ಫೆಡರಲ್ ಬ್ಯಾಂಕ್
ಫೆಡರಲ್ ಬ್ಯಾಂಕ್ ಭಾರತದ ಒಂಜಿ ಖಾಸಗಿ ವಲಯದ ಬ್ಯಾಂಕ್. ಇಂದೆತ ಪ್ರಧಾನ ಕಚೇರಿ ಕೇರಳ ರಾಜ್ಯೊದ ಕೊಚ್ಚಿದ ಆಲುವಾ ಇನ್ಪಿನವುಲು ಉಂಡು. ಈ ಬ್ಯಾಂಕ್ ಭಾರತದ ಬೇತೆ ಬೇತೆ ರಾಜ್ಯೊಲೆಡು ಅಬುಧಾಬಿ ಬೊಕ್ಕ ದುಬಾಯಿಡ್ ಸಾಗರೋತ್ತರ ಪ್ರತಿನಿಧಿ ಕಚೇರಿಲು ಉಲ್ಲ.
19 ಮಿಲಿಯನ್‌ಡ್ದ್ ಎಚ್ಚ ಗಿರಾಕಿಲು ಫೆಡರಲ್ ಬ್ಯಾಂಕ್‌ಗ್ ಉಲ್ಲೆರ್. ಈ ಬ್ಯಾಂಕ್ ಪ್ರಪಂಚದಾದ್ಯಂತ 110ಡ್ದುಲಾ ಎಚ್ಚ ಬ್ಯಾಂಕ್‌ಲು ಬೊಕ್ಕ ಎಕ್ಸ್ಚೇಂಜ್ ಕಂಪನಿಲೆನೊಟ್ಟುಗು ವಿದೇಶಿ ವಿನಿಮಯ ವ್ಯವಸ್ಥೆದ ಇಸಯೊಡು ಒಪ್ಪಂದ ಮಲ್ತೊಂದುಂಡು. ಈ ಬ್ಯಾಂಕ್ ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್, ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ ಆಫ್ ಇಂಡಿಯಾ ಬೊಕ್ಕ ಲಂಡನ್ ಸ್ಟಾಕ್ ಎಕ್ಸ್ಚೇಂಜ್‌ಲೆಡ್ ಪಟ್ಟಿ ಆತುಂಡು. ಬೊಕ್ಕ ಗಿಫ್ಟ್ ಸಿಟಿಡ್ ಉಪ್ಪುನ ಭಾರತದ ಸುರುತ ಅಂತರರಾಷ್ಟ್ರೀಯ ಹಣಕಾಸು ಸೇವಾ ಕೇಂದ್ರೊಡು ಶಾಖೆನ್ ಹೊಂದುಂಡು.
ಇತಿಹಾಸ ಬೊಕ್ಕ ಬೆಳವಣಿಗೆ
[ಸಂಪೊಲಿಪುಲೆ]ಫೆಡರಲ್ ಬ್ಯಾಂಕ್ ಲಿಮಿಟೆಡ್ 23 ಏಪ್ರಿಲ್ 1931 ದಾನಿ ಸ್ತಾಪನೆ ಆಂಡ್. ತಿರುವಾಂಕೂರು ಕಂಪನಿಲೆನ ಕಾಯ್ದೆದಡಿಟ್ ಮಧ್ಯ ತಿರುವಾಂಕೂರುದ ತಿರುವಲ್ಲಾ ಕೈತಲ್ದ ನೆಡುಂಪುರಂ ಪನ್ಪಿನ ಜಾಗೊಡು ₹5,000 ಅಧಿಕೃತ ಬಂಡವಾಳದೊಟ್ಟುಗು ಸ್ಥಾಪನೆ ಆಂಡ್. ಅಪಗ ಈ ಬ್ಯಾಂಕ್‌ಗ್ ತಿರುವಾಂಕೂರು ಫೆಡರಲ್ ಬ್ಯಾಂಕ್ ಲಿಮಿಟೆಡ್ ಇಂದ್ ಪುದರ್ ಇತ್ಂಡ್. ಉಂಡಾಯಿನ ಸುರುಟು ಹರಾಜು ಚೀಟಿ ಬೊಕ್ಕ ಕೃಷಿ ಹಾಗು ಉದ್ಯಮಗ್ ಸಂಬಂಧ ಪಟ್ಟಿನ ಬೇತೆ ಬ್ಯಾಂಕಿಂಗ್ ವಹಿವಾಟುಲೆನ ವ್ಯವಹಾರನ್ ಸುರು ಮಲ್ತ್‌ಂಡ್. ಬ್ಯಾಂಕಿಂಗ್ ನಿಯಂತ್ರಣ ಕಾಯ್ದೆ, 1949ತ ಅಡಿಟ್ ಈ ಬ್ಯಾಂಕ್‌ಗ್ 2 ಡಿಸೆಂಬರ್ 1949ದಾನಿ ಫೆಡರಲ್ ಬ್ಯಾಂಕ್ ಲಿಮಿಟೆಡ್ ಇಂದ್ ಪುದರ್ ದೀಯೆರ್. 