ಪೊನ್ನಾನಿ

ಪೊನ್ನಾನಿ (ಮಲಯಾಳಂ: [ponːaːni]) ಭಾರತದ ಕೇರಳ ರಾಜ್ಯದ ಮಲಪ್ಪುರಂ ಜಿಲ್ಲೆದ ಪೊನ್ನಾನಿ ತಾಲೂಕುದ ಒಂಜಿ ಪುರಸಭೆ. ಉಂದೇ ಹೆಸರಿನ ತಾಲೂಕು ಬೊಕ್ಕ ಬ್ಲಾಕ್ ಪಂಚಾಯಿತಿದ ಆಡಳಿತ ಕೇಂದ್ರ ಆದ್ ಸೇವೆ ಮಲ್ಪುಂಡು. ಉಂದು ಭರತಪ್ಪುಝಾ (ಪೊನ್ನಾನಿ ನದಿ) ದ ಮುಖ್ಯ ನದಿಡ್ ಉಂಡು, ಅಯಿತ ದಕ್ಷಿಣ ತೀರೊಡು, ಬೊಕ್ಕ ಪಶ್ಚಿಮೊಡು ಅರೇಬಿಯನ್ ಸಮುದ್ರ ಬೊಕ್ಕ ದಕ್ಷಿಣೊಡು ಉಪ್ಪುದ ಕಡಲತೀರೊಲೆನ ಸರಣಿಡ್ದ್ ಸುತ್ತುವರಿದ್ ಉಂಡು.^[೧]

ಉಂದು ರಾಜ್ಯೊದ ಏಳನೇ ಅತಿ ಹೆಚ್ಚು ಜನಸಂಖ್ಯೆದ ಪುರಸಭೆ, ಜಿಲ್ಲೆದ ಎರಡನೇ ಅತಿ ಹೆಚ್ಚು ಜನಸಂಖ್ಯೆದ ಪುರಸಭೆ, ಬೊಕ್ಕ ಮಲಪ್ಪುರಂ ಜಿಲ್ಲೆಡ್ ಅತಿ ದಟ್ಟವಾದ್ ಜನಸಂಖ್ಯೆ ಇಪ್ಪುನ ಪುರಸಭೆ, 2011 ವರ್ಷದ ಪ್ರಕಾರ ಒಂಜಿ ಚದರ ಕಿಲೋಮೀಟರ್ ಗ್ ಸುಮಾರ್ 3,646 ನಿವಾಸಿಲು ಉಲ್ಲೆರ್. ೨೦೧೧ ರ ಜನಗಣತಿ ಪ್ರಕಾರ, ಪುರಸಭೆ ಮಲಪ್ಪುರಂ ಮಹಾನಗರ ಪ್ರದೇಶದ ಒಂಜಿ ಭಾಗವಾದುಂಡು. ರಾಷ್ಟ್ರೀಯ ಹೆದ್ದಾರಿ 66, ಪನ್ವೆಲ್ ಡ್ದ್ ಕನ್ಯಾಕುಮಾರಿ ಮುಟ್ಟ, ಪೊನ್ನಾನಿ ಪುರಸಭೆದ ಮೂಲಕ ಪೋಪುಂಡು. ರಾಷ್ಟ್ರೀಯ ಹೆದ್ದಾರಿ ೬೬ ನ್ ರಾಷ್ಟ್ರೀಯ ಹೆದ್ದಾರಿ ೫೪೪ ನ್ ಸಂಪರ್ಕ ಮಲ್ಪುನ ಪಾಲಕ್ಕಾಡ್-ಪೊನ್ನಾನಿ ರಾಜ್ಯ ಹೆದ್ದಾರಿ ಮತ್ತೊಂಜಿ ಪ್ರಮುಖ ರಸ್ತೆ. ತಿರೂರ್ ನದಿ‍‍‍‍‍‍‍‍‍ ಪೊನ್ನಾನಿ ನದಿನ್ ತನ್ನ ಬಾಯಿಡ್ ಉತ್ತರ ದಂಡೆಡ್ದ್ ಪಟಿಂಜರೆಕ್ಕರ ಬೀಚ್ ಡ್ ಸೇರುಂಡು, ಪೊನ್ನಾನಿಗ್ ಎದುರು. ವಸಾಹತುಶಾಹಿ ಕಾಲೊದ ಕ್ಯಾನೊಲಿ ಕಾಲುವೆ ("ಪೊನ್ನಾನಿ ಕಾಲುವೆ") ಪೊನ್ನಾನಿ ಊರುನು ರಡ್ಡ್ ಭಾಗ ಮಲ್ಪುಂಡು. ಪೊನ್ನಾನಿ ದಕ್ಷಿಣೊಗು ೬೮ ಕಿ.ಮೀ ದೂರೊಡು ಕೊಜಿಕೋಡೆ ನಗರೊಗು, ನೈಋತ್ಯೊಗು ೪೮ ಕಿ.ಮೀ. ಪಲಕ್ಕಡ್ ನಗರೊಗು, ವಾಯುವ್ಯೊಗು ೯೧ ಕಿ.ಮೀ., ತ್ರಿಶೂರು ನಗರೊಗು ವಾಯುವ್ಯೊಗು ೫೦ ಕಿ.ಮೀ ದೂರೊಡು ಉಂಡು. ಪೊನ್ನಾನಿ ಕೇರಳ ಕರಾವಳಿದ ಸರಿಯಾದ್ ನಡುಟು ಉಂಡು.

ಮಧ್ಯಯುಗೊಡು, ಕೊಜಿಕೋಡೆದ ಮಹತ್ವಾಕಾಂಕ್ಷಿ ಹಿಂದೂ ಮುಖ್ಯಸ್ಥೆರೆನ ಅಡಿಟ್ (ಸಮುತಿರಿಲು/ಜಮೊರಿನ್ ಲು), ಪೊನ್ನಾನಿ ಅರೇಬಿಯನ್ ಸಮುದ್ರೊಡು ಮುಸ್ಲಿಂ ವ್ಯಾಪಾರೊದ ಮುಖ್ಯ ಕೇಂದ್ರೊಲೆಡ್ ಒಂಜಿ ಆದ್ ಅಭಿವೃದ್ಧಿ ಆಂಡ್ - ವಿದೇಶಿ ಬೊಕ್ಕ ದೇಶೀಯ. ಈ ಬಂದರ್ ಕೊಜಿಕೋಡ್ ಆಡಳಿತಗಾರೆರೆನ ಮಿಲಿಟರಿ ಮುಖ್ಯ ಕಚೇರಿ ಆದ್ ಲಾ ಸೇವೆ ಮಲ್ತೊಂದಿತ್ತ್ಂಡ್. ೧೫ನೆ ಶತಮಾನೊದ ಕಡೆಟ್ ಪೋರ್ಚುಗೀಸ್ ಸಂಶೋಧಕೆರೆನ ಆಗಮನೊಡು, ಮಸಾಲೆ ವ್ಯಾಪಾರೊಡು ಏಕಸ್ವಾಮ್ಯೊಗು ಕೊಜಿಕೋಡೆದ ಅಡ್ಮಿರಲ್ಸ್ ಬೊಕ್ಕ ಪೋರ್ಚುಗೀಸ್ ನಕುಲೆನ ನಡುಟು ನಗರೊಡು ಕೆಲವು ಯುದ್ಧೊಲು ನಡತ್ಂಡ್. ಪೋರ್ಚುಗೀಸ್ ಬೊಕ್ಕ ಕೊಜಿಕೋಡ್ ಆಡಳಿತಗಾರೆರೆನ ನಡುಟು ಒಂಜಿ ಔಪಚಾರಿಕ ಯುದ್ಧ ಸುರು ಆನಗ, ಪೋರ್ಚುಗೀಸ್ ಲು ಪೊನ್ನಾನಿ ಬಂದರ್ ನ್ ಆಕ್ರಮಣ ಮಲ್ತೆರ್ ಬೊಕ್ಕ ಲೂಟಿ ಮಲ್ತೆರ್. ನಿರಂತರ ಯುದ್ಧೊಲು ವಸಾಹತುದ ಅಂತಿಮ ಕುಸಿತೊಗು ಕಾರಣವಾತ್ಂಡ್, ಮಧ್ಯಪ್ರಾಚ್ಯದ ವ್ಯಾಪಾರಿಲೆನ ನಿರ್ಗಮನ ಬೊಕ್ಕ ಅಯಿನ್ ರಕ್ಷಣೆ ಮಲ್ತಿನ ಆಡಳಿತೆರ್. ಇತ್ತೆ, ಪೊನ್ನಾನಿ ಕೇರಳೊಡು ಪ್ರಮುಖ ಮೀನುಗಾರಿಕೆ ಕೇಂದ್ರೊಲೆಡ್ ಒಂಜಿ

