ಪಂಜಾಬ್ & ಸಿಂಧ್ ಬ್ಯಾಂಕ್
ಪಂಜಾಬ್ & ಸಿಂಧ್ ಬ್ಯಾಂಕ್ ಭಾರತ ಸರ್ಕಾರದ ಒಡೆತನದ ಒಂಜಿ ಸಾರ್ವಜನಿಕ ವಲಯದ ಬ್ಯಾಂಕ್. ಇಂದೆನ್ ಜೂನ್ ೨೪ನೇ ತಾರೀಕ್ ೧೯೦೮ನೇ ಇಸವಿಡ್ ಸ್ತಾಪಿಸಾಯೆರ್. ಉಂದೆತ್ತ ಪ್ರಧಾನ ಕಚೇರಿ ನವದೆಹಲಿಡ್ ಉಂಡು. ೩೧ನೇ ಮಾರ್ಚಿ ೨೦೨೬ ಮುಟ್ಟದ ಮಾಹಿತಿದ ಪ್ರಕಾರ, ಈ ಬ್ಯಾಂಕ್‌ಗ್ ದೇಸೊರ್ಮೆ ಒಟ್ಟು ೧೬೫೪ ಶಾಖೆಲು ಇತ್ತ್‌ದ್ ವಿಸ್ತಾರವಾದ್ ಪರಡ್‌ದ್ಂಡ್. ದೇಸೊರ್ಮೆ ಈ ಬ್ಯಾಂಕ್ ಒಟ್ಟು 25 ವಲಯ ಕಚೇರಿಲು ಉಲ್ಲ. ಒಟ್ಟು ೧೧೬೧ ಎಟಿಎಮ್‌ಲು ಪಂಜಾಬ್ & ಸಿಂಧ್ ಬ್ಯಾಂಕ್‌ಗ್ ಉಲ್ಲ.[1]
ಮಾರುಕಟ್ಟೆ ಬಂಡವಾಳದ ಲೆಕ್ಕೊಡು ಈ ಬ್ಯಾಂಕ್ ಸಾರ್ವಜನಿಕ ವಲಯದ ಬ್ಯಾಂಕುಲೆ ಪಟ್ಟಿಡ್ ೧೨ನೇ ಸ್ತಾನೊಡು ಉಂಡು.
ಇತಿಹಾಸೊ
[ಸಂಪೊಲಿಪುಲೆ]ಬ್ರಿಟಿಷೆರೆ ಆಡಳಿತ ಇತ್ತಿನ ಭಾರತದ ಸಿಂಧ್ ಬೊಕ್ಕ ಪಂಜಾಬ್ ಪ್ರದೇಸೊಲೆಗ್ ಸೇವೆ ಕೊರಿಯೆರೆ, ಸಿಂಗ್ ಸಭಾ ಚಳುವಳಿದ ಸಿಖ್ ಸುಧಾರಕೆರಾಯಿನ ಭಾಯಿ ವೀರ್ ಸಿಂಗ್, ಸರ್ ಸುಂದರ್ ಸಿಂಗ್ ಮಜಿಥಾ ಬೊಕ್ಕ ಸರ್ದಾರ್ ತರ್ಲೋಚನ್ ಸಿಂಗ್ ಮೊಕುಲು 24ನೇ ತಾರೀಕ್ ಜೂನ್ 1908ನೆ ಇಸವಿಡ್ ಪಂಜಾಬ್‌ದ ಅಮೃತಸರೊಡು ಒಂಜಿ ಬ್ಯಾಂಕ್ ಸ್ಥಾಪನೆ ಮಲ್ತೇರ್. ಉಂದು ಸಿಖ್ಖೆರೆಡ್ದ್, ಸಿಖ್ಖೆರೆಗಾತ್ರ ಸ್ಥಾಪನೆ ಆಯಿನ ಬ್ಯಾಂಕ್ ಆದಿತ್ತ್ಂಡ್. ಸುರುಕು ಈ ಬ್ಯಾಂಕ್‌ಗ್ 'ದಿ ಪಂಜಾಬ್ ಯೂನಿಯನ್ ಬ್ಯಾಂಕ್ ಲಿಮಿಟೆಡ್' ಪಂದ್ ಪುದರ್ ದೀವೊಡು ಪಂದಿತ್ತೆರ್. ಆಂಡ ಸಿಂಧ್‌ಡ್ ಇತ್ತಿನ ಪಂಜಾಬಿ ಜನಕುಲೆನ್ ಬುಡ್ದುಪಾಡಿಯೆರ್ ಎನ್ನುನ ಬೊಚ್ಚಿ ಪಂದ್ ಅಕೇರಿಗ್ 'ದಿ ಪಂಜಾಬ್ & ಸಿಂಧ್ ಬ್ಯಾಂಕ್ ಲಿಮಿಟೆಡ್' ಪುದರ್ ದೀಯೆರ್.[2][3][4]
