ಪಶ್ಚಿಮ ಬಂಗಾಳ

ಪಶ್ಚಿಮ ಬಂಗಾಳ
ರಾಜ್ಯೊ
ದಕ್ಷಿಣೇಶ್ವರ ಕಾಳಿ ಮಂದಿರ ಮೋರ್ಗನ್ ಹೌಸ್ ರೈಟರ್ಸ್ ಬಿಲ್ಡಿಂಗ್ ಬೇಲೂರು ಮಠ ಶಾಮರಾಯ ಮಂದಿರ ವಿಕ್ಟೋರಿಯಾ ಮೇಮೋರಿಯಲ್ ಹೌರಾ ರೈಲ್ವೇ ನಿಲ್ದಾಣ ಡಾರ್ಜಿಲಿಂಗ್ ಈಡನ್ ಗಾರ್ಡನ್ ಮೈದಾನೊ ರಸ್ ಮಂಚ ಜೋರ್ ಬಾಂಗ್ಲಾ ದೇವಾಲಯ ನಿಜಾಮತ್ ಇಮಾಂಬ್ರಾ ಫಿರೋಝ್ ಮಿನಾರ್ ಬೆಂಗಾಲ್ ಪಿಲಿ ದುರ್ಗಾ ಪೂಜೆ ಕೂಚ್ ಬಿಹಾರ್ ಅರಮನೆ
Emblem of ಪಶ್ಚಿಮ ಬಂಗಾಳ
Etymology: ಸ್ವಾತಂತ್ರೊಗು ದುಂಬು ಇತ್ತಿನ ಬಂಗಾಳ ಪ್ರಾಂತ್ಯೊದ, ಪಡ್ಡಾಯಿ ಬಾಗ ಆಯಿನೆಡ್ದಾರ ಈ ರಾಜ್ಯೊಗು ಪಶ್ಚಿಮ ಬಂಗಾಳ ಪುದರ್.
Nickname:  "ಎಲ್ಲಾ ಸಾಂಸ್ಕೃತಿಕ ಲಕ್ಷಣಗಳ ಕೇಂದ್ರ"
Motto:  ಸತ್ಯಮೇವ ಜಯತೆ
Anthem: ಬಾಂಗ್ಲಾರ್ ಮಾಟಿ ಬಾಂಗ್ಲಾರ್ ಜೊಲ್ (ಬಂಗಾಳದ ಮಣ್ಣ್, ಬಂಗಾಳದ ನೀರ್)
Location of ಪಶ್ಚಿಮ ಬಂಗಾಳ in India
Coordinates: 22.57°N 88.37°E / 22.57; 88.37
ದೇಸೊ	ಭಾರತ
Region	ಮೂಡಾಯಿದ ಭಾರತ
Previously was	ಬಂಗಾಳ ಪ್ರಾಂತ್ಯೊ
Formation	೧೫ನೇ ಅಗೋಸ್ತು ೧೯೪೭
Capital	ಕೊಲ್ಕತಾ
Largest city	ರಾಜಧಾನಿ
Largest metro	ಕೋಲ್ಕತ್ತಾ ಮಹಾನಗರ ಪ್ರದೇಶ
Districts	೨೩ ಜಿಲ್ಲೆಲು, ೫ ಆಡಳಿತ ಇಬಾಗೊ
Government
• Body	Government of ಪಶ್ಚಿಮ ಬಂಗಾಳ
• Governor	ಆರ್. ಎನ್. ರವಿ
• Chief Minister	ಸುವೇಂದು ಅಧಿಕಾರಿ (ಬಿಜೆಪಿ)
Legislature	ಏಕಸಭೆ
• Assembly	ಪಶ್ಚಿಮ ಬಂಗಾಳ ವಿಧಾನ ಸಭೆ (೨೯೪ ಸೀಟ್)
National Parliament	Parliament of India
• Rajya Sabha	೧೬ ಸೀಟ್
• Lok Sabha	೪೨ ಸೀಟ್
High Court	ಕಲ್ಕತ್ತಾ ಉಚ್ಛ ನ್ಯಾಯಾಲಯ
Area
• Total	88,752 km2 (34,267 sq mi)
• Rank	೧೩ನೇ
Dimensions
• Length	320 km (200 mi)
• Width	623 km (387 mi)
Highest elevation (ಸಂದಕಫು)	3,636 m (11,929 ft)
Lowest elevation (ಬಂಗಾಳ ಕೊಲ್ಲಿ)	0 m (0 ft)
Population  (2026 est.)
