ಬಳಕೆದಾರೆ:Pragathi. BH/ಸುರೇಖಾ ಯಾದವ್

ಸುರೇಖಾ ಶಂಕರ್ ಯಾದವ್ ನೀ ಸುರೇಖಾ ರಾಮಚಂದ್ರ ಭೋಸಲೆ (ಪುಟ್ಟು ೨ ಸೆಪ್ಟೆಂಬರ್ ೧೯೬೫) ಭಾರತದ ಭಾರತೀಯ ರೈಲ್ವೆದ ಹಿರಿಯ ಪೊಣ್ಣು ಲೋಕೋಪೈಲಟ್ (ರೈಲು ಚಾಲಕಿ) ,. [ 1 ] [ 2 ] ಮೇರ್ ೧೯೮೮ಡ್ ಭಾರತೊದ ಸುರುತ ಪೊಣ್ಣು ರೈಲ್ ಡ್ರೈವರ್ ಆಯೆರ್. ಏಪ್ರಿಲ್ ೨೦೦೦ಡ್ ಆ ಕಾಲೊದ ರೈಲ್ವೆ ಸಚಿವೆರಾಯಿನ ಮಮತಾ ಬ್ಯಾನರ್ಜಿ ನಾಲ್ ಮೆಟ್ರೊ ನಗರೊಲೆಡ್ ಸುರುಕು ಪರಿಚಯ ಮಲ್ಪುನಗ ಆರ್ ಸೆಂಟ್ರಲ್ ರೈಲ್ವೆಗ್ ಸುರುತ "ಲೇಡೀಸ್ ಸ್ಪೆಷಲ್" ಸ್ಥಳೀಯ ರೈಲ್ ನ್ ಡ್ರೈವ್ ಮಲ್ತೆರ್. ಆರ್ 2000 ಡ್ದ್ 2010 ಮುಟ್ಟ ಉಪನಗರೊದ ಸ್ಥಳೀಯ ರೈಲು ಮೋಟಾರ್ ಪೊಣ್ಣು ಆದಿತ್ತೆರ್. ಅಪಗ ಅರೆಗ್ 2010ಡ್ ಸೀನಿಯರ್ ಲೋಕೋ ಪೈಲಟ್ ಮೇಲ್ ಆದ್ ಬಡ್ತಿ ಪಡೆಯೆರ್. ಅರೆನ ವೃತ್ತಿಜೀವನೊಡು ಒಂಜಿ ಮಹತ್ವದ ಘಟನೆ ೮ ಮಾರ್ಚ್ ೨೦೧೧ಡ್, ಅಂತರರಾಷ್ಟ್ರೀಯ ಮಹಿಳಾ ದಿನೊತಾನಿ, ಏಷ್ಯಾದ ಸುರುತ ಮಹಿಳಾ ರೈಲು ಚಾಲಕೆರ್ ಆದ್ ಡೆಕ್ಕನ್ ರಾಣಿನ್ ಪುಣೆಡ್ದ್ ಸಿಎಸ್ಟಿ ಮುಟ್ಟ ಡ್ರೈವ್ ಮಲ್ತೆರ್, ಕಷ್ಟದ ಆಂಡಲಾ ದೃಶ್ಯಮಯ ಸ್ಥಳಾವಕಾಶೊಡೆಲಾ, ಬಲಿಪಾಯಿನ ಡ್ರೈವರ್ ಆಯೆರ್. ಅಲ್ಪ ಅರೆನ್ ಅಪಗದ ಮೇಯರ್ ಮುಂಬೈ ಶ್ರಧಾ ಜಾಧವ್, ಸಿಎಸ್ ಟಿಡ್ ಸ್ವಾಗತ ಮಲ್ತೆರ್ ಕೇಂದ್ರ ರೈಲ್ವೆ ವಲಯದ . ^[೧] ಮುಂಬೈಡ್ದ್ ಲಕ್ನೋ ಮುಟ್ಟ ಒಂಜಿ ಪೊಣ್ಣು ಸಿಬ್ಬಂದಿನ್ ಡ್ರೈವ್ ಮಲ್ತ್ದ್ ಪತ್ತ್ ವರ್ಸೊಡ್ದು ಬೊಕ್ಕ ಆರ್ ಅವ್ವೇ ಸಾಧನೆನ್ ಪುನರಾವರ್ತಿಸಯೆರ್. 2011ಡ್ ಸಾಮಾನ್ಯವಾದ್ ಕೇನ್ಪಿನ ಒಂಜಿ ಹೇಳಿಕೆ ಪಂಡ "ಪೊಣ್ಣುಲು ರೈಲ್ವೆ ಎಂಜಿನ್ ಡ್ರೈವ್ ಮಲ್ಪುಜೆರ್". [ ೧ ]

ಸುರುತ ಜೀವನ

ಸುರೇಖಾ ಮಹಾರಾಷ್ಟ್ರದ ಸಾತಾರಾಡ್ ಸೆಪ್ಟೆಂಬರ್ ೨ ೧೯೬೫ಡ್ ಸೋನಾಬಾಯಿ ಬೊಕ್ಕ ರಾಮಚಂದ್ರ ಭೋಸಲೆನ ಇಲ್ಲಡ್ ಪುಟ್ಟುವೆರ್. ಅಲೆನ ಅಪ್ಪೆ ತಡ ಆಯೆರ್. ರಾಮಚಂದ್ರ ಭೋಸಲೆ ಒರಿ ರೈತ; ಆರ್ ಅರೆನ ಐನ್ ಜೋಕುಲೆಡ್ ಮಲ್ಲೆ. ಆರ್ ಸತಾರಾದ ಸೈಂಟ್ ಪಾಲ್ ಕಾನ್ವೆಂಟ್ ಪ್ರೌಢಶಾಲೆಡ್ ಸುರುತ ಶಿಕ್ಷಣ ಪಡೆಯೆರ್. ಶಾಲೆ ಮುಗಿನ ಬುಕ್ಕೊ, ಆರ್ ವೃತ್ತಿ ತರಬೇತಿಗ್ ಪ್ರವೇಶ ದೆತೊನುವೆರ್ ಬೊಕ್ಕ ಪಶ್ಚಿಮ ಮಹಾರಾಷ್ಟ್ರದ ಸತಾರ ಜಿಲ್ಲೆದ ಕರಡ್ ಡ್ ಸರ್ಕಾರದ ಪಾಲಿಟೆಕ್ನಿಕ್ ಡ್ದ್ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ ಡ್ ಡಿಪ್ಲೊಮಾ ಮಲ್ತೆರ್ [ 2 ] ಆರ್ ತನ್ನ ಕಾಲೇಜ್ ಅಧ್ಯಯನೊನು ಮುಂದುವರಿಸೆರೆ ಬಯಕೆ ಮಲ್ತೆರ್ ಬ್ಯಾಚುಲರ್ ಆಫ್ ಸೈನ್ಸ್ (ಬಿ.ಎಸ್.ಸಿ.) ಗಣಿತ ಬೊಕ್ಕ ಬ್ಯಾಚುಲರ್ ಆಫ್ ಎಜುಕೇಶನ್ ಡ್ ಸ್ನಾತಕೋತ್ತರ ಪದವಿಲೆನ್ ಪಡೆಯೆರೆ ಬಯಕೆ ಮಲ್ತೆರ್. (ಬಿ.ಎಡ್.) ಶಿಕ್ಷಕಿ ಆಯೆರೆ, ಆಂಡ ಭಾರತೀಯ ರೈಲ್ವೆಡ್ ಒಂಜಿ ಬೇಲೆದ ಅವಕಾಶ ಅರೆನ ದುಂಬುದ ಅಧ್ಯಯನೊಗು ಅಂತ್ಯ ಪಾಡ್ಂಡ್. ^[೨]

