prakash suvarna katapadi panjurli ‘ಪಂಜುರ್ಲಿ’ panjurli ==

= ತುಳುನಾಡ್‌ಡ್ ದೈವಾರಾಧನೆಗ್ ಶ್ರೇಷ್ಠವಾಯಿನ ಸ್ಥಾನಮಾನ

ಈ ಭೂಮಿ ಸೃಷ್ಠಿ ಆಪಿನ ಪೊರ್ತುಡೇ ಮುಲ್ಪ ‘ನಾಗಬೆರ್ಮೆರ್’ ಉಂಡಾಯೆರ್. ಅಂಚಾದ್ ನಮ್ಮ ತುಳುನಾಡ್ ನಾಗಬೆರ್ಮೆರೆನ ಮೂಲನೆಲೆ ಆದ್ ಪೋಂಡು. ನಮ್ಮ ನೆಲನ್ ‘ಬೆರ್ಮೆರೆ’ ಸೃಷ್ಠಿಂದ್‌ಲ ಜನಪದೆರ್ ಪನ್ಪೆರ್. ಮೂಡಾಯಿ ಘಟ್ಟದಕಾರ್, ಕಡಲಕರೆತ ಭೂಮಿಡ್ ನಿಲೆ ಉಂತುದಿನ ಸಾರೊಡ್ದುಲಾ ಹೆಚ್ಚ ದೈವೊಲೆನ್ ಅನಾದಿ ಕಾಲೊಡ್ದಿಂಚಿ ನಮ್ಮ ತುಳುವೆರ್ ಅರ್ತಿ ಪಿರ್ತಿಡ್ ನಂಬೊAದು ಬೈದೆರ್. ತುಳುನಾಡ್‌ಡ್ ‘ಭೂಮಿಪುತ್ರೆ’ ಆಯಿನ ‘ಬಲಿಯೇಂದ್ರೆ’ ದಾನ ಧರ್ಮ ಮಲ್ತ್ದ್ ಪಾತಾಲೊಗು ಕಂತಿನ ಇತಿಹಾಸಲ ಉಂಡು. ನಮ್ಮ ನೆಲತ್ತ ಅಡಿಟ್ಟ್ ಪಾತಾಲೊಡು ಒಂಜಾತ್ ನಾಗಸಂತತಿ ನಿಲೆಯಾದುಂಡುAದ್ ಆದಿಪುರಾಣೊಡು ತೆರಿಯುಂಡು. ಆಂಡ ನಮ್ಮ ತುಳುವೆರ್ ಮೂಡಾಯಿ ಗಟ್ಟದ ಮುದೆಲ್‌ನೇ ಪಾತಾಲಂದ್ ನಂಬುದೆರ್. ಗಟ್ಟದ ಮುದೆಲ್‌ಡುಪ್ಪುನ ನೀರ ವಸರ್ದ ಜಾಗೆನೇ ನಮ್ಮ ತುಳುನಾಡ್. ಈ ನಾಡ್‌ಡ್ ತರೆತ್ತ ಮಿತ್ತ್ ನಾಗಜಿಡೆತ್ತ ಕಿರೀಟೋನು ಧಾರಣೆ ಮಲ್ತೊಂದಿತ್ತಿನ ‘ನಾಗ’ ಪನ್ಪಿನ ಮೂಲದ್ರಾವಿಡ ಜನಾಂಗದಕ್ಲು ಬದುಕೊಂದಿತ್ತೆರ್. ಅಂಚಾದ್ ತುಳುನಾಡ್‌ಡ್ ಪರಪ್ಪುನ ನಾಗನ್ ಪೂಜೆ ಮಲ್ಪುನ ಸಂಪ್ರದಾಯ ಮುಂದರಿತೊAದು ಬತ್ತ್ಂಡ್‌Aದ್ ಚರಿತ್ರೆ ಪನ್ಪುಂಡು. ತುಳುವೆರೆನ ಮೂಲ ನಂಬಿಕೆಲಾಯಿನ ‘ನಾಗಾರಾಧನೆ’ ಬೊಕ್ಕ ‘ದೈವಾರಾಧನೆ’ಗ್ ತುಳುನಾಡ್‌ಡ್ ಶ್ರೇಷ್ಠವಾಯಿನ ಸ್ಥಾನಮಾನ ಉಂಡು. ತುಳುನಾಡ್‌ದ ದೈವೊಲು ನಂಬಿನಕ್ಲೆಗ್ ಇಂಬು ಕೊರ್ಪಿನ, ನಂಬAದಿನಕ್ಲೆಗ್ ಅಂಬು ಕೊರ್ಪಿನ ಅತೀಂದ್ರಿಯ ಶಕ್ತಿಲಾದುಲ್ಲ. ಮುಲ್ಪ ಮಾತ ದೈವೊಲೆಡ್ದ್ ದುಂಬತ್ತ ಉದಿತ್ತಿನ ಪಿರಾಕ್‌ದ ಸತ್ಯದೈವ ಒವ್ವುಂದ್ ಕೇಂಡ, ಅವು ನಮ್ಮ ‘ಪಂಜುರ್ಲಿ’ ಪಂಡ್ದ್ ತುಳುವೆರ್ ಪನ್ಪೆರ್. ಈ ವಿಚಾರೊನು ಜಾನಪದ ವಿದ್ವಾಂಸರ‍್ಲ ಒತ್ತೊನುವೆರ್. ನಮ್ಮ ತುಳುನಾಡ್‌ಡ್ ‘ತುಳಸಿಕಟ್ಟೆ’ ದಾಂತಿನ ಇಲ್ಲ್ ಇಜ್ಜಿ. ‘ಪಂಜುರ್ಲಿ’ ನಿಲೆ ಊರಂದಿ ಜಾಗೆನೇ ಇಜ್ಜಿ’ ಪಂಡ್ದ್ ನಮ್ಮ ಹೆರಿಯೆರ್ ಏಪಲ ಪನೊಂದುಪ್ಪುವೆರ್. ಮೂಜನೇ ಶತಮಾನೊಡ್ದಿಂಚಿ ತುಳುವೆರ್ ಈ ಮಣ್ಣ್ದ ಸತ್ಯದೈವೊಲು ಕುಟುಂಬೊಗ್ ಬೆರಿಸಾಯ ಕೊರ್ಪಿನ ಶಕ್ತಿಲು ಬೊಕ್ಕ ನಾಡ್ ಕಾಪುನ ದೇವೆರೆ ಗಣೊಕುಲುಂದು ಮಾನಿದೆರ್. ಪಿರಾಕ್‌ಡ್ದಿಂಚಿ ಕಾಡ್‌ಗುಡ್ಡೆಡ್, ನೀರ ಜಿಡ್ಡೆಡ್, ತೋಡ ಬರಿಟ್, ಓಣಿ ಒರ್ಕುಡು, ಚಾವಡಿದ ಮದನಕಾಯಿಡ್, ಸಾನ ಮುಂಡಿಗೆಡ್ ದೈವೊಲೆನ್ ನಂಬೊAದು ಬೈದೆರ್. ತನ್ಕ್ಲೆನ ಶಕ್ತಿಯಾನುಸಾರ ಕಾಲ, ಕಾಲೊಗು ದೈವೊಲೆಗ್ ಆಗಬೋಗ, ಕೋಲ ನೇಮೋಲೆನ್ ಕರಿತೊಂದು ಬೈದೆರ್. ಅಲೌಕಿಕ ಲೋಕೊಡು ಮಾಯಾ ರೂಪೊಡು ಮೆರೆಯೊಂದುಪ್ಪುನ ದೈವೊಲೆನ್ ಲೌಕಿಕವಾಯಿನ ನಮ್ಮ ಲೋಕೊಗು ಲೆಪ್ಪು ಕೊರ್ಪಿನ ವಾಡಿಕೆಲಾ ಅನಾದಿ ಕಾಲೊಡ್ದಿಂಚಿ ನಡತೊಂದು ಬೈದ್‌ಂಡ್. ಒಂಜಿ ನಿರ್ದಿಷ್ಠ ದಿನಮಾನೊಡು ಅಕ್ಲು ನಿಘಂಟ್ ಮಲ್ದಿನ ಜಾಗೆಡ್ ತುಳುವೆರ್ ಸತ್ಯದೈವೊಲೆನ್ ಆರಾಧನೆ ಮಲ್ತೊಂದು ಮಾನಸಿಕ ನೆಮ್ಮದಿ ಪಡೆತೊನುವೆರ್. ತುಳುವೆರೆನ ದೈವೊಲೆ ಆರಾಧನೆಡ್ ಪ್ರಮುಖ ಭಾಗವಾಯಿನ ಕೋಲ, ನೇಮೊಲು ಪ್ರಾಕೃತಿಕ ಬೊಕ್ಕ ಸಾಂಪ್ರದಾಯಿಕ ಆಚರಣೆ ಆದುಂಡು. ಪಿರಾಕ್‌ದ ಬಂಗದ ಕಾಲೊಡು ಆಡಂಬರದ ಆಚರಣೆಲೆಗ್ ಅವಕಾಶ ಇತ್ತ್ಜಿ. ಪ್ರಾಕೃತಿಕವಾಯಿನ ಕಂಗ್, ಬಾರೆ, ಒಲಿಮಡಲ್, ಸಿರಿಮಡಲ್, ಕೇಪುಲ ಪೂ ಐತದ್ ‘ಸಿರಿದೊಂಪ’ ದಡಿಟ್ ಕೋಲ ನಡತೊಂದಿತ್ತ್Aಡ್. ಕೂಡುಕುಟುಮ, ನೂಲುಪಾಲ್, ಗುತ್ತು, ಬರ್ಕೆ, ಊರು, ಪರವೂರು, ಪಟ್ಣ ಗುರ್ಕಾರ್ಲು, ನಟ್ಟಿಲ್ಲ ಗುರ್ಕಾರ್ಲು, ಪತ್ತೂರುದ ಪತ್ತ್ಸಮಸ್ತೆರ್ ಸೇರೊಂದು ರಾತ್ರೆ ಪುಲ್ಲೆಮುಟ್ಟ ಗೌಜಿಡ್ ದೈವನೇಮ ಕರಿತೊಂದಿತ್ತೆರ್. ದೈವನರ್ತನದೊಟ್ಟುಗು ದೈವೊಲೆನ ಹುಟ್ಟು, ಕಟ್ಟ್, ತಂಕ, ಬೀರೊನ್ ಸಂಧಿ, ಪಾಡ್ದನದ ಮೂಲಕ ಪನ್ನೊಂದು ರಾತ್ರೆ ಪುಲ್ಲೆ ಮಲ್ತೊಂದಿತ್ತೆರ್. ಇತ್ತೆಲಾ ಪಾಣಾರ, ನಲಿಕೆ, ಪರವ, ಪಂಬದ ಜನಾಂಗದ ದೈವನರ್ತಕೆರ್ ಅಕ್ಲಕ್ಲೆ ಮೋನೆಗ್ ಪಂಚವರ್ಣದ ಅರದಲ ತೇತೊಂದು ಯಕ್ಷಗಾನದಲೆಕ್ಕ ವಿಶಿಷ್ಠವಾಯಿನ ಬಣ್ಣಗಾರಿಕೆ ಮಲ್ತೊನುವೆರ್. ದೈವೊಲೆನ ಸ್ವರೂಪ, ಸ್ವಭಾವ, ಕಾರಣಿಕೊಗು ತಕ್ಕ ಸಿರಿಒಲಿತ್ತ ಅಣಿಟ್ ಸಿಂಗಾರ ಆವೊಂದು, ಕಾರ್‌ಗ್ ಗಗ್ಗರ ಕಟ್ಟೊಂದು ಮೈಯಾರೆ ಬತ್ತ್ದ್ ನಲಿಪುವೆರ್. ಶತಮಾನೊಲು ಕರಿಲೆಕ್ಕನೆ ದೈವ ನರ್ತಕೆರೆಗ್ ಇತ್ತೆ ಸಿರಿ ಅಣಿತ್ತ ಬದಲ್‌ಗ್ ಪಿತ್ತಲೆದ ಬೊಕ್ಕ ಬೊಳ್ಳಿದ ಅಣಿ ಏರಾವೆರ್. ಕೋಲ ಮಲ್ಪಾವುನಕ್ಲೆನ ಆರ್ಥಿಕ ಸ್ಥಿತಿಗತಿಗನುಸಾರವಾದ್, ದೈವನರ್ತಕೆರೆನ ಶಕ್ತಿ ಸಾಮರ್ಥೊ್ಯನ್ ತೂದು ಕಂಚಿ,ಪಿತ್ತಲೆ, ಬೊಳ್ಳಿ, ಬಂಗಾರ್‌ದ ಅಣಿ ಕಟ್ಟಾವೆರ್. ಕೆಲವೆರ್ ಒಂಜಾತ್ ಆಡಂಬರೊಗು ಪೊದು ಕೋಲ ಕಟ್ಟುನಕ್ಲೆಗ್ ದೆರ್ಪೆರೆ ತೀರಂದಿನಾತ್ ದಿನ್ನದ ಅಣಿ ಗೋಪಾವೆರ್. ಪಾಪ! ಕೋಲ ನಲಿಕೆದಕ್ಲು ಕಿಲೊಗಟ್ಟಲೆ ವಜನ್‌ದ ಅಣಿನ್ ದರ‍್ತೊಂದು ಪುಲ್ಲೆಮುಟ್ಟ ಕೋಲ ಎಂಚ ನಲಿಪುವೆರ್ ಪನ್ಪಿನವೇ ಮಲ್ಲ ಪ್ರಶ್ನೆ. ಆಂಡ ಕಾಲ ಏತ್ ಬದಲಾಂಡಲ ದೈವ ನೇಮೊದ ಕಲೊಟ್ ನಮ್ಮ ಸುತ್ತಮುತ್ತ ಉಪ್ಪುನ ಪಿರಾಕ್‌ದ ಸಿರಿಒಲಿತ್ತ ದುತ್ತೆöÊತೊನು ಗಳಸುನ ಹೆರಿಯರ‍್ನ ರಿವಾಜಿನ್ ಮಾತ್ರ ಏರೆಡಲ ಉಂತಾವೆರೆ ಸಾಧ್ಯ ಆವಂದ್. ಭೂತಕೋಲ ಕಟ್ಟುನಕ್ಲು ಉದ್ದ ಕೈತ ಕೆಂಪು ಅಂಗಿ ಬೊಕ್ಕ ಅವ್ವೇ ಬಣ್ಣದ ಪೈಜಾಮ ಪಾಡೊನುವೆರ್. ಬೆರಿಟ್ಟ್ ಸೂರ್ಯೆ ಬೊಕ್ಕ ಅರ್ಧ ಚಂದ್ರನ ಚಿತ್ರ ಉಪ್ಪೂಂಡು. ತರೆಕ್ಕ್ ತರೆಪಟ್ಟಿ, ಸಿರಿಒಳಿಟ್ಟ್ ಮುಡೆದಿನ ಕಿರೀಟ ಅತ್ತ್ಡ ಬೊಳ್ಳಿದ ಕಿರೀಟ, ಕೈಕಡಗ, ಎದೆಪಟ್ಟಿ, ತೋಳಪಟ್ಟಿ, ಕೆಬಿತ್ತ, ಚಪ್ಪರ ಕೊಂಬು, ಪೂತಮಾಲೆ ಪಾಡೊನುವೆರ್. ರಡ್ಡ್ ಕಾರ್‌ಗ್ ಗಗ್ಗರ ಕಟ್ಟ್ದ್, ಸೊಂಟೊಗು ಸಿರಿಒಲಿತ್ತ ದುತ್ತೆöÊತ, ಪೂಸಿಂಗಾರ ಮಲ್ತೊಂದು, ಬೆರಿಕ್ಕ್ ಸಿರಿಅಣಿ ಏರಾವೆರ್. ಒಂಜಿ ಕೈಟ್ ಕಡ್ಸಲೆ ಅತ್ತ್ಂಡ ತೂಟೆ, ಬೊಕ್ಕೊಂಜಿ ಕೈಟ್ ಗಂಟೆಮಣಿ ಪತ್ತೊಂದು ನಲಿಪುವೆರ್. ಜನಪದ ವಾದ್ಯಲೊನ ಸ್ವರೊಕ್ಕು ವೀರಾವೇಶೊಡು ನಲಿಪುನ ದೈವೊಲೆನ ನೇಮೊನು ಕಣ್ಣ್ ದಿಂಜಾವೊAಬಿನ ಪೊರ್ಲೇ ಬೇತೆ. ದೈವ ನರ್ತಕೆರ್ ‘ಪಂಜುರ್ಲಿ’ ಬೊಕ್ಕ ‘ಜುಮಾದಿ’ ದೈವೊಲೆನ ಮುಕೊನು ಕಟ್ಟೊಂದು ನಲಿಪುನ ಪೊರ್ಲುನ್ಲ ತೂವೊಲಿ. ದುಂಬುದ ಕಾಲೊಡು ಪಾಲೆದ ಮುಕ ಇತ್ತ್ಂಡ್. ಇತ್ತೆ ಪೂರಾ ಪಿತ್ತಲೆ ಬೊಕ್ಕ ಬೊಳ್ಳಿದ ಮುಕ ಬೈದ್‌ಂಡ್. ಕೆಲವು ಕಡೆಟ್ ಇತ್ತೆಲಾ ‘ಪಂಜುರ್ಲಿ’ನ ಮುಕೊನು