ವಿಷಯಕ್ಕೆ ಹೋಗು

ನೀರ್ಜಾ ಭಾನೋತ್

ಉಂದು ವಿಕಿಪೀಡಿಯಡ್ದ್, ಒಂಜಿ ಸೊತಂತ್ರ ವಿಶ್ವಕೋಶ
ನೀರ್ಜಾ ಭಾನೋತ್

ನೀರ್ಜಾ ಭನೋಟ್ (೭ ಸೆಪ್ಟೆಂಬರ್ ೧೯೬೩)ಡ್ ಭಾರತದ ಚಂಡೀಗಢ್ ಡ್ ಭನೋತ್ ಕುಲತ್ತ ಪಂಜಾಬಿ ಹಿಂದೂ ಬ್ರಾಹ್ಮಣ ಕುಟುಂಬೊಡು ಪುಟ್ಟುವೆರ್. ಬೊಂಬಾಯಿದ ಪತ್ರಕರ್ತೆರಾಯಿನ ಹರೀಶ್ ಭನೋತ್ ಬೊಕ್ಕ ರಾಮ ಭನೋತ್ ನ ಮಗಲ್. ಆರೆಗ್ ಅಖಿಲ್ ಬೊಕ್ಕ ಅನೀಶ್ ಭನೋಟ್ ಪನ್ಪಿನ ರಡ್ಡ್ ಮೆಗ್ಯೆಲು ಇತ್ತೆರ್. ಆರ್ ಚಂಡೀಗಢ್ ಡ್ ಸ್ಯಾಕ್ರೆಡ್ ಹಾರ್ಟ್ ಸೀನಿಯರ್ ಸೆಕೆಂಡರಿ ಸ್ಕೂಲ್ ಡ್ ಸುರುತ ಶಾಲೆನ್ ಪಡೆಯೆರ್. ಕುಟುಂಬ ಬೊಂಬಾಯಿಗ್ ಪೋನಗ ಬೊಂಬಾಯಿ ಸ್ಕಾಟಿಷ್ ಸ್ಕೂಲ್ ಡ್ ಓದುದು ಬೊಕ್ಕ ಬೊಂಬಾಯಿದ ಸೈಂಟ್ ಜೆವಿಯರ್ಸ್ ಕಾಲೇಜ್ ಡ್ದ್ ಪದವಿ ಪಡೆಯೆರ್. ಬೊಂಬಾಯಿಡ್ ಅಲೆನ್ ಒಂಜಿ ಮಾಡೆಲಿಂಗ್ ಅಸೈನ್ಮೆಂಟ್ ಗ್ ಸುರುಕು ತೂಯೆರ್, ಉಂದು ಆರೆನ ಮಾಡೆಲಿಂಗ್ ವೃತ್ತಿಜೀವನೊನು ಸುರು ಮಲ್ತ್ಂಡ್. ಆರೆನ್ ನಟ ರಾಜೇಶ್ ಖನ್ನಾನ ಮಲ್ಲ ಅಭಿಮಾನಿ ಆದಿತ್ತೆರ್ ಬೊಕ್ಕ ಅಲೆನ ಜೀವನೊಡು ಅರೆನ ಸಿನಿಮಾಲೆಡ್ದ್ ಉಲ್ಲೇಖೊಲೆನ್ ಉಲ್ಲೇಖ ಮಲ್ತೊಂದಿತ್ತೆರ್.[1] ಭಾನೋಟ್ ಪ್ಯಾನ್ ಆಮ್ ಡ್ ಫ್ಲೈಟ್ ಅಟೆಂಡೆಂಟ್ ಕೆಲಸೊಗು ಅರ್ಜಿ ಪಾಡ್ಯೆರ್.1985ಡ್ ಫ್ರಾಂಕ್ಫರ್ಟ್ ಡ್ದ್ ಇಂಡಿಯಾ ಮುಟ್ಟದ ಮಾರ್ಗೊಲೆಗ್ ಆಲ್ ಇಂಡಿಯನ್ ಕ್ಯಾಬಿನ್ ಕ್ರೂನ್ ದೀವೊಡು ಪಂದ್ ನಿರ್ಧರಿಸಯೆರ್. ಆಯ್ಕೆ ಆಯಿ ಬೊಕ್ಕ, ಫ್ಲೈಟ್ ಅಟೆಂಡೆಂಟ್ ಆದ್ ತರಬೇತಿ ಪಡೆಯೆರೆ ಫ್ಲೋರಿಡಾದ ಮಿಯಾಮಿಗ್ ಪೋಯೆರ್, ಆಂಡ ಪರ್ಸರ್ ಆದ್ ವಾಪಸ್ ಬತ್ತೆರ್.

