ಪ್ರಭಾ ಆತ್ರೆ

ಪ್ರಭಾ ಆತ್ರೆ
ಪ್ರಭಾ ಆತ್ರೆ
ಪುಟ್ಟು	೧೩ ಸೆಪ್ಟೆಂಬರ್ ೧೯೩೨; Pune, Bombay Presidency, British India (present-day Maharashtra, India)
ತೀರಿನಿ	13 January 2024 (aged 91); Pune, Maharashtra, India
ಕಲ್ತಿನ ಶಾಲೆ/ವಿ.ವಿ	University of Pune (B.Sc; LLB); Gandharva Mahavidyalaya Music School (PhD);
ಬೇಲೆ/ಲು	ಬೇಲೆ
ಪ್ರಶಸ್ತಿಲು	Sangeet Natak Akademi Award (1991)
Honours	Padma Shri (1990); Padma Bhushan (2002); Padma Vibhushan (2022);
ಜಾಲತಾನೊ	www.prabhaatre.com
ದಸ್ಕತ್

ಪ್ರಭಾ ಆತ್ರೆ (೧೩ ಸೆಪ್ಟೆಂಬರ್ ೧೯೩೨ - ೧೩ ಜನವರಿ ೨೦೨೪) ಒರ್ತಿ ಭಾರತೀಯ ಶಾಸ್ತ್ರೀಯ ಗಾಯಕಿ ಕಿರಣಾ ಘರಣೊಡ್ದ್ ಬತ್ತಿನ ಒರಿ. ಭಾರತ ಸರ್ಕಾರೊಡ್ದ್ ಮೂಜಿ ಪದ್ಮ ಪ್ರಶಸ್ತಿಲೆನ್ಲಾ ಅರೆಗ್ ಕೊರ್ತೆರ್.^[೧] ಮುಂಜಾನೆ ಉಸಿರಾಟೊಗು ತೊಂದರೆ ಆದ್ ಮರಣೊ ಪಡೆಯೆರ್ ಬೊಕ್ಕ ಅರೆನ್ ದಿನನಾಥ್ ಮಂಗೇಶ್ಕರ್ ಆಸ್ಪತ್ರೆಗ್ ಕನತೆರ್^[೨]^[೩]^[೪]. ಆಸ್ಪತ್ರೆಗ್ ಪೋಪಿನ ದುಂಬು ಆರ್ ಕಾರ್ಡಿಯಾಕ್ ಅರೆಸ್ಟ್ ಡ್ದ್ ತೀರ್ ಪೋಯೆರ್. ಆತ್ರೆ ಜನವರಿ ೧೩, ೨೦೨೪ಡ್, ಪ್ರಾಯೊಡು ತೀರ್ ಪೋಯೆರ್.

ಸುರುತ ಜೀವನ ಬೊಕ್ಕ ಶಿಕ್ಷಣ

ಅತ್ರೆ ಪುಣೆಡ್ ಅಬಸಾಹೇಬ್ ಬೊಕ್ಕ ಇಂದಿರಾಬಾಯಿ ಆತ್ರೆಗ್ ಪುಟ್ಟುವೆರ್. ಜೋಕುಲು ಆನಗ, ಆತ್ರೆ ಬೊಕ್ಕ ಅಲೆನ ಅಕ್ಕ ಉಷಾಗ್ ಸಂಗೀತೊಡು ಆಸಕ್ತಿ ಇತ್ತ್ಂಡ್, ಆಂಡ ಅಕುಲು ರಡ್ಡ್ ಜನಲಾ ಸಂಗೀತೊನು ವೃತ್ತಿಯಾದ್ ಮಲ್ಪೆರೆ ಯೋಜನೆ ಮಲ್ತೊಂದಿಜ್ಜಾಂಡ್. ಆತ್ರೆಗ್ ಎನ್ಮ ವರ್ಷ ಆನಗ ಇಂದಿರಾಬಾಯಿಗ್ ಆರೋಗ್ಯ ಸರಿ ಇಜ್ಜಾಂಡ್, ಬೊಕ್ಕ ಶಾಸ್ತ್ರೀಯ ಸಂಗೀತದ ಪಾಠೊಲು ಅರೆಗ್ ಎಡ್ಡೆ ಆಪುಂಡು ಪನ್ಪಿನ ಒರ್ತಿ ಸ್ನೇಹಿತೆನ ಸಲಹೆಡ್, ಆರ್ ಅಲ್ಪ ಒಂಜಿ ರಡ್ಡ್ ಪಾಠೊಲೆನ್ ದೆತೊನುವೆರ್. ಆ ಪಾಠೊಲೆನ್ ಕೇನ್ದ್ ಆತ್ರೆಗ್ ಶಾಸ್ತ್ರೀಯ ಸಂಗೀತ ಕಲ್ಪೆರೆ ಸ್ಫೂರ್ತಿ ಆಂಡ್.