• Total	Increase ~೧೦,೬೦,೩೧,೦೦೦
• Rank	೪ನೇ
• Density	1,194/km2 (3,090/sq mi)
• Urban	೩೧.೮೭%
• Rural	೬೮.೧೩%
Demonym	ಬಂಗಾಳಿಲು
Language
• Official	ಬಂಗಾಳಿ • ಇಂಗ್ಲಿಷ್
• Additional official	ನೇಪಾಳಿ • ಉರ್ದು • ಹಿಂದಿ • ಒಡಿಯಾ • ಸಂತಾಲಿ • ಪಂಜಾಬಿ • ಕಮ್ತಾಪುರಿ • ರಾಜಬನ್ಷಿ • ಕುರ್ಮಾಲಿ • ಕುರುಕ್ • ತೆಲುಗು
• Official script	ಬಂಗಾಳಿ-ಅಸ್ಸಾಮೀ ಲಿಪಿ
GDP
• Total (2026-27 FY)	೨೧.೪೮ ಲಕ್ಷ ಕೋಟಿ
• Rank	೬ನೇ
• Per capita	~೨,೦೨,೭೦೦ (೨೦೨೬ ಇಸವಿದ ಅಂದಾಜಿ) (೨೪ನೇ)
Time zone	UTC+05:30 (IST)
ISO 3166 code	IN-WB
Vehicle registration	WB
HDI (2022)	0.635 Medium (೨೭ನೇ)
Literacy (2024)	82.6% (೨೫ನೇ)
Sex ratio (2011)	೯೫೦/೧೦೦೦ (೯೫೦ ಪೊಣ್ಣುಲೆಗ್ ೧೦೦೦ ಆಣ್‌ಲು) (೮ನೇ)
Website	wb.gov.in
Symbols of ಪಶ್ಚಿಮ ಬಂಗಾಳ
Emblem of ಪಶ್ಚಿಮ ಬಂಗಾಳ
Song	ಬಾಂಗ್ಲಾರ್ ಮಾಟಿ ಬಾಂಗ್ಲಾರ್ ಜೊಲ್ (ಬಂಗಾಳದ ಮಣ್ಣ್, ಬಂಗಾಳದ ನೀರ್)
Bird	ಬೊಳ್ದು ಕೆಕ್ಕ್‌ಲ್‌ದ ಕಿಂಗ್‌ಫಿಷರ್
Fish	ಇಲಿಷ್
Flower	ಪಾರಿಜಾತ
Fruit	ಕುಕ್ಕು
Mammal	ಫಿಶಿಂಗ್ ಕ್ಯಾಟ್ (ಮೀನ್ ಬೋಟೆ ಮಲ್ಪುನ ಪುಚ್ಚೆ)
Tree	ಪಾಲೆದ ಮರ
State highway mark
State highway of ಪಶ್ಚಿಮ ಬಂಗಾಳ WB SH1 – WB SH15
List of Indian state and union territory symbols
^ಬಂಗಾಳ ಪ್ರಾಂತ್ಯೊನು ೧೯೪೭ದ ಭಾರತ ಸ್ವಾತಂತ್ರ್ಯ ಕಾಯ್ದೆದ ಮೂಲಕ ಪಶ್ಚಿಮ ಬಂಗಾಳ ಬೊಕ್ಕ ಪೂರ್ವ ಬಂಗಾಳ (ಇತ್ತೆದ ಬಾಂಗ್ಲಾದೇಶ) ಪನ್ಪಿನ ರಡ್ಡ್ ರಾಜ್ಯೊಲಾದ್ ಪಾಲ್ ಮಲ್ತೆರ್

ಪಶ್ಚಿಮ ಬಂಗಾಳ ಭಾರತದ ಮೂಡಾಯಿ ಬಾಗೊಡು ಉಪ್ಪುನ ಒಂಜಿ ರಾಜ್ಯೊ. ಉಂದು ಬಂಗಾಳ ಕೊಲ್ಲಿದ ಬರಿಟ್ ನೆಲೆ ಆತ್ಂಡ್, ಅಂಚನೆ ೮೮,೭೫೨ ಚದರ ಕಿಲೋಮೀಟರ್ (೩೪,೨೬೭ ಚದರ ಮೈಲಿ) ಇಸ್ತೀರ್ನೊ ಈ ರಾಜ್ಯೊಗು ಉಂಡು. ೨೦೨೬ ನೇ ಜನಸಂಖ್ಯೆದ ಅಂದಾಜುದ ಲೆಕ್ಕೊಡು, ಪಶ್ಚಿಮ ಬಂಗಾಳ ರಾಜ್ಯೊದ ಜನಸಂಖ್ಯೆ ೧೦.೬ ಕೋಟಿ ಆದುಂಡು.

