ನಿಶಾ ಮಿಲೆಟ್
| Personal information | |
|---|---|
| National team |  ಭಾರತ |
| Born | 20 March 1982 |
| Sport | |
| Sport | Swimming |
| Strokes | ಫ್ರೀಸ್ಟೈಲ್, ಬ್ಯಾಕ್ಸ್ಟ್ರೋಕ್ |
ನಿಶಾ ಮಿಲ್ಲೆಟ್ (ಪುಟ್ಟಿನೆ ೨೦ ಮಾರ್ಚ್ ೧೯೮೨ಟ್) ಭಾರತದ ಕರ್ನಾಟಕದ ಬೆಂಗ್ಳೂರುದ ಒರ್ತಿ ಮೀಂದುನಾರ್. ನಿಶಾ ಮಿಲ್ಲೆಟ್ ಒರ್ತಿ ಅರ್ಜುನ ಪ್ರಶಸ್ತಿ ವಿಜೇತೆರ್ ಬೊಕ್ಕ 2000ನೇ ಇಸವಿಡ್ ಸಿಡ್ನಿ ಒಲಿಂಪಿಕ್ಸ್ ಈಜು ತಂಡೊಡು ಪಾಲ್ ಪಡೆಯಿನ ಒರ್ತಿಯೇ. ಪೊಣ್ಣು.[೧]
ಕೆಲಸ
[ಸಂಪೊಲಿಪುಲೆ]ನಿಶಾಗ್ ಐನ್ ವರ್ಸೊದ ಪ್ರಾಯೊಡು ಮುರ್ಕುದು ಪೋಪಿನ ಅನುಭವ ಆದಿತ್ತ್ಂಡ್. ನೀರ್ದ ಪೋಡಿಗೆನ್ ಎದುರಿಸಾವುನ ನಿಟ್ಟಿಡ್ ಅಲೆನ ಅಮ್ಮೆರ್ ಅಲೆನ್ ಮೀಂದೆರೆ ಕಲ್ಪೆರೆ ಪ್ರೋತ್ಸಾಹಿಸಯೆರ್. ಅಮ್ಮೆ ಒರಿಯನನೆ ಮಾರ್ಗದರ್ಶನೊಡು, ನಿಶಾ 1991ಡ್ ಚೆನ್ನೈಡ್ ಶೆಣೈ ನಗರ ಕ್ಲಬ್ ಡ್ ಮೀಂದೆರೆ ಕಲ್ಪುನಗ 1992ಡ್ ಚೆನ್ನೈಡ್ ನಡತಿನ ರಾಜ್ಯ ಮಟ್ಟೊದ 50 ಮೀಟರ್ ಫ್ರೀಸ್ಟೈಲ್ ಡ್ ಸುರುತ ಬಹುಮಾನೊನು ಗೆಂದಿಯೆರ್.
೧೯೯೪ಡ್, ನನಲಾ ಒಂಜಿ ಸಬ್-ಜೂನಿಯರ್ ಆದ್ ಉಪ್ಪುನಗ, ರಾಷ್ಟ್ರೀಯ ಹಿರಿಯ ಮಟ್ಟದ ಸ್ಪರ್ಧೆಡ್ ಐನ್ ಫ್ರೀಸ್ಟೈಲ್ ಸ್ಪರ್ಧೆಲೆಡ್ ಚಿನ್ನದ ಪದಕೊಲೆನ್ ಗೆಂದಿಯೆರ್. ಅವೇ ವರ್ಷ, ಹಾಂಗ್ ಕಾಂಗ್ ಏಜ್ ಗ್ರೂಪ್ ಚಾಂಪಿಯನ್ ಶಿಪ್ ಡ್ ಸುರುತ ಸರ್ತಿ ಅಂತರರಾಷ್ಟ್ರೀಯ ಮಟ್ಟೊದ ಸ್ಪರ್ಧೆಡ್ ಭಾಗವಹಿಸಾದ್ ಬೊಕ್ಕ ಒಂಜಿ ಪದಕೊನುಲಾ ಗೆಂದಿಯೆರ್. ಅಲ್ಪಡ್ದ್, ಬೊಕ್ಕ ಮೀಂದುನವು ನಿಶಾನ ವೃತ್ತಿ ಜೀವನ ಆಂಡ್.
