆಸ್ ಮೀಟಿಂಗ್‌ನಲ್ಲಿ ಸೆಹಗಲ್
ಪುಟ್ಟಿನ ಊರು	(1927-05-10) 10 May 1927 ಅಲಹಾಬಾದ್, ಯುನೈಟೆಡ್ ಪ್ರಾಂತ್ಯಗಳು, ಬ್ರಿಟಿಷ್ ಭಾರತ (ಇಂದಿನ ಪ್ರಯಾಗ್ ರಾಜ್, ಉತ್ತರ ಪ್ರದೇಶ, ಭಾರತ)
ದಂಪತಿಲು	ಗೌತಮ್ ಸೆಹಗಲ್ ​ (೧೯೪೯⁠–⁠)​ ಎಡ್ವರ್ಡ್ ನಿರ್ಮಲ್ ಮಂಗತ್ ರಾಯ್ ​ ​ (೧೯೭೯⁠–⁠)​
ಬೇಲೆ	ಬರಹಗಾರ್ತಿ
ದೇಸೊ	ಭಾರತ
ಕಲ್ತ್‌ನ ಸಂಸ್ಥೆ	ವೆಲೆಸ್ಲೀ ಕಾಲೇಜ್
ಕಾಲೊ	೨೦ನೇ ಶತಮಾನ
ಪ್ರಕಾರೊ	ರಾಜಕೀಯ, ಸ್ತ್ರೀವಾದ
ಮಾನಾದಿಗೆ	ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (೧೯೮೫)
ಜೋಕುಲು	೨ (ಗೀತಾ ಸೆಹಗಲ್ ಅವರನ್ನೊಳಗೊಂಡು)
ಸಂಬಂದಿಕೆರ್	ಜವಹರಲಾಲ್ ನೆಹರು ಇಂದಿರಾ ಗಾಂಧಿ

ನಯನತಾರಾ ಸೆಹಗಲ್ (ಪುಟ್ಟು ೧೦ ಮೇ ೧೯೨೭) ಒರ್ತಿ ಭಾರತದ ಬರವುದಾರ್ ಇಂಗ್ಲಿಷ್ ಭಾಷೆಡ್ ಬರೆಪೆರ್. ಅಕುಲು ನೆಹರೂ-ಗಾಂಧಿ ಕುಟುಂಬೊದ ಸದಸ್ಯೆರ್. ಜವಾಹರಲಾಲ್ ನೆಹರುನ ತಂಗಡಿ ವಿಜಯ ಲಕ್ಷ್ಮೀ ಪಂಡಿತ್ ಗ್ ಪುಟ್ಟಿನ ಮೂಜಿ ಪೊಣ್ಣು ಜೋಕುಲೆಡ್ ರಡ್ಡನೆ ಮಗಳ್ ಆದಿತ್ತೆರ್ .

ರಿಚ್ ಲೈಕ್ ಅಸ್ (೧೯೮೫) ಪನ್ಪಿನ ಇಂಗ್ಲಿಷ್ ಕಾದಂಬರಿಗ್ ೧೯೮೬ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿನ್ ಪಡೆಯೆರ್.