ಪಾಲೆಡ್ ತಯಾರ್ ಮಲ್ತ್ದ್ ಕೋಲದಕ್ಲು ಮೋನೆಗ್ ಕಟ್ಟೊಂದು ಬಾರ್ನೆ ದೆತೊಂಬಿನ ಕಟ್ಟ್ನ್ ನಡಪಾವೆರ್. ತುಳುನಾಡ್‌ದ ಹೆಚ್ಚಿನ ದೈವೊಲೆÉಗ್ ಕೋಲ ಸುರುವಾವೊಡ್ದು ದುಂಬು ಭಂಡಾರ ಜಪ್ಪುನÀ ಕ್ರಮ ನಡಪುಂಡ್. ಗುತ್ತು, ಬರ್ಕೆ, ಬೂಡು, ಮಡಸ್ತಾನ, ಸಾನ, ಗರಡಿ, ಭಂಡಾರಚಾವಡಿ, ಪಟ್ಟಾಚಾವಡಿ, ದೈವದೇವೆರನ ಸಾನೊಡ್ದ್ ದೈವೊಲೆನ ಮುಖಮೂರ್ತಿ, ಬೊಳ್ಳಿ ಬಂಗಾರ್, ನಗನಾಣ್ಯೊಲೆನ್, ಕೋಲ ಕಟ್ಟುನ ವೇಷಧಾರಿನ ದುತ್ತೆöÊತೊಲೆನ್, ಸಿರಿ, ಬೊಂಡ, ಕಡ್ಸಲೆ, ನಿಶಾನಿ, ಮಣಿ, ಜೀಟಿಗೆ, ಸತ್ತಿಗೆ - ಇಂಚಿತ್ತಿನ ವಸ್ತುಲೆನ್ ಪೂ ಸಿಂಗಾರೊಡು ಐತ ಮಲ್ತ್ದ್, ದೈವದರ್ಶನದೊಟ್ಟುಗು ದೋಲು, ಗರ್ನಲ್, ಕದೋನಿ ಬುಡ್ದು ಬರ‍್ದಾವಳಿಡ್ ಕೋಲದ ದೊಂಪೊಗು ಮೆರವಣಿಗೆಡ್ ಪತ್ತೊಂದು ಬರ್ಪಿನೇನ್ ಭಂಡಾರ ಜಪ್ಪುನುಂದು ಪನ್ಪೆರ್. ದುಂಬು ಎಲ್ಯಮಟ್ಟ್ಡ್ ಭಂಡಾರ ಜತ್ತೊಂದಿತ್ತ್Aಡಲ, ಇತ್ತೆ ವಾದ್ಯ, ಬ್ಯಾಂಡ್, ಕೊಂಬು, ಚೆಂಡೆದೊಟ್ಟುಗು ಕೋಲ ಮಲ್ಪಾವುನಕ್ಲೆನ ಆರ್ಥಿಕ ಪರಿಸ್ಥಿತಿಗನುಸಾರವಾದ್ ವೈಭವೊಡು ನಡಪುಂಡ್. ಕರ‍್ದಬ್ಬು, ಜುಮಾದಿ, ಪಂಜುರ್ಲಿ ದೈವದ ಭಂಡಾರ ಜಪ್ಪುನ ಪೊರ್ಲುನು ತೂವೆರೆ ರಡ್ಡ್ಕಣ್ಣ್ಲು ಯಾವಂದ್. ದೈವನೇಮದ ಸಾಂಪ್ರದಾಯಿಕ ಆಚರಣೆಡ್ ಕಂಗ್, ಮಡಲ್‌ದ ಚಪ್ಪರÀ, ಪೂ ಪಿಂಗಾರ, ಅರಿಬಾರ್, ಬಜಿಲ್ ಪೊದ್ದೊಲು, ಸಿರಿ, ಬೊಂಡ ತಾರಾಯಿ, ಬಚ್ಚಿರೆ ಬಜ್ಜೆಯಿ, ಸಿರಿಮಡಲ್, ಕೇಪುಲ ಪೂ, ಮಣ್ಣ್ದ ಬದಿಕರ, ವಾಡ ಮರಾಯಿ ಇಂಚಿತ್ತಿನ ತುಳುನಾಡ್‌ದ ಕೃಷಿ ಪ್ರಧಾನವಾಯಿನ ಪ್ರಮುಖ ವಸ್ತುಲೆನ್ ಬಳಸುವೆರ್. ತೋಡನೀರ್, ಕಾಡ ಪುರ್ಪ, ಗ್ರಾಮದೇವೆರೆನ ತೀರ್ಥ ಪ್ರಸಾದೊಲ, ಗುಡ್ಡೆದ ಬರಿತ ಕೇಪುಳ ಪೂ, ಅಬ್ಬೊಲಿಗೆ, ಮಲ್ಲಿಗೆ ಪೂ ಪಿಂಗಾರ ದೈವೊಲೆಗ್ ಶ್ರೇಷ್ಠವಾದುಂಡು. ಚಮತಿಗೆ ಪೂ ಬೊಕ್ಕ ಭಟ್ಕಳ ಮಲ್ಲಿಗೆ ಒಂತೆ ದೂರ. ಕೋಲದ ದೊಂಪೊನು ಕಾಕಡ, ಚಮತಿಗೆ ಅತ್ತ್ಡ ಗೊಂಡೆ ಪೂ ಪಾಡ್ದ್ ಐತವೆರ್. ಪಿರಾಕ್‌ದ ದೊಂದಿ ಬೊಲ್ಪು, ಟೀಬ್ ಲೈಟ್ ಸೆಟ್ಟ್ದ ಬದಲ್‌ಗ್ ಆಧುನಿಕವಾಯಿನ ರಂಗ್ ರಂಗ್‌ದ ದೀಪಾಲಂಕಾರೋಡು ಕೋಲದ ದೊಂಪೊನು ರೈಸದ್ ಬುಡ್ಪೆರ್. ನಮ್ಮ ಹಿರಿಯಕ್ಲೆನ ಅನನ್ಯವಾಯಿನ ‘ಭೂತವೇಷ’ದ ಪರಿಕಲ್ಪನೆನ್ ಇತ್ತೆದಕ್ಲು ಎನ್ನೆರೆನೇ ಸಾಧ್ಯೆಜ್ಜಿ. ಕೇರಳ, ಕಾಸರಗೋಡು, ಮಲಬಾರ್‌ಡ್ಲ ‘ತೈಯಂ’ ಪನ್ಪಿನ ಜಾನಪದ ದೈವಾರಾಧನೆನ್ ತೂವೊಲಿ. ತುಳುನಾಡ್‌ದ ಭೂತ ಕೋಲೊಡು ಪೊಣ್ಣು ಬೊಕ್ಕ ಆಣ್ ದೈವೊಲೆಗ್ ಪ್ರತ್ಯೇಕವಾಯಿನ ವೇಷಭೂಷಣ, ಕಟ್ಟ್ಕಟ್ಲೆ ಉಂಡು. ಮನುಷ್ಯೆರ್ ಬೊಕ್ಕ ಪ್ರಾಣಿ ಮೂಲೊಡು ಉಂಡಾಯಿನ ದೈವೊಲೆಗ್ ರಕ್ತಾಹಾರ ಕೊರ್ಪಿನ ಸಂಪ್ರದಾಯ ದುಂಬುಡ್ದಿAಚಿ ನಡತೊಂದು ಬೈದ್‌ಂಡ್. ತುಳುನಾಡ್‌ದ ‘ಮಾರಿ’ ಆರಾಧನೆಡ್ಲ ರಕ್ತಾಹಾರ ಕೊರ್ಪಿನ ಕ್ರಮ ನಡಪುಂಡು. ಸಾತ್ವಿಕ ಆಹಾರ ಸೇವನೆ ಮಲ್ಪುನ ಇತರ ವರ್ಗದಕ್ಲು ದೈವೊಲೆನ್ ಸಾತ್ವಿಕ ಕ್ರಮೊಟು ಆರಾಧನೆ ಮಲ್ಪುವೆರ್. ತುಳುವೆರ್ ಮಾತ್ರ ದೈವೊಲೆನ ಕಾಲಾಧಿಗ್ ಅತ್ತ್ಡ ದೈವನೇಮೊಡು ರಕ್ತಾಹಾರ ಕೊರ್ಪಿನ ತುಳುವ ಕಟ್ಟ್ನ್ ಮದಪೂಜೆರ್. ದೈವ ನೇಮದ ಮನದಾನಿ ದೈವೊಲೆಗ್ ಕುರಿತಂಬಿಲ ಸೇವೆಲಾ ಇತ್ತೆದ ಕಾಲೊಡು ಭಾರೀ ಗೌಜಿಗಮ್ಮತ್ತ್ಡ್ ತಮ್ಮನವನಸ್‌ದಲೆಕ್ಕ ನಡಪುಂಡ್.