ಬಳಕೆದಾರೆ:Pragathi. BH/ಬೈಬಲ್ ಬೆಲ್ಟ್ (ನಾರ್ವೆ)

ನಾರ್ವೆಜಿಯನ್ ಬೈಬಲ್ ಬೆಲ್ಟ್ ದ ರೂಪರೇಖೆ

೨೦೧೭ ರ ಸಂಸತ್ ಚುನಾವಣೆಡ್ ಕ್ರಿಶ್ಚಿಯನ್ ಡೆಮಾಕ್ರಟಿಕ್ ಪಕ್ಷೊಗು ಬೆಂಬಲ

ನಾರ್ವೆಜಿಯನ್ ಬೈಬಲ್ ಬೆಲ್ಟ್ (ನಾರ್ವೆಜಿಯನ್: ಬಿಬೆಲ್ಬೆಲ್ಟೆಟ್ ) ಪಂಡ ನಾರ್ವೆದ ನೈಋತ್ಯ ಕರಾವಳಿಡ್ ಉಪ್ಪುನ ಒಂಜಿ ಪ್ರದೇಶ ಉಂದು ದೇಶದ ಒರಿನ ಭಾಗೊಲೆಡ್ದ್ ಧಾರ್ಮಿಕವಾದ್ ಜಾಸ್ತಿ ಭಕ್ತಿ ಪಡೆಯಿನವು. ಈ ಪ್ರದೇಶ ಸಾಮಾನ್ಯವಾದ್ ಪಶ್ಚಿಮ ನಾರ್ವೆ (ವೆಸ್ಟ್ಲ್ಯಾಂಡ್) ಬೊಕ್ಕ ದಕ್ಷಿಣ ನಾರ್ವೆ (ಸೊರ್ಲ್ಯಾಂಡೆಟ್) ನ ಉಲಾಯಿಡುಂಡು, ಉಂದೆಟ್ ರೋಗಲ್ಯಾಂಡ್ (ಬೈಬಲ್ ಬೆಲ್ಟ್ ದ "ಬಕಲ್" ಪಂಡ್ದ್ ಲೆಪ್ಪುವೆರ್), ಹಾರ್ಡಾಲ್ಯಾಂಡ್, ಸೊಗ್ನ್ ಒಗ್ ಫ್ಜೋರ್ಡೇನ್, ಮೊರೆ ಒಗ್ ರೊಮ್ಸ್ಡಾಲ್, ಬೊಕ್ಕ ಅಗ್ಡರ್ ಕೌಂಟಿಲು ಸೇರ್ದ್ ಉಪ್ಪುಂಡು. ಆಂಡಲಾ, ಸ್ಟಾವಂಗರ್ (ಒಂಜಿ ಕಾಲೊಡು 'ನಾರ್ವೆದ ಧಾರ್ಮಿಕ ರಾಜಧಾನಿ' ಪಂಡ್ದ್ ಪುದರ್ ಪೋಯಿನವು) ಇಂಚಿನ ಬಹುತೇಕ ನಗರ ಪ್ರದೇಶೊಲು 1960 ದಶಕೊಡ್ದು ಜಾತ್ಯತೀತವಾದ್ ಬದಲಾವಣೆ ಆತ್ಂಡ್ ಬೊಕ್ಕ ಅವೆನ್ ಬೈಬಲ್ ಬೆಲ್ಟ್ ದ ಭಾಗವಾದ್ ಪರಿಗಣಿಸಂದಿನವು.

