ಫ್ರೀಡಾ ಪಿಂಟೊ

ಫ್ರೀಡಾ ಸೆಲೆನಾ ಪಿಂಟೊ (ಪುಟ್ಟು ೧೮ ಅಕ್ಟೋಬರ್ ೧೯೮೪) ಒರಿ ಭಾರತೀಯ ನಟಿ, ಆರ್ ಮುಖ್ಯವಾದ್ ಅಮೆರಿಕನ್ ಬೊಕ್ಕ ಬ್ರಿಟಿಷ್ ಚಿತ್ರೊಲೆಡ್ ನಟನೆ ಮಲ್ತೆರ್. ಮಹಾರಾಷ್ಟ್ರದ ಮುಂಬೈಡ್ ಪುಟ್ಟುದು ಬುಲೆಯಿನ ಆರ್ ಎಲ್ಯ ಪ್ರಾಯೊಡು ನಟಿ ಆಯೆರೆ ನಿಶ್ಚಯ ಮಲ್ತೆರ್. ಮುಂಬೈದ ಸೈಂಟ್ ಜೆವಿಯರ್ಸ್ ಕಾಲೇಜಿಡ್ ವಿದ್ಯಾರ್ಥಿಯಾದ್ ಅರೆನ್ ಹವ್ಯಾಸಿ ನಾಟಕೊಲೆಡ್ ಪಾಲ್ ಪಡೆಯೆರ್. ಪದವಿ ಮುಗಿನ ಬುಕ್ಕೊ, ಆರ್ ಒಂಜಿ ಮಾಡೆಲ್ ಆದ್ ಬೊಕ್ಕ ಒಂಜಿ ಟೆಲಿವಿಷನ್ ನಿರೂಪಕೆ ಆದ್ ಸ್ವಲ್ಪ ಸಮಯೊಗು ಬೇಲೆ ಮಲ್ತೆರ್.

ಪಿಂಟೊ ಸ್ಲಮ್ಡಾಗ್ ಮಿಲಿಯನೇರ್ (೨೦೦೮) ನಾಟಕೊಡು ತನ್ನ ಸಿನಿಮಾ ಪಾದಾರ್ಪಣೆಡ್ ಪ್ರಾಮುಖ್ಯತೆಗ್ ಏರ್ಯೆರ್, ಒಂಜಿ ಎಸ್ಎಜಿ ಪ್ರಶಸ್ತಿನ್ ಗೆಂದಿಯೆರ್ ಬೊಕ್ಕ ಅತ್ಯುತ್ತಮ ಸಹಾಯಕ ನಟಿಗ್ ಬಾಫ್ಟಾ ಪ್ರಶಸ್ತಿಗ್ ನಾಮನಿರ್ದೇಶನೊನು ಗಳಸಯೆರ್. ಅಯಿಡ್ದ್ ಬೊಕ್ಕ ಆರ್ ಮಿರಲ್ (೨೦೧೦), ತೃಷ್ಣಾ (೨೦೧೧), ಬೊಕ್ಕ ಡೆಸರ್ಟ್ ಡಾನ್ಸರ್ (೨೦೧೪) ಚಿತ್ರೊಲೆಡ್ ನಟನೆ ಮಲ್ತೆರ್. ರೈಸ್ ಆಫ್ ದ ಪ್ಲಾನೆಟ್ ಆಫ್ ದ ಏಪ್ಸ್ (೨೦೧೧) ಪನ್ಪಿನ ವೈಜ್ಞಾನಿಕ ಕಾಲ್ಪನಿಕ ಚಿತ್ರ, ಬೊಕ್ಕ ಮಹಾಕಾವ್ಯದ ಫ್ಯಾಂಟಸಿ ಆಕ್ಷನ್ ಚಿತ್ರ <i id="mwKQ">ಇಮ್ಮರ್ಟಲ್ಸ್</i> (೨೦೧೧) ಡ್ದ್ ವಾಣಿಜ್ಯ ಯಶಸ್ಸ್ ನ್ ತೂಯೆರ್. ಪಿಂಟೊನ ಬೇತೆ ಗಮನಾರ್ಹ ಪಾತ್ರೊಲು ಯು ವಿಲ್ ಮೀಟ್ ಎ ಟಾಲ್ ಡಾರ್ಕ್ ಸ್ಟ್ರೇಂಜರ್ (೨೦೧೦), ಲವ್ ಸೋನಿಯಾ (೨೦೧೮), ಹಿಲ್ಬಿಲ್ಲಿ ಎಲೆಜಿ (೨೦೨೦), ಬೊಕ್ಕ ಮಿಸ್ಟರ್ ಮಾಲ್ಕಮ್ಸ್ ಲಿಸ್ಟ್ (೨೦೨೨) ಆದುಂಡು. ಶೋಟೈಮ್ ಮಿನಿಸೀರಿಸ್ ಗೆರಿಲ್ಲಾ (೨೦೧೭) ಡ್ ಲಾ ನಟನೆ ಮಲ್ತೆರ್, ಬೊಕ್ಕ ಹುಲು ಸರಣಿ ದಿ ಪಾತ್ (೨೦೧೮) ಡ್ ಪುನರಾವರ್ತಿತ ಪಾತ್ರೊನ್ ಮಲ್ತೆರ್.

