ಪ್ರಿಯಾ ಜಿಂಗನ್

 

ಒರ್ತಿ ಭಾರತೀಯ ಸೈನ್ಯದ ಅಧಿಕಾರಿ ಬೊಕ್ಕ ಲೇಡಿ ಕ್ಯಾಡೆಟ್ ನಂಬರ್ ೧೯೯೩ಡ್ ಭಾರತೀಯ ಸೈನ್ಯೊಡು ನೇಮಕ ಆಯಿನ ೨೫ ಮಹಿಳಾ ಅಧಿಕಾರಿಲೆನೆಡ್ ಸುರೂತ ಅಧಿಕಾರಿ.

ಸೈನ್ಯದ ವೃತ್ತಿ

ಒರ್ತಿ ಪೊಲೀಸ್ ಅಧಿಕಾರಿನ ಮಗೆ ಆಯಿನೆಡ್ದಾವರ, ಪ್ರಿಯಾ ಸುರುಟು ಭಾರತೀಯ ಪೊಲೀಸ್ ಸೇವೆಗ್ ಸೇರೊಡಾಪುಂಡು ಆಂಡ ಅಪಗದ ಸೈನ್ಯದ ಮುಖ್ಯಸ್ಥೆ ಜನರಲ್ ಸುನಿತ್ ಫ್ರಾನ್ಸಿಸ್ ರೊಡ್ರಿಗಸ್ ಗ್ ಸೈನ್ಯೊಗು ಸೇರೆರೆ ಅನುಮತಿ ಕೊರ್ರೆ ಬರೆಯೆರೆ ನಿರ್ಧರಿಸಯೆರ್. ಚೆನ್ನೈಡ್ ಅಧಿಕಾರಿಲೆನ ತರಬೇತಿ ಅಕಾಡೆಮಿಡ್ ತರಬೇತಿಗ್ 1992ಡ್ ಅರೆನ ವಿನಂತಿನ್ ಸ್ವೀಕಾರ ಮಲ್ತೆರ್. ಆರ್ ೨೧ ಸೆಪ್ಟೆಂಬರ್ ೧೯೯೨ಡ್ದ್ ೨೪ ಬೇತೆ ಪೊಣ್ಣು ಕ್ಯಾಡೆಟ್ ಲೆನೊಟ್ಟುಗು ತನ್ನ ಮಿಲಿಟರಿ ತರಬೇತಿನ್ ಸುರು ಮಲ್ತೆರ್. ಮಾರ್ಚ್ ೬, ೧೯೯೩ಡ್ ಸುರುತ ಮಹಿಳಾ ಕೋರ್ಸ್ ದ ಬೊಳ್ಳಿ ಪದಕ ವಿಜೇತೆರಾದ್ ಪದವಿ ಪಡೆಯೆರ್ ಒಂಜಿ ಪದಾತಿಪಡೆದ ಬೆಟಾಲಿಯನ್ ಗ್ ಸೇರುನ ಅರೆನ ವಿನಂತಿನ್ ಸೈನ್ಯ ನಿರಾಕರಣೆ ಮಲ್ತ್ಂಡ್ ದಾಯೆ ಪಂಡ ಅಯಿಕ್ ಅಂಚಿನ ನಿಬಂಧನೆಲು ಇಜ್ಜಿ. ಕಾನೂನು ಪದವಿ ಪಡೆಯಿನ ಆರ್ ಕಾರ್ಪ್ಸ್ ಆಫ್ ಜಡ್ಜ್ ಅಡ್ವೊಕೇಟ್ ಜನರಲ್ ಗ್ ಸೇರ್ದೆರ್. ನ್ಯಾಯಾಧೀಶೆರ್ ಅಡ್ವೊಕೇಟ್ ಜನರಲ್ ಇಲಾಖೆಡ್ ಪತ್ತ್ ವರ್ಷೊದ ಗೌರವಾನ್ವಿತ ಸೇವೆ ಮಲ್ತಿನ ಬುಕ್ಕೊ ಅಲ್ಪ ಆರ್ ಅಸಂಖ್ಯಾತ ಕೋರ್ಟ್ ಮಾರ್ಷಲ್ ನ್ ನಡಪಾಯೆರ್, ಮೇಜರ್ ಪ್ರಿಯಾನ್ 2003ಡ್ ಮೇಜರ್ ಸೇವೆದ ಒಪ್ಪಂದದ ಪ್ರಕಾರ ಬಿಡುಗಡೆ ಮಲ್ತೆರ್. ಭಾರತೀಯ ಸೈನ್ಯೊಡು ಪೊಣ್ಣುಲೆಗ್ ಪುರುಷೆರೆನಲೆಕನೆ ಸಮಾನ ಪಾತ್ರೊಲೆನ್ ಕೊರ್ಪಿನೆಕ್ ಪ್ರಿಯಾ ಯಾಪಲ ಒರಿ ಬಲವಾದ್ ವಕೀಲೆರಾದಿತ್ತೆರ್. ಲೆಫ್ಟಿನೆಂಟ್ ಸುಷ್ಮಿತಾ ಚಕ್ರವರ್ತಿನ ವಿವಾದಾತ್ಮಕ ಆತ್ಮಹತ್ಯೆದ ಬಗ್ಗೆ ಭಾರತೀಯ ಸೈನ್ಯೊಡು ಉಪ್ಪುನ ಪೊಣ್ಣುಲೆನ್ ಒಂಜಿ ಹಕ್ಕ್ ಪಂಡ್ದ್ ಆರ್ ರಕ್ಷಣೆ ಮಲ್ತೆರ್, ಉಂದೆಟ್ ಅಪಗದ ಸೈನ್ಯದ ಉಪಾಧ್ಯಕ್ಷೆರ್, ಲೆಫ್ಟಿನೆಂಟ್ ಜನರಲ್ ಎಸ್ ಪಟ್ಟಾಭಿರಾಮನ್ ಸೈನ್ಯೊಡು ಉಪ್ಪುನ ಪೊಣ್ಣುಲೆನ ಬಗ್ಗೆ ಒಂಜಿ ಅಸೂಕ್ಷ್ಮ ಟಿಪ್ಪಣಿಗ್ ಕ್ಷಮೆ ಕೋರೊಡಾಂಡ್. ಭಾರತೀಯ ಸೈನ್ಯೊಡ್ದ್ ಬಿಡುಗಡೆ ಆಯಿ ಬೊಕ್ಕ, ಆರ್ ಯಾಪಲ ಭಾರತೀಯ ಸೈನ್ಯೊಡು ಮಹಿಳಾ ಅಧಿಕಾರಿಲೆಗ್ ಶಾಶ್ವತ ಆಯೋಗ ಬೊಕ್ಕ ಘಟಕೊಲೆನ ಆಜ್ಞೆನ್ ಕೊರ್ಪುನ ಬಗ್ಗೆ ವಾದ ಮಲ್ತೆರ್. ಅರೆನ ಅಭಿಪ್ರಾಯೊಲೆನ್ 17 ಫೆಬ್ರವರಿ 2020 ಗ್ ದಿ ಟೈಮ್ಸ್ ಆಫ್ ಇಂಡಿಯಾಡ್ ಪ್ರಕಟಿಸಯೆರ್ ಬೊಕ್ಕ ನಿರ್ಧಾರ ಮಲ್ಪುನಕುಲು ಗಮನೊಗು ದೆತೊನುವೆರ್. ಭಾರತದ ಸುಪ್ರೀಂ ಕೋರ್ಟ್ ಫೆಬ್ರವರಿ ೨೦೨೦ಡ್, ಆರ್ ಸೈನ್ಯೊಡ್ದ್ ಬಿಡುಗಡೆ ಆಯಿ ಬೊಕ್ಕ ೧೭ ವರ್ಷೊಡ್ದು ಬೊಕ್ಕ, ಮಹಿಳೆಯೆರೆಗ್ ಭಾರತೀಯ ಸೈನ್ಯೊಡು ಯುನಿಟ್ ಲೆನ್ ಕಮಾಂಡ್ ಮಲ್ಪೆರೆ ಸಮಾನ ಅವಕಾಶೊಲೆನ್ ಕೊರ್ಪಿನ ತೀರ್ಪುನ್ ಪಾಸ್ ಮಲ್ತ್ಂಡ್.