ವೃತ್ತಿಪರ ಜೀವನ

ಸುರೇಖಾ ಭೋಸಲೆನ್ 1987ಡ್ ರೈಲ್ವೆ ನೇಮಕಾತಿ ಮಂಡಳಿ, ಮುಂಬೈಡ್ ಸಂದರ್ಶನ ಮಲ್ತೆರ್. ಆರ್ ಆಯ್ಕೆ ಆಯೆರ್ ಬೊಕ್ಕ 1986ಡ್ ಕಲ್ಯಾಣ ತರಬೇತಿ ಶಾಲೆಡ್ ತರಬೇತಿ ಸಹಾಯಕ ಚಾಲಕಿಯಾದ್ ಕೇಂದ್ರ ರೈಲ್ವೆಡ್ ಸೇರ್ದೆರ್ ಅಲ್ಪ ಆರ್ ಆಜಿ ತಿಂಗೊಲು ತರಬೇತಿ ಪಡೆಯೆರ್. [ ೧೦ ] ^[೩] ಆರ್ 1989ಡ್ ಒರ್ತಿ ನಿಯಮಿತ ಸಹಾಯಕ ಚಾಲಕಿ ಆಯೆರ್ ಆರ್ ಪೈಲಟ್ ಮಲ್ತಿನ ಸುರುತ ಸ್ಥಳೀಯ ಸರಕು ರೈಲ್ L-50 ನಂಬರ್ಡ್ ಇತ್ತ್ಂಡ್, ಉಂದು ವಾಡಿ ಬಂದರ್ ಬೊಕ್ಕ ಕಲ್ಯಾಣ್ ನಡುಟು ಪೊಪುಂಡು, ಅಪಗ ಆರೆಗ್ ರೈಲ್ ದ ಎಂಜಿನ್ ದ ಚಾಲನೆದ ಸ್ಥಿತಿನ್, ಸಿಗ್ನಲ್ ಲೆನ್ ಬೊಕ್ಕ ಮಾತಾ ಸಂಬಂಧಿತ ಬೇಲೆಲೆನ್ ತೂಯೆರೆ ಕೆಲಸೊನು ನಿಯೋಜಿಸಯೆರ್. ^[೩] ಅಪಗ ಅಲೆನ್ 1996ಡ್ ಸರಕು ರೈಲ್ ಡ್ರೈವರ್ ಆದ್ ಬೇಲೆ ಮಲ್ಪೆರೆ ನೇಮಕ ಮಲ್ತೆರ್. ೧೯೯೮ಡ್, ಆರ್ ಒರ್ತಿ ಪೂರ್ಣ ಪ್ರಮಾಣದ ಸರಕು ರೈಲ್ ಡ್ರೈವರ್ ಆಯೆರ್. ^[೩] [ ೧೦ ] ೨೦೧೦ಡ್ ಪಶ್ಚಿಮ ಘಾಟ್ ರೈಲ್ವೆ ಮಾರ್ಗೊಡು ಘಾಟ್ ಡ್ರೈವರ್ ಆಯೆರ್. ^[೪] ಡೆಕ್ಕನ್ ಕ್ವೀನ್ ನ್ ಪೈಲಟ್ ಮಲ್ತಿನ ಏಷ್ಯಾದ ಸುರುತ ಮೋಟಾರ್ ವುಮನ್ ಆಯೆರ್. ಪಶ್ಚಿಮ ಘಾಟಿಲೆನ ಘಾಟ್ (ಗುಡ್ಡೆ) ವಿಭಾಗೊಡು “ಘಾಟ್ ಲೋಕೋ” ಡ್ರೈವಿಂಗ್ ಮಲ್ಪುನಗ, ಪಶ್ಚಿಮ ಮಹಾರಾಷ್ಟ್ರದ ಗುಡ್ಡೆಲೆನ್ ಸಮೀಪಿಸವುನ ಅವಳಿ ಎಂಜಿನ್ ದ ಪ್ರಯಾಣಿಕ ರೈಲುಲೆನ್ ಬಲಿಪಾಯೆರೆ ವಿಶೇಷ ತರಬೇತಿನ್ ಪಡೆಯೆರ್. ಆರ್ ಪಂಡೆರ್ "ಯಾನ್ ಒರ್ತಿ ಪೊಣ್ಣು ಆಯಿನೆಡ್ದಾವರ, ಯಾನ್ ಮಲ್ಪೊಲಿಯಾ ಅತ್ತ್ಂಡ ಇಜ್ಜಿ ಪನ್ಪೆನಾ ಆ ಬಗ್ಗೆ ಅಕುಲು ಕುತೂಹಲೊಡು ಇತ್ತೆರ್". ಒರ್ತಿ ಸಹಾಯಕ ಡ್ರೈವರ್ ಆದ್, ಆರ್ ಶಂಟರ್ ಲೆನ್ ಡ್ರೈವ್ ಮಲ್ತೆರ್. [ 2 ] ಅರೆನ್ 2000ಡ್ ಮೋಟಾರ್-ಪೊಣ್ಣು ಪಂಡ್ದ್ ಬಡ್ತಿ ಮಲ್ತೆರ್. ಈ ಸ್ಥಾನೊಡು ರೈಲ್ ಡ್ ಉಪ್ಪುನ ಅಲೆನ ಮೋಟಾರ್ ಮ್ಯಾನ್ ನ ಕ್ಯಾಬಿನ್ ಗಮನ ಸೆರಂಗ್ ದ್ ಅಲೆನ ಆಟೋಗ್ರಾಫ್ ನ್ ಕೋರಿನ ಅಭಿಮಾನಿಲು ಇತ್ತೆರ್. ^[೩] ಮೇ ೨೦೧೧ಡ್, ಆರ್ ಒರ್ತಿ ಎಕ್ಸ್ ಪ್ರೆಸ್ ಮೇಲ್ ಡ್ರೈವರ್ ಆದ್ ಬಡ್ತಿ ಪಡೆಯೆರ್. ಆರ್ ಇತ್ತೆ ಡ್ರೈವರ್ಸ್ ಟ್ರೇನಿಂಗ್ ಸೆಂಟರ್ (ಡಿಟಿಸಿ) ಕಲ್ಯಾಣ್ ಡ್ ಹಿರಿಯ ಬೋಧಕೆರಾದ್ ಬೋಧನೆ ಮಲ್ತೊಂದುಲ್ಲೆರ್.

