ಪೊಂಗರೆ ಮರ
| ಪೊಂಗರೆ ಮರ | |
|---|---|
 | |
| ಭಾರತೊದ ಮುನ್ನಾರ್, ಕೇರಳ ಪ್ರದೇಸೊಡು ತೋಜಿದ್ ಬರ್ಪುನ ಮರ. | |
Scientific classification  | |
| Missing taxonomy template (fix): | ಎರಿಥ್ರಿನಾ |
| Species: | Template:Taxonomy/ಎರಿಥ್ರಿನಾಎ. ವೆರಿಯೇಗಾಟಾ |
| Binomial name | |
| Template:Taxonomy/ಎರಿಥ್ರಿನಾಎರ ವೆರಿಯೇಗಾಟಾ | |
ಕನ್ನಡೊಡು ಹೊಂಗರೆ ಇಂಗ್ಲಿಸ್ಡ್ ಎರಿಥ್ರಿನಾ ವೆರಿಯೇಗಾಟಾ ತುಳುಟು ಪೊಂಗರೆಂದ್ ಪನ್ಪೆರ್. ಪೊಂಗರೆನ್ ಸಾಮಾನ್ಯವಾದ್ ಪಿಲಿತ ಉಗುರು[೨] ಅತ್ತ್ಂಡ ಭಾರತೊದ ಹವಳದ ಮರ[೩] ಪಂಡ್ದ್ ಲೆಪ್ಪುವೆರ್. ಪೊಂಗರೆದ ಮರತ್ತ ಗುರ್ತ ಐತ ಮರ ಇಡೀ ಮುಳ್ಳು. ಆಂಡ ಇತ್ತಿತ್ತೆ ಮುಳ್ಳು ಇಜ್ಜಂದಿ ಪೊಂಗರೆದ ಮರ ಬುಳೆವೊಂದುಲ್ಲೆರ್. ಮುಳ್ಳು ಇದ್ಯಾಂದಿನ ಮರನ್ ಪೊಣ್ಣು ಪೊಂಗರೆಂದ್ ಪನ್ಪೆರ್. ಪೊಂಗರೆದ ಮರಟ್ಟ್ ಮುಳ್ಳು ಉಪ್ಪುನೆಡ್ದ್ ಐಕ್ ಎಡ್ಡೆ ಮುನ್ಚಿದ ಬಲ್ಲ್ ಬುಡಿಯೆರೆ ಎಡ್ಡೆ ಆಪುಂಡು.
ಪೊಂಗರೆದ ವಿದೊ
[ಸಂಪೊಲಿಪುಲೆ]ಪೊಣ್ಣು ಪೊಂಗರೆ
[ಸಂಪೊಲಿಪುಲೆ]ಮುಳ್ಳು ಇದ್ಯಾಂದಿ ಪೊಂಗರೆನ್ ಪೊಣ್ಣು ಪೊಂಗರೆಂದ್ ಪನ್ಪೆರ್. ಮಲ್ಲಿಗೆ ಬಲ್ಲ್ ಬುಡಿಯರ ಇಂದೆನ್ ಉಪಯೋಗ ಮಲ್ಪುವೆರ್. ಬಚ್ಚಿರೆ ಬಳ್ಳ್ ಬುಡ್ದು ಬಚ್ಚಿರೆ ಬುಲೆಪ್ಪಾವೆರ್.
ಆನ್ ಪೊಂಗರೆ
[ಸಂಪೊಲಿಪುಲೆ]ಮುಳ್ಳು ಇಪ್ಪುನ ಬೊಂಗರೆನ್ ಆನ್ ಪೊಂಗರೆಂದ್ ಪನ್ಪೆರ್. ಇಂದೆನ್ ಬೇಲಿಗ್ ನಡಿಯರೆ ಉಪಯೋಗ ಮಲ್ಪುವೆರ್. ಎಡ್ಡೆಮುನ್ಚಿ ಬಲ್ಲ್ ಬುಡ್ಪೆರ್.
ಪೊಂಗರೆ ಮರ್ದ್
[ಸಂಪೊಲಿಪುಲೆ]ಪೊಂಗರೆದ ಇರೆನ್ ನೀರ್ ಬೆಚ್ಚ ಮಳ್ಪುನಗ ಪಾಡ್ದ್ ಐತ ನೀರ್ ಬಾಲೆಲೆನ್ ಮೀಪಾರೆ ಉಪಯೋಗ ಮಳ್ಪುವೆರ್.
