ಪದ್ಮ ಬಂಧೋಪಾಧ್ಯಾಯ

ಏರ್ ಮಾರ್ಷಲ್ ಪದ್ಮಾ ಬಂಧೋಪಾಧ್ಯಾಯ PVSM, AVSM, VSM, PHS
ಬಂಧೋಪಾಧ್ಯಾಯ (2012)
Birth name	ಪದ್ಮಾವತಿ ಸ್ವಾಮಿನಾಥನ್
Born	(1944-11-04) 4 November 1944 ತಿರುಪತಿ, ಮದ್ರಾಸ್ ಪ್ರೆಸಿಡೆನ್ಸಿ, ಬ್ರಿಟಿಷ್ ಇಂಡಿಯಾ (ಇತ್ತೆದ ಆಂಧ್ರ ಪ್ರದೇಶ)
Allegiance	ಭಾರತ
Service / branch	ಭಾರತೀಯ ವಾಯುಪಡೆ
Years of service	1968–2005
Rank	ಏರ್ ಮಾರ್ಷಲ್
Commands	ಡಿಜಿಎಂಎಸ್ (ಎರ್)
Alma mater	ಸಶಸ್ತ್ರ ಪಡೆ ವೈದ್ಯಕೀಯ ಕಾಲೇಜು, ಪುಣೆ
Spouse(s)	ವಿಂಗ್ ಕಮಾಂಡರ್ ಸತಿ ನಾಥ್ ಬಂಧೋಪಾಧ್ಯಾಯ
Children	2

ಪದ್ಮ ಬಂಧೋಪಾಧ್ಯಾಯ (ಪುಟ್ಟು ೪ ನವೆಂಬರ್ ೧೯೪೪) ಭಾರತೀಯ ವಾಯುಪಡೆದ ಒರ್ತಿ ಪುದರ್ ಪೋಯಿನ ಫ್ಲೈಟ್ ಸರ್ಜನ್ ಬೊಕ್ಕ ಭಾರತೀಯ ವಾಯುಪಡೆದ ಸುರುತ ಪೊಂಜೊವು ಏರ್ ಮಾರ್ಷಲ್. ಭಾರತೀಯ ಸಶಸ್ತ್ರ ಪಡೆಟ್ ಮೂಜಿ ನಕ್ಷತ್ರೊಲೆನ ಶ್ರೇಣಿನ್ ಪಡೆಯಿನ ರಡ್ಡನೆ ಪೊಂಜೊವು (ಸುರುತ ಪೊಂಜೊವು ಪುನಿತಾ ಅರೋರಾ).

ಸುರುತ ಜೀವನ

ಬಂಧೋಪಾಧ್ಯಾಯೆರ್ ತಿರುಪತಿಡ್ ಪದ್ಮಾವತಿ ಸ್ವಾಮಿನಾಥನ್ ಪುಟ್ಟುವೆರ್. ಆರ್ ತಮಿಳು ಪಾತೆರುನ ಅಯ್ಯರ್ ಕುಟುಂಬೊಗು ಸೇರ್ದಿನಕುಲು. ಅಲೆನ ಅಮ್ಮೆರ್ ಕ್ಷಯರೋಗ ಡ್ದ್ ಬಳಲೊಂದಿತ್ತೆರ್, ಬೊಕ್ಕ ಅಲೆಗ್ ಎಲ್ಯ ಪ್ರಾಯೊಡು ವೈದ್ಯಕೀಯೊಡು ಆಸಕ್ತಿ ಬತ್ತ್ಂಡ್. ನ್ಯೂ ದೆಹಲಿದ ಗೋಲ್ ಮಾರ್ಕೆಟ್ ಪ್ರದೇಶೊಡು ವೈದ್ಯೆರ್ ಆಯಿನ ಡಾ. ಎಸ್.ಐ. ಪದ್ಮಾವತಿನ ಪ್ರಭಾವೊಡುಲಾ ಆರ್ ಇತ್ತೆರ್.

