ನೀರುಳ್ಳಿ ಬಜೆ
 ನೀರುಳ್ಳಿ ಬಜೆ | |
| ಬೇತೆ ಪುದರ್ | ನೀರುಳ್ಳಿ ಬಜೆ |
|---|---|
| ಬಗೆ | ತಿಂಡಿ |
| ಮೂಲದ ಜಾಗೆ | ಭಾರತ |
| ಪ್ರದೇಸೊ | ಕುಡ್ಲ,ಉಡುಪಿ |
| ಬೊಡಾಯಿನ ಸಾಮಾನ್ | ನೀರುಳ್ಳಿ |
ನೀರುಳ್ಳಿ ಬಜೆ, ಉಂದು ನೀರುಳ್ಳಿ ನ್ ಗಲಸ್ ದ್ ಮಲ್ಪಿನ ಒಂಜಿ ಬಗೆತ್ತ ತಿಂಡಿ. ನೀರುಳ್ಳಿ ನ್ ಕಡ್ಲೆಹಿಟ್ಟ್ ಡ್ ಕಲತ್ತ್ ದ್ ಎಣ್ಣೆಡ್ ಕೈತ್ ದ್ ನೀರುಳ್ಳಿಬಜೆ ಮಲ್ಪುವೆರ್. ತಿನರೆ ರುಚಿಯಾದಿಪ್ಪುಂಡು. ಅವತ್ತಂದೇ ಎಣ್ಣೆಡ್ ಕೈತಿನ ತಿಂಡಿ ಬೆಚ್ಚ ಬೆಚ್ಚ ಚಾ-ಕಾಪಿ ದೊಟ್ಟುಗು ತಿನರೆ ಬಾರೀ ರುಚಿ. ತುಳುನಾಡ್ ಡ್ ಉಂದು ಮಾತ ವೊಟೇಲ್ ಡ್ ತಿನರೆ ತಿಕ್ಕುಂಡು.
ಇತಿಹಾಸೊ
[ಸಂಪೊಲಿಪುಲೆ]ಮೊಘಲೆರೆನ ಕಾಲೊಡ್ ಬಜ್ಜಿ(ಪಕೋಡ, ಪಕೋರ)
[ಸಂಪೊಲಿಪುಲೆ]ಮೊಘಲೆರೆನ ಕಾಲೊಡ್, ರಾಜ್ಯೊದ ಅಡಿಗೆಬಟ್ರ್ ನಕುಲು ಕೆತ್ತಿದ ಬಜ್ಜಿ, ಬೇತೆ ಬೇತೆ ತರ್ಕಾರಿದ ಬಜ್ಜಿ ಇಂಚ ಬೇತೆ ಬೇತೆ ಬಜ್ಜಿಲೆನ್ ಮಲ್ತೊಂದಿತ್ತೆರ್ ಪನ್ಪಿನ ಪಾತೆರ ಉಂಡು. ಅವೆನ್ ದುಂಬು 'ಪಕ್ಕಾವತ್' ಪಂಡ್‍ದ್ ಲೆತ್ತೊಂದಿತ್ತೆರ್, ಅವೆರ್ದ್ ಬೊಕ್ಕ ಎಣ್ಣೆಡ್ ಕೈತಿನ 'ಪಕೋರಾ' ಪಂಡ್‍ದ್ ಪುದರ್ ದೀಯೆರ್. ಪಕ್ಕಾವತ್ ಪದೊಟ್ಟ್ ‘ಪಕ್ವಾ’ ಪಂಡರೆ ಬೆಯ್ಪಾದಿನ, ಬುಕ್ಕ ‘ವಾತ್’ ಪಂಡ ಎಲ್ಯ ಎಲ್ಯ ತುಂಡುಲು ಪಂದ್ ಅರ್ತ.[೧]
ಯಾರ್ ಮಲ್ಪರೆ ಬೋಡಾಯ್ನ ಸಾಮಾನುಲು
[ಸಂಪೊಲಿಪುಲೆ]- ನೀರುಳ್ಳಿ - ಐನಾಜಿ ಕಂಡೆ.
- ಕಡ್ಲೆಹಿಟ್ಟ್ - ೨ ಕಪ್.
- ಕಾಯ್ಮುಂಚಿ - ನಾಲೈನ್ ಸನ್ನ ಮೂರ್ದಿನ.
- ಜೀರ್ದರಿ - ಕಾಲ್ ಚಮ್ಚ.
- ಓಮ - ಅರ್ದ ಚಮ್ಚ.
- ಅಟಿಲ್‍ಗ್ ಗಲಸುನ ಎಣ್ಣೆ (ನೀತುಳ್ಳಿ ಬಜೆ ಕಯ್ಪರೆ ಬೊಡಾಯ್ನಾತ್).[೨]
ಮಲ್ಪುನ ವಿದಾನೊ
[ಸಂಪೊಲಿಪುಲೆ]ಸುರುಕಾದ್ ನೀರುಳ್ಳಿನ್ ಉದ್ದಗ್ ಸಪೂರ ಮಲ್ತ್‍ದ್ ಮೂರೊಡು, ತೆಳು ಆಕಾರೊಡು ಮಸ್ತ್ ದಪ್ಪ ಮೂರಂದೆ ಹದ ತೆಳು ಮೂರ್ದ್, ಒಂಜಿ ಬಾಜನೊಡು ಕಡ್ಲೆ ಹಿಟ್ಟ್‌ನ್ ಸಾರ್ದ್(ಗಂಟ್ ಬರ್ರೆ ಬಲ್ಲಿ ಪಂದ್ ಸಾರುನ) ಅವೆಕ್ಕ್ ಮೂರ್ದಿನ ಮುಂಚಿ, ಓಮ, ಜೀರ್ದರಿ ಅರ್ದ ಚಮ್ಚ, ರುಚಿಗ್ ಬೋಡಾಯ್ನಾತ್ ಉಪ್ಪು ಪಾರ್ದ್ ಮಾತೆನ್ಲಾ ಒಟ್ಟಿಗೆ ಪುರ್ಚೊಡು. ಇಂಚ ಮಲ್ತ್‍ದ್ ಚೂರ್ ಚೂರೆ ಉಂಡೆ ಲೆಕ ದೆತ್‍ದ್ ಎಣ್ಣೆ ಬೆಚ್ಚ ಆವರೆ ದೀದ್ ಎಣ್ಣೆ ಕಾಯಿ ಬೊಕ್ಕ ಅವೆಟ್ಟ್ ಬುಡೊಡ್. ಮಣ್ಣ್ ಬನ್ನ ಬನ್ನೆಟ್ಟ ಕಯ್ತ್‍ದ್ ದೆಪ್ಪೊಡು.
ಬೇತೆ ಬಾಸೆಲೆಡ್ ಬಟಾಟೆದ ಪೋಡಿ
[ಸಂಪೊಲಿಪುಲೆ]ಉಲ್ಲೇಕೊಲು
[ಸಂಪೊಲಿಪುಲೆ]- ↑ "The Mughal & Portuguese connection". The Times of India. Retrieved 19 July 2024.
- ↑ Amit, Dassana (31 May 2024). "Onion Pakoda Recipe | Onion Pakora". Dassana's Veg Recipes. Retrieved 10 July 2024.
- ↑ Kitchen, Hebbars (25 January 2022). "onion pakoda recipe | kanda bajji | pyaj ke pakode | onion pakora". Hebbar's Kitchen. Retrieved 10 July 2024.