ಬಂಧನ್ ಬ್ಯಾಂಕ್

ಬಂಧನ್ ಬ್ಯಾಂಕ್ ಲಿಮಿಟೆಡ್

Type	ಖಾಸಗಿ ರಂಗ
Traded as	ಬಿಎಸ್ಇ: 541153 ಎನ್ಏಸ್ಇ: BANDHANBNK
ಕಾರ್ಖಾನೆ	ಪಣವುದ ಸೇವೆಲು
ತಾಪನೆ	23 ಆಗಸ್ಟ್ 2015 (2015-೦೮-23)
ತಾಪನೆ ಮಲ್ತಿನಕುಲುs	ಚಂದ್ರಶೇಖರ್ ಘೋಷ್
ಪ್ರಧಾನ ಕಛೇರಿ	ಕೊಲ್ಕತ್ತಾ, ಪಶ್ಚಿಮ ಬಂಗಾಳ, ಭಾರತ
ಉಪ್ಪುನ ಜಾಗೆಲು	Nearly 6,350 banking outlets  (30 June 2026)
Area served	ಭಾರತ
ಮುಖ್ಯ ಜನೊಕುಲು	ಡಾ. ಅನುಪ್ ಕುಮಾರ್ ಸಿನ್ಹಾ ಅಧ್ಯಕ್ಷೆರ್ ಪಾರ್ಥ ಪ್ರತಿಮ್ ಸೆನ್ ಗುಪ್ತಾ (ಎಮ್ ಡಿ ಬುಕ್ಕ ಸಿ‌ಇಒ)
ಉತ್ಪಾದನೆ	ಚಿಲ್ಲರೆ ಬ್ಯಾಂಕಿಂಗ್ ಕಾರ್ಪೋರೇಟ್ ಬ್ಯಾಂಕಿಂಗ್ ಹೂಡಿಕೆ ಬ್ಯಾಂಕಿಂಗ್ ಅಡವು ಸಾಲ ಖಾಸಗಿ ಬ್ಯಾಂಕಿಂಗ್ ಸಂಪತ್ತು ನಿರ್ವಹಣೆ ಆಸ್ತಿ ನಿರ್ವಹಣೆ ಹೂಡಿಕೆ ನಿವಹಣೆ
ಆದಾಯ	₹ ೨೧,೦೩೪ ಕೋಟಿ (2024)
ಸುರುತ ಆದಾಯ	₹ ೬೬೩೯ ಕೋಟಿ (2024)
ಒಟ್ಟು ಆದಾಯ	₹೨೨೩೦ ಕೋಟಿ (2024)
ಒಟ್ಟು ಸೊತ್ತುಲು	₹ ೨೭೩೦೦೦ ಕೋಟಿ (2025)
ಬೇಲೆಗ್ ಉಪ್ಪುನ ಜನೊಕುಲು	74,500+ (2026)
ವೆಬ್ ಸೈಟ್	www.bandhan.bank.in

ಬಂಧನ್ ಬ್ಯಾಂಕ್ ನಮ ದೇಸೊದ ಸಾರ್ವಜನಿಕ ವಲಯದ ಖಾಸಗಿ ಬ್ಯಾಂಕ್. ಇಂದೆನ್ ೨೦೧೫ನೇ ಇಸವಿಡ್ ಸ್ತಾಪಿಸಾಯೆರ್. ಈ ಬ್ಯಾಂಕುದ ಮುಖ್ಯ ಕಛೇರಿ ಪಶ್ಚಿಮ ಬಂಗಾಲ ರಾಜ್ಯೊದ ರಾಜಧಾನಿ ಕೊಲ್ಕತ್ತಡ್ ಉಂಡು.

