ಪಿ ಎನ್ ಪಣಿಕ್ಕರ್

ಪುತುವಾಯಿಲ್ ನಾರಾಯಣ ಪನಿಕ್ಕರ್ (೧ಮಾರ್ಚ್೧೯೦೯-ಜೂನ್೧೯ ೧೯೯೫) ಕೇರಳೊಡು ಗ್ರಂಥಾಲಯ ಚಳುವಳಿದ ಪಿತಾಮಹೆ ಪಂದ್ ಲೆಪ್ಪುವೆರ್. ಅಂಚನೆ ಸಾಕ್ಷರತಾ ಚಳುವಳಿದ ಪಿತಾಮಹೆಲ ಆದಿತ್ತೆರ್. ಮೆರೆನ ಪುಣ್ಯತಿಥಿ ದಿನ ಜೂನ್ ೧೯ನ್ ೨೦೧೭ಡ್ ಭಾರತದ ಪ್ರಧಾನಿ ನರೇಂದ್ರ ಮೋದಿ ಭಾರತಾದ್ಯಂತ ರಾಷ್ಟೀಯ ವಾಚನ ದಿನ ಪಂದ್ ಆಚರಣೆ ಮಲ್ಪೆರೆ ಆದೇಶ ಮಲ್ತೆರ್ ಮಲ್ಪುವೆರ್.

PN ಪಣಿಕ್ಕರ್ 2004 ಭಾರತದ ಅಂಚೆ ಚೀಟಿ

ಪಿ ಎನ್ ಪಣಿಕ್ಕರ್ ಸ್ಮಾರಕ ಶಾಲೆ_ಅಂಬಲಪುಲಂ

ಪಿ ಎನ್ ಪಣಿಕ್ಕರ್ ವೃತ್ತಿ ಮಲ್ತಿನ ಶಾಲೆ ನೀಲಂ ಪೆರೂರು

ಬಾಲ್ಯ ಬುಕ್ಕೊ ವೃತ್ತಿ

ಪಿ ಎನ್ ಪಣಿಕ್ಕರ್ ೧೯೦೯ ಮಾರ್ಚ್ ೧ಕ್ ಆಲಪ್ಪುಳ ಜಿಲ್ಲೆದ ನೀಲಂಪೆರೂರು ಪನ್ಪಿನಲ್ಪ ಗೋವಿಂದ ಪಿಳ್ಳೈ ಬುಕ್ಕೊ ಜಾನಕಮ್ಮ ದಂಪತಿಲೆಗ್ ಮಗೆಯಾದ್ ಪುಟ್ಟಿಯೆರ್. ಅವೆಡ್ದ್ ಬುಕ್ಕೊ ಬರವು ಸರವು ಕಲ್ತ್‌ದ್ ೧೯೨೬ ತನ್ನ ಊರುಡು ಕಲ್ಪಾದಿಯಾದ್ ಬೇಲೆಗ್ ಸೇರ್ದ್ ಸನಾತನ ಧರ್ಮ ಪನ್ಪಿನ ಗ್ರಂಥಾಲಯ ಸುರು ಮಲ್ತೆರ್.