ಸುರೇಖಾ ಭೋಸಲೆ ಭಾರತೀಯ ರೈಲ್ವೆಡ್ ಸೇವೆಗ್ ಸೇರ್ನಗ, ಭಾರತೊಡು ರೈಲ್ವೆ ರೈಲ್ ಡ್ರೈವ್ ಮಲ್ಪುನ ಸುರುತ ಪೊಣ್ಣು ಪಂಡ್ದ್ ಅರೆಗ್ ಅರ್ಥ ಆಂಡ್, ಅಪಗ ಮುಟ್ಟ ಉಂದು ಪೂರ್ತಿ ಪುರುಷೆರೆನ ಕೋಟೆ ಆದಿತ್ತ್ಂಡ್. ಬೇತೆ ಪೊಣ್ಣುಲು ಅಲೆಡ್ದ್ ಸ್ಫೂರ್ತಿ ಪಡೆಯೆರ್, ಬೊಕ್ಕ ೨೦೧೧ ಡ್ದ್ ೫೦ ಪೊಣ್ಣು ಲೋಕೋಮೋಟಿವ್ ಡ್ರೈವರ್ ಲು ಉಪನಗರ ರೈಲುಲೆನ್ ಬೊಕ್ಕ ಸರಕು ರೈಲುಲೆನ್ ನಡಪಾವೊಂದಿತ್ತೆರ್, ಬೊಕ್ಕ ಶಂಟರ್ಸ್ ಅತ್ತಂದೆ ಸಹಾಯಕ ಡ್ರೈವರ್ ಲೆನ ರೂಪೊಡುಲಾ ಇತ್ತೆರ್. ಮುಂಬೈಡ್ ರೈಲ್ ಡ್ರೈವರ್ ಆದ್ ಕೆಲಸ ಮಲ್ಪೆರೆ, ತನ್ನ ಕುಟುಮ, ಸ್ನೇಹಿತೆರ್ ಬೊಕ್ಕ ಸಹೋದ್ಯೋಗಿಲೆನ ಪೂರ್ತಿ ಬೆಂಬಲೊನು ಪಡೆಯೆರ್ ಬೊಕ್ಕ ಒರ್ತಿ ಪೊಣ್ಣು ಆದ್ ಒವ್ವೇ ತಾರತಮ್ಯೊನು ಅನುಭವಿಸಾದ್ಜಿ ಪಂದ್ ಆರ್ ಪಂಡೆರ್. ಯಾಂತ್ರಿಕ ಸಮಸ್ಯೆಲೆಡ್ದ್ ರೈಲುಲೆನ್ ಸುರಕ್ಷಿತವಾದ್ ನಡಪಾಯೆರೆ ಆರ್ ಸಮರ್ಪಿತರಾದ್ ಉಲ್ಲೆರ್, ದಾಯೆ ಪಂಡ ಎದುರಾಪುನ ಅಪಾಯೊಲು ಯಾಂತ್ರಿಕ ಸಮಸ್ಯೆಲೆಡ್ದ್, ಸರಪೊಳಿ-ಒಯ್ಪುನೆ, ರಾಸ್ತಾ ರೋಕೊಸ್ (ಭಾರತೊಡು ರೈಲುಲೆನ್ ಉಂತಾಯೆರೆ ಅತ್ತಂದೆ ರೋಡ್ಲೆನ್ ಬಂದ್ ಮಲ್ಪೆರೆ ಒಂಜಿ ರೀತಿದ ಪ್ರತಿಭಟನೆ), ಬೊಕ್ಕ ಜನಕುಲು ಅತ್ತಂದೆ ಪ್ರಾಣಿಲು ಟ್ರ್ಯಾಕ್ ನ್ ಇಚ್ಛಾಪೂರ್ವಕವಾದ್ ಕಡಪುನವು, ಅಯಿಕ್ ಸರಿಯಾಯಿನ ಚಿಂತನೆ, ತ್ವರಿತ ಬೊಕ್ಕ ತ್ವರಿತ ಕ್ರಮ ಬೋಡಾಪುಂಡು. ಅಲೆಗ್ ರೈಲ್ ಅಪಘಾತೊಲೆನ ದಾಖಲೆ ಇಜ್ಜಿ. ಸ್ಥಳೀಯ ಉಪನಗರ ರೈಲುಲು, ರಡ್ಡ್ ಎಂಜಿನ್ ದ ಘಾಟ್ ರೈಲುಲು (ಪಶ್ಚಿಮ ಘಾಟಿಡ್ ಗುಡ್ಡೆ ವಿಭಾಗದ ರೈಲು), ಸರಕುಲು ಬೊಕ್ಕ ಮೇಲ್ ಎಕ್ಸ್ ಪ್ರೆಸ್ ರೈಲುಲು ಇಂಚಿನ ಮಸ್ತ್ ಬಗೆತ ರೈಲುಲೆನ್ ಆರ್ ಇತ್ತೆ ಮುಟ್ಟ ಡ್ರೈವ್ ಮಲ್ತೆರ್. , ^[೫] ಬೊಕ್ಕ ಆರ್ ದಿನೊಟು ಪತ್ತ್ ಗಂಟೆ ಬೇಲೆ ಮಲ್ಪುವೆರ್. ದೂರದ ಪ್ರಯಾಣಿಕ ರೈಲ್ ಡ್ರೈವ್ ಮಲ್ಪುನವು ಅಲೆನ ಮಹತ್ವಾಕಾಂಕ್ಷೆ. ಈವ್-ಟೀಸಿಂಗ್ ನ್ ತಪಾಸಣೆ ಮಲ್ಪುನ ಚಟುವಟಿಕೆಲೆಡ್ ಲಾ ಆರ್ ಪಾಲ್ ಪಡೆಯೆರ್. ^[೬]