ಜನಸಂಖ್ಯೆನ್ ಲೆಕ್ಕೊಗು ದೆತೊಂಡ, ಪಶ್ಚಿಮ ಬಂಗಾಳ ದೇಸೊಡು ನಾಲನೆ ಮಲ್ಲ ಅಂಚನೆ ವಿಸ್ತೀರ್ಣೊಡು ಪದಿಮೂಜನೆ ಮಾಮಲ್ಲ ರಾಜ್ಯೊ ಆದುಂಡು. ಅಂತರರಾಷ್ಟ್ರೀಯವಾದ್, ಪಶ್ಚಿಮ ಬಂಗಾಳ ಮೂಡಾಯಿಡ್ ಬಾಂಗ್ಲಾದೇಶ ಅಂಚನೆ ಬಡಕಾಯಿಡ್ ನೇಪಾಳ ಬೊಕ್ಕ ಭೂತಾನ್ ದೇಸೊಲೆದೊಟ್ಟುಗು ತನ್ನ ಗಡಿನ್ ಪಟ್ಟೊಂದುಂಡು. ಅಂಚನೆ ನಮ ದೇಸೊದ ಜಾರ್ಖಂಡ್, ಒಡಿಶಾ, ಬಿಹಾರ, ಸಿಕ್ಕಿಂ ಬೊಕ್ಕ ಅಸ್ಸಾಂ ರಾಜ್ಯೊಲೆದೊಟ್ಟುಗುಲಾ ಗಡಿನ್ ಪಟ್ಟೊಂದುಂಡು. ಪಶ್ಚಿಮ ಬಂಗಾಳ ರಾಜ್ಯದ ರಾಜಧಾನಿ ಕೋಲ್ಕತ್ತಾ. ಉಂದು ಭಾರತದ ಮೂಜನೆ ಮಾಮಲ್ಲ ಮಹಾನಗರ ಬೊಕ್ಕ ಜನಸಂಖ್ಯೆದ ಆಧಾರೊಡು ಏಳನೆ ಮಲ್ಲ ನಗರೊ ಆತ್ಂಡ್. ಪಶ್ಚಿಮ ಬಂಗಾಳ ಡಾರ್ಜಿಲಿಂಗ್ ಹಿಮಾಲಯದ ಗುಡ್ಡೆದ ಪ್ರದೇಶ, ಗಂಗಾ ಸುದೆತ ಮುಖಜ ಭೂಮಿ (ಡೆಲ್ಟಾ), ರಾರ್ ಪ್ರದೇಶ, ಕರಾವಳಿ ಸುಂದರಬನ್ಸ್ ಬೊಕ್ಕ ಬಂಗಾಳ ಕೊಲ್ಲಿನ್ ಉಲಯಿ ಪಾಡೊಂದುಂಡು.

