ಪ್ರಶಾಂತ್ ರೈ ಕೈಕಾರ

ಪ್ರಶಾಂತ್ ರೈ ಕೈಕಾರ

ಪ್ರಶಾಂತ್ ರೈ ಕೈಕಾರ ಪನ್ನಗನೆ, ಕಬಡ್ಡಿ ಪ್ರೇಮಿಲ್ನ ಅಂಚನೇ ತುಳುನಾಡ್ದ ಜವನೆರ್ನ ಕಣ್ಣ್‌ಡ್ ನಮ್ಮಾಯೆ ಪನ್ಪಿನ ಮೋಕೆ ತೋಜುಂಡು. ಈ ಪುದರ್ ರಾಷ್ಟ್ರ ಅಂಚನೇ ಅಂತರಾಷ್ಟ್ರ ಮಟ್ಟಡ್ ಮಸ್ತ್ ಪುಗರ್ಮೆ ಪೋಯಿನ ಪುದರ್. ಪ್ರಶಾಂತ್ ರೈ ಕೈಕಾರ ಮೇರ್ ಒರಿ ಕಬಡ್ಡಿ ಪಟು. ಸಾಯಿರ ಸಾಯಿರ ಗೊಬ್ಬುಲೆನ್ ಗೊಬ್ಬುದು ಗೆಂದಿನಾರ್. ಪ್ರೋ ಕಬಡ್ಡಿ ಪನ್ನಗ ತುಳುವೆರ್ ಸುರೂಕು ಕೇನುನ ಪಾತೆರ ಒಂಜೇ ಅವ್ವೇ 'ಪ್ರಶಾಂತಣ್ಣೆ ವಾ ಟೀಮ್ ಗೆ ?' ಪಂದ್.

ಪುಟ್ಟು ಬೊಕ್ಕ ಬಲಕೆ

ಪ್ರಶಾಂತ್ ರೈ ಕೈಕಾರ ಮೇರ್ನ ಕುಟುಂಬ

ಮೇರ್ 4 ಎಪ್ರಿಲ್ 1984ಡ್ ದಕ್ಷಿನ ಕನ್ನಡ ಜಿಲ್ಲೆಗ್ ಸಂದಿನ, ಪುತ್ತೂರು ತಾಲೂಕುದ ಕೈಕಾರ ಪನ್ಪಿನ ಗ್ರಾಮಡ್ ಪುಟ್ಟಿಯೆರ್ ಮೇರ್ನ ಪೊಪ್ಪ ಸ್ವರ್ಗೊಗುಸಂದಿನ ಸೀತಾರಾಮ ರೈಕುಲು, ಕೆ.ಎಸ್. ಆರ್.ಟಿ.ಸಿ ಡ್ ಡ್ರೈವರ್ ಆದಿತ್ತೆರ್. ಸ್ವರ್ಗಗ್ ಸಂದಿನ ಸತ್ಯವತಿ ಮೇರ್ನ ಅಮ್ಮ.ಮೇರ್ನ ಬೊಡೆದಿ ವಜ್ರೇಶ್ವರಿ.ಪಿ.ರೈ,ಮಗೆ ಶತಾಯು ಅಂಚನೇ ಮಗಲ್ ಶ್ರಿತ.

ವಿದ್ಯಾಭ್ಯಾಸ

ಕೈಕಾರದ ಹಿರಿಯ ಪ್ರಾಥಮಿಕ ಶಾಲೆಡ್ ವಿದ್ಯಾಭ್ಯಾಸ ಶುರು ಮಲ್ತಿನ ರೈಕುಲು, ಬೊಕ್ಕ ಪುತ್ತೂರುದ ಫಿಲೋಮಿನ ಕಾಲೇಜಿಡ್ ಪಿಯುಸಿ ಅಂಚನೇ ಡಿಗ್ರಿ ಶಿಕ್ಷಣನ್ ಪಡೆಯೆರ್. ಸ್ಪೋರ್ಟ್ಸ್ ಕೋಟದ ಮಿತ್ತ್ಡ್ ಪಿಯುಸಿ ಸೇರ್ನ ಮೇರ್ ಸುರುಕು ಆರಿಸಯಿನೆ ವೈಟ್ ಲಿಫ್ಟಿಂಗ್, ಬೊಕ್ಕ ಕಬಡ್ಡಿಗ್ ಸೇರ್ನಿಗೆ.

