ನುಂಗೆಲ್ ಮೀನ್
ಒರಿದಿ ಮೀನ್ ಹಾಳಾವಂದಿಲೆಕ್ಕ ಅವ್ವೆನ್ ನುಂಗಾದ್ ದೀಪೆರ್. ನೆಕ್ಕ್ ನುಂಗೆಲ್ ಮೀನ್ ಪನ್ಪೆರ್. ನೆಕ್ಕ್ ಬಾರಿ ಬೇಡಿಕೆ ಉಂಡು. ಮೀನ್ ತಿಕ್ಕಂದಿನಪಗ ಉಪಯೋಗ ಮಲ್ಪೆರೆ ನುಂಗೆಲ್ ಮೀನ್ ದ ಬಳಕೆ ಮಲ್ಪುವೆರ್. ನುಂಗೆಲ್ ಮೀನ್ದ ಬ್ಯಾರಲಾ ಮಸ್ತ್ ಉಂಡು.
ಇತಿಹಾಸ[ಸಂಪೊಲಿಪುಲೆ]
ದುಂಬುದ ಕಾಲಡ್ ಒನಸ್ಗ್ ಕಜಿಪುಗು ದಾಲಾ ಇಜ್ಜಾಂದಿನ ಪೊರ್ತುಡು ಗಾಳಿ ಬರ್ಸ ಬನ್ನಗ ಪಿದಾಯಿ ಪೊಯರೆ ಆವಂದಿನಪಗ ಮೀನ್ ತಿಕ್ಕುಜಿ. ಅಂಚೆನೆ ಕಜಿಪುಗ್ ದಾಲಾ ಇಜ್ಜಿಂದ್ ಮೀನ್ ನುಂಗಾದ್ ದೀವೊಂದಿತ್ತೆರ್. ಅವೆನ್ ಬೊಕ್ಕ ಚಟ್ನಿ ಮಲ್ತದ್ ತಿನ್ನೊಂದಿತ್ತೆರ್. ಬೇತೆ ಮೀನ್ ದ ಚಟ್ನಿನ್ ಮಲ್ಪುವೆರ್. ಹೆಚ್ಚಾದ್ ಕೊಲ್ಲತರು ಮೀನ್ ದ ಚಟ್ನಿನ್ ಮಲ್ಪುವೆರ್. ಅಂಚೆನೆ ಎಟ್ಟಿದಲಾ ಮಲ್ಪವೆರ್. ಗಂಜಿ ದೊಟ್ಟು ಬಾರಿ ಲಾಯ್ಕ್ ಆಪುಂಡು.
ಉಪಯೋಗುಲು[ಸಂಪೊಲಿಪುಲೆ]
ಸಾಮಾನ್ಯವಾದ್ ಮರಿಯಾಲಡ್ ನುಂಗೆಲ್ ಮೀನ್ ದ ಬಳಕೆ ಮಲ್ಪುವೆರ್. ಉಂದೆನ್ ವಿವಿಧ ಬಗೆತ ತಿನಿಸ್ ಮಲ್ಪರೆ ಆಪುಂಡು[೧]
ನುಂಗೆಲ್ ಮೀನ್ ದ ಚಟ್ನಿ[ಸಂಪೊಲಿಪುಲೆ]
ಪುದರ್ | ನುಂಗೆಲ್ ಮೀನ್ ದ ಚಟ್ನಿl |
---|---|
ಪುಟ್ಟಿ ದೇಸೊ | ಭಾರತ |
ರಾಜ್ಯೊ | ಕುಡ್ಲ, ಒಡಿಪು, ಕಾಸ್ರೋಡು |
ಬೋಡಾಯಿ ವಸ್ತುಲು | ನುಂಗೆಲ್ ಮೀನ್ |
ಬೋಡಾಪಿ ವಸ್ತುಲು |
|
ಬೋಡಾಯಿನ ಸಾಮಾನುಲು[೨]
- ನುಂಗೆಲ್ ಮೀನ್
- ಕೆಂಪು ಮುಂಚಿ
- ಪುಳಿ
- ಬೊಳ್ಳುಳ್ಳಿ
- ತಾರಾಯಿ ಉಪ್ಪು
- ಉಪ್ಪು
- ದಾಸೆಮಿ
- ಜೀರಿಗೆ
ಮಲ್ಪುನ ವಿಧಾನಲು ಮುಂಚಿ, ಪುಳಿ ಬೊಕ್ಕ ಬೊಳ್ಳುಳ್ಳಿ ಪಾಡ್ದ್ ಕಡೆಪಿ ಕಲ್ಲ್ಡ್ ಕಡೆವೊಡು. ಅವು ಅದಾ ಸಣ್ಣ ಆಯಿ ಬೊಕ್ಕ ಅಯ್ಕ್ ತಾರಾಯಿ ಪಾಡ್ದ್ ಕುಡ ಒಂತೆ ಸಣ್ಣ ಆನೇಟ ಕಡೆವೊಡು.[೩] ಬೊಕ್ಕ ಉಂದೆಕ್ ಮೀನ್ ನ್ ಗೆಂಡಡ್ ಕಾಯಾದ್ ಇಜ್ಜಿಂಡ ಎನ್ನೆಡ್ ಕಾಯಾದ್ ತುಂಡು ಮಲ್ತ್ ದ್ ಕಡೆಯಿನ ಅರೆಪುಗು ಮೀನ್ ನ್ ಪಾಡೊಡು. ಬೊಕ್ಕ ಅವೆನ್ ಸರಿಟ್ಟ್ ಕಲತ್ ಪಾಡ್ಂಡ ಚಟ್ನಿ ತಯಾರ್ ಆಪುಂಡು. ಉಪ್ಪು ಕಮ್ಮಿ ಇತ್ತಂಡ ಪಾಡೊಡು.[೪]