ಇತಿಹಾಸ

ಬಂಧನ್ ಸಂಸ್ಥೆನ್ 2001 ನೆ ಇಸವಿಡ್ ಆರ್ಥಿಕ ಒಳಗೊಳ್ಳುವಿಕೆ ಬೊಕ್ಕ ಪೊಂಜೊವುಲೆನ ಸಬಲೀಕರಣದ ಉದ್ದೇಶೊಡು ಒಂಜಿ ಲಾಭರಹಿತ ಸಂಸ್ಥೆಯಾದ್ ಸ್ಥಾಪನೆ ಮಲ್ತೆರ್. ಚಂದ್ರಶೇಖರ ಘೋಶ್ ಈ ಸಂಸ್ಥೆದ ಸ್ಥಾಪಕೆರ್. ಉಂದು ಕೋಲ್ಕತ್ತಾದ್ದ್ ಸುಮಾರು 60 ಕಿಲೋಮೀಟರ್ ದೂರ ಇಪ್ಪುನ ಬಾಗ್ನಾನ್ ಪನ್ಪಿನ ಒಂಜಿ ಎಲ್ಯ ಗ್ರಾಮೊಡ್ದ್ ತನ್ನ ಮೈಕ್ರೋಫೈನಾನ್ಸ್ (ಸೂಕ್ಷ್ಮ ಹಣಕಾಸು) ಕಾರ್ಯಾಚರಣೆನ್ ಸುರು ಮಲ್ತ್‌ಂಡ್. ಬಂಧನ್ ಸಂಸ್ಥೆ ಬ್ಯಾಂಕಿಂಗ್ ಸೌಲಭ್ಯ ಕಮ್ಮಿ ಇಪ್ಪುನ ಬೊಕ್ಕ ಬ್ಯಾಂಕಿಂಗ್ ಸೇವೆಲು ತಲುಪಂದಿನ ಜಾಗೆಲೆನ ದಿಕ್ಕ್‌ಡ್ ಎಚ್ಚ ಗಮನ ಕೊರ್ತ್ಂಡ್.