ನನೊಂಜಿ ಕಾಲೊಡು ಕೊಚ್ಚಿನ್ ರಾಜ್ಯ ಆಯಿನ ಪೆರುಂಬದಪ್ಪು ಸ್ವರೂಪೊದ ಮೂಲ ಕೇಂದ್ರ ಕಚೇರಿ ಪೊನ್ನಾನಿ ತಾಲೂಕುದ ಪುತುಪೊಣ್ಣನಿಗ್ 10 ಕಿ.ಮೀ ದಕ್ಷಿಣೊಗು ಇಪ್ಪುನ ಪೆರುಂಪದಪ್ಪುದ ವನ್ನೆರಿದ ಚಿತ್ರಕೂಡಂ ಡ್ ಇತ್ತ್ಂಡ್. ಪೆರುಂಪದಪ್ಪು ಕಾಲಿಕಟ್ಟ್ ದ ಜಮೊರಿನ ರಾಜ್ಯೊಗು ಬನ್ನಗ ಪೆರುಂಪದಪ್ಪುದ ಅಧಿಪತಿಲು ಕೊಡುಂಗಲ್ಲೂರುಗು ಪಲಾಯನ ಮಲ್ತೆರ್, ಬೊಕ್ಕ ಬೊಕ್ಕ ಅಕುಲು ಕೊಚ್ಚಿಗ್ ಪೋದು ಅಲ್ಪ ಕೊಚ್ಚಿ ರಾಜ್ಯೊನು ಸ್ಥಾಪನೆ ಮಲ್ತೆರ್.

ಪೊನ್ನಾನಿ ನಗರೊಲಾ ಎಸ್ಟಾಡೊ ಡಾ ಇಂಡಿಯಾದ ವಿರುದ್ಧದ ಯುದ್ಧೊಲೆಗ್ ಸೈದ್ಧಾಂತಿಕ ಬೆಂಬಲೊನು ಒದಗಿಸಾಯಿನವು. ಉಂದು ಪೂಜ್ಯ ಮಖ್ದುಮ್ ಕುಟುಂಬದ ಇಲ್ಲ್ ಆದಿತ್ತ್ಂಡ್. ಇಸ್ಲಾಮಿಕ್ ಧರ್ಮಶಾಸ್ತ್ರಜ್ಞೆರೆನ ಈ ಯೆಮೆನಿ ಕುಟುಂಬೊದ ಪ್ರಮುಖ ಸದಸ್ಯೆರ್ ಜೈನ್-ಉದ್-ದಿನ್ ಮಖ್ದುಮ್ I (೧೪೬೭ - ೧೫೨೧) ಬೊಕ್ಕ ಅರೆನ ಮಗೆ ಜೈನ್-ಉದ್-ದಿನ್ ಮಖ್ದುಮ್ II (೧೫೩೦ - ೧೫೮೧) ಸೇರ್ದ್ ಉಲ್ಲೆರ್. ಮಖ್ದುಮ್ II ತನ್ನ ಭಯಾನಕ ಐತಿಹಾಸಿಕ ವೃತ್ತಾಂತ ತುಹ್ಫತ್ ಅಲ್-ಮುಜಾಹಿದಿನ್ ("ಮುಜಾಹಿದುನ್ ನ ಗೆಲುವುಗು ಮಹಿಮೆ", ಸುಮಾರ್ ೧೫೮೩) ಗ್ ಪುದರ್ ಪೋತುಂಡು, ಉಂದು ಸುರುಕು ಲಿಸ್ಬನ್ ಡ್ ಮುದ್ರಿತ ಆಂಡ್ ಪ್ರಕಟ ಆಂಡ್. ಈ ಆವೃತ್ತಿದ ಒಂಜಿ ಪ್ರತಿ ಕೈರೋದ ಅಲ್-ಅಝರ್ ವಿಶ್ವವಿದ್ಯಾಲಯದ ಗ್ರಂಥಾಲಯೊಡು ಸಂರಕ್ಷಣೆ ಆತ್ಂಡ್.

ಪೊನ್ನಾನಿ ಜುಮ್'ಅಹ್ ಮಸೀದಿ, ವಲಿಯ ಜುಮ್'ಅಹ್ ಪಲ್ಲಿ/ಮಖ್ದುಮ್ ಮಸೀದಿ ಪಂಡ್ದ್ ಲೆಪ್ಪುವೆರ್, ಉಂದು ಕ್ರಿ.ಶ. ೧೬ನೆ ಶತಮಾನೊಡು ನಿರ್ಮಾಣ ಆಂಡ್. ಒಂಜಿ ಕಾಲೊಡು "ಮಲಬಾರ್ ದ ಎಲ್ಯ ಮೆಕ್ಕಾ" ಬೊಕ್ಕ "ಮಲಬಾರ್ ದ ಜಮಿಅತ್ ಅಲ್-ಅಝರ್" ಪಂಡ್ದ್ ಪುದರ್ ಪಡೆಯಿನ ಪೊನ್ನಾನಿ ಇಸ್ಲಾಮಿಕ್ ಕಲ್ಪುನ ಒಂಜಿ ಪ್ರಮುಖ ಕೇಂದ್ರ ಆದಿತ್ತ್ಂಡ್. ಸುಮಾತ್ರಾ, ಜಾವಾ ಬೊಕ್ಕ ಶ್ರೀಲಂಕಾ ಮುಟ್ಟದ ವಿದ್ಯಾರ್ಥಿಲು ಅಕ್ಲೆನ ಆಧ್ಯಾತ್ಮಿಕ ಶಿಕ್ಷಣೊಗು ಪೊನ್ನಾನಿಗ್ ಪೋಯೆರ್ ಪನ್ಪಿನವು ಗೊತ್ತುಂಡು. ಈ ಊರುನು ಮಸ್ತ್ ಮೂಲೊಲೆಡ್ "231⁄2 ಮಸೀದಿಲೆನ ಭೂಮಿ" ಪಂಡ್ದ್ ವರ್ಣನೆ ಮಲ್ತೆರ್. ಇತ್ತೆ ಉಂದೆಟ್ ಸುಮಾರ್ ೫೦ ಮಸೀದಿಲು ಉಂಡು, ಅವು ಊರುದ ಸುತ್ತಲ ಉಂಡು

ಫೆಬ್ರವರಿ ಬೊಕ್ಕ ಮಾರ್ಚ್ ತಿಂಗೊಲುಡು, ಪೊನ್ನಾನಿಡ್ (ಪೊನ್ನಾನಿ ಬೊಕ್ಕ ಪತಿಂಜರೆಕ್ಕರ ಕಡಲತೀರೊಲು) ಮಸ್ತ್ ಸಂಖ್ಯೆಡ್ ವಲಸೆ ಪಕ್ಕಿಲು ಒಟ್ಟು ಸೇರುಂಡು. ಅರಬಿ ಮಲಯಾಳ ಲಿಪಿ, ಮಲಯಾಳನ್ ಬರೆಯೆರೆ ಗಲಸೊಂದಿತ್ತಿನ ಒಂಜಿ ಲಿಪಿ ಪೊನ್ನಾಣಿಡ್ ಉದಿತ್ಂಡ್. ಈ ಲಿಪಿನ್ "ಪೊನ್ನಾನಿ ಲಿಪಿ" ಪಂಡ್ದ್ ಲೆಪ್ಪುವೆರ್.ಪೊನ್ನನಿ ಸುದೆ ಪಂದ್ ಲೆಪ್ಪುನ ಭರತಪ್ಪುಜ ಮಲಯಾಳಂ ಸಾಹಿತ್ಯೊಗು ಮಸ್ತ್ ಕೊಡುಗೆ ಕೊರ್ತುಂಡು