ಸುರುತ ಜೀವನ

ಸೆಹಗಲ್ ನ ಅಮ್ಮೆ, ರಂಜಿತ್ ಸೀತಾರಾಮ್ ಪಂಡಿತ್, ಕಥಿಯಾವಾಡೊಡು ಬ್ಯಾರಿಸ್ಟರ್ ಆದಿತ್ತೆರ್.ಪಂಡಿತ್ ಒರಿ ಶಾಸ್ತ್ರೀಯ ವಿದ್ವಾಂಸ ಎಲ್ಲಾ ಆದಿತ್ತೆರ್. ಕಳ್ಹನನ ರಾಜತರಂಗಿಣಿ ಮಹಾಕಾವ್ಯೊನು ಸಂಸ್ಕೃತ ಬಾಸೆಡ್ದ್ ಇಂಗ್ಲೀಷ್‌ಗ್ ತರ್ಜುಮೆ ಮಲ್ತಿನ ಶಾಸ್ತ್ರೀಯ ವಿದ್ವಾಂಸೆರ್ ಪಂಡಿತ್‌ಲಾ ಅಂದ್. ಭಾರತದ ಸ್ವಾತಂತ್ರ್ಯೊಗು ಬೆಂಬಲ ಕೊರ್ದು ಬಂಧಿಯಾದ್ 1944ಡ್ ಲಕ್ನೋ ಜೈಲ್ ಡ್ ತೀರ್ ಪೋಯೆರ್, ಅರೆನ ಬುಡೆದಿ (ವಿಜಯ ಲಕ್ಷ್ಮೀ ಪಂಡಿತ್) ಬೊಕ್ಕ ಅರೆನ ಮೂಜಿ ಪೊಣ್ಣು ಜೋಕುಲು ಚಂದ್ರಲೇಖಾ ಮೆಹ್ತಾ, ನಯನತಾರಾ ಸೆಹಗಲ್ ಬೊಕ್ಕ ರೀಟಾ ದಾರ್ ಅಕುಲೆನ್‌ಬುಡ್ದು ಪೋಯೆರ್. ಸೆಹಗಲ್ ನ ಅಪ್ಪೆ, ವಿಜಯ ಲಕ್ಷ್ಮಿ ಪಂಡಿತ್, ಮೋತಿಲಾಲ್ ನೆಹರುನ ಮಗಳ್ ಬೊಕ್ಕ ಭಾರತದ ಸುರುತ ಪ್ರಧಾನಿ ಜವಾಹರಲಾಲ್ ನೆಹರುನ ಅಕ್ಕ. ವಿಜಯ ಲಕ್ಷ್ಮಿ ಭಾರತದ ಸ್ವಾತಂತ್ರ್ಯ ಹೋರಾಟೊಡು ಕ್ರಿಯಾಶೀಲರಾದಿತ್ತೆರ್, ಈ ಕಾರಣೊಗು ಜೈಲ್ ಗ್ ಪೋಯೆರ್, ಬೊಕ್ಕ ೧೯೪೬ಡ್, ಎಂಸಿಸಿ ಚಗ್ಲಾನೊಟ್ಟುಗು ಪೊಸತನೊಡು ರಚನೆ ಆಯಿನ ಭಾರತೊನು ಪ್ರತಿನಿಧಿಸವುನ ಸುರುತ ತಂಡೊದ ಭಾಗವಾದ್ ಇತ್ತೆರ್. ಭಾರತ ಸ್ವಾತಂತ್ರ್ಯ ಪಡೆಯಿನ ಬುಕ್ಕೊ, ವಿಜಯ ಲಕ್ಷ್ಮಿ ಪಂಡಿತ್ ಭಾರತದ ಸಂವಿಧಾನ ಸಭೆತ ಸದಸ್ಯೆರಾದ್, ಕೆಲವು ಭಾರತೀಯ ರಾಜ್ಯೊಲೆನ ಗವರ್ನರ್ ಆದ್, ಬೊಕ್ಕ ಸೋವಿಯೆತ್ ಒಕ್ಕೂಟ, ಅಮೇರಿಕ ಸಂಯುಕ್ತ ಸಂಸ್ಥಾನ, ಮೆಕ್ಸಿಕೊ, ಐರ್ಲೆಂಡ್ ಡ್ ಸೇಂಟ್ ಜೇಮ್ಸ್ ನ್ಯಾಯಾಲಯ, ಬೊಕ್ಕ ವಿಶ್ವಸಂಸ್ಥೆಡ್ ಭಾರತದ ರಾಯಭಾರಿಯಾದ್ ಸೇವೆ ಸಲ್ಲಿಸಯೆರ್.

ಸೆಹ್ಗಲ್ (ಬಲ) ಫ್ರಿಡಾ ಕಾಹ್ಲೋ (ಮಧ್ಯ) ನೊಟ್ಟುಗು ಮೆಕ್ಸಿಕೊ ನಗರೊಡು (೧೯೪೭)