ಅರೆನ ಸಂಗೀತ ತರಬೇತಿ ಗುರು-ಶಿಷ್ಯ ಸಂಪ್ರದಾಯೊಡು ಇತ್ತ್ಂಡ್. ಕಿರಣ ಘರಾಣೊಡ್ದ್ ಸುರೇಶ್ಬಾಬು ಮನೆ ಬೊಕ್ಕ ಹಿರಾಬಾಯಿ ಬಡೋಡೆಕರ್ ಡ್ದ್ ಶಾಸ್ತ್ರೀಯ ಸಂಗೀತ ಕಲ್ಪುವೆರ್. ಖ್ಯಾಲ್ ಗ್ ಅಮೀರ್ ಖಾನ್ ಬೊಕ್ಕ ತುಮ್ರಿ ಗ್ ಬಾಡೆ ಗುಲಾಮ್ ಅಲಿ ಖಾನ್ ಪನ್ಪಿನ ಬೇತೆ ರಡ್ಡ್ ಮಲ್ಲ ಜನಕುಲೆನ ಪ್ರಭಾವೊನು ಆರ್ ತನ್ನ ಗಯಾಕಿಡ್ ಒಪ್ಪೊಂಡೆರ್. ಅರೆಗ್ ಕಥಕ್ ನಲಿಕೆದ ಶೈಲಿಡ್ ಒಂಜಿ ಎಲ್ಯ ಅವಧಿಗ್ ಔಪಚಾರಿಕ ತರಬೇತಿಲಾ ಇತ್ತ್ಂಡ್.

ಸಂಗೀತ ಅಧ್ಯಯನ ಮಲ್ಪುನಗ ಆತ್ರೆ ಪುಣೆದ ಫೆರ್ಗುಸನ್ ಕಾಲೇಜಿಡ್ ವಿಜ್ಞಾನ ಸ್ನಾತಕೋತ್ತರ ಪದವಿ ಪಡೆಯೆರ್. ನನೊಂಜಿ ಸರ್ತಿ ಅಲ್ ಎಲ್. ಎಲ್. ಬಿ ನ್ ಪುಣೆ ವಿಶ್ವವಿದ್ಯಾಲಯದ ಕಾನೂನು ಕಾಲೇಜಿಡ್ದ್ ಪಡೆಯೆರ್. ಗಂಧರ್ವ ಮಹಾವಿದ್ಯಾಲಯ ಮಂಡಲ್ (ಸಂಗೀತ್ ಅಲಂಕರ್ (ಸಂಗೀತ ಸ್ನಾತಕೋತ್ತರ)), ಟ್ರಿನಿಟಿ ಲಬನ್ ಕನ್ಸರ್ವೇಟೋರಿ ಆಫ್ ಮ್ಯೂಸಿಕ್ ಅಂಡ್ ಡಾನ್ಸ್, ಲಂಡನ್ (ವೆಸ್ಟರ್ನ್ ಮ್ಯೂಸಿಕ್ ಥಿಯರಿ ಗ್ರೇಡ್-IV) ಡ್ ಲಾ ಅಧ್ಯಯನ ಮಲ್ತೆರ್. ಅಯಿಡ್ದ್ ಬೊಕ್ಕ ಆರ್ ಸಂಗೀತೊಡು ಪಿಎಚ್ ಡಿ ಮಲ್ತೆರ್. ಅರೆನ ಡಾಕ್ಟರೇಟ್ ಪ್ರಬಂಧೊನು ಸರ್ಗಮ್ ಪಂಡ್ದ್ ಲೆಪ್ಪುವೆರ್, ಬೊಕ್ಕ ಉಂದು ಭಾರತೀಯ ಶಾಸ್ತ್ರೀಯ ಸಂಗೀತೊಡು ಸೋಲ್-ಫಾ ಸ್ವರೊಲೆನ (ಸರ್ಗಮ್) ಬಳಕೆಗ್ ಸಂಬಂಧಪಟ್ಟಿನವು.^[೫]