ವ್ಯಾಕರಣ

ಅರಬ್ಬೆರ್ ಬೊಕ್ಕ ಪರ್ಷಿಯನ್ ಲು ಮುಲ್ಪ ಪರಿಚಯ ಮಲ್ತಿನ ಅರಬ್ ಚಿನ್ನದ ನಾಣ್ಯೊಲೆನ ಚಲಾವಣೆಡ್ದ್ ಬೊಕ್ಕ ಪೊನ್ನಾನಿ ಪನ್ಪಿನ ಶಬ್ದ ಪೊನ್ನಾಯಮ್ (ಚಿನ್ನದ ನಾಣ್ಯ) ಡ್ದ್ ಬತ್ತ್ ಂಡ್ ಪನ್ಪಿನ ನಂಬಿಕೆ ಉಂಡು. ಈ ಜಾಗೆದ ಪುದರ್ ಬಂದರ್ ನಗರೊದ ಕಡಲ ವ್ಯಾಪಾರ ಸಂಪ್ರದಾಯೊಗು ಪಿರ ಬರ್ಪುಂಡು. ಕೇರಳೊದ ರಡ್ಡನೆ ಮಲ್ಲ ನದಿ ಆಯಿನ ಭರತಪ್ಪುಜ ನದಿ (ಪೊನ್ನಾನಿ ನದಿ) ಪೊನ್ನಾನಿ ಬಂದರ್ ಡ್ ಅರೇಬಿಯನ್ ಸಮುದ್ರೊಗು ಪರಪುಂಡು. ಭಾರತಪ್ಪುಜ ನದಿ ತೀರೊಡುಪ್ಪುನ ಪಲಕ್ಕಡ್ ಗ್ಯಾಪ್ ಪ್ರಾಚೀನ ಕಾಲೊಡು ಮಲಬಾರ್ ಕರಾವಳಿ ಬೊಕ್ಕ ಕೊರೊಮಂಡೇಲ್ ಕರಾವಳಿದ ನಡುಟು ಪ್ರಮುಖ ವ್ಯಾಪಾರ ಮಾರ್ಗ ಆದಿತ್ತ್ಂಡ್.ಏನೇ ಆಂಡಲಾ ಪೊನ್ನಾನಿ ಪನ್ಪಿನ ಪುದರ್ ಶತಮಾನೊಲೆಡ್ದ್ ಇಲ್ಲಡ್ ನಡತೊಂದು ಬತ್ತಿನ ಕಡಲ ವ್ಯಾಪಾರೊಗು ಸಂಬಂಧ ಪಟ್ಟಿನವು

ಚರಿತ್ರೆ

ಕರಕ್ಕುನ್ನಾಥ್ ವೀಡು-ಸ್ವಾತಂತ್ರ್ಯ ಹೋರಾಟೊದ ಪೊರ್ತುಡು ಪೊನ್ನಾನಿಡ್ ಬಾರಿ ಪ್ರಮುಖ ಪಾತ್ರ ವಹಿಸಾಯಿನ ಒಂಜಿ ಇಲ್ಲ್. ಇತ್ತೆಲಾ ಪೊನ್ನಾನಿಡ್ ಉಂತುದು ಉಲ್ಲೆ. ಕಸ್ತೂರ್ಭ ಗಾಂಧಿ ಕೆಲವು ದಿನೊಕುಲು ಇಲ್ಲಡ್ ವಾಸ ಮಲ್ತೆರ್ ಬೊಕ್ಕ ಚಾರ್ಕಾಡ್ ನೂಲು ನೂಲುದು ಬತ್ತೆರ್. ಪೊನ್ನಾನಿನ ಕರಕುನ್ನಾಥ ಇಲ್ಲಡ್ ಚಾರ್ಕೆ. ಸ್ವಾತಂತ್ರ್ಯ ಹೋರಾಟೊದ ಪೊರ್ತುಡು ಕಸ್ತೂರ್ಬ ಗಾಂಧೀಯೆರ್ ಇಲ್ಲಡ್ ಕುಲ್ಲುನಗಲಾ ಈ ಚಾರ್ಕೆಡ್ ನೂಲು ನೂಲುವೊಂದಿತ್ತೆರ್.

ಈ ವಸಾಹತುದ ಪೂರ್ವ-ಐತಿಹಾಸಿಕ ಬೊಕ್ಕ ಆರಂಭಿಕ ಐತಿಹಾಸಿಕ (ಕ್ರಿ.ಪೂ. 2ನೇ ಶತಮಾನ – ಕ್ರಿ.ಶ. 3ನೇ ಶತಮಾನ) ಸ್ವರೂಪ ರಹಸ್ಯೊಡು ಮುಚ್ಚಿದ್ ಉಂಡು. ಉಂದು ದಕ್ಷಿಣ ಭಾರತೊದ ಪಿರಾಕ್ ದ ಬಂದರುಲೆಡ್ ಒಂಜಿ ಆದುಂಡು ಬೊಕ್ಕ ಟಿಂಡಿಸ್ ಬಂದರ್ ಡ್ದ್ ಗುರುತಿಸವೊಲಿ, ಉಂದು ಮುಜಿರಿಸ್ ಗ್ ಉಪಗ್ರಹ ಫೀಡಿಂಗ್ ಬಂದರ್ ಆದಿತ್ತ್ಂಡ್, ಎರಿಥ್ರೇಯನ್ ಸಮುದ್ರೊದ ಪೆರಿಪ್ಲಸ್ ದ ಪ್ರಕಾರ.ಟಿಂಡಿಸ್ ಚೆರಾಸ್ ಬೊಕ್ಕ ರೋಮನ್ ಸಾಮ್ರಾಜ್ಯೊದ ನಡುಟು ಮುಜಿರಿಸ್ ನ ಬುಕ್ಕೊ ಒಂಜಿ ಪ್ರಮುಖ ವ್ಯಾಪಾರ ಕೇಂದ್ರ ಆದಿತ್ತ್ಂಡ್. ಮಲಬಾರ್ ಕರಾವಳಿನ್ ಕೊರೊಮಂಡೇಲ್ ಕರಾವಳಿದೊಟ್ಟುಗು ಒಳನಾಡುದ ಮೂಲಕ ಸಂಪರ್ಕ ಮಲ್ಪುನ ಪಲಕ್ಕಾಡ್ ಗ್ಯಾಪ್ ದ ಉಪಸ್ಥಿತಿಡ್ದಾವರ, ಭರತಪ್ಪುಜ ನದಿ (ಪೊನ್ನಾನಿ ನದಿ) ಸಂಗಮ ಕಾಲೊಡ್ದ್ (ಕ್ರಿ.ಶ. ೧-೪ನೆ ಶತಮಾನ) ಮಹತ್ವೊನು ಪಡೆಯಿನವು. ಅರಿ ಬುಳೆಪಾಯೆರೆ ಸೂಕ್ತವಾದ್ ಫಲವತ್ತಾಯಿನ ಮೈದಾನೊಲೆನ ನಡುಟು ಭರತಪ್ಪುಝದ ಮುಖ್ಯ ನದಿ ಮುಖ್ಯ ನದಿಟ್ ಪೊನ್ನಾನಿನ ಸ್ಥಳ ದುಂಬುದ ವಸಾಹತುದಾರೆರೆನ್ ಆಕರ್ಷಣೆ ಮಲ್ತ್ ದ್ ಇತ್ತ್ ಂಡ್. ಘಾಟ್ ಪರ್ವತೊಲೆನ್ ದಾಂಟೊಂದು ಕೊಯಮತ್ತೂರುದ ಮೈದಾನೊಲೆಗ್ ಎದುರುಡು ಉಪ್ಪುನ ನದಿ ಬಾಯಿನ್ ಮಧ್ಯ ತಮಿಳುನಾಡುದ ಆಡಳಿತೆರ್ ಪಾಲ್ಘಾಟ್ ಗ್ಯಾಪ್ ಮೂಲಕ ಪ್ರವೇಶಿಸೊಂದಿತ್ತೆರ್ ಪನ್ಪಿನವು ಗೊತ್ತುಂಡು. ಪುರಾತನ ತಮಿಳು ಮುಖ್ಯಸ್ಥೆರ್ ಭಾರತಪ್ಪುಝದ ಬಾಯಿಡ್ ಗ್ರೀಕೊ-ರೋಮನ್ ನೌಕಾಪಡೆದಕುಲೆನ ಸಂಪರ್ಕೊಗು ಬತ್ತೆರ್ ಪಂದ್ ಸಾಮಾನ್ಯವಾದ್ ಊಹಿಸವೊಲಿ

ನನೊಂಜಿ ಕಾಲೊಡುಲಾ, ಪೊನ್ನಾನಿ ಭಾರತೊಡು ಪೋರ್ಚುಗೀಸ್ ಔಟ್ ಪೋಸ್ಟ್ ಲೆಗ್ ಪ್ರಮುಖ ಅರಿ ಸರಬರಾಜುದಾರೆರಾದ್ ಸೇವೆ ಮಲ್ತೆರ್. ವಸಾಹತುಶಾಹಿ ಆಡಳಿತೊಡು, ಪೊನ್ನಾನಿ ಅರಿತ ಸರಕುಲೆನ್ ಪಶ್ಚಿಮ ಕರಾವಳಿಡ್ ಸಾಗಾಣಿಕೆ ಮಲ್ತೆರ್. ಪೊನ್ನಾನಿಡ್ದ್ ಗೋವಾಗ್ ರಫ್ತು ಮಲ್ಪುನ ಬೇತೆ ಪ್ರಮುಖ ಸರಕು ತಂಬಾಕು.