ವಿಮಾನ ಅಪಹರಣ ಪ್ರಕರಣ

[ಸಂಪೊಲಿಪುಲೆ]

ಭಾನೊಟ್ ಪ್ಯಾನ್ ಆಮ್ ಫ್ಲೈಟ್ 73 ಡ್ ಸೀನಿಯರ್ ಫ್ಲೈಟ್ ಪರ್ಸರ್ ಆದಿತ್ತೆರ್. ಉಂದು ಬೋಯಿಂಗ್ 747-121 ಬೊಂಬೆಡ್ದ್ ನ್ಯೂಯಾರ್ಕ್ ಗ್ ಕರಾಚಿ ಬೊಕ್ಕ ಫ್ರಾಂಕ್ಫರ್ಟ್ ಮೂಲಕ ಪೋಪುಂಡು, ಉಂದೆನ್ ಕರಾಚಿಡ್ ನಾಲ್ ಪ್ಯಾಲೆಸ್ಟೀನಿಯನ್ ಭಯೋತ್ಪಾದಕೆರ್ 5 ಸೆಪ್ಟೆಂಬರ್ 1986 ಗ್ ಅಪಹರಣ ಮಲ್ತೆರ್. ವಿಮಾನೊಡು 380 ಪ್ರಯಾಣಿಕೆರ್ ಬೊಕ್ಕ 13 ಸಿಬ್ಬಂದಿಲು ಇತ್ತೆರ್. ಸೈಪ್ರಸ್ ಡ್ ಪಾಕಿಸ್ತಾನಿ ಕೈದಿಲೆನ್ ಬಿಡುಗಡೆ ಮಲ್ಪುನ ಗುರಿಟ್ ಉಗ್ರಗಾಮಿಲು ಸೈಪ್ರಸ್ ಗ್ ಪೋಯೆರೆ ಬಯಕೆ ಮಲ್ತೆರ್. ಅಪಹರಣಕಾರೆರ್ ವಿಮಾನೊಗು ಏರ್ನಗನೇ ಭನೊಟ್ ಕಾಕ್ ಪಿಟ್ ಸಿಬ್ಬಂದಿನ್ ಎಚ್ಚರಿಕೆ ಮಲ್ಪೆರೆ ಸಾಧ್ಯ ಆಂಡ್, ಬೊಕ್ಕ ವಿಮಾನ ಏಪ್ರನ್ ಡ್ ಇತ್ತಿನೆಡ್ದಾವರ, ಪೈಲಟ್, ಸಹ-ಪೈಲಟ್ ಬೊಕ್ಕ ಫ್ಲೈಟ್ ಇಂಜಿನಿಯರ್ ನ ಮೂಜಿ ಸದಸ್ಯೆರೆನ ಕಾಕ್ ಪಿಟ್ ಸಿಬ್ಬಂದಿ ಕಾಕ್ ಪಿಟ್ ಡ್ ಒಂಜಿ ಓವರ್ ಹೆಡ್ ಹ್ಯಾಚ್ ಮೂಲಕ ವಿಮಾನೊಡ್ದ್ ಪಲಾಯನ ಮಲ್ತೆರ್. ಅತ್ಯಂತ ಹಿರಿಯ ಕ್ಯಾಬಿನ್ ಸಿಬ್ಬಂದಿಯಾದ್, ಭನೊಟ್ ವಿಮಾನೊದ ಉಳಯಿಅ ಪರಿಸ್ಥಿತಿನ್ ತೂವೊಂದಿತ್ತೆರ್. ಅಪಹರಣಕಾರೆರ್ ಲಿಬಿಯಾದ ಬೆಂಬಲೊಡು ಪ್ಯಾಲೆಸ್ಟೀನಿಯನ್ ಭಯೋತ್ಪಾದಕ ಸಂಘಟನೆ ಆಯಿನ ಅಬು ನಿಡಾಲ್ ಸಂಘಟನೆದ ಭಾಗವಾದಿತ್ತೆರ್. ಅಕುಲು ಅಮೆರಿಕನ್ ಲೆನ್ ಬೊಕ್ಕ ಅಮೆರಿಕನ್ ಆಸ್ತಿಲೆನ್ ಗುರಿ ಮಲ್ತೊಂದಿತ್ತೆರ್. ಅಪಹರಣದ ಸುರುತ ನಿಮಿಷೊಡು, ಅಕುಲು ಒರಿ ಭಾರತೀಯ-ಅಮೆರಿಕನ್ ನಾಗರಿಕೆರೆನ್ ಗುರುತಿಸಯೆರ್, ಅರೆನ್ ಪಿದಯಿ ಬರ್ಪಿನ ಜಾಗೆಗ್ ಎಡ್ಡೆ ಮಲ್ತೆರ್, ಅರೆನ್ ಗುಂಡು ಪಾಡ್ ದ್ ಕೊಲೆ ಮಲ್ತೆರ್, ಬೊಕ್ಕ ಅರೆನ ಶವೊನು