೧೯೯೧ಡ್, ಯಾದವ್ ಒಂಜಿ ದೂರದರ್ಶನ ಧಾರಾವಾಹಿಡ್ ನಟನೆ ಮಲ್ತೆರ್, ಹಮ್ ಭೀ ಕಿಸಿಸೆ ಕುಮ್ ನಾಹಿ (ನಮ ಏರೆಗ್ಲಾ ರಡ್ಡನೆ ಅತ್ತ್). ಒರ್ತಿ ಪೊಣ್ಣು ರೈಲ್ ಡ್ರೈವರ್ ಆದ್ ಮಲ್ತಿನ ಪಾತ್ರೊಗು ಆರ್ ಕೆಲವು ಸಂಸ್ಥೆಲೆಡ್ದ್ ಮೆಚ್ಚುಗೆನ್ ಪಡೆಯೆರ್. [ 2 ]

೨೦೨೧ಡ್, ಅಂತರರಾಷ್ಟ್ರೀಯ ಮಹಿಳಾ ದಿನೊನು ಆಚರಣೆ ಮಲ್ಪೆರೆ ಒಂಜಿ ಆಲ್-ವುಮನ್ ಸಿಬ್ಬಂದಿಲೆನೊಟ್ಟುಗು ಮುಂಬೈಡ್ದ್ ಲಕ್ನೋಗ್ ಒಂಜಿ ವಿಶೇಷ ರೈಲ್ನ್ ಡ್ರೈವ್ ಮಲ್ತೆರ್.