ಕೆಪ್ರೊಬೊಟೊಸ್ (ಚೆರಾ ರಾಜವಂಶ) ದ ವಾಯುವ್ಯ ಗಡಿಟ್ ಇತ್ತ್ಂಡ್ ಪಂದ್ ಪನ್ಪೆರ್.ಟಿಂಡಿಸ್ ಬಂದರ್ ದ ಉತ್ತರೊಡು ಉಪ್ಪುನ ಉತ್ತರ ಮಲಬಾರ್ ಪ್ರದೇಶೊನು ಸಂಗಮ ಕಾಲೊಡು ಎಜಿಮಾಲಾ ರಾಜ್ಯೊ ಆಳ್ವಿಕೆ ಮಲ್ತೊಂದಿತ್ತ್ಂಡ್. ಎರಿಥೇರಿಯನ್ ಸಮುದ್ರದ ಪೆರಿಪ್ಲಸ್ ಪ್ರಕಾರ, ಲಿಮಿರೈಕ್ ಪನ್ಪಿನ ಒಂಜಿ ಪ್ರದೇಶ ನೌರಾ ಬೊಕ್ಕ ಟಿಂಡಿಸ್ ಡ್ ಸುರು ಆಂಡ್. ಆಂಡಲಾ ಟಾಲೆಮಿ ಲಿಮಿರೈಕ್ ನ ಸುರುತ ಬಿಂದು ಪಂಡ್ದ್ ಟಿಂಡಿಸ್ ನ್ ಮಾತ್ರ ಉಲ್ಲೇಖ ಮಲ್ತೆರ್. ಈ ಪ್ರದೇಶ ಬಹುಶಃ ಕನ್ಯಾಕುಮಾರಿಡ್ ಮುಗಿಂಡ್; ಅಂಚಾದ್ ಉಂದು ಇತ್ತೆದ ಮಲಬಾರ್ ಕರಾವಳಿಗ್ ಸರಿಸುಮಾರು ಅನುಗುಣವಾದುಂಡು. ಈ ಪ್ರದೇಶೊದೊಟ್ಟುಗು ರೋಮ್ ನ ವಾರ್ಷಿಕ ವ್ಯಾಪಾರೊದ ಮೌಲ್ಯ ಸುಮಾರ್ ೫೦,೦೦೦,೦೦೦ ಸೆಸ್ಟರ್ಸೆಸ್ ನ್ ಅಂದಾಜಿ ಮಲ್ತೆರ್. ಪ್ಲಿನಿ ದಿ ಎಲ್ಡರ್ ಲಿಮಿರೈಕ್ ನ್ ಕಡಲ್ಗಳ್ಳೆರೆಡ್ದ್ ಒಳಗಾವೊಂದಿತ್ತೆರ್ ಪಂದ್ ಉಲ್ಲೇಖ ಮಲ್ತೆರ್.ಲಿಮಿರೈಕ್ ಮೆಣಸುಲೆನ ಮೂಲ ಪಂಡ್ದ್ ಕಾಸ್ಮಾಸ್ ಇಂಡಿಕೊಪ್ಲೆಸ್ಟೆಸ್ ಉಲ್ಲೇಖ ಮಲ್ತೆರ್

ಪೋರ್ಚುಗೀಸ್ ಕಾಲ

ವಾಸ್ಕೊ ಡಾ ಗಾಮಾ 1498ಡ್ ಕೊಜಿಕೋಡ್ (ಕಪ್ಪು ರೇಖೆ) ಗ್ ಪೋಯೆರೆ ದೆತೊನುನ ಮಾರ್ಗ, ಉಂದು ಯುರೋಪ್ ಡ್ದ್ ಭಾರತೊಗು ಒಂಜಿ ಸಮುದ್ರ ಮಾರ್ಗೊನು ಕಂಡು ಕನತ್ಂಡ್, ಬೊಕ್ಕ ಅಂಚನೆ ಭಾರತೀಯ ಉಪಖಂಡೊದ ಯುರೋಪಿಯನ್ ವಸಾಹತುಶಾಹಿಗ್ ದಾರಿ ಮಲ್ತ್ಂಡ್. ಆ ಕಾಲೊಡು ಕಾಲಿಕಟ್ ದ ಜಮೊರಿನ್ ಪೊನ್ನಾನಿದ ತ್ರಿಕ್ಕಾವಿಲ್ ಕೋವಿಲಕಂ ಡ್ ನೆಲೆಯಾದಿತ್ತೆರ್. ಪೋರ್ಚುಗೀಸ್ ಭಾರತದ ವೈಸ್ರಾಯ್ ಆಯಿನ ಪೋರ್ಚುಗೀಸ್ ಗೆಂದಿನ ಬೊಕ್ಕ ಪರಿಶೋಧಕೆ ಫ್ರಾನ್ಸಿಸ್ಕೊ ಡಿ ಅಲ್ಮೆಡಾ ನವೆಂಬರ್ ೧೫೦೭ಡ್ ಪೊನ್ನಾನಿನ್ ದಾಳಿ ಮಲ್ತೆರ್. ೧೬ನೆ ಶತಮಾನೊಡು, ಪೊನ್ನಾನಿ ಕುನ್ಹಾಲಿ ಮರಕ್ಕರ್ಸ್ ಪನ್ಪಿನ ಕೊಜಿಕೋಡ್ ನೌಕಾಪಡೆದ ಮುಖ್ಯಸ್ಥೆರ್ ಬೊಕ್ಕ ಪೋರ್ಚುಗೀಸ್ ವಸಾಹತುಗಾರೆರೆನ ನಡುಟು ಕೆಲವು ಯುದ್ಧೊಲೆನ್ ತೂಯೆರ್.ಪೋರ್ಚುಗೀಸ್ ಬೊಕ್ಕ ಕೊಜಿಕೋಡ್ ಆಡಳಿತಗಾರೆರೆನ ನಡುಟು ಒಂಜಿ ಔಪಚಾರಿಕ ಯುದ್ಧ ಸುರು ಆನಗ, ಪೋರ್ಚುಗೀಸ್ ಲು ಪೊನ್ನಾನಿ ಬಂದರ್ ನ್ ಆಕ್ರಮಣ ಮಲ್ತೆರ್ ಬೊಕ್ಕ ಲೂಟಿ ಮಲ್ತೆರ್.

ಕೆಲವು ಚರಿತ್ರೆಗಾರೆರೆನ ಪ್ರಕಾರ ಕುಂಹಾಲಿ ಮರಕ್ಕರ್ ಕುಟುಮೊದ ಪಿರಾಕ್‌ದ ಇಲ್ಲ್ ಪೊನ್ನಾಣಿಡ್ ಇತ್ತ್ಂಡ್. ಕಾಲ ಕರಿಲೆಕನೆ ಅವು ತನೂರ್ ಬೊಕ್ಕ ಪಶ್ಚಿಮ ಕರಾವಳಿದ ಬೇತೆ ವಸತಿ ಸ್ಥಾನೊಲೆಗ್ ವ್ಯಾಪಿಸಾಯಿನವು. ಅಲ್ಮೀಡಿಯಾದ ಫ್ರಾನ್ಸಿಸ್ ಪೊನ್ನಾನಿನ್ (೧೫೦೭) ಆಕ್ರಮಣ ಮಲ್ತಿನಗ ಕುಂಹಾಲಿಲು ಅಕ್ಲೆನ ನೆಲೆನ್ ಪುಟುಪಟ್ಟಣಂ ಗ್ ಬದಲಾವಣೆ ಮಲ್ತೆರ್ ಪನ್ಪಿನವು ತೋಜುಂಡು. ಕುಂಹಾಲಿ ಮರಕ್ಕರ್‌ಲೆನ ಮೂಲದ ಬಗೆಟ್ ನನೊಂಜಿ ಅಭಿಪ್ರಾಯ ಉಂಡು. ಈ ಸಂಪ್ರದಾಯದ ಪ್ರಕಾರ, ಅಕುಲು ಕೊಚ್ಚಿಡ್ ವ್ಯಾಪಾರ ಮಲ್ಪುನ ಮುಹಮ್ಮದ್ ಪನ್ಪಿನ ಒರಿ ಮುಸ್ಲಿಂ ವ್ಯಾಪಾರಿನ ವಂಶೊಡು ಬತ್ತಿನಕುಲು. ಮುಹಮ್ಮದ್ ಬೊಕ್ಕ ಅರೆನ ಮೆಗ್ಯೆ ಕೊಚ್ಚಿನ್ ಬುಡ್ದು ಪೊನ್ನಾನಿಡ್ ನೆಲೆಯಾವೊಡಾಪುಂಡು, ದಾಯೆ ಪಂಡ ಪೋರ್ಚುಗೀಸ್ ನಕುಲು ಆಯನ ನೌಕೆಲು ಬೊಕ್ಕ ಗೋದಾಮುಲೆನ್ ನಾಶ ಮಲ್ತೆರ್. ಮರಕ್ಕರ್ ಲು ನನೊಂಜಿ ಸರ್ತಿ ಅರೆನ ನೆಲೆನ್ ಕೊಜಿಕೋಡ್ ಗ್ ಕಡಪುಡುವೆರ್ ಬೊಕ್ಕ ಪೊನ್ನಾನಿನ್ ಡಿ ಮೆನೆಜೆಸ್ (೧೫೨೫) ವಜಾ ಮಲ್ತಿನಗ, ಪೋರ್ಚುಗೀಸೆರೆನ ವಿರುದ್ಧದ ಹೋರಾಟೊಡು ಸಮುತಿರಿಗ್ ಸಹಾಯ ಮಲ್ತೆರ್. ಕುಟ್ಟಿ ಪೊಕ್ಕರ್, ಪಟ್ಟು ಮರಕ್ಕರ್ ನ ನೌಕಾಪಡೆಡ್ ಒರಿ ಕ್ಯಾಪ್ಟನ್ (ಕುನ್ಹಾಲಿ ಮರಕ್ಕರ್ ಮೂಜಿನೆ), ಪೊನ್ನಾನಿದ ಮೂಲ ನಿವಾಸಿ