ವಿಮಾನೊಡ್ದ್ ಅಡಕ್ಕ್ಯೆರ್. ಅಪಗ ಭಯೋತ್ಪಾದಕೆರ್ ಭನೋತ್ ಗ್ ಮಾತಾ ಪ್ರಯಾಣಿಕೆರೆನ ಪಾಸ್ ಪೋರ್ಟ್ ಲೆನ್ ದೆತೊನುನ ಸೂಚನೆ ಕೊರ್ತೆರ್. ಅಂಚಾದ್ ಅಕುಲು ವಿಮಾನೊಡು ಇತ್ತಿನ ಬೇತೆ ಅಮೆರಿಕನ್ ಲೆನ್ ಗುರುತಿಸವೊಲಿ. ಆರ್ ಬೊಕ್ಕ ಅರೆನ ಚಾರ್ಜ್ ಡ್ ಇತ್ತಿನ ಬೇತೆ ಅಟೆಂಡೆಂಟ್ ಲು ಒರಿನ 43 ಅಮೆರಿಕನ್ ಲೆನ ಪಾಸ್ ಪೋರ್ಟ್ ಲೆನ್ ಮುಚ್ಚಿದ್ ದೀಯೆರ್, ಕೆಲವೆರ್ ಒಂಜಿ ಸೀಟ್ ದ ಅಡಿಟ್ಟ್ ಬೊಕ್ಕ ಒರಿನಕುಲು ಒಂಜಿ ಕಜವುದ ಗುಂಡಿಡ್ ಮುಚ್ಚಿಯೆರ್, ಅಂಚಾದ್ ಅಪಹರಣಕಾರೆರ್ ಅಮೆರಿಕನ್ ಬೊಕ್ಕ ಅಮೆರಿಕನ್ ಅತ್ತ್ ನ ಪ್ರಯಾಣಿಕೆರೆನ ನಡುಟು ವ್ಯತ್ಯಾಸ ಮಲ್ಪೆರೆ ಸಾಧ್ಯ ಆಯಿಜಿ. ೧೭ ಗಂಟೆಡ್ದ್ ಬೊಕ್ಕ, ಅಪಹರಣಕಾರೆರ್ ಗುಂಡು ಹಾರಿಸದ್ ಸ್ಫೋಟಕೊಲೆನ್ ಸುರು ಮಲ್ತೆರ್. ಭನೊಟ್ ವಿಮಾನೊದ ಒಂಜಿ ಬಾಕಿಲ್ ನ್ ತೆರೆಯೆರ್, ಬೊಕ್ಕ ಆರ್ ಸುರುಕು ಜಂಪ್ ಮಲ್ತ್ದ್ ವಿಮಾನೊಡ್ದ್ ಪಿದಯಿ ಪೋಯೆರೆ ಸಾಧ್ಯ ಆಂಡಲಾ, ಆರ್ ಅಯಿನ್ ಮಲ್ತೊಂದಿಜ್ಜೆರ್ ಬೊಕ್ಕ ಬೇತೆ ಪ್ರಯಾಣಿಕೆರೆಗ್ ಪಾರಾಯೆರೆ ಸಹಾಯ ಮಲ್ಪೆರೆ ಸುರು ಮಲ್ತೆರ್. ಅಪಗ ಭಯೋತ್ಪಾದಕೆರ್ ಕಮಾಂಡೊ ದಾಳಿದ ಭಯೊಡು ನಿರಂತರವಾದ್ ಗುಂಡು ಹಾರಿಸೊಂದಿತ್ತೆರ್. ಅಕುಲು ನೀರ್ಜಾನ್ ಮೂಜಿ ಜೊತೆ ಇಜ್ಜಂದಿನ ಜೋಕುಲೆನ್ ಪಿದಯಿ ಬುಡ್ಪಾಯೆರೆ ನಿರಂತರವಾದ್ ಪ್ರಯತ್ನ ಮಲ್ಪುನವು ತೂಯೆರ್ ಬೊಕ್ಕ ಅಪಗ ಅಕುಲು ಅಲೆನ್ ಅಲೆನ ಕೂದಲ್ಡ್ದ್ ಪತ್ತೆರ್ ಬೊಕ್ಕ ಅಲೆನ್ ಗುಂಡು ಮಲ್ತೆರ್ಒಂಜಿ ಪ್ರಮುಖ ವಿಮಾನಯಾನ ಕಂಪೆನಿದ ಕ್ಯಾಪ್ಟನ್ ಆದ್ ಭನೋತ್ ತನ್ನ ಸ್ಫೂರ್ತಿ ಆದ್ ಉಲ್ಲೆರ್ ಪಂಡ್ದ್ ಬೊಕ್ಕ ತನ್ನ ಜೀವನದ ಪ್ರತಿ ದಿನೊಲಾ ಅರೆಗ್ ಬಾಕಿ ಉಂಡು ಪಂಡ್ದ್ ತೆರಿಪಾಯೆರ್.[2]