ಪೊಂಗರೆದ ಮಿತ್ತ್ ಗಾದೆ
[ಸಂಪೊಲಿಪುಲೆ]- ಪೊಣ್ಣು ಅಂಬೆ ಮರಟ್ಟ್ ಬಡ್ತ್ದ್ ಪೊಂಗರೆ ಮರಟ್ಟ್ ಜಾರ್ಯಲ್. ಇಂಚ ಪಂಡ ಆ ಪೊಣ್ಣು ಬಾರಿ ಜೋರುದಾಳ್ಂದ ಅರ್ತೊ. ಪೊಣ್ಣು ಏತ್ ಜೋರುಂದು ಹೋಲಿಕೆ.
ಇತ್ತಿತ್ತೆ ಮುಳ್ಳುದ ಪೊಂಗರೆ ತಿಕ್ಕೂಜಿ. ಅವು ಅಳಿಂಡ್ ಪಂಡ್ದ್ ಪನ್ಪೆರ್. ಐತ ಬಿತ್ತ್ನ್ ಒರಿಪಾರೆ ವಾಮಂಜೂರುದ ಪಿಲಿಕುಲಟ್ಟ್ ಐತ ಕೆಲವು ದ್ಯೆ ನಡ್ತೆರ್. ಐತ ಪೂವುಲ ಬಾರಿ ಪೊರ್ಲು.
- ಅಂಬಟೆ ಮರಟೆ ಬಡ್ತ್ದ್ ಪೊಗರೆ ಮರಟೆ ಜಾರ್ಯಳ್.
ಉಪಯೋಗ
[ಸಂಪೊಲಿಪುಲೆ]- ಪೊಂಗರೆದ ಇರೆಟ್ಟ್ ಗಟ್ಟಿ ಮಳ್ಪುವೆರ್.
- ಗುವೆಲ್ ತೋಡಾನಗ ಪೊಂಗರೆ ಮರತ್ತ ಚೌಕ ದೀವೊಂದಿತ್ತೆರ್.
- ಮಾರಿ ಗಿಡಪುನ ಸಂಪ್ರದಾಯೊಡು ಪೊಂಗರೆ ಮರತ್ತ ಗೊಂಬೆ ತಯಾರ್ ಮಲ್ಪುನ ಸಂಪ್ರದಾಯ ಇತ್ತ್ಂಡ್.
- ಪೊಂಗರೆದ ಕಾಯಿನ್ ಚೆನ್ನಮಣೆ ಕಾಯಿ ತಿಕ್ಕ್ಜಿಂಡ ಗೊಬ್ಬುನಗ ಉಪಯೋಗ ಮಲ್ತೊಂದಿತ್ತೆರ್.
- ಪೊಂಗರೆದ ಮರಟ್ ಮುಳ್ಳು ಇಪ್ಪುನೇಡ್ತಾವರೊ ಬೇಲಿಡ್ ನಡ್ಪೆರ್.
- ಕೈಕಂಜಿಲೆಗ್ ತಿನ್ಯರಾ ಲಾ ಕೊರ್ಪೆರ್
- ಪೊಂಗರೆದ ಮರನ್ ಮದಿಮಗ್ ಮುಕ್ಕಾರ್ ತೋರಣ ಮಲ್ಪಿಯರ ಗಳಸುವೆರ್.
ಚಿತ್ರೊಲು
[ಸಂಪೊಲಿಪುಲೆ]
ಸಸ್ಯಶಾಸ್ತ್ರೊದ ವಿವರೊ
ಪೊಂಗರೆ ಪೂ
ಪೊಂಗರೆ ಬಿತ್ತ್
ಬಿತ್ತ್ಲು ಹಿಲ್ಟನ್ ರೆಸಾರ್ಟ್, ಗ್ವಾಮ್
ಬಿತ್ತ್ ಕೊಡಿಪಾವುನೆ. ಡೆಡೆಡೊ, ಗ್ವಾಮ್
ಪೊಂಗರೆ ಮರ ಮಲ್ಲಳ್ಳಿ ಜಲಪಾತೊ, ಹಾಸನ, ಕನಾ೯ಟಕ
ಮಲ್ಲ ಮರ ಹಿಲ್ಟನ್ ರೆಸಾರ್ಟ್, ಟುಮೊನ್, ಗ್ವಾಮ್
_seeds,_Tamuning,_Guam.jpg)
ಉಲ್ಲೇಕೊಲು
[ಸಂಪೊಲಿಪುಲೆ]- ↑ A., Groom, (22 July 2010). "IUCN Red List of Threatened Species: Erythrina variegata". IUCN Red List of Threatened Species.
{{cite web}}: CS1 maint: extra punctuation (link) CS1 maint: multiple names: authors list (link) - ↑ "Erythrina variegata (ERZVA)[Overview]| EPPO Global Database". gd.eppo.int.
- ↑ "Erythrina variegata L. GRIN-Global". npgsweb.ars-grin.gov.