ನೇರಳಕಟ್ಟೆ

ನೇರಳಕಟ್ಟೆ
ಪೇಂಟೆ
ನೇರಳಕಟ್ಟೆ ಕರ್ನಾಟಕೊಡು ನೇರಳಕಟ್ಟೆ
Coordinates: 12.8202°N 75.1318°E / 12.8202; 75.1318
ದೇಶ	ಭಾರತ
ರಾಜ್ಯ	ಕರ್ನಾಟಕ
ಜಿಲ್ಲೆ	ದಕ್ಷಿಣ ಕನ್ನಡ
ತಾಲೂಕು	ಬಂಟ್ವಾಳ
Government
• Body	ಗ್ರಾಮ ಪಂಚಾಯತ್
ಬಾಸೆಲು: ತುಳು, ಬ್ಯಾರಿ, ಕನ್ನಡ, ಕೊಂಕಣಿ
Time zone	UTC+5:30 (IST)
ಪಿನ್ ಕೋಡು	574253
ಲೋಕಸಭೆ	ಮಂಗಳೂರು
ವಿಧಾನಸಭೆ	ಬಂಟ್ವಾಳ

ನೇರಳಕಟ್ಟೆ ಕರ್ನಾಟಕೊ ರಾಜ್ಯೊದ ದಕ್ಷಿಣ ಕನ್ನಡ ಜಿಲ್ಲೆ ದ ಬಂಟ್ವಾಳ ತಾಲೊಕುದ ಒಂಜಿ ಊರು. ನೇರಳಕಟ್ಟೆ ಪನ್ಪುನ ಊರು ಕುಡ್ಲಡ್‍ದ್ ಪುತ್ತೂರುಗ್ ಪೋನಗ ೪೧ ಕಿಲೋಮೀಟರ್ ದೂರೊಡು ತಿಕ್ಕುಂಡು. ಉಂದು ನೆಟ್ಲಮುಡ್ನೂರು ಗ್ರಾಮೊಡು ಉಂಡು.ಈ ಎಲ್ಯ ಊರುಡು ೧೫೦೦ ಜನೊ ಉಲ್ಲೆರ್. ನೇರಳಕಟ್ಟೆದಕ್ ಲೆಗ್ ಬಿ.ಸಿ.ರೋಡ್ ತಾಲೂಕು ಕೆಂದ್ರ. ವಿಟ್ಲ ಕಸಬಾ ಬುಕ್ಕೊ ಪೋಲೀಸ್ ಸ್ಟೆಶನ್.

ಜಾಗದ ಇತಿಹಾಸ

ನೇರಳಕಟ್ಟೆ ಪುದರ್ಗ್ ಇತಿಹಾಸ ಉಂಡು. ಈ ಜಾಗೆಡ್ ಒಂಜಿ ಮಲ್ಲ ಕಟ್ಟೆ ಉಂಡು. ಅಯಿಟ್ ನೇರೊಳುದ ಮರ ಇತ್ತಂಡ್ ಪಂದ್ ನಂಬೊಲಿಗೆ. ಆ ಕಟ್ಟೆಡ್ ರಾತ್ರೆ ಬೋರಿದ ಗಾಡಿಡ್ ದೂರೊದ ಊರುಗು ಪೋಪುನ ಜನಕುಲು ಬಚ್ಚೆಲ್ ಅರಪಾಯೆರೆ, ಜೆತ್ತೊಂದಿತ್ತೆರ್ ಗೆ. ರಾತ್ರೆ-ಪಗೆಲ್ಡ್ ಕಟ್ಟೆಡ್ ಜನೊ ತಪ್ಪೊಂದಿಂತ್ತಿಜೆಗೆ.ಇತ್ತೆಗಲಾ ಆ ಜಾಗೆಡ್ ಕಟ್ಟೆ ಉಂಡು. ಕಲ್ಲುರ್ಟಿ-ಕಲ್ಖುಡ ದೈವದ ಕಟ್ಟೆ- ಕಮಾನ್ ಉಂಡು. ವರ್ಸ ವರ್ಸ ಬಾರೀ ಮಲ್ಲ ಜಾತ್ರೆಲಾ ನಡಪುಂಡು.ಕಲ್ಲುರ್ಟಿ-ಕಲ್ಕುಡೆ ಈ ಜಾಗೆಡ್ ರಾಜಾನ್ ದೈವೊ ಪಂದ್ ಪುದರ್ ಫೊತಿನ ದೈವೊ. ಕಲ್ಲುರ್ಟಿ-ಕಲ್ಕುಡೆ ಈ ಜಾಗೆಡ್ ರಾಜಾನ್ ದೈವೊ ಪಂದ್ ಪುದರ್ ಫೊತಿನ ದೈವೊ. ಉಬಾರ್ ದ್ ಪಿದಾಡಿ ದೈವೊಲು ಕಲ್ಲೇಗೊದ್ದು ಬುಕ್ಕೊ ಇಡೆಗ್ ಬತ್ತ್ಡ್, ಕಡಂಬು, ಪೊಳತ್ತೂರು ಅಯಿದ್ ಬುಕ್ಕೊ ಶ್ರೀ ಕ್ಷೇತ್ರ ಪಣೋಲಿಬೈಲ್ಗು ಪೋಯಿನ ಕತೆ ಉಂಡು.

