ಬಹ್ರೇನ್ ರಾಷ್ಟ್ರೀಯ ಮ್ಯೂಸಿಯಂ

ಬಹ್ರೇನ್ ರಾಷ್ಟ್ರೀಯ ಮ್ಯೂಸಿಯಂ ಬಹ್ರೇನ್ ರಾಷ್ಟ್ರೀಯ ಮ್ಯೂಸಿಯಂ ಬಹ್ರೇನ್ದ ಮಲ್ಲ ಅಂಚನೆ ಪಿರಾಕ್ದ ಸಾರ್ವಜನಿಕ ಮ್ಯೂಸಿಯಂ ಆದುಂಡು. ಉಂದು ಬಹ್ರೇನ್ ದ ರಾಷ್ಟ್ರೀಯ ರಂಗಮಂದಿರೊಗು ಮುಟ್ಟದ ಮನಾಮಾಡ್ ಉಂಡು. ಬಹ್ರೇನ್ದ ಅಮೀರ್ ಇಸಾ ಬಿನ್ ಸಲ್ಮಾನ್ ಅಲ್ ಖಲೀಫಾ 1988 ಡಿಸೆಂಬರ್ 15 ತಾರೀಕ್ ಗ್ ಸುರು ಆಯಿನ ಉಂದು $30 ಮಿಲಿಯನ್ ಮ್ಯೂಸಿಯಂ ಸಂಕೀರ್ಣ 27,800 ಚದರ ಮೀಟರ್ ಉಂಡು. ಬುಕ್ಕೊ ಉಂದು ದೇಶದ ಮುಖ್ಯ ಪ್ರವಾಸಿ ಆಕರ್ಷಣೆ ಆದುಂಡು. ಉಂದು ಈ ಪ್ರದೇಶೊದ ಸುರುತ ಆಧುನಿಕ ಮ್ಯೂಸಿಯಂ ಪಂಡ್ದ್ ನಂಬುವೆರ್.

