ಬಂಬೆದ ಕಜಿಪು
| ಬೇತೆ ಪುದರ್ | ಬಂಬೆದ ಕಜಿಪು |
|---|---|
| ಮೂಲದ ಜಾಗೆ | ಭಾರತ |
| ಪ್ರದೇಸೊ | ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆ, ಕುಂದಾಪುರ, ಕಾಸರಗೋಡು, ಬೊಂಬೈ |
| ಬೊಡಾಯಿನ ಸಾಮಾನ್ | ಬಂಬೆ |
ಬಂಬೆ ಪಂಡ್ಂಡ ಬಾರೆದ ಉಲಾಯ್ ಉಪ್ಪುನ ತಿರ್ಲ್. ನೆಕ್ಕ್ ಬಂಬೆ, ದಿಂಡ್ ಪಂಡ್ದ್ಲಾ ಪನ್ಪೆರ್. ಉಂದು ಆರೋಗ್ಯೊಗು ಬಾರಿ ಎಡ್ಡೆ. ನೆತ್ತ ಕಜಿಪು ಲಾ ಮಲ್ಪುವೆರ್. ವರ್ಸೊಡು ಏಪಲಾ ಉಂದು ಕಜಿಪುನು ಮಲ್ಪೋಲಿ. ಆರೋಗ್ಯೊಗುಲಾ ಬಾರಿ ಎಡ್ಡೆ.
ಕಜಿಪು ಮಲ್ಪೆರೆ ಬೋಡಾಯಿ ಸಾಮಾನುಲು
[ಸಂಪೊಲಿಪುಲೆ]_(3822953235).jpg)
- ಬಂಬೆ
- ಮುಂಚಿ
- ತಾರಾಯಿ
- ಜೀರ್ದರಿ
- ದಾಸೇಮಿ
- ಕೊತ್ತಂಬರಿ
- ಉಪ್ಪು
- ಮಂಜೊಲ್ದ ಪೊಡಿ
- ನೀರುಳ್ಳಿ
- ಬೊಳ್ಳುಳ್ಳಿ
ಮಲ್ಪುನ ವಿಧಾನೊ
[ಸಂಪೊಲಿಪುಲೆ]ಬಾರೆಡ್ ಬಂಬೆ ತಿಕ್ಕುನು ಬಾರೆ ಕೈಲ್ ಪಾಡಿ ಬುಕ್ಕೊ. ಬಾರೆ ಕಾಯಿ ಪಂರ್ದ್ ಆಯಿಬುಕ್ಕೊ ಬಾರೆನ್ ಕಡ್ಪುನಗ ಐತ ಉಲಾಯಿಡ್ ಉಪ್ಪುನ ಬಂಬೆನ್ ದೆತ್ತ್ ಕನವೊಡು.[೧] ಐತ ಕೊಡಿ ಬುಕ್ಕೊ ಕಡೆ ಒಂತೊಂತೆ ದಕ್ಕೊಡು. ದಾಯೆ ಪಂಡ ಅವು ಒಂತೆ ಬುಲೆದುಪ್ಪುಂಡು. ಅವ್ವೆನ್ ಸಣ್ಣ ಮೂರ್ನಗ ನೂಲುದ ಲೆಕ್ಕ ತಿಕ್ಕುನ ನಾರ್ನ್ ಕೈತ ಬಿರೆಲ್ಗ್ ಸುತ್ತುದು ದಕ್ಕೊಡು.ಕಜಿಪುಗು ತಯಾರ್ ಮಲ್ಪುನೆಟ್ಟ ಸಣ್ಣ ಮೂರಿನ ತುಂಡುನು ನೀರ್ಡ್ ಪಾಡ್ದ್ ದೀವೊಡು, ದಾಯೆ ಪಂಡ ಅವು ಅಂಚೆನೇ ದೀಂಡ ಕಪ್ಪಾಪುಂಡು. ಐಡ್ದ್ ಬುಕ್ಕೊ ಮುಂಚಿ, ತಾರಾಯಿ, ಜೀರಿಗೆ, ದಾಸೇಮಿ, ಕೊತ್ತಂಬರಿ, ನೀರುಳ್ಳಿ ಬುಕ್ಕೊ ಬೊಳ್ಳುಳ್ಳಿ ಈತೆನ್ ಮಾತಾ ಕಡೆಪಿ ಕಲ್ಲಗ್ ಪಾಡ್ದ್ ಕಡೆವೊಡು. ಅವೆಡ್ದ್ ಬುಕ್ಕೊ ಬಂಬೆನ್ ದಿಕ್ಕೆಲ್ಡ್ ಬೇಯರೆ ದೀಯೋಡು. ಬಂಬೆ ಬೇಯ್ತಾಯಿ ಬುಕ್ಕೊ ಕಡೇತಿನ ಅರೆಪುನು ಐಕ್ ಕೂಟೊಡು. ಅವ್ವೆನ್ ಸಮ ಕೋದ್ಯವೋಡು. ರುಚಿಗ್ ತಕ್ಕ ಉಪ್ಪು ಪಾಡೊಡು. ಅಡೆಗ್ ಕಜಿಪು ತಯಾರ್.[೨]
ಉಪಯೋಗುಲು
[ಸಂಪೊಲಿಪುಲೆ]- ಜೀರ್ಣೊಗು ಎಡ್ಡೆ
- ಕಲ್ ಬಾರೆ ಪಡಿಕೆಡ್ ಕಲ್ಲ್ ಆತಿನಿಕ್ ಎಡ್ಡೆ
- ಜೀವೊಗು ಸಂಪು
- ಬಂಬೆದ ನೀರ್ನ್ ಕಿಡ್ನಿಗ್ ಕಲ್ಲ್ ಆಯಿನಕಲೆಗ್ ಪರಿಯೆರೆ ಕೊರ್ಪೆರ್
- ಬಂಜಿಡ್ ಇಪ್ಪುನ ಕೂಜಲ್ ಇಂಚಿತ್ತಿ ಕಜವುಲೆನ್ ಪಿದಾಯಿ ಪಾಡುಂಡು
ಉಲ್ಲೇಕೋ
[ಸಂಪೊಲಿಪುಲೆ]- ↑ http://www.biodiversityofindia.org/index.php?title=Ensete_superbum
- ↑ "Archive copy". Archived from the original on 2022-08-04. Retrieved 2022-08-04.
{{cite web}}: CS1 maint: archived copy as title (link)