ಅಮೃತಸರದ ಹಾಲ್ ಬಜಾರ್‌ಡ್ ಅಖಂಡ ಪಾಠ ಬೊಕ್ಕ ಅರ್ದಾಸ್ ಪ್ರಾರ್ಥನೆ(ಸಿಖ್ ದರ್ಮೊದ ಪ್ರಾರ್ಥನೆ)ದೊಟ್ಟುಗು ಬ್ಯಾಂಕ್‌ದ ಉದಿಪನ ಮಲ್ತೆರ್. ಬ್ಯಾಂಕ್‌ದ ಸುರುತ ಉದಿಪನದ ದಿನತ್ತಾನಿ 10,000 ರೂಪಾಯಿನ್ ಒಟ್ಟು ಮಲ್ತೇರ್. ಸುಂದರ್ ಸಿಂಗ್ ಮಜಿಥಿಯಾ ನಿರ್ದೇಶಕ ಮಂಡಳಿದ ಅಧ್ಯಕ್ಷರಾಯೆರ್. ಅಂಚನೆ ತ್ರಿಲೋಚನ್ ಸಿಂಗ್ ಮ್ಯಾನೇಜಿಂಗ್ ಡೈರೆಕ್ಟರ್ ಆಯೆರ್. ಬೇತೆ ನಿರ್ದೇಶಕರಾದು ಇತ್ತಿನಕುಲು ಪಂಡ ವೀರ್ ಸಿಂಗ್, ಧರಮ್ ಸಿಂಗ್, ಮಹಿಂದರ್ ಸಿಂಗ್, ಹರ್ಕಿಶನ್ ಲಾಲ್, ಮೆಹರ್ ಸಿಂಗ್ ಚಾವ್ಲಾ, ಬಘೈಲ್ ಸಿಂಗ್ ಬೊಕ್ಕ ಶಿವದೇವ್ ಸಿಂಗ್. ಬ್ಯಾಂಕ್ ಸುರು ಆಯಿನ ವರ್ಸೊ ಅಗೋಸ್ತುಡು ಗುಜ್ರಾನ್‌ವಾಲಾ ಬೊಕ್ಕ ಅಕ್ಟೋಬರ್‌ಡ್ ರಾವಲ್ಪಿಂಡಿಡ್ ರಡ್ಡ್ ಶಾಖೆಲೆನ್ ದೆತ್ತ್‌ಯೆರ್.[5][3][4]
ಬ್ಯಾಂಕ್ ಸುರು ಆಯಿನ ಪೊರ್ತುಡು ನಮ ದೇಸೊ ಭಾರತ-ಪಾಕ್ ವಿಭಜನೆ ಆದಿತ್ತಿಜಿ. ಅಂಚಾದ್ ಸಿಂಧ್ ಪ್ರಾಂತ್ಯ ಬಾಂಬೆ ಪ್ರಾಂತೊಗು ಸೇರ್‌ದಿತ್ತ್ಂಡ್. ಅಂಚನೆ ರಾವಲ್ಪಿಂಡಿ ಪಂಜಾಬ್ ಪ್ರಾಂತ್ಯೊಡು ಇತ್ತ್ಂಡ್.
ಬುಳೆಚ್ಚಿಲ್ ಬುಕ್ಕ ವಿಭಜನೆದ ಪ್ರಭಾವ
[ಸಂಪೊಲಿಪುಲೆ]1947ದ ಪೊರ್ತುಡು ಅಮೃತಸರ, ಲಾಹೋರ್, ಲಿಯಾಲ್‌ಪುರ, ಗುಜ್ರಾನ್‌ವಾಲಾ, ರಾವಲ್ಪಿಂಡಿ, ರಾವಲ್ಪಿಂಡಿ ಕಂಟೋನ್ಮೆಂಟ್, ಸಿಯಾಲ್ಕೋಟ್ ಬೊಕ್ಕ ಲುಧಿಯಾನಾದ್ ಒಟ್ಟು ಪತ್ತೊಂಜಿ ಶಾಖೆಲು ಬ್ಯಾಂಕ್‌ಗ್ ಇತ್ತ. ಅತ್ತಂದೆ ಜರನ್‌ವಾಲಾ, ಲಾಹೋರ್ ಸಿಟಿ ಬೊಕ್ಕ ಗೊಜ್ರಾಡ್ ಉಪ-ಕಚೇರಿಲು ಇತ್ತ. 1947ನೇ ಇಸವಿಡ್ ಆಯಿನ ಭಾರತ ದೇಶದ ವಿಭಜನೆಡ್ದಾತ್ರ ಪಾಕಿಸ್ತಾನ ದೇಸೊ ಉಂಡಾಂಡ್. ಪಂಜಾಬ್ ರಾಜ್ಯೊದ ಎಚ್ಚ ಜಾಗೆಲು ಪಾಕಿಸ್ತಾನೊಗು ಸೇರ್ದ್‌ಪೋಂಡು. ಅಂಚಾದ್ ಒಟ್ಟು ಇತ್ತಿನ ೧೧ ಶಾಕೆಲೆಡ್ ೯ ಶಾಕೆಲು ಪಾಕಿಸ್ತಾನೊಗು ಸೇರಿಯೊ. ಒರಿದಿನ ೨ ಶಾಕೆಲು ಮಾತ್ರ ನಮ ದೇಸೊಡು ಒರಿಂಡ್.