ಸುರುತ ಜೀವನ ಬೊಕ್ಕ ಹಿನ್ನೆಲೆ

ಪಿಂಟೊ ೧೮ ಅಕ್ಟೋಬರ್ ೧೯೮೪ಡ್ ಮಹಾರಾಷ್ಟ್ರದ ಮುಂಬೈಡ್, ಕರ್ನಾಟಕದ ಕುಡ್ಲದ (ಮಂಗಳೂರುದ) ಕೊಂಕಣಿ ಕ್ಯಾಥೊಲಿಕ್ ದಂಪತಿಗ್ ಪುಟ್ಟಿಯೆರ್.ಆರೆನ ಅಪ್ಪೆ ಸಿಲ್ವಿಯಾ ಪಿಂಟೊ ಪಶ್ಚಿಮ ಮುಂಬೈದ ಗೋರೆಗಾಂವ್‌ಡ್ ಉಪ್ಪುನ ಸೇಂಟ್ ಜಾನ್ಸ್ ಯೂನಿವರ್ಸಲ್ ಸ್ಕೂಲ್‌ಡ್ ಪ್ರಿನ್ಸಿಪಾಲ್ (ಪ್ರಾಂಶುಪಾಲೆರ್) ಆದಿತ್ತೆರ್, ಬೊಕ್ಕ ಆರೆನ ಅಮ್ಮೆರ್ ಫ್ರೆಡ್ರಿಕ್ ಪಿಂಟೊ ಪಶ್ಚಿಮ ಮುಂಬೈದ ಬಾಂದ್ರಾಡ್ ಉಪ್ಪುನ ಬ್ಯಾಂಕ್ ಆಫ್ ಬರೋಡಾದ ಸೀನಿಯರ್ ಬ್ರಾಂಚ್ ಮ್ಯಾನೇಜರ್ ಆದಿತ್ತೆರ್.

