ಬಿ. ಜಯಶ್ರೀ

ರಂಗ ಕಲಾವಿದೆ ಬಿ.ಜಯಶ್ರೀ

ಬಿ.ಜಯಶ್ರೀ

ಬಿ.ಜಯಶ್ರೀ ವೃತ್ತಿರಂಗಭೂಮಿದ ಪುದರ್‌ಪೋಯಿ ಕಲಾವಿದೆ ಗುಬ್ಬಿ ವೀರಣ್ಣ ಮೇರೆನ ಪುಲ್ಲಿ. ರಂಗಭೂಮಿ ಬುಕ್ಕೊ ಚಲನಚಿತ್ರೊಲೆಡ್‌ ಕೆಲಸ ಮಲ್ತೊಂದು ಉಪ್ಪುನ ಹಿರಿಯ ಕಲಾವಿದೆರೆಡ್ ಒರ್ತಿ ಆದ್ ಉಲ್ಲೆರ್. ಪ್ರಸಿದ್ಧ ಗಾಯಕೆರ್‌ಲಾ ಆದ್‌ ಉಲ್ಲೆರ್. ಮೇರ್ ೨೦೧೩ ನೇ ಸಾಲ್‌ದ ಪದ್ಮಶ್ರೀ ಪ್ರಶಸ್ತಿನ್ ಪಡೆವೊಂದೆರ್.

ಜೀವನ

ಮೇರ್‌ ಪುಟ್ಟ್‌ನೆ ಜೂನ್ ೯ ೧೯೫೦ ಬೆಂಗಳೂರುಡು. ಅಮ್ಮೆರ್ ಬಸವರಾಜ್, ಅಪ್ಪೆ ಜಿ.ವಿ.ಮಾಲತಮ್ಮ. ಜಯಶ್ರೀ ವೃತ್ತಿರಂಗಭೂಮಿಡ್ ಪುದರ್‌ ಪಡೆಯಿನ ಗುಬ್ಬಿ ವೀರಣ್ಣ ಮೇರೆನ ಪುಲ್ಲಿಲಾ ಅಂದ್. ಅರೆನ ನಾಲನೇ ವರ್ಸೊಡೇ ರಂಗಭೂಮಿಗ್ ಪಾದಾರ್ಪಣೆ ಮಲ್ತೆರ್. ರಂಗಭೂಮಿದ ಅಭಿಯೊರ್ದು ಗಳಿಸಾಯಿನ ಜನಪ್ರಿಯತೆ ಮೇರೆನ್ ನಾಟಕೊಲೆನ ನಿರ್ದೇಶನೊಗು ಲೆತೊಂದು ಪೊಂಡು. ಮೆರ್ರ್ ಪ್ರಸಿದ್ಧ W:National School of Drama|National School of Drama ರ್ದು ಪದವಿ ಪಡೆವೊಂದೆರ್. ರಂಗಭೂಮಿ ಬುಕ್ಕೊ ಚಲನಚಿತ್ರೊಲೆಡ್ ಕೆಲಸ ಮಲ್ತೊಂದು ಉಪ್ಪುನ ಹಿರಿಯ ಕಲಾವಿದೆರೆಡ್ ಒರ್ತಿ ಆದ್ ಉಲ್ಲೆರ್. ಪ್ರಸಿದ್ಧ ಗಾಯಕೆರ್‌ಲಾ ಆದ್ ಉಲ್ಲೆರ್. ಮೇರೆನ ಸಾಧನೆನ್ ಗುರುತಿಸದ್ ನಮ್ಮ ಸರ್ಕಾರ ಅರೆನ್ ೨೦೧೦ ಟ್ ರಾಜ್ಯಸಭೆತ್ತ ಸದಸ್ಯರಾದ್‌ ಆಯ್ಕೆ ಮಲ್ತ್‌ದ್ ಇತ್ತೆರ್. ಮೇರ್ ರಂಗಾಯಣದ ಮುಖ್ಯಸ್ಥೆರಾದ್ ಕೆಲಸ ಮಲ್ತ್‌ದೆರ್‌. ಮೇರ್ ೨೦೧೩ ನೇ ಸಾಲ್‍ದ ಪದ್ಮಶ್ರೀ ಪ್ರಶಸ್ತಿನ್‍ಲಾ ಪಡೆವೊಂದೆರ್.