ಬಹ್ರೇನ್ ರಾಷ್ಟ್ರೀಯ ಮ್ಯೂಸಿಯಂ

ಚರಿತ್ರೆ

೧೯೫೭ಡ್, ಬಹ್ರೇನ್ ಡ್ ಪುರಾತತ್ತ್ವ ಶಾಸ್ತ್ರದ ಕಲಾಕೃತಿಲೆನ ಸುರುತ ಪ್ರದರ್ಶನ ಬಹ್ರೇನ್ ಕೋಟೆಗ್ ಕಡಪುಡುನ ಡ್ಯಾನಿಶ್ ಪುರಾತತ್ತ್ವ ಶಾಸ್ತ್ರದ ದಂಡಯಾತ್ರೆದ ಸಹಕಾರೊಡು ಹಿದಾಯಾ ಜೋಕುಲೆನ ಶಾಲೆಡ್ ನಡತ್ಂಡ್. ಈ ತಾತ್ಕಾಲಿಕ ಪ್ರದರ್ಶನ ಕೆಲವು ದಿನೊ ಮುಟ್ಟ ನಡತ್ಂಡ್ ಆಂಡ ಬಹ್ರೇನಿ ಸಮುದಾಯೊಡ್ದ್ ಪುರಾತತ್ತ್ವ ಶಾಸ್ತ್ರೊಡು ಮಸ್ತ್ ಆಸಕ್ತಿನ್ ಸೆರಂಗ್ ದ್ಂಡ್. ೧೯೬೭ಡ್, ಯುನೆಸ್ಕೊ ಬುಕ್ಕೊ ಬಹ್ರೇನ್ ಸರ್ಕಾರೊದ ನಡುಟು ಒಂಜಿ ಸಾಂಸ್ಕೃತಿಕ ಒಪ್ಪಂದೊಗು ಸಹಿ ಪಾಡ್ಯೆರ್, ಉಂದು ಒಂಜಿ ರಾಷ್ಟ್ರೀಯ ವಸ್ತುಸಂಗ್ರಹಾಲಯೊದ ನಿರ್ಮಾಣೊಗು ದಾರಿ ಮಲ್ಪೆರೆ ಸಹಾಯ ಮಲ್ತ್ಂಡ್. ಆ ಕಾಲೊದ ರಾಜ್ಯ ಪರಿಷತ್ ದ ಮುಖ್ಯಸ್ಥೆ ಖಲೀಫಾ ಬಿನ್ ಸಲ್ಮಾನ್ ಅಲ್ ಖಲೀಫಾ 4 ಮಾರ್ಚ್ 1970ಡ್ ಮನಾಮಾದ ಸರ್ಕಾರಿ ಇಲ್ಲಡ್ ಒಂಜಿ ರಾಷ್ಟ್ರೀಯ ವಸ್ತುಸಂಗ್ರಹಾಲಯೊನು ಸುರುಕು ತೆರೆಯೆರ್. ಆಧುನಿಕ ವಸ್ತುಸಂಗ್ರಹಾಲಯೊನು ಡ್ಯಾನಿಶ್ ವಾಸ್ತುಶಿಲ್ಪಿಲು ಕ್ರೋನ್ & ಹಾರ್ಟ್ವಿಗ್ ರಾಸ್ಮುಸೆನ್ ವಿನ್ಯಾಸ ಮಲ್ತೆರ್ ಬುಕ್ಕೊ್ಕ ಡಿಸೆಂಬರ್ ೧೯೮೮ಡ್ ಅಧಿಕೃತವಾದ್ ತೆರೆಯೆರ್. ಉಂದು ನೆರೆಕರೆತ ಮುಹ್ರಾಕ್ ದ್ವೀಪೊನು ತೂಯೆರೆ ಒಂಜಿ ಕೃತಕ ಪರ್ಯಾಯ ದ್ವೀಪೊಡು ನಿರ್ಮಾಣ ಆಂಡ್. ಈ ವಸ್ತುಸಂಗ್ರಹಾಲಯೊನು ೨೦ ಚದರ ಮೀಟರ್ ದ ನೆಲತ ಜಾಗೊಡು ರಡ್ಡ್ ಕಟ್ಟಡೊಲೆಡ್ದ್ ಮಲ್ತೆರ್. ಪ್ರದರ್ಶನೊಲು, ಒಂಜಿ ಶೈಕ್ಷಣಿಕ ಸಭಾಂಗಣ, ಒಂಜಿ ಉಡುಗೊರೆ ಅಂಗಡಿ ಬುಕ್ಕೊ್ಕ ಒಂಜಿ ಕೆಫೆಟೇರಿಯಾ, ಜೊತೆಗೆ ಆಡಳಿತ ಕಚೇರಿಲು, ಪ್ರಯೋಗಾಲಯೊಲು ಬುಕ್ಕೊ್ಕ ಗೋದಾಮುಲು ಹಿಡುವಳಿಲೆನ ಸಂರಕ್ಷಣೆ ಬುಕ್ಕೊ್ಕ ಪಾರ್ಕಿಂಗ್ ಮ್ಯೂಸಿಯಂ ಅಭಿವೃದ್ಧಿಗಾದ್ ಉಂಡು.

