ನಿರಂಜನೆರ್

ವಿಕಿಪೀಡಿಯರ್ದ್
Jump to navigation Jump to search
ನಿರಂಜನ

ನಿರಂಜನೆರ್ (೧೯೨೪-೧೯೯೨) ಒರಿ ಬರಹಗಾರೆ ಅತ್ತಂದೆ ಸ್ವಾತಂತ್ರ್ಯ ಹೋರಾಟಗಾರೆಯಾದಿತ್ತೆರ್. ಅರೆನ ನಿಜ ಪುದರ್ ಕುಳಕುಂದ ಶಿವರಾಯ. ಮೆರ್ ೨೦ನೇ ಶತಮಾನದ ಪ್ರಮುಖ ಲೇಖಕ ಬೊಕ್ಕ ಪ್ರಗತಿಪರ ಚಳವಳಿದ ಮುಂದಾಳು. ಗಾಂಧೀಜಿ, ಕಾರ್ಲ ಮಾರ್ಕ್ಸ ,ವ್ಲಾಡಿಮಿರ್ ಲೆನಿನ್ ರೆನ ವಿಚಾರಧಾರೆಲೆಡ್ದ್ ಪ್ರಭಾವಿತೆರಾಯಿನರ್. ನಿರಂಜನೆರ್ ಸುಮಾರು ಐನ್ ದಶಕ ಕಾಲ ಸಮೃದ್ಧವಾಯಿನ ಸಾಹಿತ್ಯ ಕೃಷಿ ಮಲ್ತಿನಾರ್.ಮೆರೆನ ಬರವಣಿಗೆ ಕೃತಿ, ಕಾದಂಬರಿ,ಕಿನ್ಯ ಕಥೆಕುಲು, ನಾಟಕೊಲು, ಜೀವನ ಕಥನೊಲು, ರಾಜಕೀಯ ವ್ಯಾಖ್ಯಾನೊಲು ಬೊಕ್ಕ ಭಾಷಾಂತರೊಲು ಮಾತ ಉಂಡು . ಅರ್ ಕನ್ನಡ ವಾರ್ತಾಪತ್ರಿಕೆ ಬೊಕ್ಕ ನಿಯತಕಾಲಿಕೆಲೆಡ್ ನಿಯತ ಅಂಕಣಕಾರರಾದಿತ್ತೆರ್. ಅರೆನ ಸಾಧನೆಡ್ ಜವ್ವನೆರೆಗಾತ್ರ ೭ ಸಂಪುಟಲೆನ ಜ್ಞಾನ ಗಂಗೋತ್ರಿ ಪಂಡ ಜೋಕುಲೆನ ವಿಶ್ವಕೋಶ ಅಂಚನೆ ಪ್ರಪಂಚದ ಮಹತ್ತರವಾಯಿನ ವಿಶ್ವಕಥಾಕೋಶದ ೨೫ ಸಂಪುಟೊಲು ಸೇರ್ದ್ಂಡ್

ಜೀವನ[ಸಂಪೊಲಿಪುಲೆ]

ನಿರಂಜನೆರ್ ದ.ಕ. ಜಿಲ್ಲೆಯದ ಕುಕ್ಕೆ ಸುಬ್ರಹ್ಮಣ್ಯದ ಮುಟ್ಟದ ಊರು ಕುಳಕುಂದೊಡು (೧೫ನೇ ಜೂನ್ ೧೯೨೪) ಪೂಟ್ಟಿಯೆರ್ .ಅಪ್ಪೆನ ಪುದರ್ ಚೆನ್ನಮ್ಮ. ಸುಳ್ಯೊದ ಪ್ರಾಥಮಿಕ, ಮಾಧ್ಯಮಿಕ ಶಾಲೆಲೆಡ್ ಓದ್‌ದ್. ನೀಲೇಶ್ವರೊಡು ಪ್ರೌಢಶಾಲಾ ವಿದ್ಯಾಭ್ಯಾಸ ಮಲ್ತೆರ್. ಖ್ಯಾತ ವೈದ್ಯೆ, ಲೇಖಕಿಯಾದಿತ್ತಿನ ಅನುಪಮಾ ನಿರಂಜನೆರೆನೊಟ್ಟುಗು ೦೫-೦೨-೧೯೫೬ ಡ್ ಸಜ್ಜನರಾವ್ ಕಲ್ಯಾಣ ಮಂಟಪ, ವಿಶ್ವೇಶ್ವರಪುರ, ಬೆಂಗಳೂರುಡು ಮದಿಮೆಯಾಪುಂಡು . ಅನುಪಮಾ ನಿರಂಜನೆರೆಗ್ ಸೀಮಂತಿನಿ ಬೊಕ್ಕ ತೇಜಸ್ವಿನಿ -ಪನ್ಪಿ ರಡ್ದ್ ಜೋಕುಲು ರಡ್ದ್ ಜನೊಲ ಲೇಖಕೆರ್. ನಿರಂಜನರ್ ಪತ್ತ್ ವರ್ಷ ಪ್ರಾಯದಾರಾದಿಪ್ಪುನಗ ಸುಳ್ಯೊಡು ಗಾಂಧೀಜಿನ ದರ್ಶನ ಆಯಿನ ಜೀವನ ಪರಿವರ್ತನೆಗ್ ಕಾರಣವಾಂಡ್.ಅವೆಡ್ದ್ ಬೊಕ್ಕ ಪುತ್ತೂರುಡು ನೆಹರುನ ಭಾಷಣದಿಂದ ಕೇನ್ದ್ ಸ್ವಾತಂತ್ರ್ಯದ ಪೊರಂಬಾಟೊಗು ಉಮೇದ್ ಮಲ್ತೆರ್<refhttps://yourstory.com/kannada/1402509c8b-how-certain-do-you-know-about-the-writer-niranjan-ll-></ref>.