ಸಾಧನೆ

ಕನ್ನಡ ರಂಗಭೂಮಿ ಬುಕ್ಕೊ ಚಲನಚಿತ್ರ ತೂಯಿನ ಅಪೂರ್ವ ಕಲಾವಿದೆರೆಡ್‌ ಬಿ. ಜಯಶ್ರೀ ಒರ್ತಿ. ರಂಗಭೂಮಿ, ಕಿರುತೆರೆ ಬುಕ್ಕೊ ಸಿನಿಮಾ ಮಾಧ್ಯಮೊಲೆಡ್ ಆರ್‌ ಅರೆನ ಛಾಪು ಮೂಡಿಸಯಿನ ಆರ್, ‘ಗುಬ್ಬಿ ವೀರಣ್ಣೆರೆನ ಪುಲ್ಲಿ’ ಪನ್ಪುನ ‘ವಿಶೇಷಣ’ರ್ದ್ ಅಂಚಿಗ್ ಅರೆನ ಸಾಧನೆರ್ದ್ ಗುರ್ತಿಸವೊಂದಿನಾರ್. ‘ರಂಗಾಯಣ’ದ ಮುಖ್ಯಸ್ಥೆರಾದ್, ರಾಜ್ಯಸಭೆ ಸದಸ್ಯರಾದ್ ಕಾರ್ಯ ನಿರ್ವಹಿಸಿನ ಜಯಶ್ರೀ ಅರೆನ ಅಪೂರ್ವ ಕಂಠಸಿರಿರ್ದ್‌ಲಾ ಪ್ರಸಿದ್ಧಿನ್ ಪಡೆವೊಂದೆರ್.

ರಂಗಭೂಮಿ

ಮೇರ್ ಅಭಿನಯ ಮಲ್ತ್‌ನ ಕೆಲವು ನಾಟಕೊಲು

ವಿದೇಶಿ ಸಂಸ್ಥೆದ ಅನುದಾನೊರ್ದು ನಿರ್ಮಿತಿ ಆಯಿನ ನಾಟಕ ಲಕ್ಷಾಪತಿ ರಾಜನ ಕತೆ ಬುಕ್ಕೊ ವಿದೇಶೊಡುಲಾ ಪ್ರದರ್ಶನ ಆದ್ ಜನಮೆಚ್ಚುಗೆ ಗಳಿಸಾಯಿನ ನಾಟಕ ಕಿನ್ನರಿ ಜೋಗಿರಾಟ- ಮೇರೆನ ವೃತ್ತಿಜೀವನದ ಮೈಲಿಗಲ್ಲುಲು. ಸ್ವೀಡನ್, ಕೈರೋ, ಸ್ಕಾಟ್ಲೆಂಡ್ ರಂಗೋತ್ಸವೊಲೆಡ್‌ಲಾ ಭಾಗವಹಿಸದೆರ್. ಅಮೇರಿಕೊಡು ಹೂವಿ ನಾಟಕೊನು ನಿರ್ದೇಶನ ಮಲ್ತ್‌ದೆರ್.

• ನಾಗಮಂಡಲ.
• ತಾಯಿ (ನಿರ್ದೇಶಕೆ: ಪ್ರಸನ್ನ)

ಮೇರ್ ನಿರ್ದೇಶನ ಮಲ್ತ್‌ನ ನಾಟಕೊಲು

1. ಡೆತ್ ಆಫ್ ಎ ಸೇಲ್ಸ್‌ಮನ್
2. ಕರಿಮಾಯಿ
3. ಬ್ಯಾರಿಸ್ಟರ್
4. ಲಕ್ಷಾಪತಿ ರಾಜನ ಕತೆ
5. ಉರಿಯ ಉಯ್ಯಾಲೆ
6. ವೈಶಾಖ
7. ಯಕ್ಷನಗರಿ
8. ನಹಿ ನಹಿ ರಕ್ಷತಿ
9. ನೀಲಿ-ಕುದುರೆ
10. ನಾಗಮಂಡಲ
11. ಜಸ್ಮಾ ಓಡನ್
12. ಅಗ್ನಿಪಥ ಚಿತ್ರಪಟ
13. ಸಿರಿಸಂಪಿಗೆ