ಸಂಗ್ರಹೊಲು

ಈ ಮ್ಯೂಸಿಯಂಡ್ 1988ಡ್ದ್ ಸ್ವಾಧೀನ ಮಲ್ತಿನ ಬಹ್ರೇನ್‌ದ ಪ್ರಾಚೀನ ಪುರಾತತ್ತ್ವ ಶಾಸ್ತ್ರದ ಕಲಾಕೃತಿಲೆನ ಸಂಗ್ರಹ ಉಂಡು. ಬುಕ್ಕೊ್ಕ ಉಂದು ಬಹ್ರೇನ್ ದ ಸುಮಾರ್ 5000 ವರ್ಸೊದ ಇತಿಹಾಸೊನು ಪನ್ಪುಂಡು. ಈ ಸಂಕೀರ್ಣೊಡು ಪುರಾತತ್ತ್ವ ಶಾಸ್ತ್ರೊಗು ಬುಕ್ಕೊ್ಕ ದಿಲ್ಮುನ್ ನ ಪ್ರಾಚೀನ ನಾಗರಿಕತೆಗ್ ಮೀಸಲಾತಿನ ಮೂಜಿ ಸಭಾಂಗಣೊಲು ಉಂಡು, ಬುಕ್ಕೊ್ಕ ಬೇತೆ ರಡ್ಡ್ ಸಭಾಂಗಣೊಲು ಬಹ್ರೇನ್ ದ ಇತ್ತೆದ ಕೈಗಾರಿಕಾ ಪೂರ್ವದ ಸಂಸ್ಕೃತಿ ಬುಕ್ಕೊ್ಕ ಜೀವನಶೈಲಿನ್ ತೋಜಾವುಂಡು. ೧೯೯೩ಡ್, ಬಹ್ರೇನ್ ದ ನೈಸರ್ಗಿಕ ಪರಿಸರೊನ್ ಕೇಂದ್ರೀಕರಿಸವುನ ನೈಸರ್ಗಿಕ ಇತಿಹಾಸ ಸಭಾಂಗಣ ಪನ್ಪಿನ ಬೇತೆ ಒಂಜಿ ಸಭಾಂಗಣೊನು ಸುರು ಮಲ್ತೆರ್. ಈ ಸಭಾಂಗಣೊಡು ಬಹ್ರೇನ್ ದ ಸಸ್ಯ ಬುಕ್ಕೊ್ಕ ಪ್ರಾಣಿಲೆನ ಮಾದರಿಲು ಉಂಡು.

ದಿಲ್ಮುನ್ ನ ಸಭಾಂಗಣ

ಮೆಸೊಪೊಟೇಮಿಯಾ ಬುಕ್ಕೊ ಸಿಂಧು ಕಣಿವೆದೊಟ್ಟುಗು ವ್ಯಾಪಕವಾದ್ ವ್ಯಾಪಾರ ಜಾಲೊನು ಸೇರಾದ್ ಕ್ರಿ.ಪೂ. ೫೦೦೦ ಡ್ದ್ ಕ್ರಿ.ಪೂ. ೪೦೦ ಮುಟ್ಟ ದಿಲ್ಮುನ್ ನಾಗರಿಕತೆದ ಕಲಾಕೃತಿಲೆನ್ ಬುಕ್ಕೊ್ಕ ಇತಿಹಾಸೊನು ಈ ಪ್ರದರ್ಶನೊಡು ಕೇಂದ್ರೀಕರಿಸವೊಂಡುಂಡು. ದಿಲ್ಮುನೈಟ್ ಸ್ಟ್ಯಾಂಪ್ ಸೀಲ್ಸ್, ಬಾರ್ಬರ್ ದೇವಸ್ಥಾನ ಬುಕ್ಕೊ್ಕ ಸಾರ್ ದೇವಸ್ಥಾನೊದ ಕಲಾಕೃತಿಲು, ಬುಕ್ಕೊ ದಿಲ್ಮುನೈಟ್ ಕುಂಬಾರಿಕೆಲು ಪ್ರದರ್ಶನೊಡು ಉಂಡು. ಒಂಜಿ ಗಮನಾರ್ಹ ಪ್ರದರ್ಶನ ಪಂಡ ಡ್ಯುರಾಂಡ್ ಕಲ್ಲ್, ಬ್ಯಾಬಿಲೋನಿಯನ್ ಯುಗೊಗು ಪಿರ ಬರ್ಪಿನ ಒಂಜಿ ಉದ್ದದ ಕಪ್ಪು ಬಸಾಲ್ಟ್ ಶಿಲ್ಪ. ಗಿಲ್ಗಮೇಶ್ ನ ಮಹಾಕಾವ್ಯೊಡ್ದ್ ಒಂಜಿ ದೃಶ್ಯೊನು ತೋಜಾವುನ ಒಂಜಿ ಚಿತ್ರೊಡು ಬೇತೆ ಒಂಜಿ ಲಕ್ಷಣ ಉಂಡು.