ಪತ್ರಿಕೆದ ಬೇಲೆ[ಸಂಪೊಲಿಪುಲೆ]

ಇಡಿಯ ಲೋಕದ ರಾಜಕೀಯ, ಸಾಮಾಜಿಕ ಕ್ಷೇತ್ರೊಡು, ಪುಸ್ತಕ-ಪತ್ರಿಕಾ ಪ್ರಪಂಚೊಡು, ಸುದ್ದಿದ ವಿಸ್ವೊಡು ನಡತಿನ ಬೇತೆ ಬೇತೆ ಸಂಗತಿಲೆನ್, ವರದಿಲೆನ್ ತನ್ನ ವಿಷೇಶ ದೃಷ್ಟಿಕೋನೊಡು ವಿಮರ್ಶೆ ಮಲ್ಪುನೆಡ್, ನಿರಂಜನೆರ್ ಭಾರಿ ಬಿರ್ಸೆ . ತನ್ನ ಕಲ್ಪನೆದ ಪ್ರೇಯಸಿ ಸಾಧನಾಗ್ ಜನಪ್ರಗತಿದ ಮುಖಾಂತರ ಕಡಪಾದ್ ಕೊರ್ನ ಮೇಘ ಸಂದೇಶೊಡ್ದು ಆರ್ಸದಿನ ಸಂಗ್ರಹ ಪುಸ್ತಕ ಆಂಡ್. ಒವ್ವೆ ಕ್ಷೇತ್ರೊಡು ಅನ್ಯಾಯವಾದಿತ್ತಿನ ವರದಿಲು ತೋಜಿದ್ ಬತ್ತ್ಂಡ, ಅಯಿತ ಬೆರಿತಾಗ್‍ದ್ ಮೂಲೊನ್ ಶೋಧನೆ ಮಲ್ತ್‌ದ್, ವ್ಯಥೆತ ಕತೆತ ಚಿತ್ರಣ ಕೊರ್ಪುನೆಟ್ ನಿರಂಜನೆರ್ ಬಿರ್ಸೆ. ಕುತೂಹಲಕರ, ಕೋಲಾಹಲಕರವಾಯಿನ ಪ್ರಸಂಗೊಲೆನ್ ಭಾರಿ ಪೊರ್ಲುಡೆ ವರ್ಣನೆ ಮಲ್ತ್‌ದ್ ಬರೆವೊಂದಿತ್ತೆರ್ ಓದುನಕುಲೆಗ್ ಭಾರಿ ಖುಷಿ .

  • ೧೯೪೨ಡ್ದ್ ಮೂಜಿ ವರ್ಷ ರಾಷ್ಟ್ರಬಂಧು ಪತ್ರಿಕೆಡ್ ಲೇಖನೊಲೆನ್ ಬರೆವೊಂದಿತ್ತೆರ್
  • ಬಸವರಾಜ ಕಟ್ಟೀಮನಿ ಉಷಾ ಪತ್ರಿಕೆದ ಸಂಪಾದಕೆರಾದಿತ್ತೆರ್ ಅಯಿಕ್‌ಲ ನಿರಂಜನೆರ್ ಲೇಖನೊಲು ಬರೆವೊಂದಿತ್ತೆರ್
  • ಕರ್ಮವೀರ ವಾರಪತ್ರಿಕೆಗೆ ರಾಜಧಾನಿಡ್ಡ್ ಅಂಕಣ ಬರೆವೊಂದಿತ್ತೆರ್
  • ಪ್ರಜಾಮತ ಪತ್ರಿಕೆಡ್ ಸಹಾಯಕ ಸಂಪಾದಕರಾದ್ ಕೆಲವು ಕಾಲ ಬೇಲೆ ಮಲ್ತೆರ್
  • ಕಮ್ಯೂನಿಸ್ಟ್ ಪಕ್ಷದ ಜನಶಕ್ತಿದ ಸಂಪಾದಕರಾದ್ ಬೇಲೆ ಮಲ್ತೆರ್..