ಭಾರತೀಯ ಸ್ವಾತಂತ್ರ್ಯ ಹೋರಾಟದ ಅಂತಿಮ ವರ್ಷೊಲೆಡ್ (೧೯೩೫-೪೭) ನೆಹರು ಕುಟುಂಬೊಡು ಇತ್ತಿನ ಗೊಂದಲೊಲೆನ್ ತೂದು, ಸೆಹ್ಗಲ್ ಗ್ ಕೆಲವು ಶಾಲೆಲೆಗ್ ಪೋವೊಡಾಪುಂಡು. ಅಂಚನೆ, 1943ಡ್ ಮಸೂರಿದ ಹಿಮಾಲಯದ ಗುಡ್ಡೆದ ವುಡ್ಸ್ಟಾಕ್ ಶಾಲೆಡ್ದ್ ಪದವಿ ಪಡೆಯೆರ್ ಬೊಕ್ಕ ಅಮೇರಿಕದ ವೆಲ್ಲೆಸ್ಲೆ ಕಾಲೇಜಿಡ್ದ್ (ಬಿ.ಎ., 1947) ಪದವಿ ಪಡೆಯೆರ್. ಅಲ್ಪ ಆರ್ ತನ್ನ ತಂಗಡಿ ಚಂದ್ರಲೇಖನ ಒಟ್ಟುಗು ಅಧ್ಯಯನ ಮಲ್ತೆರ್. ಮಸ್ಸೂರಿಗ್ ಸುತ್ತಮುತ್ತ ಉಪ್ಪುನ ಡೆಹ್ರಾಡೂನ್ ಊರುಡು ದಶಕೊಲೆಡ್ದ್ ವಾಸ ಮಲ್ತೊಂದಿತ್ತೆರ್, ಅಲ್ಪ ಆರ್ ಬೋರ್ಡಿಂಗ್ ಸ್ಕೂಲ್ ಗ್ (ವುಡ್ಸ್ಟಾಕ್ ಡ್) ಪೋಯೆರ್.

ಮದಿಮೆ ಬೊಕ್ಕ ವೃತ್ತಿಜೀವನ

ನವೆಂಬರ್ ೨೦೦೭ಡ್ ದೆಹಲಿಡ್ ನಡತಿನ ಹಾರ್ಪರ್ ಪೆರೆನಿಯಲ್ ನ ಮಿಸ್ಟೇಕನ್ ಐಡೆಂಟಿಟಿದ ಉದ್ಘಾಟನೆಡ್ ನಯಂತರಾ ಸೆಹಗಲ್ ಪಾತೆರೊಂದುಲ್ಲೆರ್.

ಸೆಹಗಲ್ ರಡ್ಡ್ನೆ ಸರ್ತಿ ಮದಿಗೆ ಆಯೆರ್, ಸುರುಕು ಗೌತಮ್ ಸೆಹಗಲ್ ಅಲೆನ್ ಅಯಿರ್ದ್ ಬೊಕ್ಕ ಭಾರತದ ನಾಗರಿಕ ಸೇವಾ ಅಧಿಕಾರಿಯಾಯಿನ ಪಂಜಾಬಿ ಕ್ರಿಶ್ಚಿಯನ್ ಎಡ್ವರ್ಡ್ ನಿರ್ಮಲ್ ಮಂಗತ್ ರಾಯ್ ಅರೆನ್. ನೆಹರು ಕುಟುಂಬದ ಭಾಗವಾದಿತ್ತೆರ್ಂಡಲಾ, ಸೆಹಗಲ್ ತಮ್ಮ ಸ್ವತಂತ್ರ ವಿಮರ್ಶಾತ್ಮಕ ಪ್ರಜ್ಞೆನ್ ಒರಿಪಾವುನೆಟ್ ಪುನರ್ ಪಡೆಯೆರ್ . ೧೯೬೦ ತ ದಶಕದ ಅಂತ್ಯರ್ದ್ ಬೊಕ್ಕ ೧೯೭೦ ತ ದಶಕದ ಉದ್ದಗ್ಲಾ ಆರ್ನ ಸೋದರಸಂಬಂಧಿ ಇಂದಿರಾ ಗಾಂಧಿ ಅಧಿಕಾರ ವಹಿಸಿಸೊಂದಿನ ಸಮಯಡ್ ಮೊಕುಲೆನ ನಡುಟು ಭಿನ್ನಾಭಿಪ್ರಾಯ ಬತ್ತ್ ಂಡ್. ಅಧಿಕಾರಗ್ ಪೋಯಿನ ಕೆಲವೇ ದಿನಟ್ ಗಾಂಧಿ ಸೆಹಗಲ್ನ ಇಟಲಿದ ಭಾರತದ ರಾಯಭಾರಿ ನೇಮಕಾತಿನ್ ದೆತ್ತ್ ಪಾಡಿಯೆರ್. ೧೯೮೨ ಡ್ ಸೆಹಗಲ್ "ಇಂದಿರಾ ಗಾಂಧಿ: ಹರ್ ರೋಡ್ ಟು ಪವರ್" ಪನ್ಪುನ ಪುಸ್ತಕನ್ ಬರೆಯೆರ್, ಉಂದು ಗಾಂಧಿನ ಅಧಿಕಾರದ ಏರಿಕೆದ ಬಗ್ಗೆ ಕಟುವಾಯಿನ, ಒಳನೋಟ ಇತ್ತ್ನ ಪುಸ್ತಕ. ಸ್ತ್ರೀವಾದ, ಮೂಲಭೂತವಾದ ಬೊಕ್ಕ ವರ್ಣಭೇದ ನೀತಿದ ವಿಷಯೊಲೆಡ್ ಬರವುದಾರ್ತಿ ಬೊಕ್ಕ ಪತ್ರಕರ್ತೆ, ಪ್ರಶಸ್ತಿ ವಿಜೇತೆ ಸಾಕ್ಷ್ಯಚಿತ್ರ ನಿರ್ದೇಶಕಿ ಬೊಕ್ಕ ಮಾನವ ಹಕ್ಕುಲೆನ ಕಾರ್ಯಕರ್ತೆ ಗೀತಾ ಸೆಹಗಲ್, ನಯನತಾರಾ ಸೆಹಗಲ್ ನ ಮಗಳ್.