ಶಿಕ್ಷಣ

ದೆಹಲಿ ತಮಿಳು ಎಜುಕೇಶನ್ ಸೊಸೈಟಿ ಸ್ಕೂಲ್ ಡ್ ಓದೊಂದಿತ್ತೆರ್. ಅಪಗ ಆರ್ ದೆಹಲಿ ವಿಶ್ವವಿದ್ಯಾಲಯೊಡು ವೈದ್ಯಕೀಯ ಪೂರ್ವ ಅಧ್ಯಯನ ಮಲ್ತೆರ್ ಬೊಕ್ಕ ೧೯೬೩ಡ್ [ಪುಣೆ ಸಶಸ್ತ್ರ ಪಡೆಲೆನ ವೈದ್ಯಕೀಯ ಕಾಲೇಜ್ ಗ್ ಸೇರ್ದೆರ್.

ವೃತ್ತಿಜೀವನ

ಬಂಧೋಪಾಧ್ಯಾಯೆರ್ 1968ಡ್ ಭಾರತೀಯ ವಾಯುಪಡೆ ಗ್ ಸೇರ್ದೆರ್. 1971 ಇಂಡೋ-ಪಾಕಿಸ್ತಾನ ಯುದ್ಧೊದ ಪೊರ್ತುಡು ಸೇವೆ ಮಲ್ತಿನ ಕಾರಣೊಗು ವಿಶಿಷ್ಟ್ ಸೇವಾ ಪದಕೊನು (ವಿಎಸ್ಎಂ) ಪಡೆಯೆರ್.

ಭಾರತದ ಏರೋಸ್ಪೇಸ್ ಮೆಡಿಕಲ್ ಸೊಸೈಟಿದ ಸುರುತ ಮಹಿಳಾ ಫೆಲೋ ಬೊಕ್ಕ ಉತ್ತರ ಧ್ರುವೊಡು ವೈಜ್ಞಾನಿಕ ಸಂಶೋಧನೆ ಮಲ್ತಿನ ಸುರುತ ಭಾರತೀಯ ಮಹಿಳೆ. ೧೯೭೮ಡ್ ಡಿಫೆನ್ಸ್ ಸರ್ವಿಸಸ್ ಸ್ಟಾಫ್ ಕಾಲೇಜ್ ಕೋರ್ಸ್ ನ್ ಮುಗಿತ್ನ ಸುರುತ ಮಹಿಳಾ ಮಿಲಿಟರಿ ಅಧಿಕಾರಿ.

೨೦೦೨ಡ್ ಏರ್ ವೈಸ್ ಮಾರ್ಷಲ್ ಪದವಿಗ್ ಬಡ್ತಿ ಪಡೆಯಿನ ಸುರುತ ಪೊಣ್ಣು ಆದ್ ಬೊಕ್ಕ ಭಾರತದ ವಾಯುಪಡೆದ ಸುರುತ ಪೊಣ್ಣು ಏರ್ ಮಾರ್ಷಲ್ ಆಯೆರ್. ಆರ್ ಡೈರೆಕ್ಟರ್ ಜನರಲ್ ಮೆಡಿಕಲ್ ಸರ್ವಿಸಸ್ (ಇಆರ್) ಆದ್ ಸೇವೆ ಮಲ್ತೆರ್.

ಪ್ರಶಸ್ತಿ ಬೊಕ್ಕ ಗೌರವೊಲು

• ವಿಶಿಷ್ಟ ಸೇವಾ ಪದಕ, ಜನವರಿ 1973
• ಇಂದಿರಾ ಪ್ರಿಯದರ್ಶಿನಿ ಪ್ರಶಸ್ತಿ
• ಅತಿ ವಿಶಿಷ್ಟ ಸೇವಾ ಪದಕ, ಜನವರಿ 2002
• ಪರಮ ವಿಶಿಷ್ಟ ಸೇವಾ ಪದಕ, ಜನವರಿ 2006
• ಪದ್ಮಶ್ರೀ ಪ್ರಶಸ್ತಿ, ಜನವರಿ 2020