ದಿಲ್ಮುನ್ ಗ್ರೇವ್ಸ್ ನ ಸಭಾಂಗಣ

ಈ ಪ್ರದರ್ಶನ ದಿಲ್ಮುನ್ ನಾಗರಿಕತೆದ ಸಮಾಧಿ ಕ್ರಮೊಕುಲೆನ್ ಕೇಂದ್ರೀಕರಿಸವುಂಡು ಬುಕ್ಕೊ್ಕ ಒಂಜಿ ನಿಜವಾದ್ ಸಮಾಧಿ ಗುಡ್ಡೆನ್ ತೋಜಾವುಂಡು, ಉಂದೆನ್ ಅಯಿತ ಜಾಗೆಡ್ದ್ ಅ'ಅಲಿಡ್ದ್ ಸಾಗಾಣಿಕೆ ಮಲ್ತೆರ್ ಬುಕ್ಕೊ್ಕ ಮ್ಯೂಸಿಯಂದ ಉಳಯಿ ಪುನರ್ಜೋಡಣೆ ಮಲ್ತೆರ್. ಸಭಾಂಗಣೊನು 2013ಡ್ ನವೀಕರಣೊಗು ಮುಚ್ಚಿಯೆರ್ ಬುಕ್ಕೊ್ಕ ಜೂನ್ 26, 2018ಡ್ ಸಾರ್ವಜನಿಕೆರೆಗ್ ಪುನರ್-ತೆರೆಯೆರ್. ಫ್ರೆಂಚ್ ವಾಸ್ತುಶಿಲ್ಪಿ ಡಿಲಿನ್ ಬಿಂಪೆರ್ ಮರು-ವಿನ್ಯಾಸ ಮಲ್ತೆರ್, ಹಾಲ್ ನ್ ಪುನರ್ ಸ್ಥಾಪನೆ ಮಲ್ತೆರ್ ಮಲ್ಟಿಮೀಡಿಯಾ ಬುಕ್ಕೊ್ಕ ಇತ್ತೆದ ಪುರಾತತ್ತ್ವ ಶಾಸ್ತ್ರದ ಉತ್ಖನನೊಲೆಡ್ದ್ ಬತ್ತಿನ ಫಲಿತಾಂಶೊಲು. ೨೦೧೯ಡ್, ಬಹ್ರೇನ್ ದ ದಿಲ್ಮುನ್ ಬುರಿಯಲ್ ಮೌಂಡ್ಸ್ ನ್ ಯುನೆಸ್ಕೋದ ವಿಶ್ವ ಪರಂಪರೆದ ತಾಣ ಪಂಡ್ದ್ ಗುರುತಿಸಯೆರ್.

ಟೈಲೋಸ್ ಬುಕ್ಕೊ ಇಸ್ಲಾಂ ಧರ್ಮದ ಹಾಲ್

ಕ್ರಿಸ್ತಪೂರ್ವ ೨ನೇ ಶತಮಾನೊಡ್ದ್ ಬಹ್ರೇನ್ದ ಹೆಲ್ಲೆನಿಕ್-ಪ್ರಭಾವಿತ ಇತಿಹಾಸೊನು ಬುಕ್ಕೊ್ಕ ಸೆಲ್ಯೂಸಿಡ್ ಸಾಮ್ರಾಜ್ಯೊ ಬುಕ್ಕೊ್ಕ ಚಾರಸೀನ್ ರಾಜ್ಯೊದೊಟ್ಟುಗು ಪರಸ್ಪರ ಕ್ರಿಯೆಲೆನ್ ಈ ಸಭಾಂಗಣೊಡು ಉಂಡು. ಈ ಪ್ರದರ್ಶನೊಡು ಮೆರುಗುದ ಕುಂಬಾರಿಕೆ ಬುಕ್ಕೊ್ಕ ಕನ್ನಡಕೊಲು, ಅಲಬಾಸ್ಟರ್ ಪಾತ್ರೆಲು ಬುಕ್ಕೊ್ಕ ಆ ಕಾಲೊದ ಆಭರಣೊಲು ಉಂಡು. ಪ್ರದರ್ಶನೊದ ಇಸ್ಲಾಮಿಕ್ ಭಾಗೊ ಕ್ರಿ.ಶ.೭ನೆ ಶತಮಾನೊಡ್ದ್ ೧೮ನೆ ಶತಮಾನೊಗು ಬಹ್ರೇನ್ ಇಸ್ಲಾಂ ಧರ್ಮೊನು ಅಳವಡಿಸಾಯಿನವು. ಉಂದೆಟ್ ಬಹ್ರೇನ್ ದ ಪಿರಾಕ್ ದ ಮಸೀದಿ ಆಯಿನ ಖಮಿಸ್ ಮಸೀದಿದ ಕಲಾಕೃತಿಲು ಉಂಡು, ಅಂಚನೆ ಕುಫಿಕ್ ಶಾಸನೊಲು, ಮರತ್ತ ಕಿರಣೊಲು, ಸಿರಾಮಿಕ್ ಬುಕ್ಕೊ್ಕ ಗಾಜಿದ ವಸ್ತುಲು ಉಂಡು.