ಪೊನ್ನಾನಿನ್ ಸಾಮಾನ್ಯವಾದ್ ಕೊಜಿಕೋಡೆದ ಸಮುತಿರಿಲೆನ ಮಿಲಿಟರಿ ರಾಜಧಾನಿ ಪಂಡ್ದ್ ಪರಿಗಣಿಸವೆರ್. ಕ್ರಿ.ಶ.೧೫೦೦ಡ್ ಕೊಚ್ಚಿನ್ ದಾಳಿ ಮಲ್ಪುನಗ, ಸಮುತಿರಿಲು ಪೊನ್ನಾನಿಡ್ ೫೦,೦೦೦ ನಾಯರ್ ಲೆನ ಒಂಜಿ ಮಲ್ಲ ಸೈನ್ಯೊನು ಒಟ್ಟು ಮಲ್ತೆರ್ ಪನ್ಪಿನ ತೋಜುಂಡು.ಮುಸ್ಲಿಮೆರ್ ಅಕ್ಲೆನ ಜೀವೊಡು ಪೊನ್ನಾನಿದ ಕೋಟೆನ್ ರಕ್ಷಣೆ ಮಲ್ಪೆರೆ ತಯಾರ್ ಆದಿತ್ತೆರ್ ಪನ್ಪಿನವು ವ್ಯಾಪಕವಾದ್ ಬರೆತೆರ್ ("ಹಹಿತಾತ್ರಾದ್ ಸೈಯೆರೆ").[೩೮] ಸ್ಥಳೀಯ ಮುಸ್ಲಿಮೆರೆನ ಜೊತೆಗೆ, ಸುಮಾರ್ ರಡ್ಡ್ ನೂರು ಮಲ್ಲ ನೌಕೆಲೆನ ಕೊಜಿಕೋಡ್ ನೌಕಾಪಡೆ ಮಸ್ತ್ ಸಂಖ್ಯೆಡ್ "ಕೆಂಪು ಲೇಪನೊಡು" ಟರ್ಕಿಶ್ ಸೈನಿಕೆರೆನ್ ಕರೆತೊಂದು ಪೋಯೆರ್. ಲೊರೆಂಜೊ ಅಲ್ಮೆಡಾ ಈ ಒಟ್ಟು ಸೇರ್ದಿನ ಶಕ್ತಿನ್ ಸೋತುದು, ಸುಮಾರ್ 3,000 ಮುಸ್ಲಿಮೆರ್ ಯುದ್ಧೊಡು ಸೈತ್ ಪೋಯೆರ್. ಪೋರ್ಚುಗೀಸ್ ನಷ್ಟ ಮಸ್ತ್ ಎಲ್ಯ ಆದಿತ್ತ್ಂಡ್

ಪೊನ್ನಾನಿ ಒಪ್ಪಂದ

ಪೋರ್ಚುಗೀಸ್ ವೈಸ್ರಾಯ್ ಗಾರ್ಸಿಯಾ ಡಿ ನೊರೊನ್ಹಾ 1 ಜನವರಿ ೧೫೪೦ಡ್ ಪೊನ್ನಾನಿಡ್ ಸೈಂಟ್ ಮ್ಯಾಥ್ಯೂಸ್ ಪನ್ಪಿನ ನೌಕೆಡ್ ಕೊಜಿಕೋಡೆದ ಸಮುಟಿರಿನೊಟ್ಟುಗು ಒಂಜಿ ಶಾಂತಿ ಒಪ್ಪಂದೊಗು ಸಹಿ ಪಾಡ್ದೆರ್. ಪೊನ್ನಾನಿ ಒಪ್ಪಂದ ಪನ್ಪಿನ ಒಪ್ಪಂದದ ಪ್ರಕಾರ, ಸಮುಟಿರಿ ಪೋರ್ಚುಗೀಸೆರೆಗ್ ಶುಂಠಿ ವ್ಯಾಪಾರೊದ ವರ್ಚುವಲ್ ಏಕಸ್ವಾಮ್ಯೊನು ಕೊರ್ತೆರ್ ಬೊಕ್ಕ ಕೊಜಿಕೋಡ್ ಡ್ ಶುಂಠಿನ್ ಸ್ವೀಕಾರ ಮಲ್ತೆರ್ ಅರಬ್ ನೌಕೆಲೆನ ನೌಕಾಯಾನೊಗು ಪೋರ್ಚುಗೀಸ್ ಪಾಸ್ ಲು (ಕುಖ್ಯಾತ "ಕಾರ್ಟಾಜೆಸ್") ಬೊಕ್ಕ ಪೋರ್ಚುಗೀಸ್ ನಕುಲು ಬೇತೆ ಸ್ಥಳೀಯ ಶಕ್ತಿಲೆನೊಟ್ಟುಗು [ಕೊಚಿನ್ ದಂಚಿನ] ಯುದ್ಧೊಲೆಡ್ ಮಧ್ಯಪ್ರವೇಶ ಮಲ್ಪಂದಿನ ಭರವಸೆನ್ ಕೊರ್ತೆರ್.

ಪೋರ್ಚುಗೀಸ್ ಕೋಟೆ

ಪೋರ್ಚುಗೀಸ್ ಲು ದುಂಬು (ಸುಮಾರ್ ೧೫೨೮ಡ್, ದಾ ಕುನ್ಹಾನ ಅಡಿಟ್) ಪೊನ್ನಾನಿಡ್ ವೈಕ್ಕಲ್ ನದಿ ಬಾಯಿದ ಉತ್ತರ ದಂಡೆಡ್ ಒಂಜಿ ಕೋಟೆನ್ ನಿರ್ಮಾಣ ಮಲ್ಪೆರೆ ಪ್ರಯತ್ನ ಮಲ್ತೆರ್. ಈ ತುಂಡು ಜಮೀನ್ ಬೆಟ್ಟೆದ ಮುಖ್ಯಸ್ಥೆರೆನವು. ಕೊಚ್ಚಿಡ್ದ್ ಬರ್ಪಿನ ನೌಕೆಲು ನಿರ್ಮಾಣೊಗು ಬೋಡಾಪಿನ ಸಾಮಗ್ರಿಲೆನ್ - ಕಲ್ಲ್ ಬೊಕ್ಕ ಗಾರೆದಂಚಿನ - ವೈಕ್ಕಲ್ ದ ಕೈತಲ್ ಬರ್ಪುಂಡು. ಆಂಡ ಒಂಜಿ "ಮಸ್ಟ್ ಪಾತ್ರೆ"ನ್ ಬುಡ್ದು ಬೇತೆ ಮಾತಾ ಪಾತ್ರೆಲು ಒಂಜಿ ಬಿರುಗಾಳಿಡ್ ಕರಾವಳಿಗ್ ಗುದ್ದುದು ನಾಶ ಆಯೆರ್. ಕೆಲವು ಪೋರ್ಚುಗೀಸ್ ಜನಕುಲು ಮುರ್ಕುದು ಪೋಯೆರ್ ಬೊಕ್ಕ ಕೆಲವೆರ್ ಸೆರೆಯಾಯೆರ್. ವಶೊಗು ಪಡೆಯಿನ ಫಿರಂಗಿಲು ಕೊಜಿಕೋಡೆದ ಸಮುತಿರಿನ ಕೈಟ್ ಬತ್ತ್ಂಡ್. ಸಮುತಿರಿ ಬೊಕ್ಕ ಪೋರ್ಚುಗೀಸೆರೆನ ನಡುಟು ಒಂಜಿ ಒಪ್ಪಂದದ ಪ್ರಕಾರ (೧೫೮೪), ಕೊಜಿಕೋಡ್ ಪೋರ್ಚುಗೀಸೆರೆಗ್ ಪೊನ್ನಾನಿಡ್ ಒಂಜಿ ಕೋಟೆದ ಬದಲ್ ಒಂಜಿ ಕಾರ್ಖಾನೆನ್ ಮಲ್ಪೆರೆ ಅನುಮತಿ ಕೊರ್ತೆರ್, ಅಯಿಕ್ ಬದಲಾದ್ ಮುಸ್ಲಿಮೆರೆಗ್ ಗುಜರಾತ್, ಪರ್ಷಿಯಾ ಬೊಕ್ಕ ಅರೇಬಿಯಾದ ಬಂದರುಲೆಗ್ ನೌಕಾಯಾನದ ಹಕ್ಕ್ ನ್ ಪಡೆಯೆರ್. ಕೊಜಿಕೊಡೆದ ಅರಸುನೊಟ್ಟುಗು ಒಪ್ಪಂದೊಗು ಸಹಿ ಪಾಡುನಗ ಮುಖ್ಯವಾದ್ ಪಾಲ್ ಪಡೆಯಿನ ಡೊಮ್ ಜೆರೋನಿಮೊ ಮಸ್ಕರಾನ್ಹಾಸ್ ನ್ ಪೊನ್ನಾನಿಡ್ ಕಾರ್ಖಾನೆದ ಕ್ಯಾಪ್ಟನ್ ಆದ್ ನೇಮಕ ಮಲ್ತೆರ್. ಈ ತೀರ್ಮಾನೊಗು ಕುಂಹಾಲಿ ಮರಕ್ಕರ್ III ಮಸ್ತ್ ಅಸಮಾಧಾನೊಡು ಇತ್ತೆರ್