ಕೊಡುಗೆ

ಪಣಿಕ್ಕರ್ 1945 ಡ್ 47 ಗ್ರಾಮೀಣ ಗ್ರಂಥಾಲಯದೊಟ್ಟುಗು ತಿರುವಿತಂಕೂರ್ ಗ್ರಂಥಶಾಲಾ ಸಂಘೊನು (ತಿರುವಾಂಕೂರು ಗ್ರಂಥಾಲಯ ಸಂಘ) ತಾಪನೆ ಮಲ್ಪಿನೆಟ್ ಉಮೇದ್ ತೋಜಾಯೆರ್. ಸಂಘದ ಘೋಷಣೆ "ಓದಿ ಬುಕ್ಕೊ ಬೆಳೆಯಿರಿ". ಬುಕ್ಕೊ, 1956ಡ್ ಕೇರಳ ರಾಜ್ಯ ರಚನೆ ಆದಾಪಿನೆ, ಅವ್ವು ಕೇರಳ ಗ್ರಂಥಶಾಲಾ ಸಂಘ (ಕೆಜಿಎಸ್) ಆಂಡ್. ಆರ್ ಕೇರಳದ ಹಳ್ಳಿ ಹಳ್ಳಿಗ್ ಪೋದು ಓದುನ ಸಂದೇಶೊನು ಪ್ರಚಾರ ಮಲ್ತೆರ್ ಬುಕ್ಕೊ ಜನೊಕುಲು ಸಕ್ರಿಯವಾದ್ ಪಾಲ್ ಪಡೆಯೆರೆ ಬಿನ್ನೈಪು ಮಲ್ತೆರ್. ಈ ಜಾಲೊಡು ಸುಮಾರು 6000 ಗ್ರಂಥಾಲಯ ಸೇರ್ಂಡ. 1975 ಡ್ ಗ್ರಂಥಶಾಲಾ ಸಂಘ ಯುನೆಸ್ಕೋದ ಪ್ರತಿಷ್ಠಿತ 'ಕೃಪಸಕಾಯ ಪ್ರಶಸ್ತಿನ್ ಗೆಂದ್ಂಡ್. 1977 ಡ್ ಕೇರಳ ರಾಜ್ಯ ಸರ್ಕಾರ ಸಂಘೊನ್ ಸ್ವಾಧೀನ ಮಲ್ಪುನೆ ಮುಟ್ಟ ಆರ್ 32 ವರ್ಷ ಕಾಲ ಸಂಘದ ಪ್ರಧಾನ ಕಾರ್ಯದರ್ಶಿಯಾದಿತ್ತೆರ್.ಇತ್ತೆ ಉಂದೆನ್ ಕೇರಳ ರಾಜ್ಯ ಗ್ರಂಥಾಲಯ ಮಂಡಳಿ ಪಂದ್ ಲೆಪ್ಪುವೆರ್, ಪಣಿಕ್ಕರ್ ಸಮಾಜೊಗು ನನಲಾತ್ ಕೆಲಸ ಮಲ್ಪೊಡು ಪಂದ್ 1977 ಡ್ ಆರ್ ಕೇರಳ ಅನೌಪಚಾರಿಕ ಶಿಕ್ಷಣ ಬುಕ್ಕೊ ಅಭಿವೃದ್ಧಿ ಸಂಘೊನು(KANFED)ತಾಪನೆ ಮಲ್ತೆರ್. ಕೇರಳ ರಾಜ್ಯ ಸಾಕ್ಷರತಾ ಮಿಷನ್ ಸುರು ಮಲ್ಪುನೆಟ್ KANFED ಮುಖ್ಯ ಜಬಾದಾರಿ ದೆತೋಂದಿತ್ತ್ಂಡ್,ಉಂದು ಕೇರಳೊನು ಪೂರ್ಣ ಸಾಕ್ಷರತಾ ಆಂದೋಲನಡ್ ದುಂಬುವರಿಪುಲೆಕ್ಕೊ ಮಲ್ತ್ಂಡ್ ಬುಕ್ಕೊ ಕೇರಳ ಸಂಪೂರ್ಣ ಸಾಕ್ಷರತೆ ಪಡೆಪುನೆಟ್ ಸುರುತ ರಾಜ್ಯವಾಂಡ್ ಕೃಷಿ ಪುಸ್ತಕಗಳ ಕಾರ್ನರ್, ಫ್ರೆಂಡ್‌ಶಿಪ್ ವಿಲೇಜ್ ಆಂದೋಲನ (ಸೌಹೃದಗ್ರಾಮ), ಕುಟುಂಬೊಲೆಗ್ ಓದುನ ಕಾರ್ಯಕ್ರಮೊಕುಲು, ಪುಸ್ತಕೊಲೆಗ್ ದೇಣಿಗೆ ಬುಕ್ಕೊ ಗ್ರಂಥಾಲಯ ನಿರ್ಮಾಣ ಬುಕ್ಕೊ ಪಿಎನ್ ಪಣಿಕರ್ ಫೌಂಡೇಶನ್‌ದ ಎಡ್ಡೆ ಓದುಗೆರೆ ಬಹುಮಾನೊಗು ಉತ್ತೇಜನ ಕೊರ್ಪುನೆಕ್ ಆರ್ ಜಾಸ್ತಿ ಉಮೇದ್ ಕೊರಿಯೆರ್.

ಓದುವ ದಿನ

ಕೇರಳ ಸರ್ಕಾರ ಪಿ. ಎನ್. ಪಣಿಕ್ಕರ್ ಮೆರೆನ ಕೊಡುಗೆಗ್ ಮಾನಾದಿಗೆ ಕೊರ್ಪಿನ ಸಲುವಾದ್ ಜೂನ್ 19 ನ್ ವಾರ್ಷಿಕವಾದ್ ವಾಯನಾದಿನಂ (ಓದುನ ದಿನ) ಪಂದ್ ಆಚರಣೆ ಮಲ್ಪೆರೆ ಆದೇಶ ಮಲ್ತ್ಂಡ್. ಉಂದೆತ ಒಟ್ಟಿಗೆ ಪಿ. ಎನ್. ಪಣಿಕ್ಕರ್ ಸಾಕ್ಷರತೆ, ಶಿಕ್ಷಣ ಬುಕ್ಕೊ ಗ್ರಂಥಾಲಯ ಚಳುವಳಿಗ್ ಕೊರ್ನ ಕೊಡುಗೆನ್ ಗೌರವಿಸಪಿನ ಸಲುವಾದ್ ಶಾಲೆಲು ಬುಕ್ಕೊ ಸಾರ್ವಜನಿಕ ಸಂಸ್ಥೆಲೆಡ್ ವಾರಪೂರ್ತಿ ಚಟುವಟಿಕೆಲೆನ್ ದೀವೊಂದು ವಾಚನ ಸಪ್ತಾಹ ಆಚರಣೆ ಮಲ್ಪೆರೆ ಸುರು ಮಲ್ತ್ಂಡ್.

ಮಾನಾದಿಗೆ

ಅಂಚೆ ಇಲಾಖೆ ಜೂನ್ 21, 2004 ಡ್ ಅರೆನ ಸ್ಮರಣಾರ್ಥ ಅಂಚೆ ಚೀಟಿನ್ ಬಿಡುಗಡೆ ಮಲ್ತ್‌ದ್ ಪಣಿಕ್ಕರ್ ಮೆರೆಗ್ ಮಾನಾದಿಗೆ ಮಲ್ತ್ಂಡ್. ೨೦೧೦ ಡ್ ಪಿ.ಎನ್. ಪಣಿಕ್ಕರ್ ಫೌಂಡೇಶನ್ ಆಶ್ರಯೊಡು ಅರೆನ ಜನ್ಮ ಶತಮಾನೋತ್ಸವನು ಆಚರಣೆ ಮಲ್ತ್ಂಡ್.

ಸಾವು

ಅರೆನ 86 ನೇ ಪ್ರಾಯೊಡು, ಜೂನ್ 19, 1995 ಟ್ ತೀರ್ ಪೋಪೆರ್.