ನುಂಗೆಲ್ ಮೀನ್ ಚಟ್ನಿ
 ನುಂಗೆಲ್ ಮೀನ್ ಚಟ್ನಿ | |
| ಬೇತೆ ಪುದರ್ | ನುಂಗೆಲ್ ಮೀನ್ ಚಟ್ನಿ |
|---|---|
| ಬಗೆ | ಚಟ್ನಿ |
| ಮೂಲದ ಜಾಗೆ | ಭಾರತ |
| ಪ್ರದೇಸೊ | ಕುಡ್ಲ, ಉಡುಪಿ |
ನುಂಗೆಲ್ ಮೀನ್ ಚಟ್ನಿ: ನುಂಗೆಲ್ ಮೀನ್ ಚಟ್ನಿ ಸಾಮಾನ್ಯವಾದ್ ತುಳುವೆರೆ ಇಲ್ಲಡ್ ಆಟಿದ ತಿಂಗೊಲುಡು ಮಲ್ಪಿನ ಚಟ್ನಿ. ಪಿರಾಕ್ಡ್ ಆಟಿ ತಿಂಗೊಲು ಬಂಗದ ತಿಂಗೊಲಾದಿತ್ತ್ಂಡ, ಆ ಪೊರ್ತುಡು ಸುಲಬವಾದ್ತಿ ವೊವ್ ತಿಕ್ಕುಂಡಾ ಅವೆನ್ ಕನತ್ದ್ ಕಜಿಪು ಮಲ್ತೊಂದಿತ್ತೆರ್. ತುಳುವೆರ್ ಗಂಜಿ ಒಣಸ್ ಮಲ್ತೊಂದು ಬೈದಿನಕುಲು. ದಾಲ ಇಜ್ಜಿಂಡ ಗಂಜಿಗ್ ಚಟ್ನಿ ಗುದ್ದುದು ಒಣಸ್ ಮಲ್ತೊಂದಿತ್ತೆರ್. ಪಿರಾಕ್ರ್ದಲಾ ನುಂಗೆಲ್ ಮೀನ್ದ ಚಟ್ನಿ ಗಂಜಿ ಒಣಸ್ಗ್ ಮಲ್ತೊಂದಿತ್ತಿನ ಒಂಜಿ ಬಗೆತ್ತ ಚಟ್ನಿ.[೧]
ಚಟ್ನಿ ಮಲ್ಪರೆ ಬೋಡಾಯಿನ ಸಾಮಾನುಲು
[ಸಂಪೊಲಿಪುಲೆ]ಮಲ್ಪುನ ವಿದಾನೊ
[ಸಂಪೊಲಿಪುಲೆ]ನುಂಗೆಲ್ ಮೀನ್ನ್ ದಿಕ್ಕೆಲ್ಡ್ ಕಾಯಾದ್ ಅವೆನ್ ಬೋಡಂಡ ನೀರ್ಡ್ ಒರ ಲುಂಬೊಲಿ ಇಜ್ಜಾಂಡ ಅಂಚನೆ ಪಾಡೊಲಿ. ಅವೆರ್ದ್ ಬುಕ್ಕೊ ಕಾರೊಗ್ ಬೋಡಾಯ್ನಾತ್ ಮುಂಚಿ, ಕೊತ್ತಂಬರಿನ್ ಪೊತ್ತುದು ಅವೆನ್ ತಾರಾಯಿ ದೊಟ್ಟುಗು ಕಡೆವೊಡು. ಕಡೆನಗ ಅವೆಕ್ಕ್ ಪುಳಿ ಬುಕ್ಕೊ ಚೂರು ನೀರ್ ಪಾಡೊಡು (ರುಚಿಗ್ ಬೋಡಾಯ್ನಾತ್). ಜಾಸ್ತಿ ಸನ್ನ ಕಡೆವೊಡುಂದು ಇಜ್ಜಿ. ನೀರ್ ಪಾಡಮದೆ ಪೊಡಿ ಚಟ್ನಿಲಾ ಮಲ್ಪೊಲಿ. ಬೋಡಂಡ ಜಾಸ್ತಿ ಸನ್ನ ಕಡೆದ್ ರುಚಿಗ್ ಬೋಡಾಯ್ನಾತ್ ಉಪ್ಪು ಪಾಡೊಡು. ಕಾಯಾದಿನ ಮೀನ್ ಬುಕ್ಕ ಅರೆಪ್ಪುನು ಬೆರಸ್ದ ಗಂಜಿದೊಟ್ಟುಗು ತಿನೊಲಿ. ಬೋಡಂಡ ನೀರುಳ್ಳಿನ್ ಸನ್ನ ಮೂರ್ದ್ ಚಟ್ನಿಗ್ ಪಾಡೊಲಿ.
ಪಿರಾಕ್ಡ್ ಚಟ್ನಿ ಮಲ್ತೊಂದಿತ್ತಿನ ಪೊರ್ಲು
[ಸಂಪೊಲಿಪುಲೆ]
ಪಿರಾಕ್ಡ್ ವೊವ್ವೇ ರೀತಿದ ಚಟ್ನಿ ಮಲ್ತೊಂದಿತ್ತಿಂಡ ಅವೆನ್ ಕಡೆಪಿನ ಕಲ್ಲ್ ಡೇ ಕಡೆವೊಂದಿತ್ತೆರ್. ಅವದ ಮಸ್ತ್ ರುಚಿ ಆವೊಂದಿತ್ತಿಂಡ್. ಚಟ್ನಿ ಮಲ್ತಿನಾನಿ ತೆಲಿ ಗಂಜಿ ಮಲ್ತ್ದ್ ಒಣಸ್ ಮಲ್ತೊಂದಿತ್ತೆರ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Dry fish chutney (Nungel meen Chutney) | Recipe | Chutney, Food, Easy food to make". Pinterest (in ಇಂಗ್ಲಿಷ್). Retrieved 12 July 2024.