ದುಂಬುಗು ಬದಲಾದ್, ಡ್ಯುವಾರ್ಟೆ ಡಿ ಮೆನೆಜೆಸ್ ಪೊನ್ನಾನಿಡ್ ಸರಿಯಾಯಿನ ಕೋಟೆನ್ ನಿರ್ಮಾಣ ಮಲ್ಪೆರೆ ನಿಶ್ಚಯ ಮಲ್ತಿನ ಒಂಜಿ ದಂಡಯಾತ್ರೆದ ಆಜ್ಞೆನ್ ರುಯ್ ಗೊಂಕಾಲ್ವೆಸ್ ಡಿ ಕಾರ್ಮರಾಗ್ ಒಪ್ಪಿಸಯೆರ್. ಗೊಂಕಾಲ್ವೆಸ್ ಪೊನ್ನಾನಿಗ್ ಪೋಯೆರ್, ಅಲ್ಪಡ್ದ್ ಆರ್ ಕೊಜಿಕೊಡೆದ ಸಮುತಿರಿಗ್ ಒಂಜಿ ಸಂದೇಶೊನು ಕಡಪುಡುವೆರ್, ಅರೆನ ಭೇಟಿದ ಉದ್ದೇಶೊನು ಅರೆಗ್ ತೆರಿಪಾವೆರ್, ಬೊಕ್ಕ ಒಂಜಿ ಸೂಕ್ತ ಜಾಗೆನ್ ಆಯ್ಕೆ ಮಲ್ಪುನ ದೃಷ್ಟಿಡ್ ಅರೆನ್ ತೂವೊಡು ಪಂದ್ ವಿನಂತಿ ಮಲ್ಪುವೆರ್. ಕೊಜಿಕೋಡ್ ಮುಖ್ಯಸ್ಥೆ ಗೊಂಕಾಲ್ವೆಸ್ ನ್ ಕೆಲವು ಸಮಯ ಕಾತೊಂದು ದೀಯೆರ್, ಅರೆನ ಬ್ರಾಹ್ಮಣೆರ್ ಒಂಜಿ ಶುಭ ದಿನಾಂಕೊನು ನಿಗದಿ ಮಲ್ಪೆರೆ ಸಾಧ್ಯ ಆಯಿಜಿ ಪನ್ಪಿನ ಮನವಿಡ್, ಅಯಿಡ್ದ್ ಬೊಕ್ಕ ಗೊಂಕಾಲ್ವೆಸ್ ಬ್ರಾಹ್ಮಣೆರೆಗ್ ಕೆಲವು ಉಡುಗೊರೆಲೆನ್ ಕಡಪುಡುವೆರ್, ಬೊಕ್ಕ ಅಕುಲು ತ್ವರಿತವಾದ್ ಉದ್ದೇಶೊಗು ಒಂಜಿ ಅನುಕೂಲಕರ ಗಂಟೆನ್ ಪುದರ್ ದೀತೆರ್. ಪೊನ್ನಾನಿಡ್ ಒಂಜಿ ಪೋರ್ಚುಗೀಸ್ ಕೋಟೆದ ನಿರ್ಮಾಣ 1585ಡ್ ಸುರು ಆಂಡ್. ಗೊನ್ಸಾಲ್ವೆಸ್, ಪಿದಯಿ ಪೋಯೆರೆ ಅವಸರೊಡು ಇತ್ತಿನೆಡ್ದಾವರ, ಒಂಜಿ ಮರತ ಕೋಟೆನ್ ಮಾತ್ರ ನಿರ್ಮಾಣ ಮಲ್ತೆರ್. ಕೋಟೆದ ಸುರುತ ಕ್ಯಾಪ್ಟನ್ ಆಯಿನ ರುಯಿ ಗೊಮೆಸ್ ಡಿ ಗ್ರಾಮ್, ಪೊನ್ನಾನಿದ ಮಿತ್ತ್ ರಕ್ಷಣೆನ್ ಬಲಪಡಾಯಿನವು ತೆರಿದ್ ಬತ್ತ್ಂಡ್. ಆರ್ ಮರತ ರಚನೆಲೆನ್ ಕೆತ್ತುದು ಗಣನೀಯ ಶಕ್ತಿದ ಕಲ್ಲ್ ದ ಒಂಜಿ ರಚನೆನ್ ನಿರ್ಮಾಣ ಮಲ್ತೆರ್. ೧೫೮೬ಡ್ ಪೊನ್ನಾನಿ ಕೋಟೆಡ್ ಇತ್ತಿನ ಗ್ಯಾಸ್ಪರ್ ಫಾಗುಂಡೆಸ್ ನ್ ಕುಂಹಾಲಿ ಮರಕ್ಕರ್ ದ ವಿರುದ್ಧ ಕೊಜಿಕೋಡೆದ ಸಮುತಿರಿಗ್ ತನ್ನ ಸೇವೆನ್ ಕೊರೊಡು ಪಂದ್ ಪೋರ್ಚುಗೀಸ್ ಗವರ್ನರ್ ಕೇಂಡೆರ್. ಕೊಜಿಕೋಡೆದ ಸಮುತಿರಿ ಬೊಕ್ಕ ಪೋರ್ಚುಗೀಸ್ ನಡುಟು ಒಂಜಿ ಒಪ್ಪಂದೊಡು (೧೫೯೭), ದುಂಬುದಕುಲು ಪೊನ್ನಾನಿಡ್ ಒಂಜಿ ಚರ್ಚ್ ನ್ ನಿರ್ಮಾಣ ಮಲ್ಪೆರೆ ನನೊಂಜಿ ಸಮುತಿರಿಗ್ ಜಾಗ ಕೊರ್ರೆ ಒಪ್ಪಿಗೆ ಮಲ್ತೆರ್.^[೨]