ಗುಣನಡತೆಲು

ಬೈಬಲ್ ಬೆಲ್ಟ್‌ಡ್ ಸಾಮಾಜಿಕ ಆರ್ಥಿಕ ಲಿಂಗ ಸಮಾನತೆಯು ನಾರ್ವೆ ಇಡೀ ಬಾರೀ ಕಮ್ಮಿ ಆತ್ಂಡ್; ಆಂಡಲಾ, ಬರ್ಗೆನ್, ಸ್ಟಾವಂಜರ್ ಬೊಕ್ಕ ಕ್ರಿಸ್ಟಿಯಾನ್‌ಸಂಡ್‌ನ ಪ್ರಮುಖ ನಗರಗುಳು ದೇಶದ ಅತ್ಯಂತ ಪ್ರಗತಿಪರ ಪುರಸಭೆಕ್ಲೆಡ್ ಸೇರ್ದುಲ್ಲ. ೧೯೨೬ ಡ್ ಮದ್ಯದ ಮಿತ್ತ್ ದ ನಿಷೇಧನ್ ರದ್ದುಗೊಳಿಸಾವುನ ಬಗ್ಗೆ ನಡತ್ನ ಜನಾಭಿಪ್ರಾಯ ಸಂಗ್ರಹಣೆಡ, ಬೈಬಲ್ ಬೆಲ್ಟ್ ರದ್ದತಿದ ವಿರುದ್ಧ ಬಲವಾಯಿನ ಮತ ಚಲಾಯಿಸಾಂಡ್ (ರೋಗಲ್ಯಾಂಡ್‌ಡ್ ೭೩.೧%, ಮೋರೆ ಬೊಕ್ಕ ರೋಮ್ಸ್‌ಡಾಲ್ಡ್ ೭೭.೨%), ಉಂದು ನಾರ್ವೆದ ಒರಿನ ಭಾಗ್ಲೆರ್ದ್ ಭಿನ್ನವಾದ್ ಇತ್ತ್ಂಡ್. ಬೈಬಲ್ ಬೆಲ್ಟ್ ಬಲವಾಯಿನ ಧರ್ಮನಿಷ್ಠ ಚಳುವಳಿಡ್ ಇತ್ತ್ ದ್, ಅವು ನಾರ್ವೆದ ರಾಜ್ಯ ಚರ್ಚ್‌ದ ಕೇಂದ್ರ ಅಧಿಕಾರನ್ ವಿರೋಧಿಸಾವುಂಡು. ರೋಗಾಲ್ಯಾಂಡ್ ಸುಮಾರ್ ಮಿಷನರಿ ಸಂಘಗ್ಲೆಗ್ ನೆಲೆಯಾತ್ಂಡ್ ಬೊಕ್ಕ ರಡ್ಡ್ ಪ್ರಮುಖ ಕ್ರಿಶ್ಚಿಯನ್ ಪ್ರಜಾಪ್ರಭುತ್ವ ಪಕ್ಷಗಳಾಯಿನ ಮಾಡರೇಟ್ ಲಿಬರಲ್ ಪಾರ್ಟಿ (ಉಂದು ೧೯೦೫ಡ್ ವಿಸರ್ಜನೆ ಆಂಡ್) ಬೊಕ್ಕ ಕ್ರಿಶ್ಚಿಯನ್ ಪೀಪಲ್ಸ್ ಪಾರ್ಟಿದ ಬಲವಾಯಿನ ನೆಲೆಯಾತ್ಂಡ್. ೨೦೨೧ ತ ನಾರ್ವೇಜಿಯನ್ ಸಂಸತ್ತ್ ದ ಚುನಾವಣೆಡ್, ಕ್ರಿಶ್ಚಿಯನ್ ಪೀಪಲ್ಸ್ ಪಾರ್ಟಿ ದೇಶ ಇಡೀ ಖಾಲಿ ಮೂಜಿ ಸಂಸದೀಯ ಸ್ಥಾನೊಲೆನ್ ಗೆಲ್ತಿಂಡ್: ಬೈಬಲ್ ಬೆಲ್ಟ್ ದ ಉಲಾಯಿ ಉಪ್ಪುನ ಹೋರ್ಡಾಲ್ಯಾಂಡ್, ರೋಗಾಲ್ಯಾಂಡ್ ಬೊಕ್ಕ ವೆಸ್ಟ್-ಆಗ್ಡರ್ ಚುನಾವಣಾ ಜಿಲ್ಲೆಗ್ಲೆರ್ದ್ ತಲಾ ಒಂಜಿ ಸ್ಥಾನ. ಸೋರ್ಲ್ಯಾಂಡೆಟ್‌ಡ್, ಅಯಿತಾರದ ಚರ್ಚ್ ಹಾಜರಾತಿನ್ ೧೦ ಜನಟ್ ೨ ಜನಕಳು ತೂಪೆರ್, ಆಂಡ ನಾರ್ವೆಡ್ ಸರಾಸರಿ ೧೦ ಜನಟ್ ೧ ರ್ದ್ ಚೂರು ಕಮ್ಮಿ.

ಎಲ್ಯ ಬೈಬಲ್ ಬೆಲ್ಟ್

ಆಗ್ನೇಯೊಡು, ಸ್ವೀಡಿಷ್ ಗಡಿತ ಕೈತಲ್ಡ್, "ಲಿಟ್ಲ್ ಬೈಬಲ್ ಬೆಲ್ಟ್" ( ಲಿಲ್ಲೆ ಬಿಬೆಲ್ಟೆಟ್ ) ಉಂಡು, ಉಂದೆಟ್ ರೊಮ್ಸ್ಕೊಗ್, ಮಾರ್ಕರ್, ಬೊಕ್ಕ ಅರೆಮಾರ್ಕ್ ಉಂಡು.

ಉಲ್ಲೇಖೊಲು

[[ವರ್ಗೊ:ನಾರ್ವೆ]]