ಪಪ್ಪಡ

ಹಪ್ಪಳ
	ಹಲಸಿನ ಹಪ್ಪಳ
ಬೇತೆ ಪುದರ್‌ಲು	ಪಾಪಡ್, ಪಂಪಡ್, ಹಪ್ಪಳ, ಪೊಪ್ಪಡಮ್, ಅಪ್ಪಳಮ್
ಮೂಲದ ಜಾಗೆ	ಭಾರತ, ಪಾಕಿಸ್ತಾನ, ಬಾಂಗ್ಲಾದೇಶ್
ಮುಕ್ಯೊ ಸಾಮಗ್ರಿಲು	ಬೇಳೆಗಳು, ಉದ್ದು, ಕಡಲೆ, ಅಕ್ಕಿ ಹಿಟ್ಟು
Variations	ಅಕ್ಕಿ, ಸಬ್ಬಕ್ಕಿ ಅಥವಾ ಆಲೂಗಡ್ಡೆ ಹಪ್ಪಳ
	Cookbook: ಹಪ್ಪಳ; Media: ಹಪ್ಪಳ;

ಪಪ್ಪಡ ಪಂಡ ಮೂಲತಃ ಭಾರತೊಡು ಮಲ್ಪುನ ಒಂಜಿ ತೆನಸ್. ಪಪ್ಪಡ ( ತಮಿಳು : பபடம், ಹಿಂದಿ : पापड़, ಪಂಜಾಬಿ : ਪਾਪਡ, ನೇಪಾಳಿ ಬೊಕ್ಕ ಮರಾಠಿ) : पाಪಡ್, ಗುಜರಾತಿ : ાપડ, ಅಸ್ಸಾಂ ಬೊಕ್ಕ ಬಂಗಾಳಿ : পাপড, ಮಲಯಾಳಂ : പപപഡം pappadam, ತೆಲುಗು : అప్పా౰౲ పాపం ‎ ) ಪಂಡ ಸಾಮಾನ್ಯವಾದ್ ಪ್ರತಿಯೊರಿಯಗ್ಲಾ ಇಷ್ಟ ಆಪಿನ ಒಂಜಿ ತೆನಸ್. ಬಾರೆದ ಪರ್ಂದ್, ಪೆಲಕಾಯಿ, ಉರ್ದುದ ಬೇಳೆ, ಬೊಕ್ಕ ಅರಿ ಸೇರ್ಸಾದ್ ಬೇತೆ ಬೇತೆ ಸಾಮಾನುಲೆಡ್ ಮಲ್ಪುವೆರ್.

ಅರಿತ ಪಪ್ಪಡ

ಅರಿನ್ ನೆನೆಪಾದ್, ನೀರ್, ಉಪ್ಪು, ಜೀರಿಗೆ ಪಾಡ್ದ್, ಸಣ್ಣ ಮಲ್ತ್ ದ್‌ಕಡೆದ್ . ಒಂಜಿ ಬಣಲೆಡ್ ಬೆಚ್ಚ ಮಲ್ತ್, ಉಂಡೆ ಮಲ್ತ್, ಉರುಟುಗು ತಟ್ಟ್ ದ್ ದೊಂಬುಗು ನುಂಗಾವೊಡು .