ಡಚ್ ಕಾರ್ಖಾನೆ

ಡಚ್ ಅಡ್ಮಿರಲ್ ಸ್ಟೀವನ್ ವ್ಯಾನ್ ಡೆರ್ ಹೇಗನ್ ಬೊಕ್ಕ ಕೊಜಿಕೋಡೆದ ಸಮುಟಿರಿ (೧೧ ನವೆಂಬರ್ ೧೬೦೪) ನಡುಟು ಸಹಿ ಪಾಡ್ದಿನ ಒಪ್ಪಂದೊಡು, ಡಚ್ ಲೆಗ್ ಪೋರ್ಚುಗೀಸೆರೆನ ವಿರುದ್ಧ ಸಹಾಯೊಗು ಬದಲಾದ್ ಪೊನ್ನಾನಿಡ್ ಒಂಜಿ ಕಾರ್ಖಾನೆನ್ ತೆರೆಯೆರೆ ಅನುಮತಿ ಕೊರ್ತೆರ್. ಈ ಕಾರ್ಖಾನೆ ಡಚ್ ಈಸ್ಟ್ ಇಂಡಿಯಾ ಕಂಪೆನಿದ ಮಿಲಿಟರಿ ಔಟ್ ಪೋಸ್ಟ್ ಆದ್ ಸೇವೆ ಮಲ್ತ್ಂಡ್. ಒರಿ ಡಚ್ ನಿವಾಸಿ ವಸಾಹತುದ ಉಸ್ತುವಾರಿಡ್ ಇತ್ತೆರ್. ಕೊಜಿಕೋಡೆದ ಸಮುತಿರಿಲೆನೊಟ್ಟುಗು "ಶಾಂತಿ"ನ್ ದೀವೊಡು ಬೊಕ್ಕ ಬೇತೆ ಯುರೋಪಿಯನ್ ಶಕ್ತಿಲೆನ ಚಟುವಟಿಕೆಲೆನ್ ಬೊಕ್ಕ ಡಚ್ ಕಂಪೆನಿದ ಸ್ಥಳೀಯ ಶತ್ರುಲೆನ್ ತೂವೊಡು ಪನ್ಪಿನವು ನಿವಾಸೊದ ಉದ್ದೇಶ ಆದಿತ್ತ್ಂಡ್. ಸ್ಟೀನ್ ವ್ಯಾನ್ ಗೊಲ್ಲೆನೆಸ್ ರೆಸಿಡೆನ್ಸಿ ಕಟ್ಟಡೊನು ಟೈಲ್ಸ್ ಡ್ ಮುಚ್ಚೊಡು ಪಂದ್ ಬಯಕೆ ಮಲ್ತೆರ್. ಆಂಡ ಸಮುತಿರಿಲು ಡಚ್ ಪ್ರಭಾವೊನು ವರ್ಧನೆ ಮಲ್ಪುಂಡು ಪನ್ಪಿನ ಭಯೊಡು ಈ ಪ್ರಸ್ತಾವೊಗು ಒಪ್ಪಿಗೆ ಕೊರ್ಜೆರ್. ಮುಖ್ಯಸ್ಥೆರ್ ಗೊಲ್ಲೆನೆಸ್ ನ ಉತ್ತರಾಧಿಕಾರಿಗ್ ಪ್ರತಿ ವರ್ಷ ಪೊಸ ತಾರಾಯಿದ ಇರೆಟ್ ಪುನರ್ ಹುಲ್ಲು ಪಾಡುನ ನಿರ್ದೇಶನ ಕೊರ್ತೆರ್. ೧೬೦೭ಡ್, ಡಚ್ ಲು ಪೊನ್ನಾನಿಡ್ ಕೊಜಿಕೋಡೆದ ಸಮುತಿರಿನೊಟ್ಟುಗು ಮಾತುಕತೆಲೆನ್ ಸುರು ಮಲ್ತೆರ್ಚೆಟ್ವಾಯಿನ್ ಬುಡುಗಡೆ ಮಲ್ಪುನ ಬಗ್ಗೆ ಕಮಾಂಡೆರ್ ವ್ಯಾನ್ ರೀಡೆ ಬೊಕ್ಕ ಕೊಜಿಕೋಡ್ ದ ಸಮುತಿರಿ ನಡುಟು ಒಂಜಿ ಸಭೆ ಕ್ರಿ.ಶ. ೧೬೭೮ಡ್ ಪೊನ್ನಾನಿಡ್ ನಡತ್ಂಡ್^[೩]

ಮೈಸೂರು ಸುಲ್ತಾನೆರೆನ ಅಡಿಟ್

Harihara mangalam kadavanad

ಹೈದರ್ ಅಲಿ, ಮೈಸೂರುದ ಸುಲ್ತಾನ್ 1766ಡ್ ಉತ್ತರ ಕೇರಳೊನು ವಶೊಕ್ ದೆತೊನುದು ಪೊನ್ನಾನಿಡ್ ಒಂಜಿ ಔಟ್ ಪೋಸ್ಟ್ ನ್ ಸ್ಥಾಪನೆ ಮಲ್ತೆರ್. ಅರೆನ ಉತ್ತರಾಧಿಕಾರಿ ಟಿಪ್ಪು ಸುಲ್ತಾನ್ ವ್ಯಾಪಾರೊಗು ಬೊಕ್ಕ ಯುದ್ಧತಂತ್ರದ ಕಾರಣೊಲೆಗಾತ್ರ ಪೊನ್ನಾನಿಡ್ ಬಂದರ್ ನ್ ಅಭಿವೃದ್ಧಿ ಮಲ್ತೆರ್. ಮಲಬಾರ್ ಡ್ ಪೊನ್ನಾನಿನ್ ಒಂಜಿ ಪ್ರಮುಖ ರಫ್ತು ಕೇಂದ್ರ ಪಂಡ್ದ್ ಟಿಪ್ಪು ಪರಿಗಣಿಸಯೆರ್

ಪೊನ್ನಾನಿ ಕಾಲುವೆ

ಪೊನ್ನಾನಿಡ್ದ್ ತಿರೂರು ರೈಲ್ವೆ ನಿಲ್ದಾಣೊಗು ಸರಕುಲೆನ್ ಸಾಗಾಟೊಗು ಪೊನ್ನಾನಿ ಕಾಲುವೆನ್ ನಿರ್ಮಾಣ ಮಲ್ತೆರ್. ಕೋಡಾಕಲ್ ಡ್ ಬಾಸೆಲ್ ಮಿಷನ್ ನೌಕರೆರ್ ಮಲ್ತಿನ ಪೊನ್ನಾನಿ ಕಾಲುವೆದ ಬಗ್ಗೆ ಒಂಜಿ ವಿವರಣೆ ಉಂಡು

ಬ್ರಿಟಿಷ್ ವಸಾಹತು ಆಡಳಿತೊಗು ಪ್ರತಿಕ್ರಿಯೆ

ಪೊನ್ನಾನಿಡ್ ಮೀನ್ ಪತ್ತುನ ದೋಣಿಲು. ಇತ್ತೆ ಪೊನ್ನಾನಿ ಬಂದರ್ ಒಂಜಿ ಪ್ರಮುಖ ಮೀನುಗಾರಿಕೆ ಕೇಂದ್ರದ ಸ್ಥಾನಮಾನೊಗು ಕಮ್ಮಿ ಆತ್ಂಡ್ ಪೊನ್ನಾನಿ ಬ್ರಿಟಿಷ್ ರಾಜ್ಯದ ಕಾಲೊಡು ಮಲಬಾರ್ ಜಿಲ್ಲೆಡ್ ಭಾರತೀಯ ರಾಷ್ಟ್ರೀಯವಾದಿ ಚಳುವಳಿದ ಪ್ರಮುಖ ಕೇಂದ್ರಬಿಂದು ಆದಿತ್ತ್ಂಡ್. ಪೊನ್ನಾನಿ ತಾಲೂಕುದ ಬೇತೆ ಸ್ವಾತಂತ್ರ್ಯ ಕಾರ್ಯಕರ್ತೆರ್ ಲಕ್ಷ್ಮೀ ಸೆಹಗಲ್, ವಿಟಿ ಭಟ್ಟಾತಿರಿಪಾದ್, ಬೊಕ್ಕ ಅಮ್ಮು ಸ್ವಾಮಿನಾಥನ್. ಪೊನ್ನಾನಿ ಪ್ರದೇಶೊಡು ಕೇರಳ ಗಾಂಧಿ, ವಾಕೀಲ್ ರಮನ್ ಮೆನನ್, ಅಮ್ಮು ಸ್ವಾಮಿನಾಥನ್ ಪನ್ಪಿ ಪುದರ್ಡ್ ಪುದರ್ ಪೋಯಿನ ಕೆ.ಕೆಲಪ್ಪನ ನೆಲೆಯಾದಿತ್ತ್ಂಡ್. ಮಹಾತ್ಮ ಗಾಂಧಿ, ಜವಾಹರಲಾಲ್ ನೆಹರು ಬೊಕ್ಕ ಲಾಲ್ ಬಹದ್ದೂರ್ ಶಾಸ್ತ್ರಿಲೆನ ಭಸ್ಮೊನು ಕೇರಳದ ತಿರುಣವಯೊಡು ಜಮಾ ಮಲ್ತೆರ್. ೧೯೨೧ದ ಮಪ್ಪಿಲ ದಂಗೆದ ಪ್ರಮುಖ ಮುಖಂಡೆರೆಡ್ ಒರಿಯರಾಯಿನ ಅಲಿ ಮುಸಾಲಿಯರ್ (೧೮೫೪ - ೧೯೨೧) ಪೊನ್ನಾನಿ ಮದ್ರಸೊಡು ಕಲ್ಪುನಕುಲು. ಮಪ್ಪಿಲ ಧರ್ಮಶಾಸ್ತ್ರದ ಪ್ರಭಾವಶಾಲಿ ಸಯ್ಯದ್ ಎಸ್ ಮಕ್ತಿ ತಂಗಲ್ (ಮ. ೧೯೧೨) ಪೊನ್ನಾನಿ ಮೂಲ ನಿವಾಸಿ ಕೆ.ವಿ.ರಮನ್ ಮೆನನ್ (೧೯೦೦-೧೯೭೪), ಪೊನ್ನಾನಿ ಗಾಂಧಿ ಪಂಡ್ದ್ ಲೆಪ್ಪುವೆರ್, ಆ ಕಾಲೊದ ಒರಿ ಪ್ರಮುಖ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ನಾಯಕೆರ್, ಮಲಬಾರ್ ಜಿಲ್ಲೆಡ್ ಬ್ರಿಟಿಷೆರೆನ ವಿರುದ್ಧ ಸ್ವಾತಂತ್ರ್ಯ ಚಳುವಳಿಡ್ ಸಕ್ರಿಯವಾದ್ ಪಾಲ್ ಪಡೆಯೆರ್. ಆರ್ ಒರಿ ಸಮಾಜ ಸುಧಾರಕೆ ಆದಿತ್ತೆರ್ ಬೊಕ್ಕ ಪೊನ್ನಾನಿ ನ್ಯಾಯಾಲಯೊದ ಪ್ರಮುಖ ವಕೀಲೆರ್ ಆದಿತ್ತೆರ್. ಇತ್ತೆ, ಪೊನ್ನಾನಿ ಮಲಪ್ಪುರಂ ಡ್ ಒಂಜಿ ಪ್ರಮುಖ ಮೀನುಗಾರಿಕೆ ಕೇಂದ್ರ ಆದುಂಡು