1963 ಬೊಕ್ಕ 1970 ದ ನಡುಟು, ಚಾಲಕುಡಿ ಪಬ್ಲಿಕ್ ಬ್ಯಾಂಕ್, ತೃಶೂರುದ ಕೊಚ್ಚಿನ್ ಯೂನಿಯನ್ ಬ್ಯಾಂಕ್, ಆಲಪ್ಪುಳದ ಆಲಪ್ಪಿ ಬ್ಯಾಂಕ್, ಪುತ್ತೇನಪಳ್ಳಿದ ಸೇಂಟ್ ಜಾರ್ಜ್ ಯೂನಿಯನ್ ಬ್ಯಾಂಕ್ ಬೊಕ್ಕ ತಿರುವನಂತಪುರಂನ ಮಾರ್ತಾಂಡಂ ಕಮರ್ಷಿಯಲ್ ಬ್ಯಾಂಕ್- ಈತ್ ಬ್ಯಾಂಕ್‌ಲೆನ್ ಸ್ವಾಧೀನ ಮಲ್ತ್‌ದ್ ತನ್ನೊಟ್ಟುಗು ವಿಲೀನ ಮಲ್ತೊಂಡ್.[1]
1970ಡ್ ಫೆಡರಲ್ ಬ್ಯಾಂಕ್‌ಗ್ ಶೆಡ್ಯೂಲ್ಡ್ ಕಮರ್ಷಿಯಲ್ ಬ್ಯಾಂಕ್ ಪನ್ಪಿನ ಅನುಮತಿ ತಿಕ್ಕಿಂಡ್.[2] 1994ನೇ ಇಸವಿಡ್ ತನ್ನ ಆರಂಭಿಕ ಸಾರ್ವಜನಿಕ ಕೊಡುಗೆನ್ ಸುರು ಮಲ್ತ್‌ದ್, ಶೇರು ಮಾರುಕಟ್ಟೆಗ್ ಬತ್ಂಡ್. ಜನವರಿ 2008 ಡ್, ಫೆಡರಲ್ ಬ್ಯಾಂಕ್ ಅಬುಧಾಬಿಡ್ ತನ್ನ ಸುರುತ ಸಾಗರೋತ್ತರ ಪ್ರತಿನಿಧಿ ಕಚೇರಿನ್ ದೆತ್ತ್ಂಡ್. ನವೆಂಬರ್ 2016 ಡ್, ಫೆಡರಲ್ ಬ್ಯಾಂಕ್ ದುಬಾಯಿಡ್ ತನ್ನ ರಡ್ಡನೇ ಪ್ರತಿನಿಧಿ ಕಚೇರಿನ್ ಸುರು ಮಲ್ಂಡ್.[3][4]
ಅಂಗಸಂಸ್ಥೆಲು
[ಸಂಪೊಲಿಪುಲೆ]- ಫೆಡರಲ್ ಆಪರೇಷನ್ಸ್ ಅಂಡ್ ಸರ್ವಿಸಸ್ ಲಿಮಿಟೆಡ್: ಉಂದು ಕಂಪನಿ ಕಾಯ್ದೆ 2013 ರ ಅಡಿಟ್ 26 ಅಕ್ಟೋಬರ್ 2018 ದಾನಿ ನೋಂದಾವಣೆ ಆಯಿನ ದಿ ಫೆಡರಲ್ ಬ್ಯಾಂಕ್ ಲಿಮಿಟೆಡ್‌ದ ಸಂಪೂರ್ಣ ಸ್ವಾಮ್ಯದ ಸಹಾಯಕ ಸಂಸ್ಥೆಯಾದುಂಡು.[5] ಈ ಕಂಪನಿ ಕೇರಳದ ಕಕ್ಕನಾಡ್, ಇಂದೋರ್ ಬೊಕ್ಕ ಆಂಧ್ರಪ್ರದೇಶದ ವಿಶಾಖಪಟ್ಟಣಂಡ್ದ್ ಕೆಲಸ ಮಲ್ಪುಂಡು.[6]