ಬೇಲೆ

ಡಿಗ್ರಿ ಮುಗಿನ ಕೂಡ್ಲೇ ಪಂಡ 2006 ಡ್ ಸ್ಪೋರ್ಟ್ಸ್ ಕೋಟಾಡ್ದ್ ಮೇರೆಗ್ ಕುಡ್ಲದ ಕೊಣಾಜೆ ಪೋಲಿಸ್ಟೇಷನ್ಡ್ ಬೇಲೆ ತಿಕ್ಂಡ್. ಅವೆಡ್ದ್ ಬೊಕ್ಕ 2017 ಡ್ ಸ್ಪೋರ್ಟ್ಸ್ ಕೋಟಡ್ದ್ ವಿಜಯಾ ಬ್ಯಾಂಕ್ಡ್ ಬೇಲೆ ಆಂಡ್.ಇತ್ತೆಲ ಆರ್ ವಿಜಯಾ ಬ್ಯಾಂಕ್ಡ್ ಮೇನೇಜರ್ ಆದ್ ಬೇಲೆ ಮಲ್ತೊಂದುಲ್ಲೆರ್. ಅಂಚನೇ ಕಬಡ್ಡಿಗ್ಲ ಜಾಸ್ತಿ ಪೊರ್ತು ಕೊರೊಂದುಲ್ಲೆರ್.

ಕಬಡ್ಡಿ ಬದ್ಕ್

ಕಾಲೇಜಿಡುಪ್ಪುನಗನೆ ಕಬಡಿಡ್ ರಾಜ್ಯ, ರಾಷ್ಟ್ರ ಮಟ್ಟ ಮುಟ್ಟ ಪೋತಿನಾರ್. ಮಂಗಳೂರು ವಿಶ್ವವಿದ್ಯಾನಿಲಯ ಅಂಚನೇ ವಿಜಯಾ ಬ್ಯಾಂಕ್ದ ಕಬಡ್ಡಿ ತಂಡದ ಗುರಿಕ್ಕಾರೆರಾದಿತ್ತೆರ್

pro kabaddi

ಪ್ರೋ ಕಬಡ್ಡಿ

ಪ್ರಶಾಂತ್ ರೈ ಕೈಕಾರ ಮೇರ್ ಸುರೂತ ಮೂಜಿ ಸೀಸನ್ಡ್ ತೆಲುಗು ಟೈಟನ್ಸ್ ಗುಂಪುಡಿತ್ತೆರ್.ನಾಲ್ನೇ ಸೀಸನ್ಡ್ ದಬಾಂಗ್ ದೆಲ್ಲಿತಂಡೊಡಿತ್ತೆರ್, ಐನ್ ಬಕ ಏಳ್ನೆ ಸೀಸನ್ಡ್ ಹರಿಯಾಣ ಸ್ಟೀಲರ್ಸ್ ತಂಡಡಿತ್ತೆರ್ ಅಂಚನೇ ಆಜಿನೇ ಸೀಸನ್ಡ್ ಯು.ಪಿ ಯೋಧ ತಂಡೊಡಿತ್ತೆರ್

ಸೀಸನ್ 6ಡ್ ಯು.ಪಿ ಯೋಧ ತಂಡ ರೈಕುಲೆನ್ 79 ಲಕ್ಷ ಪಣವು ಕೊರ್ದು ತಂಡಗ್ ಸೇರ್ಪಾವೊಂಡೆರ್, ಅಂಚನೇ ಸೀಸನ್ 7ಡ್ ಹರಿಯಾಣ ಸ್ಟೀಲರ್ಸ್ 77 ಲಕ್ಷ ಪಣವು ಕೊರ್ದು ತಂಡಗ್ ಸೇರ್ಸಾವೊಂಡೆರ್.79 ಲಕ್ಷ ಕರ್ನಾಟಕಡ್ದ್ ಪೋಯಿನ ಬೇತೆ ಒವ್ವೇ ಕಬಡ್ಡಿ ಆಟಗಾರಗ್ ತಿಕ್ ದಿಜಿ. ಉಂದುವೇ ಪನ್ಪುಂಡು ಪ್ರಶಾಂತ್ ರೈ ಕೈಕಾರ ಮೇರ್ನ ಗೊಬ್ಬು ಎಂಚುಪ್ಪುಂಡು ಪನ್ದ್. ಸೀಸನ್ 8ಡ್ ಪಾಟ್ನ ಪೈರೈಟ್ಸ್ ದ ಕಫ್ತಾನರಾದ್ ಆಯ್ಕೆ ಆತೆರ್.