ಪ್ರಶಸ್ತಿಲು

[ಸಂಪೊಲಿಪುಲೆ]

೧.ಅಶೋಕ ಚಕ್ರ, ೧೯೮೭, ಭಾರತ ೨.ತಮ್ಘಾ-ಎ-ಇನ್ಸಾನಿಯತ್ "ಅದ್ಭುತ ಮಾನವ ದಯೆ ತೋಜಾಯಿನ ಕಾರಣೊಗು", ೧೯೮೭, ಪಾಕಿಸ್ತಾನ ೩.ಫ್ಲೈಟ್ ಸೇಫ್ಟಿ ಫೌಂಡೇಶನ್ ಹೀರೋಯಿಸಂ ಪ್ರಶಸ್ತಿ ೧೯೮೭, ಯುನೈಟೆಡ್ ಸ್ಟೇಟ್ಸ್ ೪.ಜಸ್ಟಿಸ್ ಫಾರ್ ಕ್ರೈಮ್ಸ್ ಪ್ರಶಸ್ತಿ ೨೦೦೫, ಯುನೈಟೆಡ್ ಸ್ಟೇಟ್ಸ್ ಅಟಾರ್ನಿ ಆಫೀಸ್ ಫಾರ್ ದಿ ಡಿಸ್ಟ್ರಿಕ್ಟ್ ಆಫ್ ಕೊಲಂಬಿಯಾ, ಯುನೈಟೆಡ್ ಸ್ಟೇಟ್ಸ್ ೫.ವಿಶೇಷ ಧೈರ್ಯ ಪ್ರಶಸ್ತಿ ೨೦೦೬, ಯುನೈಟೆಡ್ ಸ್ಟೇಟ್ಸ್ ನ್ಯಾಯ ಇಲಾಖೆ, ಯುನೈಟೆಡ್ ಸ್ಟೇಟ್ಸ್ ೬.ನಾಗರಿಕ ವಿಮಾನಯಾನ ಸಚಿವಾಲಯದ ಪ್ರಶಸ್ತಿ ೨೦೧೧, ಭಾರತ ೭ಭಾರತ ಗೌರವ್ ಪ್ರಶಸ್ತಿ ಯುಕೆ ಸಂಸತ್ತುದ ಸದನೊಡು ಜುಲೈ ೨, ೨೦೧೬ ಗ್ ಪ್ರದಾನ ಮಲ್ತೆರ್ ಆರ್ "ಅಪಹರಣದ ನಾಯಕಿ" ಪಂಡ್ದ್ ಅಂತರಾಷ್ಟ್ರೀಯ ಮಟ್ಟೊಡು ಗುರುತಿಸಯೆರ್.