ಕೆಲಸ

ಅತ್ರೆ ತನ್ನ ವೃತ್ತಿಜೀವನದ ಸುರುತ ದಿನೊಕುಲೆಡ್ ಒಂಜಿ ಗಾಯನ ವೇದಿಕೆ-ನಟಿಯಾದ್ ಒಂಜಿ ಎಲ್ಯ ಕೆಲಸ ಮಲ್ತೆರ್^[೬]. ಮರಾಠಿ ರಂಗಭೂಮಿದ ಕ್ಲಾಸಿಕ್ ಲೆನ ಒಂಜಿ ಲೈನ್-ಅಪ್ ಡ್ ಲಾ ಪಾತ್ರೊಲೆನ್ ಮಲ್ತೆರ್, ಉಂದೆಟ್ ಸಂಶಯ್-ಕಲ್ಲೋಲ್, ಮಾನಾಪಮಾನ್, ಸೌಭದ್ರ ಬೊಕ್ಕ ವಿದ್ಯಾಹರನ್ ನಂಚಿನ ಸಂಗೀತ ನಾಟಕೊಲು ಸೇರ್ದ್ ಉಲ್ಲೆರ್. ರಂಗ ಕಲಾವಿದೆರ್ ಗಣಪತರಾವ್ ಬೋಡಾಸ್, ಛೋಟಾ ಗಂಧರ್ವ, ರಾಮ ಮರಾಠೆ, ಪಿ.ಎಲ್.ದೇಶಪಾಂಡೆ, ಪ್ರಸಾದ್ ಸಾವಕರ್, ಭಾಲ್ಚಂದ್ರ ಪೇಂಧರ್ಕರ್ ನಕುಲೆನೊಟ್ಟುಗು ಅದ್ಭುತವಾದ್ ಅಭಿನಯ ಮಲ್ತ್ ದ್ ತನ್ನ ಪರಿಣಾಮಕಾರಿ ಗಾಯನ ಶೈಲಿಡ್ ಮಲ್ಲ ಪ್ರಭಾವ ಸೃಷ್ಟಿ ಮಲ್ತೆರ್.

ಕಿರಣ ಘರಾಣೊನು ಪ್ರತಿನಿಧಿಸವುನ ದೇಶೊದ ಹಿರಿಯ ಗಾಯಕೆರ್ನ ಒಟ್ಟುಗು ಆತ್ರೆ. ಮಾರು ಬಿಹಾಗ್, ಕಲಾವತಿ ಬೊಕ್ಕ ಖಮಜ್ ತುಮರಿ ನಕುಲೆನೊಟ್ಟುಗು ಅರೆನ ಸುರುತ ಎಲ್ ಪಿ ಅರೆನ ಅಸಾಮಾನ್ಯ ಕಲಾತ್ಮಕತೆ ಬೊಕ್ಕ ಸೃಜನಶೀಲತೆನ್ ಸ್ಪಷ್ಟವಾದ್ ತೋಜಾವುಂಡು. ಉಂದು ಬಹುಶಃ ಭಾರತೀಯ ಶಾಸ್ತ್ರೀಯ ಸಂಗೀತದ ಗರಿಷ್ಠ ಮಾರಾಟ ಆಯಿನ ದಾಖಲೆ. ಜಾಗತಿಕ ಮಟ್ಟೊಡು ಭಾರತೀಯ ಶಾಸ್ತ್ರೀಯ ಗಾಯನ ಸಂಗೀತೊನು ಜನಪ್ರಿಯ ಮಲ್ಪೆರೆ ಆರ್ ಕೊಡುಗೆ ಕೊರ್ತೆರ್. ಖ್ಯಾಲ್, ತುಮ್ರಿ, ದಾದರಾ, ಘಜಲ್, ಗೀಟ್, ನಾಟ್ಯಸಂಗೀತ್, ಬೊಕ್ಕ ಭಜನೆಲೆನಂಚಿನ ಬೇತೆ ಬೇತೆ ಸಂಗೀತ ಪ್ರಕಾರೊಲೆಡ್ ಅರೆಗ್ ಅಪೂರ್ವವಾದ್ ಆಜ್ಞೆ ಇತ್ತ್ಂಡ್.

ಒರಿ ಸಂಯೋಜಕಿ ಆದ್

ರಚನೆ ಪುಸ್ತಕ ಸ್ವರಂಗೀ ಸ್ವರಂಜನೀ ಬೊಕ ಸ್ವರರಂಗೀ.
ಅಪೂರ್ವ ಕಲ್ಯಾಣ್, ದರ್ಬರಿ ಕೌನ್ಸ್, ಭಿನ್ನಾ ಕೌನ್ಸ್, ಪಟ್ದೀಪ್-ಮಲ್ಹಾರ್, ಶಿವಕಾಳಿ, ಶಿವಾನಿ, ಕಲಹೀರ್, ತಿಲಂಗ್-ಭೈರವ್, ರವಿ-ಭೈರವ್, ಕೌಶಿಕ್ ಭೈರವ್ ಬೊಕ್ಕ ಮಧೂರ್-ಕೌನ್ಸ್ ಇಂಚಿತ್ತಿನ ಪೊಸ ರಾಗ್ ಲೆನ್ ಲಾ ಆರ್ ಆವಿಷ್ಕಾರ ಮಲ್ತೆರ್
ಮಲ್ಲ-ಉದ್ದದ ನೃತ್ಯ ಕಾರ್ಯಕ್ರಮ 'ನೃತ್ಯ ಪ್ರಭಾ' ಗ್ ಅಳವಡಿಸಾಯಿನ ಸಂಗೀತ ಸಂಯೋಜನೆಲು - ಭರತನಾಟ್ಯಂ ನರ್ತಕಿ ಸುಚೇತಾ ಭಿಡೆ ಚಾಪೆಕರ್ ನೃತ್ಯ ಸಂಯೋಜನೆ ಮಲ್ತೆರ್.
ನೆದರ್ಲ್ಯಾಂಡ್ಸ್ ಡ್ದ್ ಸುಸಾನ್ನೆ ಅಬ್ಬುಯೆಲ್ ಜಾಝ್ ಗ್ ಅಳವಡಿಸಾಯಿನ ಸಂಗೀತ ಸಂಯೋಜನೆ .
ಸಂಗೀತ-ನಾಟಕೊಲೆಗ್ ಬೊಕ್ಕ ಸಂಗೀತೊಲೆಗ್ ರಚನೆ ಆಯಿನ ಸಂಗೀತ.