ಸರಕಾರಿ ಶಾಲೆ

ನೇರಳಕಟ್ಟೆಡ್ ಒಂಜಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಉಂಡು. ಉಂದೆಕ್ ನೂದು ವರ್ಸೊ ಕರ್ಂಡ್. ಮೂಲು ಕಲ್ತಿನ ಕುಲ ರಾಮಪ್ರಸಾದ್ ರೈ ಅಮೇರಿಕಾ ಡ್ ಬಾರೀ ಮಲ್ಲ ಸಾಫ್ಟ್ ವೆರ್ ಇಂಜಿನಿಯರ್. ಆರ್ ಯಜ್ನ ( Yagna ) ಪನ್ಪಿ ಕಂಪನಿ ಸುರು ಮಲ್ತಿನಾರ್. ಅಯಿಕ್ ದುಂಬು IPCell Technologies ಕಂಪೆನಿ ಮಲ್ತಿನರ್. ಆರೆಗ್ (Digital Image Processing) ದಿಗಿತಟಲ್ ಇಮಾಜ್ ಪ್ರೊಸೆಸಿಂಗ್ ಡ್ ಪೇಟೆಂಟ್ ಉಂಡು.. ಮೂಲು ಕಲ್ತಿನ ಕರಿಂಕ ಶ್ರಿಧರ ಆಳ್ವ ಅಮೇರಿಕಾ ಡ್ ಮಲ್ಲ ವಿಜ್ನಾನಿ ಆದ್ ಕೆಲಸ ಮಲ್ತ್ತೊದುಲ್ಲೆರ್. ಈ ಶಾಲೆಡ್ ಕಲ್ತಿನಕುಲು ರೈಲ್ವೆ, ಟೆಲಿಕಾಂ ಅಂಚನೆ ಬೇತೆ ಸರಕಾರಿ ಉದ್ಯೊಗೊಡು ಉಲ್ಲೆರ್.

ಭಜನಾ ಮಂದಿರ

ನೇರಳಕಟ್ಟೆ ದರ್ಗಾಪರಮೇಶ್ವರಿ ಭಜನಾ ಮಂದಿರ ಉಂಡು. ಮೂಲು ಪ್ರತಿ ಶುಕ್ರವಾರ ಭಜನೆ ನಡಪುಂಡು. ಚಾಂದ್ರಮಾನ ಯುಗಾದಿದಾನಿ ಎಕಾಹ ಭಜನೆ ನಡಪುಂಡು.

ವ್ಯವಸಾಯ ಸಹಕಾರಿ ಸಂಘ

ನೆರಳಕಟ್ಟೆದ ವ್ಯವಸಾಯ ಸಹಕಾರಿ ಸಂಘ ಬಾರೀ ಸುರುತ ಸಹಕಾರಿ ಸಂಘ. ಉಂದು ರೈತೆರೆಗ್ ಬಾರೀ ಸಹಾಯೊ ಕೊರೊಂದು ಉಂಡು.

ಕಳೆಂಕ್ ಪುದಾರ್

ಮುಸ್ಲಿಂ ಸಮುದಾಯೊದಕುಲು ಕೊಡಾಜೆದ ಪಲ್ಲಿಗ್ ನಮಾಜಿ ಮಲ್ಪೆರೆ ಪೋಪೆರ್. ಹಿಂದು-ಮುಸ್ಲಿಂ ಶಾಂತಿಡ್ ಇತ್ತೆರ್ಂಡಲಾ ವಿಟ್ಲ ಪೋಲಿಸ್ ಸ್ಟೆಶನ್ ಡ್ ಆಡಳಿತೊಗು ಬರ್ಪಿನ ಈ ಊರು ಅತೀ ಸೂಕ್ಸ್ಮ ಪ್ರದೇಶ ಪನ್ಪಿ ಕಳೆಂಕ್ ಪುದಾರ್ಲಾ ಉಂಡು.