ರಾಷ್ಟ್ರೀಕರಣ
[ಸಂಪೊಲಿಪುಲೆ]1960ನೇ ಇಸವಿಡ್, ಪಂಜಾಬ್ & ಸಿಂಧ್ ಬ್ಯಾಂಕ್ ಲಂಡನ್‍ಡ್ ಒಂಜಿ ಶಾಖೆನ್ ಸ್ಥಾಪನೆ ಮಲ್ತ್ಂಡ್. ಬ್ಯಾಂಕ್‌ದ ಪೊಸ ಚಿಹ್ನೆನ್ ಕಲಾಕಾರೆ ಬೋಧರಾಜ್ ವಿನ್ಯಾಸ ಮಲ್ತೇರ್. 1972ನೇ ಇಸವಿಡ್ ಚಿಹ್ನೆನ್ ಬುಡ್ಕಡೆ ಮಲ್ತೆರ್. 15 ಏಪ್ರಿಲ್ 1980 ಡ್, ರಡ್ಡನೇ ಹಂತದ ರಾಷ್ಟ್ರೀಕರಣದ ಅಡಿಟ್ ಭಾರತ ಸರ್ಕಾರ ಪಂಜಾಬ್ & ಸಿಂಧ್ ಬ್ಯಾಂಕ್ ಸೇರ್‌ದ್ ೬ ಬ್ಯಾಂಕುಲೆನ್ ರಾಷ್ಟ್ರೀಕರಣ ಮಲ್ತ್ಂಡ್.
1987 ಡ್ ನಡತಿನ ಸೇಥಿಯಾ ವಂಚನೆಡ್ ಪಂಜಾಬ್ & ಸಿಂಧ್ ಬ್ಯಾಂಕ್ ಸೇರ್‌ದಿತ್ತಿನ ಹಿನ್ನೆಲೆಡ್, ಭಾರತೀಯ ರಿಸರ್ವ್ ಬ್ಯಾಂಕ್‌ದ ಆದೇಶದ ಮಿತ್ತ್ 1991ನೇ ಇಸವಿಡ್ ಬ್ಯಾಂಕ್ ಆಫ್ ಬರೋಡಾ ಸಂಸ್ಥೆ ಪಂಜಾಬ್ & ಸಿಂಧ್ ಬ್ಯಾಂಕ್‌ದ ಲಂಡನ್ ಶಾಖೆನ್ ತನ್ನ ವಶಕ್ ದೆತೊಂಡ್.
ಉಲ್ಲೇಕ
[ಸಂಪೊಲಿಪುಲೆ]- ↑ "ANNUAL REPORT 2025-26" (PDF). punjabandsind.bank.in. PnS bank. Retrieved 14 July 2026.
- ↑ "History". punjabandsind.bank.in/. Archived from the original on 2026-03-09. Retrieved 2026-07-14.
- 1 2 Singh, Kanika (15 December 2025). "How illustrated calendars issued by the Punjab and Sind Bank became an archive of Sikh history". Scroll.in. Retrieved 17 May 2026.
- 1 2 Singh, Kanika. “Punjab & Sind Bank and the Creation of Sikh Heritage.” The Story of a Sikh Museum: Heritage, Politics, Popular Culture. Cambridge: Cambridge University Press, 2025. Print. Retrieved on 16 May 2026 from: https://www.cambridge.org/core/books/story-of-a-sikh-museum/punjab-sind-bank-and-the-creation-of-sikh-heritage/DD9546B509EB1117E57E4E54CB3FE3D3
- ↑ "History". punjabandsind.bank.in/. Archived from the original on 2026-03-09. Retrieved 2026-07-14.