ಆನಂದಮಠ ಕಾದಂಬರಿ ಬಂಕಿಮಚಂದ್ರರೆನ 'ವಂಗದರ್ಶನ' 'ಪತ್ರಿಕೆಡ್ 'ಆನಂದಮಠ' ಕಾದಂಬರಿ ಧಾರವಾಹಿ'ಆದ್ ಪ್ರಕಟ ಆತ್ಂಡ್.
ರಚನೆ ದ ದಿನಾಂಕ: ೭-೧೧-೧೮೭೫
೧೮೭೬: ಗೋಪಾಲ ಚಂದ್ರಧರ್ 'ವಂದೇ ಮಾತರಂ'ಪದ್ಯೊಗ್ 'ಮಲ್ಹಾರ'ರಾಗೊಡು ಸಂಗೀತ ಸ್ವರ ಸಂಯೋಜನೆ ಮಲ್ತೆರ್
೧೮೮೨: 'ಆನಂದಮಠ' ಕಾದಂಬರಿ ಪುಸ್ತಕ ರೂಪೊಡು ಪ್ರಕಟ ಆತ್ಂಡ್.
೧೮೮೬: ಕಲ್ಕತ್ತಾಡ್ ನಡೆತಿನ ಭಾರತೀಯ ಕಾಂಗ್ರೆಸ್ ದ ಅಧಿವೇಶನೊಡು ರವೀಂದ್ರನಾಥ ಟಾಗೋರೆರ್ ಸುರುಟ್ 'ವಂದೇ ಮಾತರಂ' ಪದ್ಯೊನ್ ಬಾರಿ ಸುಶ್ರಾವ್ಯ ಆದ್ ಪನ್ತೆರ್. ಅಂಚನೆ ಪ್ರತಿ ಕಾಂಗ್ರೆಸ್ *ಅಧಿವೇಶನೊಡು 'ವಂದೇ ಮಾತರಂ' ಪದ್ಯೊನ್ ಪನ್ಪುನ ಪದ್ಧತಿ ರೂಢಿ ಆಂಡ್.
೧೮೯೯: ಆನಂದಮಠ'ಕಾದಂಬರಿನ್ ಬಿ. ವೆಂಕಟಾಚಾಯ ಮೇರ್ ಕನ್ನಡೊಗು ಅನುವಾದ ಮಲ್ತೆರ್. ಉಂದೆನ್ ಮೈಸೂರ್ ದ 'ಕಾವ್ಯಾಲಯ' ಪ್ರಕಾಶನದಕ್ಲು ಪ್ರಕಟ ಮಲ್ತೆರ್.
೧೯೦೧: ವಂದೇ ಮಾತರಂ ಪದ್ಯೊ ಭಾರತೀಯ ಕಾಂಗ್ರೆಸ್ ದ ಪದ್ಯೊ ಆದ್ ಅಂಗೀಕಾರ ಆತ್ಂಡ್.
ವಂದೇಮಾತರಂ ಪದ್ಯೊಗ್ ಜನಪ್ರಿಯತೆನ್ ಕೊಣತುನಾರ್ ಖ್ಯಾತ ಹಿಂದೂಸ್ತಾನಿ ಗಾಯಕೆ ವಿಷ್ಣು ದಿಗಂಬರ ಪಲೂಸ್ಕರ್.
೧೯೦೫: ಬಂಗಾಳ ವಿಭಜನೆನ್ ವಿರೋಧ ಮಲ್ತ್ ದ್ ನಡೆಪಾಯಿನ ಚಳುವಳಿಡ್ 'ವಂದೇ ಮಾತರಂ' ಒಂಜಿ ಘೋಷವಾಕ್ಯ ಆದಿತ್ತ್ಂಡ್.
೧೯೦೬: ಬಿಪಿನಚಂದ್ರ ಪಾಲ್ ಮೇರ್ 'ವಂದೇ ಮಾತರಂ'ಪುದರ್ ದ ಪತ್ರಿಕೆನ್ ಸುರು ಮಲ್ತೆರ್. ಬಿಪಿನಚಂದ್ರ ಪಾಲ್ ಮೇರ್ ನ ಬೊಕ್ಕ ಅರವಿಂದ ಘೋಷ್ ಈ ಪತ್ರಿಕೆನ್ ಮುಂದುವರಿಸೊಂದ್ ಪೋತೆರ್.
ಭಾರತ ಸ್ವಾತಂತ್ರ್ಯ ಹೋರಾಟಡ್ 'ವಂದೇಮಾತರಂ' ಹೋರಾಟಗಾರೆರ್ನ ಘೋಷವಾಕ್ಯ ಆದಿತ್ತ್ಂಡ್. ಬ್ರಿಟಿಷರೆಡ್ದ್ ಗಲ್ಲು ಶಿಕ್ಷೆಗ್ ಗುರಿ ಆತಿನಕ್ಲೆನ ಕಡೆತ್ ವಾಕ್ಯ ಅದಿತ್ತ್ಂಡ್.
೧೯೫೦: ಗಣರಾಜ್ಯೋತ್ಸವದಾನಿ ಭಾರತ ಸಕಾ‍ರದಕ್ಲು ವಂದೇಮಾತರಂ ಪದ್ಯೊನ್ 'ರಾಷ್ಟ್ರೀಯ ಪದ್ಯೊಂದ್ ಘೋಷಣೆ ಮಲ್ತೆರ್.