- ಫೆಡ್‌ಬ್ಯಾಂಕ್ ಫೈನಾನ್ಶಿಯಲ್ ಸರ್ವಿಸಸ್ ಲಿಮಿಟೆಡ್ (ಇಂಗ್ಲಿಷ್‌ಡ್ ಫೆಡ್‌ಫಿನಾ-FedFina): ಉಂದು ಫೆಡರಲ್ ಬ್ಯಾಂಕ್‌ದ ಬ್ಯಾಂಕಿಂಗೇತರ ಹಣಕಾಸು ವಿಭಾಗ- ಪಂಡ ಫೈನಾನ್ಸ್ ಆದುಂಡು.[7]
ಸಹವರ್ತಿ ಸಂಸ್ಥೆಲು
[ಸಂಪೊಲಿಪುಲೆ]- ಏಜಿಯಾಸ್ ಫೆಡರಲ್ ಲೈಫ್ ಇನ್ಶೂರೆನ್ಸ್ ಕಂಪನಿ ಲಿಮಿಟೆಡ್: ಏಜಿಯಾಸ್ ಫೆಡರಲ್ ಸಂಸ್ಥೆ ಯುರೋಪ್ ಖಂಡದ ಬಹುರಾಷ್ಟ್ರೀಯ ವಿಮಾ ದೈತ್ಯ ಸಂಸ್ಥೆಯಾಯಿನ 'ಏಜಿಯಾಸ್ ಇನ್ಶೂರೆನ್ಸ್ ಇಂಟರ್ನ್ಯಾಷನಲ್' ಬೊಕ್ಕ 'ಫೆಡರಲ್ ಬ್ಯಾಂಕ್' ನಡುತ ಜಂಟಿ ಉದ್ಯಮ. ಫೆಡರಲ್ ಬ್ಯಾಂಕ್ ಈ ಕಂಪನಿಡ್ ಶೇಕಡಾ 26 ದಾತ್ ಪಾಲನ್ ಹೊಂದುಂಡು.
- ಎಕ್ವಿರಸ್ ಕ್ಯಾಪಿಟಲ್ ಪ್ರೈವೇಟ್ ಲಿಮಿಟೆಡ್: ಫೆಡರಲ್ ಬ್ಯಾಂಕ್ ಈ ಕಂಪನಿಡ್ ಶೇಕಡಾ 19.79 ದಾತ್ ಪಾಲನ್ ಹೊಂದುಂಡು.
ಉಲ್ಲೇಕ
[ಸಂಪೊಲಿಪುಲೆ]- ↑ "Milestones". federal.bank.in. ಫೆಡರಲ್ ಬ್ಯಾಂಕ್. Retrieved 21 June 2026.
- ↑ "Milestones". federal.bank.in. ಫೆಡರಲ್ ಬ್ಯಾಂಕ್. Retrieved 21 June 2026.
- ↑ "Dubai Rep Office". 14 November 2016.
- ↑ "Federal Bank to expand overseas footprints".
- ↑ "Fed Serv:We aim for quality because only perfect quality can give perfect satisfaction." www.fedserv.co.in. Archived from the original on 29 November 2023. Retrieved 2024-01-09.
- ↑ "Fedserv". The Hindu. 29 August 2019.
- ↑ "Fedfina – Financial Institution for Gold loan, Home loans, Business & LAP online". fedfina.com (in ಬ್ರಿಟಿಷ್ ಇಂಗ್ಲಿಷ್). Retrieved 2024-01-09.