2006 ನೆ ಇಸವಿಡ್, ಬಂಧನ್ ತನ್ನ ಚಟುವಟಿಕೆಲೆನ್ ಮಲ್ಲ ಮಲ್ಪೆರೆ ಒಂಜಿ ಬ್ಯಾಂಕೇತರ ಹಣಕಾಸು ಕಂಪನಿನ್ ತನ್ನ ವಶಕ್ಕ್ ದೆತೊಂಡ್. ಉಂದು ರಡ್ಡ್‌ಲಾ ಸೇರ್ದ್ 'ಬಂಧನ್ ಫೈನಾನ್ಷಿಯಲ್ ಸರ್ವಿಸಸ್ ಪ್ರೈವೇಟ್ ಲಿಮಿಟೆಡ್' ಪನ್ಪಿನ ಪೊಸ ಸಂಸ್ಥೆ ಪುಟ್ಟ್‌ಂಡ್. 2010 ಡ್, ಉಂದು ದೇಶೊಡೇ ಮಾಮಲ್ಲ ಮೈಕ್ರೋಫೈನಾನ್ಸ್ ಸಂಸ್ಥೆಯಾದ್ ಮೂಡ್‌ದ್ ಬತ್ತ್‌ಂಡ್. ಏಪ್ರಿಲ್ 2014 ಡ್, ಬಂಧನ್ ಬ್ಯಾಂಕ್ ಲೈಸೆನ್ಸ್‌ಗಾದ್ ಭಾರತೀಯ ರಿಸರ್ವ್ ಬ್ಯಾಂಕ್‌ಗ್ (RBI) ಅರ್ಜಿ ಪಾಡ್ಂಡ್. ಆರ್‌ಬಿಐ ಬ್ಯಾಂಕ್ ಸುರು ಮಲ್ಪೆರೆ ತಾತ್ವಿಕ ಒಪ್ಪಿಗೆನ್ ಕೊರ್ತ್ಂಡ್. ಜೂನ್ 17, 2015 ದಾನಿ, ಆರ್‌ಬಿಐ ಬಂಧನ್‌ಗ್ ಬ್ಯಾಂಕಿಂಗ್ ಸೇವೆಲೆನ್ ನಡಪಾಯೆರೆ ಲೈಸೆನ್ಸ್ ಕೊರ್ತ್ಂಡ್. ಈ ಲೈಸೆನ್ಸ್‌ಡ್ದ್ ಆದ್ ಭಾರತೊಡು ಪೂರ್ಣಪ್ರಮಾಣದ ಬ್ಯಾಂಕ್ ಆದ್ ಬದಲಾಯಿನ ಸುರುತ ಮೈಕ್ರೋಫೈನಾನ್ಸ್ ಸಂಸ್ಥೆ ಪನ್ಪಿನ ಪುದರ್ ಬಂಧನ್ ಸಂಸ್ಥೆಗ್ ತಿಕ್ಕ್ಂಡ್. ಬಂಧನ್ ಬ್ಯಾಂಕ್ ಆಗಸ್ಟ್ 23, 2015 ದಾನಿ ತನ್ನ ಕೆಲಸೊಲೆನ್ ಸುರು ಮಲ್ತ್‌ಂಡ್. ಅಪಗದ ಕೇಂದ್ರ ಹಣಕಾಸು ಸಚಿವರಾದಿತ್ತಿನ ಅರುಣ್ ಜೇಟ್ಲಿ ಆರ್ ಕೋಲ್ಕತ್ತಾಡ್ ಈ ಬ್ಯಾಂಕ್‌ನ್ ಉದ್ಘಾಟನೆ ಮಲ್ತೆರ್. 27 ಮಾರ್ಚ್ 2018 ದಾನಿ, ಬಂಧನ್ ಬ್ಯಾಂಕ್ ಷೇರು ಮಾರುಕಟ್ಟೆಗ್ ಸೇರ್ಂಡ್ ಬೊಕ್ಕ ಲಿಸ್ಟ್ ಆಯಿನ ದಿನೊತ್ತಾನಿ ಮಾರುಕಟ್ಟೆ ಬಂಡವಾಳದ ಆಧಾರದ ಮಿತ್ತ್ ಭಾರತದ 8 ನೇ ಮಾಮಲ್ಲ ಬ್ಯಾಂಕ್ ಆಂಡ್. ಅಕ್ಟೋಬರ್ 2019 ಡ್, ಬಂಧನ್ ಬ್ಯಾಂಕ್ ಇಲ್ಲ್ ಕಟ್ಟುನ ಹಣಕಾಸು ಕಂಪನಿಯಾಯಿನ 'ಗೃಹ್ ಫೈನಾನ್ಸ್ ಲಿಮಿಟೆಡ್' ಉಂದೆನ್ ಶೇರು-ಬದಲಾವಣೆದ (share-swap) ಒಪ್ಪಂದದ ಮೂಲಕ ತನ್ನ ವಶಕ್ಕ್ ದೆತೊಂಡ್.

ಕಾರ್ಯಾಚರಣೆ

ಬಂಧನ್ ಬ್ಯಾಂಕ್ ಭಾರತದ 35 ರಾಜ್ಯೊಡು ಸುಮಾರು 6,350 ಬ್ಯಾಂಕಿಂಗ್ ಕೇಂದ್ರೊಲೆನ್ ಹೊಂದ್ಂಡ್. ಆರ್‌ಬಿಐಡ್ದ್ ಬ್ಯಾಂಕಿಂಗ್ ಲೈಸೆನ್ಸ್ ತಿಕ್ಕಿನ ಬೊಕ್ಕ, ಬಂಧನ್ ಬ್ಯಾಂಕ್ ಆಗಸ್ಟ್ 23, 2015 ದಾನಿ 501 ಕವಲುಲು (branches), 50 ಎಟಿಎಂಲು ಬೊಕ್ಕ 2,022 ಬ್ಯಾಂಕಿಂಗ್ ಯುನಿಟ್‌ಲೆನ ಒಟ್ಟುಗು ಕೆಲಸ ಸುರು ಮಲ್ತ್ಂಡ್. ಮಾರ್ಚ್ 31, 2026 ಮುಟ್ಟದ ಲೆಕ್ಕದಂಚ, ಬ್ಯಾಂಕ್ ₹1,66,344 ಕೋಟಿ ಠೇವಣಿಲೆನ್ ಒಟ್ಟು ಮಲ್ತ್‌ಂಡ್ ಬೊಕ್ಕ ₹1,54,233 ಕೋಟಿದಾತ್ ಸಾಲೊನು ಕೊರ್ತ್ಂಡ್.

