ಬಳಕೆದಾರೆ:Pragathi. BH/ರೀಟಾ ಫಾರಿಯಾ ಪೊವೆಲ್

ರೀಟಾ ಫಾರಿಯಾ ಪೋವೆಲ್ (ಪುಟ್ಟು ೨೩ ಆಗಸ್ಟ್ ೧೯೪೩) ಒರ್ತಿ ಭಾರತೀಯ ವೈದ್ಯೆರ್, ಮಾಜಿ ಮಾದರಿ, ಬೊಕ್ಕ ಮಿಸ್ ವರ್ಲ್ಡ್ ೧೯೬೬ ಸ್ಪರ್ಧೆದ ವಿಜೇತೆರ್, ಒರ್ತಿ ವೈದ್ಯಕೀಯ ವೈದ್ಯೆರಾದ್ ಅರ್ಹತೆ ಪಡೆಯಿನ ಸುರುತ ಮಿಸ್ ವರ್ಲ್ಡ್ ಗೆಂದಿನಾರ್.

ಸುರುತ ಜೀವನ

ರೀಟಾ ಫಾರಿಯಾ ೨೩ ಆಗಸ್ಟ್ ೧೯೪೩ಡ್ ಮುಂಬೈದ ಮಟುಂಗಾ ಪ್ರದೇಶೊಡು (ಅಪಗ ಬಾಂಬೆ , ಬ್ರಿಟಿಷ್ ಭಾರತ ) ಪುಟ್ಟುವೆರ್. ಅರೆನ ಅಪ್ಪೆ ಅಮ್ಮೆರ್ ಗೋವಾದ ಕ್ಯಾಥೊಲಿಕೆರ್ . ಅರೆನ ಅಮ್ಮೆ ಜಾನ್ ಟ್ವಿಮ್ ಗ್ರಾಮೊಡ್ದ್ ಬೊಕ್ಕ ಅರೆನ ಮದಿಮೆದ ಪೊಣ್ಣು ಆಂಟೊನೆಟ್ ಗೋವಾದ ಸಾಂತಾಕ್ರೂಜ್ ಡ್ದ್ ಬತ್ತಿನಕುಲು. ಅಪಗ ರಡ್ಡ್ ಲಾ ಪೋರ್ಚುಗೀಸ್ ಗೋವಾದ ಭಾಗ ಆದಿತ್ತ್ಂಡ್. ಫಾರಿಯಾ ಜೋಡಿದ ಮಲ್ಲ ಮಗಳ್ ಫಿಲೋಮೆನಾನ ರಡ್ಡನೆ ಮಗಳ್. ಆ ಕುಟುಂಬ ಮಧ್ಯಮ ವರ್ಗದಕುಲು, ಅರೆನ ಅಮ್ಮೆ ಒಂಜಿ ಖನಿಜ ನೀರ್ದ ಕಾರ್ಖಾನೆಡ್ ಬೇಲೆ ಮಲ್ತೊಂದಿತ್ತೆರ್ ಬೊಕ್ಕ ಅರೆನ ಅಪ್ಪೆ ಒಂಜಿ ಸೌಂದರ್ಯವರ್ಧಕ ಸಲೂನ್ ನ್ ನಡಪಾವೊಂದಿತ್ತೆರ್.

ಫಾರಿಯಾ 5 ಅಡಿ 8 ಇಂಚ್ ಎತ್ತರೊಡು ಇತ್ತೆರ್, ಒರ್ತಿ ಭಾರತದ ಪೊಣ್ಣು ಬಾಲೆರ್ದ್ ಅಸಾಮಾನ್ಯವಾದ್ ಎತ್ತರೊಡು ಇತ್ತೆರ್, ಬೊಕ್ಕ ಶಾಲೆದ ಜೋಕುಲು ಅಲೆನ್ 'ಅಮ್ಮೆ ಲಾಂಗ್ ಲೆಗ್ಸ್' ಪನ್ಪಿನ ಅಡ್ಡಪುದರ್ ಡ್ ಅಪಹಾಸ್ಯ ಮಲ್ಪುವೆರ್. ಆಂಡಲಾ, ಫಾರಿಯಾ ತನ್ನ ಎತ್ತರದ ಬೊಕ್ಕ ತೆಳುತ ಶರೀರೊನು ಕ್ರೀಡೆಡ್ ತನ್ನ ಅನುಕೂಲೊಗು ಬಳಕೆ ಮಲ್ತೆರ್. ಅಕುಲು ಥ್ರೋಬಾಲ್, ನೆಟ್ಬಾಲ್ ಬೊಕ್ಕ ಬ್ಯಾಡ್ಮಿಂಟನ್ ಗೊಡ್ಡು ಗೊಬ್ಬೊಂದಿತ್ತೆರ್ . ಹಾಕಿಡ್ ಹ್ಯಾಟ್ರಿಕ್ ಮಲ್ಪುನ ಬಗ್ಗೆ ಶೀರ್ಷಿಕೆ ಸುರುತ ಪತ್ರಿಕೆಡ್ ಪ್ರಕಟ ಆಂಡ್.