ಕೃತಿಕುಲು[ಸಂಪೊಲಿಪುಲೆ]

ಕಾದಂಬರಿಲು[ಸಂಪೊಲಿಪುಲೆ]

  • ವಿಮೋಚನೆ (1953)
  • ಬನಶಂಕರಿ (1954)
  • ಅಭಯ (1954)
  • ದೂರದ ನಕ್ಷತ್ರ (1954)
  • ರಂಗಮ್ಮನ ವಠಾರ (1954)
  • ಸೌಭಾಗ್ಯ (1954)
  • ಪಾಲಿಗೆ ಬಂದ ಪಂಚಾಮೃತ (1955)
  • ಚಿರಸ್ಮರಣೆ (1955)
  • ಏಕಾಂಗಿನಿ (1955)
  • ಕೊನೇ ನಮಸ್ಕಾರ (1955)
  • ಮಿಣುಕುಹುಳ (1956)
  • ವಿಲಾಸಿನಿ (1956)
  • ಕಲ್ಯಾಣಸ್ವಾಮಿ (1956)
  • ದೀಕ್ಷೆ (1956)
  • ನವೋದಯ (1956)
  • ಅಂಜನ (1957)
  • ಟೀಪೂ (ಐದು ಭಾಗಗಳಲ್ಲಿ)
  • ತೊಟ್ಟಿಲು ತೂಗದ ಕೈ
  • ಹೆಣ್ಣಾಗಿ ಕಾಡಿತ್ತು ಮಾಯೆ (1962)
  • ಸ್ಮರಣೆಯೊಂದೇ ಸಾಲದೇ (1971)
  • ಬಂಗಾರದ ಜಿಂಕೆ (1963)
  • ಸ್ವಾಮಿ ಅಪರಾಂಬರ (1967)
  • ಮೃತ್ಯುಂಜಯ (1976)


ಕಥಾ ಸಂಕಲನೊಲು[ಸಂಪೊಲಿಪುಲೆ]

  • ಸಂಧಿಕಾಲ (1947)
  • ರಕ್ತ ಸರೋವರ (1947)
  • ಅನ್ನಪೂರ್ಣಾ (1952)
  • ಕೊನೆಯ ಗಿರಾಕಿ (1953)
  • ಕಾತ್ಯಾಯಿನಿ (1957)
  • ನಾಸ್ತಿಕ ಕೊಟ್ಟ ದೇವರು.

ಪತ್ರ ಸಂಕಲನ[ಸಂಪೊಲಿಪುಲೆ]

  • ಸಾಧನಾ (1953)
  • ಪುಷ್ಪಹಾರ (1957)

ಲೇಖನ ಸಂಕಲೊನೊಲು[ಸಂಪೊಲಿಪುಲೆ]

  • ಐದು ನಿಮಿಷ (1953)
  • ಕಾಲಕ್ಷೇಪ (1957)

ಭಾಷಾಂತರ[ಸಂಪೊಲಿಪುಲೆ]

  • ತಾಯಿ
  • ನೀತಿಕತೆಗಳು
  • ನನ್ನ ಬಾಲ್ಯ
  • ಮದುವಣಗಿತ್ತಿ
  • ಅಧ:ಪತನ

ಅಂಕಣ ಬರಹಹೊಲು[ಸಂಪೊಲಿಪುಲೆ]