ಸಂಬಂಧಿತ ಚಟುವಟಿಕೆಲು

ಆತ್ರೆ ಸಂಗೀತ ಕಲ್ಪಾಯೆರ್, ಉಪನ್ಯಾಸ-ಪ್ರದರ್ಶನೊಲೆನ್ ಮಲ್ತೆರ್, ಬೊಕ್ಕ ಭಾರತೀಯ ಶಾಸ್ತ್ರೀಯ ಸಂಗೀತದ ವಿಷಯೊಡು ಬರವು ಮಲ್ತೆರ್.

ಆಲ್ ಇಂಡಿಯಾ ರೇಡಿಯೋಡ್ ಸಹಾಯಕ ನಿರ್ಮಾಪಕಿ.
ಟಾಪ್ ಗ್ರೇಡ್ — ಆಲ್ ಇಂಡಿಯಾ ರೇಡಿಯೋ ಬೊಕ್ಕ ದೂರದರ್ಶನೊಡ್ದ್ ಶಾಸ್ತ್ರೀಯ ಗಾಯನ, ಲೈಟ್ ಗಾಯನ, ಅರೆ ಶಾಸ್ತ್ರೀಯ ಗಾಯನ ಬೊಕ್ಕ ನಾಟಕ ಕಲಾವಿದೆರ್ (ಮರಾಠಿ ಬೊಕ್ಕ ಹಿಂದಿ ).
ವೃತ್ತಿಪರ ಸಂಗೀತ ನಾಟಕೊಲೆಡ್ ಪ್ರಮುಖ ಪೊಂಜೊಲೆನ ಪಾತ್ರ. (ಸಂಗೀತ್ ನಾಟಕ ಬೊಕ್ಕ ಸಂಗೀತ)
ನೆದರ್ಲ್ಯಾಂಡ್ಸ್ ಡ್ ರೊಟ್ಟರ್ಡ್ಯಾಮ್ ಕನ್ಸರ್ವೇಟರಿ ಸೇರ್ದ್ ಪಶ್ಚಿಮೊಡು ಮಸ್ತ್ ಸಂಸ್ಥೆಲೆಗ್ ಭೇಟಿ ಕೊರ್ಪಿನ ಪ್ರಾಧ್ಯಾಪಿಕೆ ಆದಿತ್ತೆರ್. ಸಂಗೀತ ಕನ್ಸರ್ವೇಟರಿಡ್ ಭೇಟಿ ಕೊರ್ಪಿನ ಪ್ರಾಧ್ಯಾಪಿಕೆ - ಮಾಂಟ್ರೆಕ್ಸ್ ಸ್ವಿಟ್ಜರ್ಲೆಂಡ್, ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ, ಲಾಸ್ ಏಂಜಲೀಸ್, ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ, ಲಾಸ್ ಏಂಜಲೀಸ್, ಬೊಕ್ಕ ಕ್ಯಾಲ್ಗರಿ ವಿಶ್ವವಿದ್ಯಾಲಯ, ಆಲ್ಬರ್ಟಾ, ಕೆನಡಾಡ್ ಜನಾಂಗೀಯ ಸಂಗೀತಶಾಸ್ತ್ರೊಡು ಬಳಕೆ ಆಯಿನ ಸಂಶೋಧನಾ ಸಾಮಗ್ರಿಲೆನ್ ಅಧ್ಯಯನ ಮಲ್ಪುನ ಇಂಡೋ-ಅಮೆರಿಕನ್ ಫೆಲೋಶಿಪ್.
ಸಂಗೀತದ ಕಾರಣೊಗು ಮಲ್ತಿನ ಸೇವೆಲೆನ್ ಗುರುತಿಸಾದ್ ಮಹಾರಾಷ್ಟ್ರ ಸರ್ಕಾರೊಡ್ದ್ 'ವಿಶೇಷ ಕಾರ್ಯನಿರ್ವಾಹಕ ಮ್ಯಾಜಿಸ್ಟ್ರೇಟ್' ಆದ್ ನೇಮಕಾತಿ
ಮುಂಬೈದ ಎಸ್ ಎನ್ ಡಿ ಟಿ ಪೊಣ್ಣುಲೆನ ವಿಶ್ವವಿದ್ಯಾಲಯದ ಸಂಗೀತ ವಿಭಾಗದ ಪ್ರಾಧ್ಯಾಪಿಕೆ ಬೊಕ್ಕ ಮುಖ್ಯಸ್ಥೆ.