ಕೆಲಸ

ಸ್ಪರ್ಧೆಲು

ಬಾಂಬೆಡ್ ಪುಟ್ಟುನ ಫಾರಿಯಾ ಮಿಸ್ ಬಾಂಬೆ ಸ್ಪರ್ಧೆಡ್ ಪಾಲ್ ಪಡೆಯೆರ್ ಬೊಕ್ಕ ಗೆಂದಿಯೆರ್. ಅಯಿಡ್ದ್ ಬೊಕ್ಕ 1966ಡ್ ಈವ್ಸ್ ವೀಕ್ಲಿ ಮಿಸ್ ಇಂಡಿಯಾ ಸ್ಪರ್ಧೆಡ್ ಗೆಂದಿಯೆರ್ (1966ಡ್ ಯಾಸ್ಮಿನ್ ದಾಜಿ ಗೆಂದಿನ ಫೆಮಿನಾ ಮಿಸ್ ಇಂಡಿಯಾದೊಟ್ಟುಗು ಗೊಂದಲ ಆವರೆ ಬಲ್ಲಿ). ಉಂದು 1966 ಮಿಸ್ ವರ್ಲ್ಡ್ ಸ್ಪರ್ಧೆಡ್ ಭಾರತೊನು ಪ್ರತಿನಿಧಿಸೆರೆ ಅರ್ಹತೆ ಕೊರ್ತುಂಡು.

ಒಂಜಿ ವರ್ಷ ಮಿಸ್ ಯೂನಿವರ್ಸ್ ಆದ್ ಕೆಲಸ ಮಲ್ತಿನ ಬುಕ್ಕೊ, ಆರ್ ಸಿನಿಮಾಲೆಡ್ ನಟನೆ ಮಲ್ಪೆರೆ ಬೇತೆ ಬೇತೆ ಅವಕಾಶೊಲೆನ್ ಪಡೆಯೆರೆ ಸುರು ಮಲ್ತೆರ್. ಫಾರಿಯಾ ಲಾಭದಾಯಕ ಮಾಡೆಲಿಂಗ್ ಬೊಕ್ಕ ಅಭಿನಯದ ಒಪ್ಪಂದೊಲೆನ್ ನಿರಾಕರಣೆ ಮಲ್ತೆರ್ ಬೊಕ್ಕ ಅಯಿಕ್ ಬದಲಾದ್ ವೈದ್ಯಕೀಯ ಅಧ್ಯಯನೊಲೆನ್ ಕೇಂದ್ರೀಕರಿಸಯೆರ್. ಆರ್ ಗ್ರಾಂಟ್ ಮೆಡಿಕಲ್ ಕಾಲೇಜ್ ಬೊಕ್ಕ ಸರ್ ಜೆಜೆ ಗ್ರೂಪ್ ಆಫ್ ಹಾಸ್ಪಿಟಲ್ಸ್ ಡ್ ವಿದ್ಯಾರ್ಥಿಯಾದಿತ್ತೆರ್. ಅಲ್ಪ, ಆರ್ ಅರೆನ ಎಂಬಿಬಿಎಸ್ ನ್ ಮುಗಿತ್ದೆರ್. ಅರೆನ ಪದವಿನ್ ಪೂರ್ಣ ಮಲ್ತೆರ್. ಬೊಕ್ಕ, ಲಂಡನ್ ಡ್ ಕಿಂಗ್ಸ್ ಕಾಲೇಜ್ ಆಸ್ಪತ್ರೆಡ್ ಅಧ್ಯಯನ ಮಲ್ತೆರ್. ೧೯೭೧ಡ್ ಅರೆನ ಗುರು ಡೇವಿಡ್ ಪೊವೆಲ್ ನ್ ಮದಿಮೆ ಆಯೆರ್, ಬೊಕ್ಕ ೧೯೭೩ಡ್, ಜೋಡು ಐರ್ಲೆಂಡ್ ದ ಡಬ್ಲಿನ್ ಗ್ ಪೋಯೆರ್. ಅಲ್ಪ, ಆರ್ ತನ್ನ ವೈದ್ಯಕೀಯ ವೃತ್ತಿನ್ ಸುರು ಮಲ್ತೆರ್.