ಅರೆನ ಧೈರ್ಯೊಗು, ಭಾರತ ಸರ್ಕಾರ ಮರಣೋತ್ತರವಾದ್ ಭಾನೋಟ್ ಗ್ ಅಶೋಕ ಚಕ್ರ ಪ್ರಶಸ್ತಿನ್ ಕೊರ್ತುಂಡು, ಶಾಂತಿಕಾಲೊಡು ಶತ್ರುಲೆನ ಎದುರುಡು ಧೈರ್ಯೊಗು ಭಾರತದ ಅತಿ ಮಲ್ಲ ಶೌರ್ಯದ ಪ್ರಶಸ್ತಿ. ಆರ್ ಆ ಕಾಲೊಡು ಅತ್ಯಂತ ಎಲ್ಯ ಪ್ರಶಸ್ತಿ ಪಡೆಯಿನಕುಲು ಬೊಕ್ಕ ಸುರುತ ಪೊಣ್ಣು. ಅಲೆನ ಸಾವುದ ನಂತರ, ಅಲೆನ ಕುಟುಂಬದಕುಲು ವಿಮೆದ ಆದಾಯೊಡ್ದ್ ನೀರ್ಜಾ ಭನೋತ್ ಟ್ರಸ್ಟ್ ನ್ ಸ್ಥಾಪನೆ ಮಲ್ತೆರ್. ಟ್ರಸ್ಟ್ ಪ್ರತಿ ವರ್ಷ ರಡ್ಡ್ ಪ್ರಶಸ್ತಿಲೆನ್ ಕೊರ್ಪುಂಡು, ಒಂಜಿ ಫ್ಲೈಟ್ ಕ್ರೂ ಮೆಂಬರ್ ಗ್, ವಿಶ್ವದಾದ್ಯಂತ, ಕರ್ತವ್ಯದ ಕರೆತ ಮಿತ್ತ್ ವರ್ತನೆ ಮಲ್ಪುನ ಬೊಕ್ಕೊಂಜಿ, ನೀರ್ಜಾ ಭನೋಟ್ ಪ್ರಶಸ್ತಿ, ಒಂಜಿ ಭಾರತೀಯ ಮಹಿಳೆಗ್, ಸಾಮಾಜಿಕ ಅನ್ಯಾಯೊನು ಎದುರಿಸವುನಗ, ಧೈರ್ಯೊಡು ಪರಿಸ್ಥಿತಿನ್ ಎದುರಿಸವುನ ಬೊಕ್ಕ ಅಂಚನೆ ಸಾಮಾಜಿಕ ದುಃಖೊಡು ಇತ್ತಿನ ಬೇತೆ ಮಹಿಳೆಯೆರೆಗ್ ಸಹಾಯ ಮಲ್ಪುನ. ಈ ಪ್ರಶಸ್ತಿಡ್ 150,000 ರೂಪಾಯಿ (ಸುಮಾರ್ US$2,000) ಒಂಜಿ ಟ್ರೋಫಿ ಬೊಕ್ಕ ಒಂಜಿ ಉಲ್ಲೇಖ ಉಂಡು.