  • ಐದು ನಿಮಿಷ
  • ಕಾಲಕ್ಷೇಪ
  • ಸಾಧನಾ
  • ಪುಷ್ಪಹಾರ

ಇಂಚ ಇರ್ವತೈನ್ ಕಾದಂಬರಿಲೆನ್ ಬರೆತೆರ್. ೧೧ ಕಥಾಸಂಕಲನೊಲು. ಜೀವನ ವೃತ್ತೊಲು ರಡ್ಡ್. ಉಂದು ಮಾತ್ರ ಅತ್ತಂದೆ, ವ್ಯಕ್ತಿ ಚಿತ್ರ ಸಂಕಲನೊಲು, ರಾಜಕೀಯ ಲೇಖನೊಲು,ಭಾಷಾಂತರೊಲು, ಸಂಪಾದನೆ ಮಲ್ತಿನ ಕೃತಿಕುಲು .....ಇಂಚ ಮಸ್ತ್ ಬರೆತೆರ್. ಬೇತೆ ಬೆತೆ ಭಾಷೆಲೆಗ್ ಅನುವಾದ ಆಯಿನ 'ಚಿರಸ್ಮರಣೆ' ಕಾದಂಬರಿ ಕರ್ನಾಟಕ- ಕೇರಳ ಗಡಿ ಪ್ರದೇಶದ ಕಯ್ಯೂರಿಡ್ ನಡತಿನ ರೈತ ಚಳವಳಿ ಕಡೆಕ್ ಅಪ್ಪು, ಚಿರಕುಂಡ, ಅಬುಬಕರ್‌, ಕುಂಞಂಬು ಮುಕುಲೆನ್ ಗಲ್ಲಿಗ್ ಏರ್ಸಪಿನಾಡೆ ಮುಗಿಪುಂಡು[೧]. ರಂಗಮ್ಮನ ವಠಾರ "ವಠಾರ ಜೀವನಪಂಡ ‘ಗಟಾರ’ ಜೀವನ ಅತ್ತ್" ಪನ್ಪಿನೆನ್ ತೋಜಾಪಿನ ಕೃತಿ ೨೭೪ ಪುಟೊಕುಲೆನ ಕೈ ಬೂಕು. ಬೆಂಗಳೂರುದಂಚಿನ ನಗರ ಪ್ರದೇಶೊಡು, ಮಧ್ಯಮ ವರ್ಗದ ಜನೊಕುಲು ಆಶ್ರಯೊಗಾತ್ರ ‘ಕಡಿಮೆ’ ಬಾಡಿಗೆದ ವಠಾರೊಡು ನೆಲೆಯಾದ್ ಎಂಚಿನ ಮಾತ ಕಷ್ಟೊಲೆನ್ ನಿಂಗ್‌ದ್ ಜೀವನ ಮಲ್ಪುವೆರ್ ಪನ್ಪಿನೆನ್ ನಿರಂಜನೆರ್ ಭಾರಿ ಪೊರ್ಲುಡೆ ವಿವರಿಸದೆರ್. ಇಂತಹ ದುರ್ಭರ ಸ್ಥಿತಿಡ್‌ಲ ಜೀವನದ ಬೇಜಾರ್‌ನ್ ಮರತ್‌ದ್ ತಮ್ಮ ಪಿರ್ತಿದ ಬಾಳ್ವೆಡ್, ವಿನೋದ ರಸಿಕತೆಡ್ ವಾತಾವರಣಣೊನು ಉಂಡು ಮಲ್ಪೊಲಿ ಪನ್ಪುನೆಕ್ ಎಡ್ಡೆ ನಿದರ್ಶನವಾದ್ ತೊಜ್ಪಾದೆರ್[೨].

ಪ್ರಶಸ್ತಿ[ಸಂಪೊಲಿಪುಲೆ]

  • ಸೋವಿಯತ್‍ಲ್ಯಾಂಡ್ ನೆಹರೂ ಪ್ರಶಸ್ತಿ.ಅವತ್ತಂದೆ ನಿರಂಜನೆರೆಗ್ ಕನ್ನಡ ಸಾಹಿತ್ಯದ ಮಸ್ತ್ ಪ್ರಶಸ್ತಿಲು, ಫಲಕ ಬೊಕ್ಕ ಮನಾದಿಗೆಲು ತಿಕ್ಕ್ಂಡ್ . ರಾಜ್ಯ ಸರ್ಕಾರ ಅರೆನ ಬಗ್ಗೆ ಗೊಡವೆ ಮಲ್ತಿಜ್ಜಿಂಡಲ ಪುತ್ತೂರುದ ವಿವೇಕಾನಂದ ಕಾಲೇಜಿದ ಡಾ. ಶಿವರಾಮ ಕಾರಂತ ಅಧ್ಯಯನ ಪೀಠ ಕರಿನ 13 ವರ್ಷೊಡ್ದಿಂಚಿ ನಿರಂಜನೆರೆ ಪುದರ್‌ಡ್ ಸಾಹಿತ್ಯ ಪ್ರಶಸ್ತಿ ಕೊರೊಂದುಂಡು ಅಂಚನೆ ವಿಶೇಷ ಉಪನ್ಯಾಸೊಲೆನ್ ಆಯೋಜನೆ ಮಲ್ತೊಂದುಂಡು. ಸಾಹಿತ್ಯ ಪ್ರಪಂಚೊಡು ನಿರಂಜನೆರೆನಂಚಿನ ಬರಹಗಾರೆರೆಗ್ ತಿಕ್ಕೊಡಾಯಿನಂಚಿನ ಮಾನಾದಿಗೆದ ಮಣೆ ತಿಕ್ಕಂದೆ ಉಪ್ಪುನವು ದೌರ್ಭಾಗ್ಯ.

ಉಲ್ಲೇಕೊ[ಸಂಪೊಲಿಪುಲೆ]