ಪೆಲಕಾಯಿದ ಹಪ್ಪಳ

ಈ ಹಪ್ಪಳೊನು ಎಡ್ಡೆ ಬುಳೆಯಿನ ಪೆಲಕಾಯಿಡ್ ಮಲ್ಪುವೆರ್ ^[೧] ಉಂದೆನ್ ಮಲ್ಪೆರೆ, ಸುರುಕು ಪೆಲಕಾಯಿ ಮೂರ್ದು ಪಚ್ಚಿಲ್ ನ್ ಲಕ್ಕಾವೊಡು. ಅವೆನ್ ದೆಪ್ಪುನಗ,ಮರೆ ಆಪಿನೆಕ್ ಕೈಕ್ ತಾರಾಯಿದ ಎಣ್ಣೆನ್ ಪೂಜೊನೊಡು. ಬೊಕ್ಕ, ಒಂಜಿ ಗಟ್ಟಿ ಕತ್ತಿ ಅತ್ತ್ಂಡ ಕುಡರಿಡ್, ಅಯಿನ್ ಒಯ್ತ್ ದ್, ಉಲಾಯಿದ ಕೂಂಜಿನ್ ದೆತ್ತ್ ದ್, ಪೆಲತರಿನ್ ಬೇತೆ ಮಲ್ಪೊಡು. ಪಚ್ಚಿಲ್ ಸರಿಯಾದ್ ಬೇಯಿಪುನ ಮುಟ್ಟ ನೀರ್ಡ್ ಬೇಯಿಪಾದ್ ಬೊಕ್ಕ ಚೂರು ಚೌಲಿ ಆಯೆರೆ ಬುಡ್ಲೆ. ಬೆಯ್ತಿನ ಪಚ್ಚಿಲ್ ನ್ ಉಪ್ಪು ಪಾಡ್ದ್ ಕಡೆದ್ ಬೊಕ್ಕ ಉರುಂಟು ಉಂಡೆ ಮಲ್ತ್ ದ್ ದೀವೊಡು.ಬೊಕ್ಕ, ಒಂಜಿ ಬೋರ್ಡ್ ನ್ ದೆತೊಂದು , ಅಯಿನ್ ಚಟ್ಟೆ ಆದ್ ಒತ್ತೊಡು ಬೊಕ್ಕ ಒಂಜಿ ಪಜೆಟ್ ಮೂಜಿ ದಿನ ಸೂರ್ಯನ ದೊಂಬುಗು ನುಂಗಾವೊಡು . ಬೊಕ್ಕ ಅವೆನ್ ದೆತ್ತ್ ದೀವೊಡು. ಬೊಕ್ಕ ಬೋಡಾಪಿನಗ ಎಣ್ಣೆಡ್ ಕಾಯಿತ್ದ್ ತಿನೊಲಿ.

ದೀಗುಜ್ಜೆದ ಹಪ್ಪಳ

ದೀಗುಜ್ಜೆದ ಹಪ್ಪಳ ಮಲ್ಪೆರೆ, ಬುಳೆಯಿನ ದೀಗುಜ್ಜೆ ಬೋಡು. ದೀಗುಜ್ಜೆನ್ ಜೀಗುಜ್ಜೆ ಪಂದ್‌ಲಾ ಲೆಪ್ಪುವೆರ್. ಪ್ರಕೃತಿಡ್ ಉಪ್ಪುನ ಒಂಜಿ ಬಗೆತ ಪೆಲಕಾಯಿದ ಜಾತಿ ^[೨]. . ಉಂದೆನ್ ತರಕಾರಿ ಆದ್ ಅಡಿಗೆಗ್ ಬಳಕೆ ಮಲ್ಪುವೆರ್. ಒಂಜಿ ಬುಳೆಯಿನ ದೀಗುಜ್ಜೆ ನ್ ದೆತೊಂದು , ಅವೆನ್ ಚೋಲಿ ದೆತ್ತ್ ದ್ , ತುಂಡು ತುಂಡು ಮಲ್ಪುಲೆ, ಬೊಕ್ಕ ನೀರ್ ಪಾಡಂದೆ 20 ನಿಮಿಷ ಸಿಕೆಟ್ ಬೆಯಿಪಾದ್. ಬೊಕ್ಕ, ನೀರ್, ಉಪ್ಪು ಪಾಡ್ದ್, ಕಡೆಪುನ ಕಲ್ಲ್ ಡ್ ಕಡೆವೊಡು.ಬೊಕ್ಕ ಅವೆನ್ ಉಂಡೆ ಆದ್ ಮಲ್ಪೊಡು. ಅಯಿರ್ದ್ ಬೊಕ್ಕ ಒಂಜಿ ಬೋರ್ಡ್ ನ್ ದೆತೊಂದು, ಅಯಿನ್ ಚಟ್ಟೆ ಆದ್ ಒತ್ತುದು ಬೊಕ್ಕ ಒಂಜಿ ಮ್ಯಾಟ್ ಡ್ ಮೂಜಿ ದಿನ ಸೂರ್ಯನ ದೊಂಬುಗು ನುಂಗಾವೊಡು. ನುಂಗಿ ಬೊಕ್ಕ , ಅವೆನ್ ಕಟ್ಟ್ ದ್ ದೀವೊಡು ಬೊಕ್ಕ ಬೋಡಾಪಿನಪಗ ಎಣ್ಣೆಡ್ ಕಾಯಿತ್ದ್ ತಿನೊಲಿ.