ಫಾರಿಯಾ 1998ಡ್ ಫೆಮಿನಾ ಮಿಸ್ ಇಂಡಿಯಾಡ್ ನ್ಯಾಯಾಧೀಶೆರಾದ್ ಇತ್ತೆರ್ ಬೊಕ್ಕ ಕೆಲವು ಸರ್ತಿ ಮಿಸ್ ವರ್ಲ್ಡ್ ಸ್ಪರ್ಧೆಡ್ ನ್ಯಾಯಾಧೀಶೆರಾದ್ ವಾಪಸ್ ಬತ್ತೆರ್. ಲಂಡನ್ ಡ್ ನಡತಿನ ೧೯೭೬ ಮಿಸ್ ವರ್ಲ್ಡ್ ಫೈನಲ್ಸ್ ಡ್ ಡೆಮಿಸ್ ರೌಸೊಸ್ ನ ಒಟ್ಟುಗು ಆರ್ ಒರಿ ನ್ಯಾಯಾಧೀಶೆರ್ ಆದಿತ್ತೆರ್. ಅಲ್ಪ, ಸಿಂಡಿ ಬ್ರೇಕ್ಸ್ಪಿಯರ್ ನ್ ಮಿಸ್ ವರ್ಲ್ಡ್ ಪಂಡ್ದ್ ಕಿರೀಟ ಧರಿಸಯೆರ್.

ವೈದ್ಯಕೀಯ ವೃತ್ತಿ

೧೯೬೬ ಮಿಸ್ ವರ್ಲ್ಡ್ ಸ್ಪರ್ಧೆಡ್, ಸೀರೆ ಪಾಡ್ದ್ 'ಬೆಸ್ಟ್ ಇನ್ ಸ್ವಿಮ್ಸೂಟ್' ಬೊಕ್ಕ 'ಬೆಸ್ಟ್ ಇನ್ ಈವ್ನಿಂಗ್ ವೇರ್' ಪನ್ಪಿನ ಉಪಶೀರ್ಷಿಕೆಲೆನ್ ಗೆಂದಿಯೆರ್. ಅಂಚನೆ ಸ್ಪರ್ಧೆದ ಕ್ಲೈಮಾಕ್ಸ್ ಡ್ ಮಿಸ್ ವರ್ಲ್ಡ್ ೧೯೬೬ ಕಿರೀಟೊನು ಗೆಂದಿಯೆರ್, ಬೇತೆ ದೇಶೊಲೆಡ್ದ್ ೫೧ ಸ್ಪರ್ಧೆ ಮಲ್ಪುನ ಪ್ರತಿನಿಧಿಲೆನ್ ಸೋತುದು.

ವೈಯಕ್ತಿಕ ಜೀವನ

ಫಾರಿಯಾ ಐರ್ಲೆಂಡ್ ದ ಡಬ್ಲಿನ್ ಡ್ ತನ್ನ ಕಂಡನಿ, ಎಂಡೋಕ್ರೈನಾಲಜಿಸ್ಟ್ ಡೇವಿಡ್ ಪೊವೆಲ್ ನೊಟ್ಟುಗು ಜೀವನ ಮಲ್ತೊಂದುಲ್ಲೆರ್. ಈ ಜೋಡಿ ೧೯೭೧ಡ್ ಮದಿಮೆ ಆಯೆರ್. ಅಕ್ಲೆಗ್ ರಡ್ಡ್ ಪೊಣ್ಣು ಜೋಕುಲು ಉಲ್ಲೆರ್.