ಆರ್ ೧೯೯೮ ಏಷ್ಯನ್ ಗೇಮ್ಸ್ (ಥೈಲ್ಯಾಂಡ್) ಬೊಕ್ಕ ವಿಶ್ವ ಚಾಂಪಿಯನ್ ಶಿಪ್ (ಪರ್ತ್ ೧೯೯೯, ಇಂಡಿಯಾನಾಪೊಲಿಸ್ ೨೦೦೪) ಡ್ ಭಾರತೊನು ಪ್ರತಿನಿಧಿಸಯೆರ್.ಅವ್ವತ್ತಂದೆ ಆಫ್ರೋ-ಏಷ್ಯನ್ ಗೇಮ್ಸ್ ಬೊಕ್ಕ ಎಸ್.ಎ.ಎಫ್ ಗೇಮ್ಸ್ ಡ್ ದೇಶೊಗು ಪದಕೊಲೆನ್ ಲಾ ಗೆಂದಿಯೆರ್. 1999 ರಾಷ್ಟ್ರೀಯ ಕ್ರೀಡಾಕೂಟೊಡು 14 ಪದಕೊಲೆನ್ ಗೆಂದಿನ ಒಂಜೇ ಒಂಜಿ ಅಥ್ಲೀಟ್ ನಿಶಾ. 2000 ಸಿಡ್ನಿ ಒಲಿಂಪಿಕ್ಸ್ ಡ್ 200 ಮೀಟರ್ ಫ್ರೀಸ್ಟೈಲ್ ಹೀಟ್ ಡ್ ಸೆಮಿಫೈನಲ್ಸ್ ಗ್ ಅರ್ಹತೆ ಪಡೆಯೆರೆ ಸಾಧ್ಅಯ ಅತಿಜಿ ಉಂದು ಅರೆನ ವೃತ್ತಿಜೀವನದ ಮುಖ್ಯ ಘಟನೆ. ೨೦೦೨ಡ್ ಮಲ್ತಿನ ಶಸ್ತ್ರಚಿಕಿತ್ಸೆದ ಪರಿಣಾಮ ಬೊಕ್ಕ ಆರ್ಥಿಕ ಸಮಸ್ಯೆಲೆಡ್ದ್ ಆರ್ ೨೦೦೪ ಒಲಿಂಪಿಕ್ಸ್ ಡ್ ಪಾಲ್ ಪಡೆಯೆರೆ ಸಾಧ್ಯ ಆಯಿಜಿ.
ತನ್ನ ಯಶಸ್ಸುಗು ಮಸ್ತ್ ಕೊಡುಗೆ ಕೊರ್ತಿನ ಬಸವನಗುಡಿ ಜಲಚರ ಕೇಂದ್ರೊಗು ಆರ್ ಶ್ರೇಯೊನು ಕೊರ್ಪೆರ್.
ನಿಶಾ 2015 ಮುಟ್ಟ ಸತತ ಪದಿನೈನ್ ವರ್ಸೊಗು 200 ಮೀ ಬೊಕ್ಕ 400 ಮೀ ಫ್ರೀಸ್ಟೈಲ್ ಡ್ ದಾಖಲೆನ್ ಮಲ್ತೆರ್. ಒಂಜಿ ನಿಮಿಷೊಡ್ದ್ ಕಮ್ಮಿ ಸಮಯೊಡು 100 ಮೀ ಫ್ರೀಸ್ಟೈಲ್ ನ್ ಮುಗಿತ್ ದ್ ದಾಖಲೆನ್ ಮಲ್ತೆರ್.
ಪ್ರಶಸ್ತಿಲು
[ಸಂಪೊಲಿಪುಲೆ]- ಪ್ರಧಾನಿ ಪ್ರಶಸ್ತಿ - ರಾಷ್ಟ್ರೀಯ ಕ್ರೀಡಾಕೂಟದ ಅತ್ಯುತ್ತಮ ಆಟಗಾರ್ತಿ ೧೯೯೭ ಬೊಕ್ಕ ೧೯೯೯
- ಒರ್ತಿ ಪೊಣ್ಣು ಅಥ್ಲೀಟ್ ಗೆಂದಿನ ಅತಿ ಜಾಸ್ತಿ ಬಂಗಾರ್ದ ಪದಕೊಲು (14) - ಮಣಿಪುರ ರಾಷ್ಟ್ರೀಯ ಕ್ರೀಡಾಕೂಟ 1999
- ಅರ್ಜುನ ಪ್ರಶಸ್ತಿ -೨೦೦೦
- ರಾಜ್ಯೋತ್ಸವ ಪ್ರಶಸ್ತಿ- ೨೦೦೧
- ಕರುನಾಡ ರಾಜ್ಯ ಏಕಲವ್ಯ ಪ್ರಶಸ್ತಿ -2002
- ಆಫ್ರೋ-ಏಷ್ಯನ್ ಗೇಮ್ಸ್ ೨೦೦೩ - ಮಹಿಳಾ ಬೆನ್ನಿ ಸ್ಟ್ರೋಕ್ ಡ್ ಬೊಳ್ಳಿ ಪದಕ
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Ugra, Sharda (2005-07-04). "Nisha Millet: The face of Indian swimming, national champ and Olympian". India Today (in ಇಂಗ್ಲಿಷ್). Retrieved 2026-02-09.https://www.indiatoday.in/magazine/sport/story/20050704-nisha-millet-the-face-of-indian-swimming-national-champ-and-olympian-788033-2005-07-03