ಬುದ್ಧಿಜೀವಿಲು ಗೋವಿಂದ್ ಪನ್ಸಾರೆ, ನರೇಂದ್ರ ದಾಭೋಲ್ಕರ್ ಬೊಕ್ಕ ಎಂಎಂ ಕಲ್ಬುರ್ಗಿನ್ ಕೆರ್ನ ಬೊಕ್ಕ ದದ್ರಿ ಜನಸಮೂಹ ಲಿಂಚಿಂಗ್ ಘಟನೆದ ನಡುಟು, ಸಹಗಲ್ "ದೇಶೊಡು ಬೆಳೆಯೊಂದು ಬರ್ಪಿನ ಅಸಹಿಷ್ಣುತೆ ಬೊಕ್ಕ ಭಿನ್ನಾಭಿಪ್ರಾಯೊದ ಹಕ್ಕ್ ನ್ ಬೆಂಬಲಿಸವುನ" ಪುದರ್ಡ್ 6 ಅಕ್ಟೋಬರ್ 2015 ಗ್ ತನ್ನ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿನ್ ವಾಪಸ್ ಕೊರ್ತೆರ್. ಉಂದೆಕ್, 2017ಡ್ ಯುನೈಟೆಡ್ ನೇಷನ್ಸ್ ಹೈ ಕಮಿಷನರ್ ಫಾರ್ ಕಲ್ಚರಲ್ ರೈಟ್ಸ್ ಕರಿಮಾ ಬೆನ್ನೌನ್ ಮೆಚ್ಚಿಯೆರ್. ಸೆಪ್ಟೆಂಬರ್ ೨೦೧೮ಡ್, ಆರ್ ಪೆನ್ ಇಂಟರ್ನ್ಯಾಷನಲ್ ದ ಉಪಾಧ್ಯಕ್ಷೆರಾದ್ ಆಯ್ಕೆ ಆಯೆರ್.

