ಬಳಕೆದಾರೆ:Pragathi. BH/ಶಾಲಿನಿ ಪಾಟೀಲ್

ಶಾಲಿನಿ ಪಾಟೀಲ್ (ಪುಟ್ಟು ಶಾಲಿನಿ ಫಾಲ್ಕೆ, ನನೊಂಜಿ ಶಾಲಿನಿ ಜಾಧವ್ ) ಮಹಾರಾಷ್ಟ್ರದ ಮಾಜಿ ಮುಖ್ಯಮಂತ್ರಿ ವಸಂತ್ ದಾದಾ ಪಾಟೀಲ್ ನ ವಿಧವೆ ಬುಡೆದಿ. ಶಾಲಿನಿತಾಯಿ ಪಂಡ್ದ್ ಜನಪ್ರಿಯವಾದ್ ಪುದರ್ ಪಡೆಯಿನ ಶ್ರೀಮತಿ ಶಾಲಿನಿ ಪಾಟೀಲ್ ಒರ್ತಿ ಪ್ರಭಾವಿ ರಾಜಕಾರಣಿ ಆದ್ 1980 ದಶಕೊಡು ಮಹಾರಾಷ್ಟ್ರೊಡು ಕಾಂಗ್ರೆಸ್ ಪಕ್ಷದ ಸರ್ಕಾರೊಡು ಸಚಿವೆರಾದ್ ಸೇವೆ ಸಲ್ಲಿಸಯೆರ್.

ಸುರುತ ಬೊಕ್ಕ ವೈಯಕ್ತಿಕ ಜೀವನ

ಶಾಲಿನಿತಾಯಿ ೧೯೩೧ಡ್ ಒಂಜಿ ಬಡಪತ್ತ್ ಕುಟುಮೊಡು ಪುಟ್ಟಿಯೆರ್. ಆರ್ಥಿಕ ತೊಂದರೆ ಇತ್ತ್ಂಡಲಾ ಅರೆನ ಅಮ್ಮೆರ್ ಅರೆಗ್ ಎಡ್ಡೆ ಶಿಕ್ಷಣ ಕೊರ್ಪೆರ್. ಮದಿಮೆ ಆಯಿ ಬೊಕ್ಕ ಶಿಕ್ಷಣ ಮುಂದುವರಿಸೆರೆ ಅನುವು ಮಲ್ಪುನ ಒರಿ ಆಂಜೊವುನ್ ಆರ್ ಮದಿಮೆ ಆಯೆರ್. ಎಲ್ಯ ಪ್ರಾಯೊಡು, ಶಾಲಿನಿ ತನ್ನ ಸಮುದಾಯೊದ ಒರಿ ಸಜ್ಜನ ಶ್ಯಾಮರಾವ್ ಜಾಧವ್ ನ್ ಮದಿಮೆ ಆಯೆರ್, ಅರೆನ ಕುಟುಂಬದಕುಲು ಏರ್ಪಾಡ್ ಮಲ್ತಿನಲೆಕ, ಒಂಜಿ ಸಾಮಾನ್ಯ ಭಾರತೀಯ ಸಂಪ್ರದಾಯೊಡು. ಅಲೆನ ಕಂಡನಿನ ಪೂರ್ತಿ ಬೆಂಬಲೊಡು ಅಲೆನ ಶಿಕ್ಷಣ ಮುಂದುವರಿಂಡ್. ಬೊಕ್ಕ, ಶಾಲಿನಿ ಜಾಧವ್ ಕಾನೂನು ಶಾಸ್ತ್ರೊಡು ಪದವಿ ಪಡೆಯೆರ್. ಶ್ಯಾಮರಾವ್ ಜಾಧವ್ ನೊಟ್ಟುಗು ಅರೆಗ್ ನಾಲ್ ಜೋಕುಲು ಪುಟ್ಟುವೆರ್. ಅಲೆನ ಕಂಡನಿ ಬೊಕ್ಕ ಅಕ್ಲೆನ ನಿಕಟ ಸಂಬಂಧಿಲೆನ ಸಹಾಯೊಡು ಅಲೆನ ಕುಟುಂಬದ ಜವಾಬ್ದಾರಿಲೆನ್ ಅಲೆನ್ ನಿರ್ವಹಿಸೊಂದಿತ್ತೆರ್. ಸುರುಕು ಅರೆನ ಶಿಕ್ಷಣ ಬೊಕ್ಕ ಅರೆನ ರಾಜಕೀಯ ವೃತ್ತಿನ್ ಮುಂದುವರಿಸಯೆರ್.

ಶಾಲಿನಿ ಜಾಧವ್ ತನ್ನ ಜೋಕುಲು ಎಲ್ಯ ಉಪ್ಪುನಗ ರಾಜಕೀಯೊಗು ಬತ್ತೆರ್. ಸತಾರಾ ಜಿಲ್ಲಾ ಪರಿಷತ್ (ಕೌಂಟಿ ಕೌನ್ಸಿಲ್) ದ ಸದಸ್ಯೆರಾದ್ ಸಾರ್ವಜನಿಕ ಜೀವನೊಡು ಪಾದಾರ್ಪಣೆ ಮಲ್ತೆರ್. ನನೊಂಜಿ ಸರ್ತಿ ಎಂಪಿಸಿಸಿ (ಮಹಾರಾಷ್ಟ್ರ ಪ್ರದೇಶ ಕಾಂಗ್ರೆಸ್ ಸಮಿತಿ) ದ ಪೊಣ್ಣುಲೆನ ವಿಭಾಗೊದ ಅಧ್ಯಕ್ಷೆ ಆದ್ ನೇಮಕ ಆಯೆರ್. ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತೆ ಆದ್, ಅರೆನ ಭವಿಷ್ಯದ ರಡ್ಡನೆ ಕಂಡನಿ ವಸಂತ ದಾದಾ ಪಾಟೀಲ್ ನ ಸಂಪರ್ಕೊಗು ಬತ್ತೆರ್.