ಸೋಮವಾರ, ೧೩ ಮಾರ್ಚ್ ೨೦೨೩ ಗ್, ಅರೆ-ಅಧಿಕ-ವೇಗದ ವಂದೇ ಭಾರತ ಎಕ್ಸ್ ಪ್ರೆಸ್ ರೈಲ್ನ್ ಡ್ರೈವ್ ಮಲ್ಪುನ ಸುರುತ ಪೊಣ್ಣು; ಸೋಲಾಪುರ್ ಡ್ದ್ ಛತ್ರಪತಿ ಶಿವಾಜಿ ಟರ್ಮಿನಸ್ ಮುಟ್ಟ 455 ಕಿ.ಮೀ. ದೂರೊಗು ಡ್ರೈವ್ ಮಲ್ತೆರ್.

ಮಂಗಳವಾರ, ೧೪ ಮಾರ್ಚ್ ೨೦೨೩, ಸುರೇಖಾ ಸಿಎಸ್ಎಂಟಿಡ್ದ್ ಸೊಲಾಪುರೊಗು ವಂದೇ ಭಾರತೊನು ಲೆತೊಂದು ಪೋಯೆರ್.

ಭಾನುವಾರ, ೨೬ ಮಾರ್ಚ್ ೨೦೨೩, ಪಿಎಂ ನರೇಂದ್ರ ಮೋದಿ ಸುರೇಖಾ ಯಾದವ್ ನ್ ಮನ್ ಕಿ ಬಾತ್ ದ ೯೯ನೇ ಕಂತ್ ಡ್ ಉಲ್ಲೇಖ ಮಲ್ತೆರ್, ಮೇಕ್ ಇನ್ ಇಂಡಿಯಾ ವಂದೇ ಭಾರತ ರೈಲ್ ೧೮ ನ್ ಡ್ರೈವ್ ಮಲ್ತಿನ ಫಸ್ಟ್ ಲೇಡಿ ಆಯಿನೆಕ್ ಬೊಕ್ಕ ಅರೆನ ಸುದೀರ್ಘ ಸೇವೆಡ್ ಪ್ರತಿಯೊಂಜಿ ವಿಭಾಗೊಡು ಫಸ್ಟ್ ಆಯಿನೆಕ್ ಅರೆನ್ ಮೆಚ್ಚಿಯೆರ್.

ವೈಯಕ್ತಿಕ ಜೀವನ

೧೯೯೦ಡ್ ಮಹಾರಾಷ್ಟ್ರ ಸರ್ಕಾರೊಡು ಪೊಲೀಸ್ ^[೭] ಆಯಿನ ಶಂಕರ್ ಯಾದವ್ ನೊಟ್ಟುಗು ಮದಿಮೆ ಆಯೆರ್. ಅಕ್ಲೆಗ್ ರಡ್ಡ್ ಜೋಕುಲು ಉಲ್ಲೆರ್. ^[೭]