ಪಿರಾಕ್‌ದ ಕಾಲೊಡು ಗುಪ್ತೆರೆನ ಆಳ್ವಿಕೆಡ್ ಇತ್ತಿನ ಬಂಗಾಳ, ೭ನೆ ಶತಮಾನೊಡು ಗೌಡ ದೇಸೊದ ಸಮರ್ಥ ಅರಸೆ ಶಶಾಂಕನ ನೇತೃತ್ವೊಡು ಪ್ರಬಲ ಸ್ವತಂತ್ರ ರಾಜ್ಯವಾದ್ ಉದಿತ್ ಬತ್ತ್ಂಡ್. ಐರ್ದ್ ಬೊಕ್ಕ ಬತ್ತಿನ ಅರಾಜಕತೆನ್ ಕಡೆಮಲ್ತಿನ ಪಾಲ ವಂಶದ ಅರಸೆರ್ (ಗೋಪಾಲ, ಧರ್ಮಪಾಲ, ದೇವಪಾಲ) ಸಾಮ್ರಾಜ್ಯೊನು ವಿಸ್ತಾರ ಮಲ್ತ್‌ದ್, ನಾಲಂದಾ ಬೊಕ್ಕ ವಿಕ್ರಮಶಿಲೆತಂಚಿನ ಪ್ರಸಿದ್ಧ ವಿದ್ಯಾಕೇಂದ್ರೊಲೆದ ಮೂಲಕ ಬೌದ್ಧ ಧರ್ಮ ಬೊಕ್ಕ ಕಲೆಗ್ ಮಸ್ತ್ ಪ್ರೋತ್ಸಾಹ ಕೊರಿಯೆರ್. ೧೧ನೆ ಶತಮಾನೊಡು ಅಧಿಕಾರೊಗು ಬತ್ತಿನ ಸೇನ ಮನೆತನೊ ಹಿಂದೂ ಧರ್ಮ ಬೊಕ್ಕ ಸಂಸ್ಕೃತ ಸಾಹಿತ್ಯೊನು ಪೋಷಣೆ ಮಲ್ತ್ಂಡ್. ಆಂಡ, ೧೨೦೨ಡ್ ಬಖ್ತಿಯಾರ್ ಖಿಲ್ಜಿನ ದಾಳಿದೊಟ್ಟುಗು ಬಂಗಾಳೊಡು ಮುಸ್ಲಿಂ ಆಳ್ವಿಕೆ ಸುರುವಾತ್, ದೆಹಲಿ ಸುಲ್ತಾನೆರ್ ಬೊಕ್ಕ ಇಲಿಯಾಸ್ ಶಾಹಿ, ಹುಸೇನ್ ಶಾಹಿ ಮನೆತನೊಲೆದ ಆಡಳಿತರ್ದ್ ಬೊಕ್ಕ ಅಕ್ಬರನ ಕಾಲೊಡು ಉಂದು ಮೊಘಲೆರೆನ ವಶ ಆಂಡ್.

೧೭೫೭ದ ಪ್ಲಾಸಿ ಕದನೊಡು ನವಾಬ ಸಿರಾಜುದ್ದೌಲನ್ ಬ್ರಿಟೀಷೆರ್ ಸೋಪಾಯೆರ್. ಕಲ್ಕತ್ತಾನ್ ಅಕ್ಲೆನ ರಾಜಧಾನಿ ಮಲ್ತೊಂದು ಆಡಳಿತೊನು ಸ್ಥಾಪನೆ ಮಲ್ತೆರ್. ೧೯೦೫ಡ್ ಲಾರ್ಡ್ ಕರ್ಜನ್ ಕೊನತಿನ ಬಂಗಾಳ ವಿಭಜನೆ ತೀವ್ರ 'ಸ್ವದೇಶಿ ಚಳವಳಿ'ಗ್ ಕಾರಣವಾದ್ ೧೯೧೧ಡ್ ರದ್ದಾಂಡಲಾ, ಕಡೆಕ್ ೧೯೪೭ಡ್ ಭಾರತೊಗು ಸ್ವಾತಂತ್ರ್ಯ ತಿಕ್ಕಿಬೊಕ್ಕ ಬಂಗಾಳ ಧಾರ್ಮಿಕ ಆಧಾರದ ಮಿತ್ತ್ ಪಿರ ವಿಭಜನೆ ಆತ್, ಪಶ್ಚಿಮ ಬಂಗಾಳ ಭಾರತ ಒಕ್ಕೂಟದ ಅಧಿಕೃತ ರಾಜ್ಯವಾದ್ ಅಸ್ತಿತ್ವೊಗು ಬತ್ತ್ಂಡ್.