ದಾಖಲೆಲೆನ ಬುಕ್ಕೊ ಹಸ್ತಪ್ರತಿಲೆನ ಸಭಾಂಗಣ

೧೩ನೆ ಬುಕ್ಕೊ್ಕ ೧೪ನೆ ಶತಮಾನೊದ ಕುರಾನ್ ದ ಅಪರೂಪದ ಪ್ರತಿಲು, ಖಗೋಳಶಾಸ್ತ್ರ ಬುಕ್ಕೊ್ಕ ಐತಿಹಾಸಿಕ ದಾಖಲೆಲೆನ ಟಿಪ್ಪಣಿಲು ಬುಕ್ಕೊ್ಕ ಆಡಳಿತ ಮಲ್ಪುನ ಅಲ್ ಖಲೀಫಾ ಕುಟುಂಬದ ಪತ್ರೊಲು ಸಭಾಂಗಣೊಡು ಪ್ರದರ್ಶಿತವಾದುಂಡು.

ಆಚರಣೆ ಬುಕ್ಕೊ ಸಂಪ್ರದಾಯೊಲೆನ ಸಭಾಂಗಣ

ಈ ಪ್ರದರ್ಶನ 1932ಡ್ ಎಣ್ಣೆದ ಅನ್ವೇಷಣೆ ಬುಕ್ಕೊ ಅಯಿತ ನಂತರದ ಆಧುನೀಕರಣೊಗು ದುಂಬುದ ಬಹ್ರೇನ್ ದೇಶದ ಆಚರಣೆ ಬುಕ್ಕೊ್ಕ ಸಂಪ್ರದಾಯೊಲೆನ್ ಕೇಂದ್ರೀಕರಿಸವುಂಡು. ಬಾಲ್ಯ, ಮದಿಮೆ, ಫ್ಯಾಷನ್, ಸ್ಥಳೀಯ ಧಾರ್ಮಿಕ ಬುಕ್ಕೊ್ಕ ವೈದ್ಯಕೀಯ ಆಚರಣೆಲು, ಬುಕ್ಕೊ್ಕ ಸಾಂಪ್ರದಾಯಿಕ ಬಹ್ರೇನಿ ಇಲ್ಲ್ ದ ರಚನೆ ಇಂಚಿನ ದೈನಂದಿನ ಜೀವನದ ಅಂಶೊಲೆನ್ ಪ್ರದರ್ಶಿಸವೊಂಡುಂಡು.ಸಾಂಪ್ರದಾಯಿಕ ವ್ಯಾಪಾರೊಲು ಬುಕ್ಕೊ್ಕ ಕರಕುಶಲೊಲೆನ ಸಭಾಂಗಣ'ಸಾಂಪ್ರದಾಯಿಕ ಬಹ್ರೇನಿ ಸೌಕ್ ನ ಮನರಂಜನೆನ್ ಒಳಗೊಂಡು, ಈ ಪ್ರದರ್ಶನೊಡು ಸಾಂಪ್ರದಾಯಿಕ ಕರಕುಶಲ ಕಲಾವಿದೆರೆನ್ ಪ್ರದರ್ಶಿಸವುಂಡು ಬುಕ್ಕೊ್ಕ ದೇಶದ ಪೂರ್ವ-ಎಣ್ಣೆ ಆರ್ಥಿಕತೆದ ಪ್ರಮುಖ ಅಂಶವಾದ್ ಮುತ್ತು ಡೈವಿಂಗ್ ದ ಒಂಜಿ ವಿಭಾಗೊನು ಒಳಗೊಂಡಿತ್ತುಂಡು.