ಪೊನ್ನಾನಿ ಪಾಕ ಪದ್ದತಿ

ಕಿಚನ್ ಪೊಣ್ಣಾನಿಡ್ ದೇಶೀಯ ತೆನಸ್‍ಲು ಮಸ್ತ್ ಬಗೆತ ಉಂಡು. ಶತಮಾನೊಲೆನ ಕಡಲ ವ್ಯಾಪಾರೊಡು ಪೊನ್ನಾನಿಲೆಗ್ ಒಂಜಿ ಕಾಸ್ಮೋಪಾಲಿಟನ್ ಪಾಕಪದ್ಧತಿನ್ ಕೊರ್ತುಂಡು. ಈ ಪಾಕಪದ್ಧತಿ ಪಂಡ ಸಾಂಪ್ರದಾಯಿಕ ಕೆರಾಲೈಟ್, ಪರ್ಷಿಯನ್, ಯೆಮೆನಿ ಬೊಕ್ಕ ಅರಬ್ ಆಹಾರ ಸಂಸ್ಕೃತಿದ ಮಿಶ್ರಣ. ಈ ಪಾಕಪದ್ಧತಿದ ಪ್ರಮುಖ ಅಂಶೊಲೆಡ್ ಒಂಜಿ ಪತಿರಿ, ಅರಿತ ಹಿಟ್ಟುಡ್ ಮಲ್ಪುನ ಪ್ಯಾನ್ಕೇಕ್. ಪಾಥಿರಿದ ರೂಪಾಂತರೊಲು ನೆಯ್ಪತಿರಿ (ತುಪ್ಪೊಡು ಮಲ್ಪುನವು), ಪೊರಿಚಾ ಪಾಥಿರಿ (ಬೇಕ್ ಮಲ್ಪುನ ಬದಲ್ ಫ್ರೈಡ್), ಮೀನ್ ಪಾಥಿರಿ (ಮೀನ್ ಡ್ ತುಂಬಿದವು), ಬೊಕ್ಕ ಇರಾಚಿ ಪಾಥಿರಿ (ಗೋಮಾಂಸೊಡು ತುಂಬಿನವು) ಸೇರ್ದ್ ಉಪ್ಪುಂಡು. ಕಪ್ಪು ಮೆಣಸಿನಕಾಯಿ, ಏಲಕ್ಕಿ, ಲವಂಗ ಇಂಚಿನ ಮಸಾಲೆಲೆನ್ ಪೊನ್ನಾನಿದ ಪಾಕಪದ್ಧತಿಡ್ ಮಸ್ತ್ ಬಳಕೆ ಮಲ್ಪುವೆರ್. ಮುತ್ತಪ್ಪಾತಿರಿ ಪಂಡ ಬೇತೆ ಒಂಜಿ ಜನಪ್ರಿಯ ಉಪಾಹಾರ ತಿಂಡಿ. ಮಲಬಾರ್ ಶೈಲಿದ ಬಿರಿಯಾನಿ ಪರ್ಬೊಲೆಡ್ ಬಳಕೆ ಆಪಿನ ಪ್ರಮುಖ ವಸ್ತು. ಮದಿಮೆ ಬೊಕ್ಕ ಪರ್ಬೊದ ಸಂದರ್ಬೊಡುಲಾ ಸಾಧ್ಯೆ ತೋಜುಂಡು. ಅರಿಕಾದುಕ್ಕ, ಚಟ್ಟಿಪತಿರಿ, ಮುಟ್ಟಮಲಾ, ಪಝಂ ನಿರಚಾತು, ಉನ್ನಕಯ ಇಂಚಿನ ತಿಂಡಿಲು ಪೊನ್ನಾನಿಡ್ ತನ್ನವೇ ಆಯಿನ ಶೈಲಿಡ್ ಉಪ್ಪುಂಡು. ಇಂಚಿನವುಲೆನ್ ಬುಡ್ದು, ಕೇರಳದ ಬೇತೆ ಸಾಮಾನ್ಯ ಆಹಾರ ವಸ್ತುಲುಲಾ ಪೊನ್ನಾನಿದ ಪಾಕಪದ್ಧತಿಡ್ ತೋಜುಂಡು. ಮಲಯಾಳಂ ಭಾಷೆಡ್ ಕುಝಿ ಮಂಡಿ ಪಂಡ್ದ್ ಪುದರ್ ಪಡೆಯಿನ ಬಿರಿಯಾನಿದ ಮಲಬಾರ್ ಆವೃತ್ತಿ, ಯೆಮೆನ್ ದೇಶೊದ ಪ್ರಭಾವೊನ್ ಪಡೆಯಿನ ಬೇತೆ ಒಂಜಿ ಜನಪ್ರಿಯ ವಸ್ತು

ಸಾಗಾಟ

ಕೆ ಎಸ್ ಆರ್ ಟಿ ಸಿ ಬಸ್ ನಿಲ್ದಾಣ

ಸಮೀಪದ ವಿಮಾನ ನಿಲ್ದಾಣೊಲು: ಕರಿಪುರ (ಸಿಸಿಜೆ)

ಸಮೀಪದ ಪ್ರಮುಖ ರೈಲ್ವೆ ನಿಲ್ದಾಣ: ಕುತ್ತಿಪ್ಪುರಂ ಮತ್ತು ತಿರೂರು

ಪ್ರಮುಖ ಬಸ್ ನಿಲ್ದಾಣ: ಕೆ ಎಸ್ ಆರ್ ಟಿ ಸಿ ಬಸ್ ನಿಲ್ದಾಣ, ಪೊನ್ನಾನಿ

ಆಸಕ್ತಿದ ಜಾಗೆಲು

ಪೊನ್ನಾನಿ ಜುಮಾ ಮಸೀದಿ

ಮಿಶ್ರಿ ಮಸೀದಿ,

ಜಮೊರಿನ್ ಕಾಲೊಡು ನಿರ್ಮಾಣ ಆಯಿನ ೧೬ನೆ ಶತಮಾನೊದ ಮಸೀದಿ

ಜಾರಟ್ಟಿಂಗಳ ತಂಗಳ ಸಮಾಧಿ

ಕೆ. ಮಖ್ದುಂ ತಂಗಲ್ ನ ಸಮಾಧಿ

ತ್ರಿರಿಕ್ಕವು ದೇವಸ್ಥಾನ ಕಂಡ

ಕುರುಂಬ ಕಾವು

ಮಖ್ದುಂಕುಲೆನ ಇಲ್ಲ್

ಪೊನ್ನಾನಿ ಬೀಚ್

ಪತಿಂಜರೆಕ್ಕರ ಬೀಚ್

ಪೊನ್ನನಿ ಅಜಿಮುಕಂ

ಪೊನ್ನಾನಿ ಕರ್ಮ ರಸ್ತೆ

ಚಮರವಟ್ಟಂ ಸೇತುವೆ

ಬಿಯ್ಯಂ ಕಾಯಲ್

ಬಿಯ್ಯಂ ಹ್ಯಾಂಗಿಂಗ್ ಬ್ರಿಡ್ಜ್

ಬಿಯಂ ಪಾರ್ಕ್

ಪೊನ್ನಾನಿ ಬಂದರ್

[[ವರ್ಗ:Kerala Culture Month 2026]]

[1] ttps://maps.apple.com/place?auid=6227579566437997418&address=Ponnani%2C+Kerala%2C+India&coordinate=10.784792%2C75.946965&name=Ponnani&lsp=7618

[2] ttps://www.nativeplanet.com/travel-guide/the-mecca-of-malabar-ponnani-004132.html

[3] ttps://www.keralatourism.org/campaigns/kerala365/ponnani-malappuram

[೧]

[೨]

[೩]