ಶ್ಯಾಮರಾವ್ ಜಾಧವ್ 1964ಡ್ ತೀರ್ ಪೋಯೆರ್ ಬೊಕ್ಕ ಆರ್ ತೀರ್ದ್ ವಂತೆ ಸಮಯೊಡ್ದು ಬೊಕ್ಕ ಶಾಲಿನಿ ಮರಾಠಿ ರಾಜಕಾರಣಿ ವಸಂತ ದಾದಾ ಪಾಟೀಲ್ ನ್ ಮದಿಮೆ ಆಯೆರ್. ಈ ಸಮಯೊಡು, ಆರ್ 30 ವರ್ಸೊದ ನಡುಟು ನಾಲ್ ಎಲ್ಯ ಜೋಕುಲೆನೊಟ್ಟುಗು ಇತ್ತೆರ್. ಅರೆನ ರಡ್ಡನೆ ಕಂಡನಿ ವಸಂತ ದಾದಾ ಶಾಲಿನಿತಾಡ್ದ್ ಪದಿನಾಲ್ ವರ್ಸೊ ಮಲ್ಲೆ. ಅಲ್ ಒರ್ತಿ ವಿಧವೆ ಆದಿತ್ತೆರ್ ಬೊಕ್ಕ ಒರಿ ಮಲ್ಲ ಮಗೆ ಇತ್ತೆರ್. ಅರೆನ ರಡ್ಡನೆ ಮದಿಮೆಡ್ದ್ ಅರೆಗ್ ಜೋಕುಲು ಪುಟ್ಟಿಜಿ.

ರಾಜಕೀಯ ವೃತ್ತಿಜೀವನ |

೧೯೮೦ ದಶಕೊಡು ಮಹಾರಾಷ್ಟ್ರೊಡು ಕಾಂಗ್ರೆಸ್ ಪಕ್ಷದ ಸರ್ಕಾರೊಲೆಡ್ ಸಚಿವೆರಾದ್ ಇತ್ತೆರ್. ೧೯೮೧ಡ್ ಅಪಗದ ಮುಖ್ಯಮಂತ್ರಿ ಎ.ಆರ್.ಅಂತುಲೆನ ರಾಜೀನಾಮೆಡ್ ಮುಖ್ಯ ಪಾತ್ರ ವಹಿಸಯೆರ್. ವಸಂತದಾದಾ ಪಾಟೀಲ್ ನ್ ಮದಿಮೆ ಆಯಿ ಬೊಕ್ಕ ಶಾಲಿನಿತಾಯ್ ಮಹಾರಾಷ್ಟ್ರದ ರಾಜಕೀಯೊಡು ಕ್ರಿಯಾಶೀಲರಾಯೆರ್. ನನೊಂಜಿ ಸರ್ತಿ 1980 ದಶಕೊಡು ಭಾರತೀಯ ಸಂಸತ್ತುಡು ( ಲೋಕಸಭೆ ) ಸಾಂಗ್ಲಿ ಕ್ಷೇತ್ರೊನು ಪ್ರತಿನಿಧಿಸಯೆರ್. ೧೯೯೦ಡ್ದ್ ೨೦೦೯ ಮುಟ್ಟ ಮಹಾರಾಷ್ಟ್ರ ರಾಜ್ಯ ವಿಧಾನಸಭೆಟ್ ( ವಿಧಾನ ಸಭಾ ) ಸತಾರೊಡು ಕೊರೆಗಾಂವ್ ಕ್ಷೇತ್ರೊನು ಪ್ರತಿನಿಧಿಸಯೆರ್. ಅಯಿಕ್ ದುಂಬು, ಆರ್ ಜನತಾ ದಳೊಗು ಬೊಕ್ಕ 1990 ಬೊಕ್ಕ 1995ಡ್ ಸ್ವತಂತ್ರವಾದ್ ಸ್ಪರ್ಧೆ ಮಲ್ತೆರ್.

೧೯೭೦ರ ದಶಕದಲ್ಲಿ, ಅವರು ಬಡವೆರ್ ಬೊಕ್ಕ ಪೊಂಜೆನಕುಲೆಗ್ ಸಂಬಂಧಿಸಾಯಿನ ಚಟುವಟಿಕೆಗ್ಲೆಗ್ ಆಸ್ಪತ್ರೆಲೆಗ್ ಪೈಸೆ ಸಂಗ್ರಹಿಸಾಯೆರೆ ರಾಜಮಾತಾ ಜಿಜೌ ಪ್ರತಿಷ್ಠಾನ ಪನ್ಪುನ ಚಾರಿಟಿನ್ ಸ್ಥಾಪಿಸಿಯೆರ್. ಚಾರಿಟಿಗಾದ್ ಸರ್ಕಾರ ವಿವಾದಾತ್ಮಕ ಮಂಜೂರು ಬೊಕ್ಕ ಭೂಮಿನ್ ದೆತೊಂನೆಕ್ ಚಾರಿಟಿ ಸುದ್ದಿ ಡ್ ಇತ್ತ್ಂಡ್.