ಸುಮಾರ್ ೧೯೯೨ನೇ ಇಸವಿಡ್ ಆಟ್ರೆಡ್ ವಾರ್ಷಿಕ ಪಂಡಿತ್ ಸುರೇಶ್ಬಾಬು ಮನೆ ಬೊಕ್ಕ ಹಿರಾಬಾಯಿ ಬಡೋಡೆಕಾರ್ ಸಂಗೀತ ಸಮ್ಮೇಳನ ಸಂಗೀತೋತ್ಸವ ಸುರು ಆಂಡ್. ಮುಂಬೈಡ್ ಡಿಸೆಂಬರ್ ಡ್ ವರ್ಷೊಗು ಒಂಜಿ ಸರ್ತಿ ಈ ಉತ್ಸವ ನಡಪುಂಡು.
೧೯೮೧ಡ್ದ್ 'ಸ್ವರಾಶ್ರೀ' ರೆಕಾರ್ಡಿಂಗ್ ಕಂಪೆನಿದ ಮುಖ್ಯ ಸಂಗೀತ ನಿರ್ಮಾಪಕಿ ಬೊಕ್ಕ ನಿರ್ದೇಶಕಿ.
ಕೇಂದ್ರ ಚಿತ್ರ ಸೆನ್ಸರ್ ಮಂಡಳಿದ ಸಲಹಾ ಸಮಿತಿದ ಸದಸ್ಯೆ, ಮುಂಬೈ ೧೯೮೪
ಅಧ್ಯಕ್ಷೆ 'ಗಾನ್ ವರ್ಧನ್' – ಒಂಜಿ ಪುದರ್ ಪೋಯಿನ ಸಂಗೀತ ಸಂಸ್ಥೆ, ಪುಣೆ, ಅರೆನ ಕಡೆತ 22 ವರ್ಸೊಡ್ದಿಂಚಿ.
'ಡಾ. ಪ್ರಭಾ ಆತ್ರೆ ಫೌಂಡೇಶನ್’ ನ್ ಮೇ ೨೦೦೦ಡ್ ನೋಂದಾಯಿಸಯೆರ್.
ಕೆಲವು ವರ್ಸೊಗು ದುಂಬು ಪುಣೆಡ್ ಸ್ವರಮಾಯಿ ಗುರುಕುಲ್ ಸ್ಥಾಪನೆ ಮಲ್ತಿನ ಆತ್ರೆ. ಈ ಸಂಸ್ಥೆ ಸಾಂಪ್ರದಾಯಿಕ ಗುರು-ಶಿಷ್ಯ ಶೈಲಿದ ಸಂಗೀತ ಬೋಧನೆ ಬೊಕ್ಕ ಸಮಕಾಲೀನ ತರಗತಿ ಬೋಧನೆನ್ ಒಟ್ಟು ಸೇರಾವುಂಡು.
ಆತ್ರೆ 2007ಡ್ದ್ ಸವಾಯಿ ಗಂಧರ್ವ ಭೀಮಸೆನ್ ಉತ್ಸವೊನು ಮುಗಿಪಾವೊಂದು ಬೈದೆರ್, ಉಂದು ಪ್ರತಿಷ್ಠಿತ ಪಂಡ್ದ್ ಪರಿಗಣಿಸಾದೆರ್.^{[ವಿವರೆನೆತ ಅಗತ್ಯೊ ಉಂಡು]}^{[ <span title="The text near this tag may need clarification or removal of jargon. (January 2024)">ಸ್ಪಷ್ಟನೆ ಬೋಡು</span> ]}
ಡಾ ಅತ್ರೆ ತನ್ನ ಸಂಗೀತದ ಆಲೋಚನೆಲೆನ್ ಪ್ರಾಯೋಗಿಕವಾದ್ ತೋಜಾವುನ ನಿಟ್ಟಿಡ್ "ಆಲೋಕ್" ಪನ್ಪಿನ ಉಪನ್ಯಾಸ ಸರಣಿನ್ ರಚನೆ ಮಲ್ತೆರ್. ಉಂದು ಯೂಟ್ಯೂಬ್ ಡ್ ಲಭ್ಯ ಉಂಡು ಬೊಕ್ಕ ಮಸ್ತ್ ಎಡ್ಡೆ ಸಾರ್ವಜನಿಕ ಮೆಚ್ಚುಗೆನ್ ಪಡೆಯೊಂಡು.