ಪ್ರಶಸ್ತಿಲೆನ್ ಪಡೆಯೆರ್

ಜಿಜೌ ಪುರಸ್ಕಾರ (೧೯೯೮)
ಪೊನ್ಜೊಲ್ರ್ನ ಸಾಧನೆದ ಪ್ರಶಸ್ತಿ (೨೦೦೧) (ಸಿಂಹೊಲೆಡ್ದ್)
ರಾಷ್ಟ್ರೀಯ ಪೊನ್ಜೊಲೆನ ಆಯೋಗ, ದೆಹಲಿ (2001)
ಲೋಕಮತ್ ಸಖಿ ಮಂಚ್ (2002)
ಎಸ್ ಬಿ ಐ ಪ್ಲಾಟಿನಂ ಜುಬಿಲಿ ವರ್ಷದ ಆಚರಣೆ (೨೦೦೩-೨೦೦೪)
ಸಹ್ಯಾದ್ರಿ ಹಿರ್ಕಣಿ ಪ್ರಶಸ್ತಿ (2004)
ಪ್ರೇರ್ಣ ಪುರಸ್ಕಾರ (೨೦೦೫)
ಜಿಮಾವಾರ್ಡ್ (೨೦೧೧)
ಪೊನ್ಜೊಲೆನ ಸಾಧನೆದ ಪ್ರಶಸ್ತಿ (೨೦೧೧) (ಕೇಂದ್ರ ರೈಲ್ವೆಡ್ದ್)
ಆರ್ ಡಬ್ಲ್ಯೂ ಸಿ ಸಿ 2013 ವರ್ಷದ ಅತ್ಯುತ್ತಮ ಪೊನ್ಜೊವು ಪ್ರಶಸ್ತಿ. ಭಾರತೀಯ ರೈಲ್ವೆಡ್ ಸುರುತ ಪೊಣ್ಣು ಲೋಕೋಪೈಲಟ್ ತಾರೀಕ್ ೫ ಏಪ್ರಿಲ್ ೨೦೧೩ ಗ್
ಭಾರತೀಯ ರೈಲ್ವೆದ ಸುರುತ ಪೊಣ್ಣು ಲೋಕೋಪೈಲಟ್ ನ ಜಿ ಎಂ ಪ್ರಶಸ್ತಿ. ಏಪ್ರಿಲ್ ೨೦೧೧

ಉಲ್ಲೇಖೊಲು

↑ {{cite web}}: Empty citation (help)
↑ ಉಲ್ಲೇಕೊ ದೋಸೊ: Invalid <ref> tag; no text was provided for refs named Nair
1 2 3 4 ಉಲ್ಲೇಕೊ ದೋಸೊ: Invalid <ref> tag; no text was provided for refs named Railway
↑ ಉಲ್ಲೇಕೊ ದೋಸೊ: Invalid <ref> tag; no text was provided for refs named Costa
↑ ಉಲ್ಲೇಕೊ ದೋಸೊ: Invalid <ref> tag; no text was provided for refs named Tracks
↑ ಉಲ್ಲೇಕೊ ದೋಸೊ: Invalid <ref> tag; no text was provided for refs named Female
1 2 Documentation on Women, Children & Human Rights. Sandarbhini, Library and Documentation Centre, All India Association for Christian Higher Education. 2001.

ಗ್ರಂಥಸೂಚಿ

Book (2006). Limca Book of Records. Bisleri Beverages Limited.

Hanshaw, Brigitta Natasha (1 September 2003). The World Through Our Eyes: A Collaboration of Essays by International Students. iUniverse. ISBN 978-0-595-28831-1.

Rights (2001). Documentation on Women, Children & Human Rights. Sandarbhini, Library and Documentation Centre, All India Association for Christian Higher Education.

[[ವರ್ಗೊ:ಪರಿಶೀಲಿಸಂದಿನ ಅನುವಾದೊಲು ಇಪ್ಪುನ ಪುಟೊಕುಲು]]

[Power-1] {{cite web}}: Empty citation (help)

[Nair-2] ಉಲ್ಲೇಕೊ ದೋಸೊ: Invalid <ref> tag; no text was provided for refs named Nair

[Railway-3] 1 2 3 4 ಉಲ್ಲೇಕೊ ದೋಸೊ: Invalid <ref> tag; no text was provided for refs named Railway

[Costa-4] ಉಲ್ಲೇಕೊ ದೋಸೊ: Invalid <ref> tag; no text was provided for refs named Costa

[Tracks-5] ಉಲ್ಲೇಕೊ ದೋಸೊ: Invalid <ref> tag; no text was provided for refs named Tracks

[Female-6] ಉಲ್ಲೇಕೊ ದೋಸೊ: Invalid <ref> tag; no text was provided for refs named Female

[Women-7] 1 2 Documentation on Women, Children & Human Rights. Sandarbhini, Library and Documentation Centre, All India Association for Christian Higher Education. 2001.

[೧]

[೨]

[೩]

[೪]

[೫]

[೬]

[೭]