ಪಿಂಟೊ ಉತ್ತರ ಮುಂಬೈದ ಮಲಾಡ್ ಉಪನಗರೊಡು ಮಧ್ಯಮ ವರ್ಗದ ಬೆಳವಣಿಗೆನ್ ಪಡೆಯೆರ್. ಐನ್ ವರ್ಸೊದ ಪ್ರಾಯೊಡು ಸುರುಕು ನಟಿ ಆಯೆರೆ ಬಯಕೆ ಮಲ್ತೆರ್, ಬಾಲ್ಯೊಡು ಆಗಾಗ್ಗೆ ಟೆಲಿವಿಷನ್ ನಟೆರೆನ್ ಅನುಕರಣೆ ಮಲ್ತೊಂದಿತ್ತೆರ್. 1994 ಮಿಸ್ ಯೂನಿವರ್ಸ್ ಸ್ಪರ್ಧೆಡ್ ಸುಷ್ಮಿತಾ ಸೆನ್ ನ ಗೆಲುವುಡ್ದ್ ಸ್ಫೂರ್ತಿ ಪಡೆಯಿನವು ನನೊಂಜಿ ಸರ್ತಿ ನೆಂಪು ಮಲ್ತೆರ್, "ದೇಶ ಅಲೆನ ಬಗ್ಗೆ ನಿಜವಾದ್ಲಾ ಹೆಮ್ಮೆ ಪಡೆಯೊಂದಿತ್ತೆ, ಬೊಕ್ಕ ಯಾನ್ ಒಂಜಿ ದಿನ, ಯಾನ್ಲಾ ಅಯಿನ್ ಮಲ್ಪೊಡು ಪಂದ್ ಬಯಕೆ ಮಲ್ತುವೆ" ಪಂಡ್ದ್ ವಿವರಿಸಯೆರ್. ^[೧] ಪಿಂಟೊ ಉತ್ತರ ಮುಂಬೈದ ಮಲಾಡ್ ಡ್ ಉಪ್ಪುನ ಕಾರ್ಮೆಲ್ ಆಫ್ ಸೈಂಟ್ ಜೋಸೆಫ್ ಶಾಲೆಗ್ ಪೋಯೆರ್ ^[೨] ಬೊಕ್ಕ ದಕ್ಷಿಣ ಮುಂಬೈದ ಫೋರ್ಟ್ ಡ್ ಮುಂಬೈದ ಸೈಂಟ್ ಜೆವಿಯರ್ಸ್ ಕಾಲೇಜ್ ಡ್ ಅಧ್ಯಯನ ಮಲ್ತೆರ್. ಅರೆನ ಮೇಜರ್ ಇಂಗ್ಲಿಷ್ ಸಾಹಿತ್ಯೊಡು ಇತ್ತ್ಂಡ್, ಮನೋವಿಜ್ಞಾನ ಬೊಕ್ಕ ಅರ್ಥಶಾಸ್ತ್ರೊಡು ಮೈನರ್ಸ್ ಇತ್ತ್ಂಡ್. ^[೩] ^[೪] ಕಾಲೇಜಿಡ್, ಆರ್ ಹವ್ಯಾಸಿ ರಂಗಮಂದಿರೊಡು ಪಾಲ್ ಪಡೆಯೆರ್, ^[೩] ಆಂಡ 2005ಡ್ ಪದವಿ ಪಡೆಯಿನ ಮುಟ್ಟ ಅಭಿನಯ ಬೊಕ್ಕ ಮಾಡೆಲಿಂಗ್ ನಿಯೋಜನೆಲೆನ್ ನಿರಾಕರಣೆ ಮಲ್ತೆರ್ ^[೫]

↑ Silva, Horacio (19 August 2010). "Out on a Limb". The New York Times. Archived from the original on 4 July 2013. Retrieved 26 April 2013.
↑ Rego, Norbert (21 October 2009). "Unplugged: Freida Pinto". The Times of India. Archived from the original on 18 October 2016. Retrieved 28 November 2015.
1 2 Sung, Helena. "Destiny's Child". Audrey (February – March 2009). Archived from the original on 7 July 2011. Retrieved 29 April 2009.
↑ Ramani, Nithya. "It's natural to want to become an actress after living in Mumbai". Rediff.com. Archived from the original on 12 October 2020. Retrieved 15 May 2019.
↑ Rose, Steve (1 March 2012). "Freida Pinto on being Tess". The Guardian. Archived from the original on 5 March 2016. Retrieved 30 November 2015.

[1] Silva, Horacio (19 August 2010). "Out on a Limb". The New York Times. Archived from the original on 4 July 2013. Retrieved 26 April 2013.

[2] Rego, Norbert (21 October 2009). "Unplugged: Freida Pinto". The Times of India. Archived from the original on 18 October 2016. Retrieved 28 November 2015.

[Audrey-3] 1 2 Sung, Helena. "Destiny's Child". Audrey (February – March 2009). Archived from the original on 7 July 2011. Retrieved 29 April 2009.

[rediff-4] Ramani, Nithya. "It's natural to want to become an actress after living in Mumbai". Rediff.com. Archived from the original on 12 October 2020. Retrieved 15 May 2019.

[Steve-5] Rose, Steve (1 March 2012). "Freida Pinto on being Tess". The Guardian. Archived from the original on 5 March 2016. Retrieved 30 November 2015.

[೧]

[೨]

[೩]

[೪]

[೫]