ಸಿನಿಮಾದ ನಂಟ್

1. ನಾಗಮಂಡಲ
2. ಗಳಿಗೆ
3. ಭಾವ ಭಾಮೈದ
4. ಕೌರವ
5. ಜೇನಿನ ಹೊಳೆ
6. ದುರ್ಗಿ
7. ಇಷ್ಟಕಾಮ್ಯ

ಇಂಚಿತ್ತಿ

ಗಾಯಕಿಯಾದ್

1. ಕಾರ್ ಕಾರ್, ಎಲ್ನೋಡಿ ಕಾರ್ - 'ನನ್ನ ಪ್ರೀತಿಯ ಹುಡುಗಿ'
2. ಚಕ್ಕೋತ ಚಕ್ಕೋತ - ಯಾರೇ ನೀನು ಚೆಲುವೆ
3. ಏನಾ ಏನಿದು ಎಂಥಾ ಬೆರಗಾ
4. ಬರ್ತಾಳ್ ನೋಡು - 'ದುರ್ಗಿ'
5. ಬೆನ್ನ ಹಿಂದೆ ಬಂದೆ - 'ಬಾವ ಬಾಮೈದ'
6. ಪಡುವಾಣ ದಿಬ್ಬದಾಗೆ - 'ಸ್ಪರ್ಶ'
7. ಹಠ ಹಠ - 'ಹಠವಾದಿ'
8. ಹೆಣ್ಣಿಂದ ನಾಕ ಹೆಣ್ಣಿಂದ ನರಕ - 'ಕೌರವ'
9. ಹಾಲುಂಡು ಹೋಗೆ ನಾಗಮ್ಮ - ' ನಾಗದೇವತೆ'
10. ರಂಗ ಗಣಪ ಎಂಬ ಧ್ವನಿಸುರುಳಿ

ಕಿರುತೆರೆ ನಟಿಯಾದ್

ಈಟಿವಿ ಕನ್ನಡದ ಜನಪ್ರಿಯ ಧಾರಾವಾಹಿ ಪ್ರೀತಿ ಇಲ್ಲದ ಮೇಲೆ ದ ಅಜ್ಜಿ ಪಾತ್ರೊಡು ಪ್ರೇಕ್ಷಕೆರೆನ ಮನಸ್ಸ್‌ನ್ ಗೆಂದ್‍ದೆರ್.

ಆತ್ಮಕಥೆ

ಜಯಶ್ರೀ ಅರೆನ ಆತ್ಮಕಥೆ "ಕಣ್ಣಾಮುಚ್ಚೆ ಕಾಡೇಗೂಡೇ". ಈ ಕೃತಿನ್ ನಿರೂಪಿಸಯಿನಾರ್‌ ಖ್ಯಾತ ಅಂಕಣ ಬರಹಗಾರ್ತಿ ಪ್ರೀತಿ ನಾಗರಾಜ್ ಮನೋಹರ ಗ್ರಂಥಮಾಲಾ, ಧಾರವಾಡದಾರ್ ಉಂದೆನ್‌ ಪ್ರಕಟಿಸದೆರ್.

ಪ್ರಶಸ್ತಿಲು

1. ಸಫ್ದಾರ್ ಹಷ್ಮಿ ಪ್ರಶಸ್ತಿ.
2. ೨೦೧೩ ನೇ ಸಾಲಿನ ಪದ್ಮಶ್ರೀ ಪ್ರಶಸ್ತಿ.
3. ಕೇಂದ್ರ ಸಂಗೀತ ನಾಟಕ ಪ್ರಶಸ್ತಿ,
4. ಆರ್ಯಭಟ ಪ್ರಶಸ್ತಿ,
5. ಅತ್ಯುತ್ತಮ ಹಿನ್ನೆಲೆ ಗಾಯಕಿ ಪ್ರಶಸ್ತಿ,
6. ಬಿ. ವಿ.ಕಾರಂತ ಪುರಸ್ಕಾರ,
7. ಸಂದೇಶ ಕಲಾ ಪ್ರಶಸ್ತಿ,
8. ರಾಜ್ಯೋತ್ಸವ ಪ್ರಶಸ್ತಿ

- ಈತೇ ಅತ್ತಂದೆ ಅನೇಕ ಗೌರವ ಪ್ರಶಸ್ತಿಲು ಮೇರೆಗ್ ಸಂದ್‍ದ್ಂಡ್.

ವರ್ಗ:ಸ್ತ್ರೀವಾದೊ ಬುಕ್ಕೊ ಜಾನಪದೊ 2026