ಪ್ರಶಸ್ತಿಲು

೧೯೭೬ – ಸಂಗೀತೊಗು ಆಚಾರ್ಯ ಆತ್ರೆ ಪ್ರಶಸ್ತಿ.
ಜಗತ್ಗುರು ಶಂಕರಾಚಾರ್ಯರು "ಗಾನ್-ಪ್ರಭಾ" ಪನ್ಪಿ ಬಿರುದು ಕೊರಿಯೆರ್.
೧೯೯೦ – ಪದ್ಮಶ್ರೀ
೧೯೯೧ – ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ
ಜೈಂಟ್ಸ್ ಅಂತರಾಷ್ಟ್ರೀಯ ಪ್ರಶಸ್ತಿ, ರಾಷ್ಟ್ರೀಯ ಕಾಳಿದಾಸ ಸಮ್ಮನ್
2011ನೇ ಇಸವಿಡ್ ಸಂಗೀತ ನಾಟಕ ಅಕಾಡೆಮಿಡ್ದ್ ಟಾಗೋರ್ ಅಕಾಡೆಮಿ ರತ್ನ ಪ್ರಶಸ್ತಿ ಘೋಷಣೆ
ದಿನನಾಥ್ ಮಂಗೇಶ್ಕರ್ ಪ್ರಶಸ್ತಿ
ಹಫೀಜ್ ಅಲಿ ಖಾನ್ ಪ್ರಶಸ್ತಿ
ಗ್ಲೋಬಲ್ ಆಕ್ಷನ್ ಕ್ಲಬ್ ಇಂಟರ್ನ್ಯಾಷನಲ್ ಡ್ದ್ ಎಡ್ಡೆಪುಲು
ಗೋವಿಂದ್-ಲಕ್ಷ್ಮಿ ಪ್ರಶಸ್ತಿ ಕೆ.
ಗೋದಾವರಿ ಗೌರವ ಪುರಸ್ಕಾರ
ದಗರ ಘರಣ ಪ್ರಶಸ್ತಿ ಡಾ.
ಆಚಾರ್ಯ ಪಂಡಿತ್ ರಾಮ ನಾರಾಯಣ ಫೌಂಡೇಶನ್ ಪ್ರಶಸ್ತಿ ಮುಂಬಯಿ
ಉಸ್ತಾದ್ ಫೈಯ್ಯಜ್ ಅಹಮದ್ ಖಾನ್ ಸ್ಮಾರಕ ಪ್ರಶಸ್ತಿ ( ಕಿರಣ ಘರಾಣ )
'ಕಾಲಾ-ಶ್ರೀ ೨೦೦೨'
೨೦೦೨ – ಪದ್ಮಭೂಷಣ
ಪಿ ಎಲ್ ದೇಶಪಾಂಡೆ ಬಹುರೂಪಿ ಸನ್ಮಾನ್
ಸಂಗೀತ ಸಾಧನ ರತ್ನ ಪ್ರಶಸ್ತಿ
ಪುಣೆ ವಿಶ್ವವಿದ್ಯಾಲಯರ್ದ್ 'ಜೀವನಪೂರ್ತಿ ಸಾಧನೆ' ಪ್ರಶಸ್ತಿ
ಶಿವಸೇನಾ ಮುಂಬೈಯಿಂದ ಮಹಿಮ ರತ್ನ ಪ್ರಶಸ್ತಿ
ಮುಂಬೈದ ಮೇಯರ್ ನ ಎಡ್ಡೆಪುಲು, ರಾಷ್ಟ್ರೀಯ ಬೊಕ್ಕ ಅಂತರರಾಷ್ಟ್ರೀಯ ಜೀವನಚರಿತ್ರೆಲೆಡ್ ಪುದರ್ ಸೇರ್ದ್ ಉಂಡು.
ಸ್ವರ್ಮಯೀ ಗ್ರಂಥಗ್ ರಾಜ್ಯ ಸರ್ಕಾರ ಪ್ರಶಸ್ತಿ.
ತಾತ್ಯಾಸಾಹೇಬ್ ನಾಟು ಟ್ರಸ್ಟ್ ಬೊಕ್ಕ ಗಾಂವರ್ಧನ್ ಪುಣೆ ಸ್ಥಾಪನೆ ಮಲ್ತಿನ "ಸ್ವರಯೋಗಿನಿ ಡಾ. ಪ್ರಭಾ ಆತ್ರೆ ರಾಷ್ಟ್ರೀಯ ಶಾಸ್ತ್ರೀಯ ಸಂಗೀತ ಪುರಸ್ಕಾರ" ವರ್ಷೊಡ್ದ್ 2011 ಡ್ದ್.
ಕೆಲವು ಸಾಮಾಜಿಕ, ಶೈಕ್ಷಣಿಕ, ಸಾಂಸ್ಕೃತಿಕ ಸಂಸ್ಥೆಲೆಡ್ ಸಮಿತಿ ಸದಸ್ಯೆರಾದ್ ಬೇಲೆ ಮಲ್ತೊಂದುಲ್ಲೆರ್.
ಪುಣ್ಯ ಭೂಷಣ್
ಅಟಲ್ ರತ್ನ
ರಸ್ತಾ ಪೇತ್ ಎಜುಕೇಶನ್ ಸೊಸೈಟಿದ ಅಧ್ಯಕ್ಷೆರ್ - ಕರಿನ 12 ವರ್ಸೊಡ್ದಿಂಚಿ ಪುಣೆಡ್ ಒಂಜಿ ಪ್ರಮುಖ ಶೈಕ್ಷಣಿಕ ಸಂಘ.
೨೦೨೨ – ಪದ್ಮ ವಿಭೂಷಣ
ನ್ಯೂಸ್ ಮೇಕರ್ಸ್ ಅಚಿವರ್ಸ್ ಅವಾರ್ಡ್ಸ್ ೨೦೨೨