ಪಾಲ್‌ದಾರೆರ್

ಬಂಧನ್ ಬ್ಯಾಂಕ್‌ದ ಈಕ್ವಿಟಿ ಷೇರುಲು ಬಾಂಬೆ ಷೇರು ಮಾರುಕಟ್ಟೆ (BSE) ಬೊಕ್ಕ ರಾಷ್ಟ್ರೀಯ ಶೇರುಮಾರುಕಟ್ಟೆಡ್ ಲಿಸ್ಟ್ ಆತ್ಂಡ್. ಬಂಧನ್ ಬ್ಯಾಂಕ್, 'ಬಂಧನ್ ಫೈನಾನ್ಷಿಯಲ್ ಹೋಲ್ಡಿಂಗ್ಸ್ ಲಿಮಿಟೆಡ್' (BFHL) ದ ಒಂಜಿ ಸಹವರ್ತಿ ಸಂಸ್ಥೆಯಾದ್ ಉಂಡು. ಡಿಸೆಂಬರ್ 31, 2021 ನೆ ಸಮಯೊಡು ಬಿಎಫ್‌ಹೆಚ್‌ಎಲ್ ಈ ಬ್ಯಾಂಕ್‌ಡ್ ಶೇಕಡಾ 39.99 ದಾತ್ ಪಾಲನ್ನು ಹೊಂದ್ ಇತ್ತ್ಂಡ್. ಬೊಕ್ಕ, ಬಿಎಫ್‌ಹೆಚ್‌ಎಲ್ ಸಂಸ್ಥೆ ಪೂರ್ತಿಯಾದ್ 'ಬಂಧನ್ ಫೈನಾನ್ಷಿಯಲ್ ಸರ್ವಿಸಸ್ ಲಿಮಿಟೆಡ್' (BFSL) ಒಡೆತನಕ್ಕ್ ಒಳಪಟ್ಟಿತ್ತಿನ ಒಂಜಿ ಅಂಗಸಂಸ್ಥೆಯಾದ್ ಉಂಡು. ಸುರುಟು ಇತ್ತಿನ ಷೇರುದಾರೆರೆಡ್ ಇಂಟರ್ನ್ಯಾಷನಲ್ ಫೈನಾನ್ಸ್ ಕಾರ್ಪೊರೇಷನ್, ಕಲಾಡಿಯಂ ಇನ್ವೆಸ್ಟ್‌ಮೆಂಟ್ ಪ್ರೈವೇಟ್ ಲಿಮಿಟೆಡ್ (ಸಿಂಗಾಪುರದ ಸಾರ್ವಭೌಮ ಸಂಪತ್ತು ನಿಧಿ, ಜಿಐಸಿಯ ಒಂಜಿ ಅಂಗ) ಬೊಕ್ಕ ಭಾರತೀಯ ಸಣ್ಣ ಕೈಗಾರಿಕೆಗಳ ಅಭಿವೃದ್ಧಿ ಬ್ಯಾಂಕ್ (SIDBI) ಸೇರ್ದಿತ್ತ್ಂಡ್. ಡಿಸೆಂಬರ್ 31, 2021 ಟ್ ಇತ್ತಿಲೆಕ್ಕ ಬ್ಯಾಂಕ್‌ದ ಬೇರೆ ಪ್ರಮುಖ ಷೇರುದಾರೆರ್ ಪಂಡ ಹೌಸಿಂಗ್ ಡೆವಲಪ್‌ಮೆಂಟ್ ಫೈನಾನ್ಸ್ ಕಾರ್ಪೊರೇಷನ್ ಲಿಮಿಟೆಡ್ (9.89%) ಬೊಕ್ಕ ಕಲಾಡಿಯಂ ಇನ್ವೆಸ್ಟ್‌ಮೆಂಟ್ ಪ್ರೈವೇಟ್ ಲಿಮಿಟೆಡ್ (7.79%).