ಸೈನ್ಯೊಡ್ದ್ ಬುಡುಗಡೆ ಆಯಿ ಬೊಕ್ಕದ ಜೀವನ

ನಿವೃತ್ತಿ ಆಯಿ ಬೊಕ್ಕ, ಮೇಜರ್ ಪ್ರಿಯಾ ಹರಿಯಾಣದ ನ್ಯಾಯಾಂಗ ಸೇವೆಲೆನ್ ತೆರಿಪಾಯೆರ್ ಆಂಡ ನ್ಯಾಯಾಂಗ ಸೇವೆಗ್ ಸೇರೊಡಾಪುಜಿ ಪಂದ್ ನಿರ್ಧರಿಸಯೆರ್. ಅಪಗ ಆರ್ ಪತ್ರಿಕೋದ್ಯಮ ಬೊಕ್ಕ ಸಾಮೂಹಿಕ ಸಂವಹನೊಡು ಸ್ನಾತಕೋತ್ತರ ಪದವಿನ್ ಮುಗಿತ್ದ್ ಗಂಗ್ಟೋಕ್ ಡ್ ಸಿಕ್ಕಿಂ ಎಕ್ಸ್ ಪ್ರೆಸ್ ಪನ್ಪಿನ ವಾರಪತ್ರಿಕೆನ್ ಸಂಪಾದನೆ ಮಲ್ಪೆರೆ ಸುರು ಮಲ್ತೆರ್. 2013 ಡ್ ಖತ್ರೋನ್ ಕೆ ಖಿಲಾಡಿ ಸೀಸನ್ 1 ಡ್ ಪಾಲ್ ಪಡೆಯಿನಕ್ಲೆಡ್ ಒರಿಯೆರ್.2013ಡ್ ಆರ್ ಪ್ರತಿಷ್ಠಿತ ಸಂಸ್ಥೆ, ದಿ ಲಾರೆನ್ಸ್ ಸ್ಕೂಲ್, ಸನಾವಾರ್ ಡ್ ಇಂಗ್ಲಿಷ್ ಶಿಕ್ಷಕಿಯಾದ್ ಬೊಕ್ಕ ಒರಿ ಹೌಸ್ ಮಿಸ್ಟ್ರೆಸ್ ಆದ್ ಸೇರ್ದೆರ್. ಪ್ರಿಯಾ ಝಿಂಗನ್ ಲೆಫ್ಟಿನೆಂಟ್ ಕರ್ನಲ್ ಮನೋಜ್ ಮಲ್ಹೋತ್ರಾನ್ ಮದಿಮೆ ಆಯೆರ್, ಆರ್ ಪೆಪ್ ಟರ್ಫ್ ಪನ್ಪಿನ ಒಂಜಿ ಸಾಹಸ ಕ್ರೀಡಾ ಕಂಪೆನಿನ್ ನಡಪಾವೊಂದುಲ್ಲೆರ್. ಈ ಜೋಡಿ ಭಾರತದ ಚಂಡೀಗಢ್ ಡ್ ಜೀವನ ಮಲ್ತೊಂದುಲ್ಲೆರ್ ಬೊಕ್ಕ ಅಕ್ಲೆಗ್ ಒರಿ ಮಗೆ ಅಭಿಮನ್ಯು ಉಲ್ಲೆರ್. ಆಗಸ್ಟ್ ೨೦೧೯ಡ್, ಸನಾವಾರ್ ದ ಲಾರೆನ್ಸ್ ಸ್ಕೂಲ್ ದ ಏಳು ಪೊಣ್ಣು ವಿದ್ಯಾರ್ಥಿಲು ಬೊಕ್ಕ ಒರಿ ಪೊಣ್ಣು ಶಿಕ್ಷಕಿನೊಟ್ಟುಗು, ಆಫ್ರಿಕಾದ ಅತಿ ಎತ್ತರದ ಪರ್ವತ ಆಯಿನ ಕಿಲಿಮಂಜಾರೊ ಪರ್ವತೊನು ಏರ್ಪಾಟ್ ಮಲ್ತೆರ್, ಅಯಿತ ಶಿಖರ ಸುಮಾರ್ ೪,೯೦೦ ಮೀಟರ್ (೧೬,೧೦೦ ಅಡಿ) ಅಯಿತ ಬುಡೊಡ್ದ್, ಬೊಕ್ಕ 5,895 ಮೀಟರ್ (19,341 ಅಡಿ) ಸಮುದ್ರ ಮಟ್ಟೊಡ್ದ್ ಮಿತ್ತ್.

  ಫೆಬ್ರವರಿ ೨೦೧೮ಡ್, ಮೇಜರ್ ಪ್ರಿಯಾ ಝಿಂಗನ್ ನ್ ಭಾರತದ ರಾಷ್ಟ್ರಪತಿ ಶ್ರೀ ರಾಮನಾಥ್ ಕೋವಿಂದ್ ಭಾರತದ ವಿವಿಧ ಕ್ಷೇತ್ರೊಲೆಡ್ ೧೧೨ ಇತರ ಪ್ರಮುಖ ಮಹಿಳೆಯೆರೆನ ನಡುಟು ಭಾರತೀಯ ಸೈನ್ಯೊಡು ಮಹಿಳೆಯೆರೆನ ಪ್ರವರ್ತಕೆರಾದ್ ಸನ್ಮಾನ ಮಲ್ತೆರ್.