ಡಿಸ್ಕೊಗ್ರಫಿ

ಮಾರು ಬಿಹಾಗ್, ಕಲಾವತಿ, ಖಮಜ್ ತುಮರಿ
ನಿರಂಜನಿ – ಪುರಿಯ ಕಲ್ಯಾಣ್, ಶಂಕರ, ಬಸಂತ
ಅನಂತ ಪ್ರಭಾ – ಲಲಿತ್, ಭಿನ್ನ ಷಡ್ಜಾ, ಭೈರವಿ ತುಮರಿ
ಬಾಗೇಶ್ರೀ, ಖಾಮಜ್ ತುಮರಿ
ಜೋಗ್ಕೌನ್ಸ್, ತೋಡಿ, ತುಮರಿ
ಮಲ್ಕೌನ್ಸ್, ದಾದರ.
ಚಂದ್ರಕೌನ್ಸ್||
ಮಧುಕೌನ್ಸ್
ಮಧುವಂತಿ, ದೇಸಿ
ಯಮನ್, ಭೈರವ್.
ಶ್ಯಾಮ್ ಕಲ್ಯಾಣ್, ಬಿಹಾಗ್, Rageshree thumri
೧೯೭೦ ದಶಕೊದ ಲೈವ್ ಕನ್ಸರ್ಟ್ ಡ್ದ್ ಗಝಲ್ ಬೊಕ್ಕ ಭಜನ್ ರೆಕಾರ್ಡಿಂಗ್ ಲು

ಪುಸ್ತಕೊಲು

ಸಂಗೀತ ಬರೆಯಿನ ಪುಸ್ತಕೊಲು: ೧. ಸ್ವರಾಂಜನೀ ೨. ಸ್ವರಂಗೀನೀ ೩. ಸ್ವರರಂಗೀ

ಅರೆನ ಸಂಗೀತದ ಆಲೋಚನೆಲೆನ್ ಇತ್ತ್ ನ ಪುಸ್ತಕೊಲು: ೧. ಸ್ವರಾಮಯೀ (ಮರಾಠಿ ಬೊಕ ಹಿಂದಿ) ೨. ಸುಸ್ವರಲಿ (ಮರಾಠಿ ಬೊಕ ಹಿಂದಿ) ೩. ಸಂಗೀತ 4 ದ ಮಾರ್ಗೊಡು. ಕೇನ್ಪಿನಕ್ಲೆನ್ ಜ್ಞಾನೋದಯ ಮಲ್ಪುನವು

ಕಾವ್ಯ ಗ್ರಂಥ: ಅಂತರ್ ಸ್ವರ (ಮರಾಠಿ ಹಿಂದಿ ಬೊಕ ಇಂಗ್ಲಿಷ್)