ಭನೋತ್ ನ ಮೆಗ್ಯೆ ಅನೀಶ್ 2005ಡ್ ವಾಷಿಂಗ್ಟನ್, ಡಿ.ಸಿ.ಗ್ ಪೋದು ವಾರ್ಷಿಕ ಅಪರಾಧ ಹಕ್ಕುಲೆನ ವಾರೊದ ಭಾಗವಾದ್ ಅರೆಗ್ ಮರಣೋತ್ತರವಾದ್ ಕೊರ್ಪಿನ "ಜಸ್ಟಿಸ್ ಫಾರ್ ಕ್ರೈಮ್ಸ್ ಅವಾರ್ಡ್" ನ್ ಸ್ವೀಕರಿಸಯೆರ್. 2006ಡ್, ಅರೆನ್ ಬೊಕ್ಕ ಬೇತೆ ಪ್ಯಾನಂಟ್ಸ್ ಫ್ಲೈಟ್ ಡ್ ವಾರ್ಷಿಕ ಅಪರಾಧ ಹಕ್ಕುಲೆನ ವಾರೊದ ಭಾಗವಾದ್ ಕೊರ್ತೆರ್. ಪಾಕಿಸ್ತಾನೊಗು ಎಮ್ ನ ಫ್ಲೈಟ್ ಡೈರೆಕ್ಟರ್ ಗ್ ಅಮೇರಿಕದ ನ್ಯಾಯ ಇಲಾಖೆ ವಿಶೇಷ ಧೈರ್ಯ ಪ್ರಶಸ್ತಿನ್ ಕೊರ್ತುಂಡು ಆಸ್ಟ್ರೆ ಶಾಲೆದ ಭಾನೋಟ್ ಹೌಸ್ ನ್ ಅರೆನ ಗೌರವಾರ್ಥ ಪುದರ್ ದೀಯೆರ್[3] ೨ ಜುಲೈ ೨೦೧೬ ಡ್ ಇಂಗ್ಲೆಂಡ್ ದ ಲಂಡನ್ ಡ್ ಯುಕೆ ಪಾರ್ಲಿಮೆಂಟ್ ದ ಹೌಸ್ ಆಫ್ ಕಾಮನ್ಸ್ ಡ್ ನಡತಿನ ಒಂಜಿ ಸಮಾರಂಭೊಡು ಭಾರತ ಗೌರವ್ ಪ್ರಶಸ್ತಿನ್ ಅರೆಗ್ ಕೊರ್ತೆರ್. ಮೇ ೩೦, ೨೦೧೮ಡ್, ಪಂಜಾಬ್ ವಿಶ್ವವಿದ್ಯಾಲಯ ಚಂಡೀಗಢ್ ಡ್ ವಿಶ್ವವಿದ್ಯಾಲಯದ ಕ್ಯಾಂಪಸ್ ಡ್ ನೀರ್ಜಾ ಭನೋಟ್ ಹಾಸ್ಟೆಲ್ (ವಸತಿ ನಿಲಯ)ನ್ ಉದ್ಘಾಟನೆ ಮಲ್ತ್ಂಡ್. ಈ ಹಾಸ್ಟೆಲ್ 350 ಡ್ದ್ ಜಾಸ್ತಿ ಪೊಣ್ಣು ವಿದ್ಯಾರ್ಥಿಲೆಗ್ ಜೀವನ ಸೌಲಭ್ಯೊಲೆನ್ ಒದಗಾವುಂಡು.

ವೈವಾಹಿಕ ಜೀವನ

[ಸಂಪೊಲಿಪುಲೆ]

೧೯೮೫ಡ್, ಭನೊಟ್ ನರೇಶ್ ಮಿಶ್ರಾ ಪನ್ಪಿನ ಒರಿ ಕತಾರಿ ಉದ್ಯಮಿನ್ ಬಾರಿ ಕಮ್ಮಿ ಸಮಯೊಗು ಮದಿಮೆ ಆಯೆರ್. ಬೊಕ್ಕ ರಡ್ಡ್ ಜನಲಾ ಮದಿಮೆ ಸಂಬಂಧೊನ್ ಬುಡ್ದು ಬೇತೆ ಆಯೆರ್.ಬೊಕ್ಕ ಜೈದೀಪ್ ಪಣ್ಪಿನಾರ್ನೊಟ್ಟುಗು ಮದಿಮೆ ಆಯೆರ್.

೫.ಸೆಪ್ಟೆಂಬರ್ ೧೯೮೬ಡ್ ಪಾಕಿಸ್ಥಾನೊದ ಕರಾಚಿಡ್ ಆರ್ ತೀರ್ದ್ ಪೋಯೆರ್.

ಉಲ್ಲೇಕೊಲು

[ಸಂಪೊಲಿಪುಲೆ]
  1. ↑ https://gallantryawards.gov.in/assets/uploads/styles/awardee_img/public/sites/default/files/NeerjaMishra_compressed-2024-10-01-0909-1010.pdf
  2. ↑ "The Pan Am Historical Foundation - Neerja - Flight 73". www.panam.org. Retrieved 2026-02-06.
  3. ↑ Reader, T. B. I. "I Was on the Pan Am Flight When Neerja Bhanot Was Killed". thebetterindia.com (in ಇಂಗ್ಲಿಷ್). Retrieved 2026-02-06.