ಗ್ರಂಥಸೂಚಿ

• ಪ್ರಿಸನ್ ಆಂಡ್ ಚಾಕಲೇಟ್ ಕೇಕ್ (೧೯೫೪)
• ಅ ಟೈಮ್ ಟು ಬಿ ಹ್ಯಾಪಿ (ಕಾದಂಬರಿ; ೧೯೫೮)
• ಫ್ರಮ್ ಫಿಯರ್ ಸೆಟ್ ಫ್ರೀ (ಸ್ಮರಣೆ; ೧೯೬೩)
• ದಿಸ್ ಟೈಮ್ ಆಫ್ ಮಾರ್ನಿಂಗ್ (ಕಾದಂಬರಿ; ೧೯೬೫)
• ಸ್ಟಾರ್ಮ್ ಇನ್ ಚಂಡೀಗಢ್ (ಕಾದಂಬರಿ; ೧೯೬೯)
• ದ ಫ್ರೀಡಮ್ ಮುಮೆಂಟ್ ಇನ್ ಇಂಡಿಯಾ (೧೯೭೦)
• ಸನ್‌ಲೈಟ್ ಸರೌಂಡ್ಸ್ ಯು (ಕಾದಂಬರಿ; ೧೯೭೦) (ಚಂದ್ರಲೇಖಾ ಮೆಹ್ತಾ ಮತ್ತು ರೀಟಾ ದಾರ್ ಅವರೊಂದಿಗೆ ಅಂದರೆ ಅವರ ಇಬ್ಬರು ಸಹೋದರಿಯರು ಒಂದಾಗಿ ಬರೆದದ್ದು. ಇದು ಹೆಣ್ಣುಮಕ್ಕಳು ತಮ್ಮ ತಾಯಿಗೆ ಸಲ್ಲಿಸಿದ ಗೌರವ)
• ದಿ ಡೇ ಇನ್ ಶ್ಯಾಡೋ (ಕಾದಂಬರಿ; ೧೯೭೧)
• ಎ ವಾಯ್ಸ್ ಫಾರ್ ಫ್ರೀಡಂ (೧೯೭೭)
• ಇಂದಿರಾ ಗಾಂಧಿ ಸ್ ಎಮರ್ಜೆನ್ಸ್ ಆಂಡ್ ಸ್ಟೈಲ್ (೧೯೭೮)
• ಇಂದಿರಾ ಗಾಂಧಿ: ಹರ್ ರೋಡ್ ಟು ಪವರ್ (ಕಾದಂಬರಿ; ೧೯೮೨)
• ಪ್ಲಾನ್ಸ್ ಫಾರ್ ಡಿಪರ್ಚರ್ (ಕಾದಂಬರಿ; ೧೯೮೫)
• ರಿಚ್ ಲೈಕ್ ಅಸ್ (ಕಾದಂಬರಿ; ೧೯೮೫)
• ಮಿಸ್ಟೇಕನ್ ಐಡೆಂಟಿಟಿ (ಕಾದಂಬರಿ; ೧೯೮೮)
• ಎ ಸಿಚುಯೇಷನ್ ಇನ್ ನವದೆಹಲಿ (ಕಾದಂಬರಿ; ೧೯೮೯)
• ಪಾಯಿಂಟ್ ಆಫ್ ವ್ಯೂ: ಅ ಪರ್ಸನಲ್ ರೆಸ್ಪೋನ್ಸ್ ಟು ಲೈಫ್, ಲಿಟರೇಚರ್ ಆಂಡ್ ಪಾಲಿಟಿಕ್ಸ್ (೧೯೭೭)
• ಲೆಸ್ಸರ್ ಬ್ರೀಡ್ಸ್ (ಕಾದಂಬರಿ; ೨೦೦೩)
• ರಿಲೇಷನ್‌ಶಿಪ್ (ನಯನತಾರಾ ಸೆಹಗಲ್ ಮತ್ತು ಇ.ಎನ್.ಮಂಗತ್ ರಾಯ್ ನಡುವೆ ವಿನಿಮಯವಾದ ಪತ್ರಗಳ ಸಂಗ್ರಹ; ೧೯೯೪)
• ಬಿಫೋರ್ ಫ್ರೀಡಮ್: ನೆಹರು'ಸ್ ಲೆಟರ್ ಟು ಹಿಸ್ ಸಿಸ್ಟರ್ ೧೯೦೯-೧೯೪೭ (ನಯನತಾರಾ ಸೆಹಗಲ್ ಸಂಪಾದಿಸಿದ್ದಾರೆ)
• ವೆನ್ ದ ಮೂನ್ ಶೈನ್ಸ್ ಬೈ ಡೇ(ಕಾದಂಬರಿ, ೨೦೧೭)
• ದ ಫೇಟ್ ಆಫ್ ಬಟರ್‌ಫ್ಲೈ (ಕಾದಂಬರಿ; ೨೦೧೯)