ಶಿಷ್ಯೆರ್

ಆತ್ರೆ 1969 ಡ್ದ್ ಸುರು ಆದ್ ವಿದ್ಯಾರ್ಥಿಲೆಗ್ ಖಾಸಗಿ ಪಾಠೊಲೆನ್ ಅರೆನ ಕುಶಲ ಬೋಧನಾ ವಿಧಾನೊಲೆಡ್ದ್ ಆರ್ ಸುಮಾರ್ ಜೊಕುಲೆಗ್ ಮಾರ್ಗದರ್ಶನ ಕೊರ್ತೆರ್. ಅರೆನ ಮಸ್ತ್ ಜೊಕುಲು ಇನಿ ಪುದರ್ ಪೋಯಿನಕುಲು. ಆರ್ ಎಸ್ ಎನ್ ಡಿ ಟಿ ಪೊಣ್ಣುಲೆನ ವಿಶ್ವವಿದ್ಯಾಲಯ ಬೊಂಬಾಯಿಡ್ ಮುಖ್ಯಸ್ಥೆ ಆದ್ ಕೆಲಸ ಮಲ್ತೆರ್, ೧೯೬೦ಡ್ದ್ ಆರ್ ಭಾರತೀಯ ಶಾಸ್ತ್ರೀಯ ಸಂಗೀತೊನು ಪ್ರದರ್ಶಿಸೆರೆ, ಕಲ್ಪಾವೆರೆ ಬೊಕ್ಕ ಪ್ರಚಾರ ಮಲ್ಪೆರೆ ಅನೇಕ ಪಿದಾಯಿ ದೇಶೊಲೆಗ್ ಭೇಟಿ ಕೊರ್ತೆರ್. ಸಾಂಪ್ರದಾಯಿಕ ಗುರು ಶಿಷ್ಯ ಪರಂಪರ ವ್ಯವಸ್ಥೆಡ್ ಜೊಕುಲೆಗ್ ತರಬೇತಿ ಕೊರ್ಪಿನ ನಿಟ್ಟಿಡ್ ಪುಣೆಡ್ ಸ್ವರಮಯೀ ಗುರುಕುಲ ನ್ ಸುರು ಮಲ್ತೆರ್. ಅರೆನ ಪುದರ್ ಪೋಯಿನ ಶಿಷ್ಯೆರ್: ಅಲ್ಕ ಜೋಗ್ಲೆಕರ್, ವಿಜಯ ಪಟ್ಕಿ, ಆಶಾ ಪರಸ್ನೀಸ್, ಪದ್ಮಿನಿ ರಾವ್, ಚೆತ್ನ ಬನವತ್, ಆತಿಂದ್ರ ಸರ್ವಾಡಿಕರ್, ಆರತಿ ಠಾಕೂರ್, ಅಶ್ವಿನಿ ಮೋದಕ್, ಫುಮಿಯೆ ನಿಗೇಶಿ ಮೊಕುಲು ಮಾತಾ.

ಉಲ್ಲೇಕೊಲು

↑ "Padma Awardees 2022" (PDF) (Press release).
↑ "Prabha Atre, icon of Kirana Gharana, dead". The Times of India. 14 January 2024. Retrieved 14 January 2024.
↑ डेस्क, एबीपी माझा एंटरटेनमेंट (2024-01-13). "शास्त्रीय गायिका प्रभा अत्रे यांचे पुण्यात निधन; वयाच्या 92 व्या वर्षी घेतला अखेरचा श्वास". marathi.abplive.com (in ಮರಾಠಿ). Retrieved 2024-01-13.
↑ Borade, Aarti Vilas. "Prabha Atre Death: ज्येष्ठ शास्त्रीय गायिका प्रभा अत्रे यांचे पुण्यात निधन". Hindustan Times Marathi (in ಮರಾಠಿ). Retrieved 2024-01-13.
↑ "व्यक्तिवेध: प्रभा अत्रे". Loksatta (in ಮರಾಠಿ). 29 January 2022. Retrieved 4 February 2022.
↑ Khanna, Shailaja (2017-06-02). "Classical music has to change". The Hindu (in Indian English). ISSN 0971-751X. Retrieved 2021-10-05.

ಪಿದಾಯಿದ ಕೊಂಡಿಲು

Official website
Prabha Atre discography at Discogs
India's 50 Most Illustrious Women ( ) by Indra Gupta
The Great Masters: Profiles in Hindustani Classical Vocal Music by Mohan Nadkarni

[padma_awardees_2022-1] "Padma Awardees 2022" (PDF) (Press release).

[The_Times_of_India_2024_a074-2] "Prabha Atre, icon of Kirana Gharana, dead". The Times of India. 14 January 2024. Retrieved 14 January 2024.

[3] डेस्क, एबीपी माझा एंटरटेनमेंट (2024-01-13). "शास्त्रीय गायिका प्रभा अत्रे यांचे पुण्यात निधन; वयाच्या 92 व्या वर्षी घेतला अखेरचा श्वास". marathi.abplive.com (in ಮರಾಠಿ). Retrieved 2024-01-13.

[4] Borade, Aarti Vilas. "Prabha Atre Death: ज्येष्ठ शास्त्रीय गायिका प्रभा अत्रे यांचे पुण्यात निधन". Hindustan Times Marathi (in ಮರಾಠಿ). Retrieved 2024-01-13.

[=व्यक्तिवेध-5] "व्यक्तिवेध: प्रभा अत्रे". Loksatta (in ಮರಾಠಿ). 29 January 2022. Retrieved 4 February 2022.

[6] Khanna, Shailaja (2017-06-02). "Classical music has to change". The Hindu (in Indian English). ISSN 0971-751X. Retrieved 2021-10-05.

[೧]

[೨]

[೩]

[೪]

[೫]

[೬]