ಬುರ್ಜ್ ಖಲೀಫಾ
ಬುರ್ಜ್ ಖಲೀಫಾ (ಉದ್ಘಾಟನೆಗ್ ದುಂಬು ಬುರ್ಜ್ ದುಬೈ ಪಂಡ್ದ್ ಲೆಪ್ಪುವೆರ್) ಯುನೈಟೆಡ್ ಅರಬ್ ಎಮಿರೇಟ್ಸ್ ದ ದುಬೈಡ್ ಉಪ್ಪುನ ಒಂಜಿ ಮೆಗಾಟಾಲ್ ಗಗನಚುಂಬಿ ಕಟ್ಟಡ.[೧]. ಸ್ಕಿಡ್ಮೋರ್, ಒವಿಂಗ್ಸ್ & ಮೆರಿಲ್ ಡ್ದ್ ವಿನ್ಯಾಸಗೊಳಿಸಾಯಿನ ಉಂದು ಜಗತ್ತ್ ದ ಎತ್ತರದ ರಚನೆ, ಒಟ್ಟು ಎತ್ತರ 829.8 ಮೀ (2,722 ಅಡಿ, ಅತ್ತ್ಂಡ ಅರ್ಧ ಮೈಲ್ ಡ್ದ್ ಜಾಸ್ತಿ) ಬುಕ್ಕೊ್ಕ ಛಾವಣಿದ ಎತ್ತರ (ಆಂಟೆನಾನ್ ಬುಡ್ದು, ಆಂಡ 242.6 ಮೀ ಗೋಪುರೊನು ಸೇರಾದ್)828 ಮೀ (2,717 ಅಡಿ) ಉಂಡು. ಅರ್ಧ ದಶಕೊಗು ದಾಖಲೆನ್ ದೀದ್ ಇತ್ತಿನ ತೈಪೆ 101 ನ್ ಮೀರ್ದ್ 2009ಡ್ ಟಾಪ್ ಔಟ್ ಆಯಿ ಬುಕ್ಕೊ್ಕ ಉಂದು ಜಗತ್ತ್ ದ ಅತಿ ಎತ್ತರದ ಕಟ್ಟಡ ಆತ್ಂಡ್. ಬುರ್ಜ್ ಖಲೀಫಾದ ನಿರ್ಮಾಣ ೨೦೦೪ಡ್ ಸುರು ಆಂಡ್; ಐನ್ ವರ್ಸೊಡ್ದು ಬುಕ್ಕೊ್ಕ ಪಿದಯಿದ ಭಾಗೊನು ಮುಗಿತ್ಂಡ್.ಪ್ರಾಥಮಿಕ ರಚನೆ ಬಲವರ್ಧಿತ ಕಾಂಕ್ರೀಟ್ ಆದುಂಡು. ಈ ಕಟ್ಟಡೊಗು ಕೆಲವು ರಚನಾತ್ಮಕ ಉಕ್ಕುನು ಪೂರ್ವ ಬರ್ಲಿನ್ ಡ್ ಕೆತ್ತುನ ರಿಪಬ್ಲಿಕ್ ಅರಮನೆಡ್ದ್ ರಕ್ಷಣೆ ಮಲ್ತೆರ್. ಈ ಕಟ್ಟಡೊನು 2010ಡ್ ಡೌನ್ ಟೌನ್ ದುಬೈ ಪನ್ಪಿನ ಪೊಸ ಅಭಿವೃದ್ಧಿದ ಭಾಗವಾದ್ ತೆರೆಯೆರ್. ಉಂದು ಮಲ್ಲ ಪ್ರಮಾಣದ, ಮಿಶ್ರ-ಬಳಕೆದ ಅಭಿವೃದ್ಧಿದ ಕೇಂದ್ರಬಿಂದು ಆದ್ ವಿನ್ಯಾಸ ಮಲ್ತೆರ್. ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ದ ಮಾಜಿ ಅಧ್ಯಕ್ಷೆರ್ ಶೇಖ್ ಖಲೀಫಾ ಬಿನ್ ಜಾಯೆದ್ ಅಲ್ ನಹ್ಯಾನ್ ನ ಪುದರ್ ಡ್ ಈ ಕಟ್ಟಡೊಗು ಪುದರ್ ದೀತೆರ್. ಯುನೈಟೆಡ್ ಅರಬ್ ಎಮಿರೇಟ್ಸ್ ಸರ್ಕಾರ ದುಬೈಗ್ ಆರ್ಥಿಕ ಸಹಾಯೊನು ಒದಗಿಸಾಯಿನವು ದಾಯೆ ಪಂಡ ಡೆವಲಪರ್, ಇಮಾರ್ ಪ್ರಾಪರ್ಟೀಸ್, ಗ್ರೇಟ್ ರಿಸೆಷನ್ ದ ಸಮಯೊಡು ಆರ್ಥಿಕ ಸಮಸ್ಯೆಲೆನ್ ಅನುಭವಿಸಯೆರ್. ಯುನೈಟೆಡ್ ಅರಬ್ ಎಮಿರೇಟ್ಸ್ ದ ಅಪಗದ ಅಧ್ಯಕ್ಷೆ ಖಲೀಫಾ ಬಿನ್ ಜಾಯೆದ್ ಫೆಡರಲ್ ಆರ್ಥಿಕ ಸಹಾಯೊನು ಏರ್ಪಾಡ್ ಮಲ್ತೆರ್. ಅರೆನ ಬೆಂಬಲೊಗು, ದುಬೈದ ಅರಸು ಮೊಹಮ್ಮದ್ ಬಿನ್ ರಶೀದ್, ಉದ್ಘಾಟನೆದ ಪೊರ್ತುಡು "ಬುರ್ಜ್ ದುಬೈ" ಡ್ದ್ "ಬುರ್ಜ್ ಖಲೀಫಾ" ಪಂಡ್ದ್ ಪುದರ್ ಬದಲಾವಣೆ ಮಲ್ತೆರ್. ಈ ವಿನ್ಯಾಸೊನು ಈ ಪ್ರದೇಶೊದ ಇಸ್ಲಾಮಿಕ್ ವಾಸ್ತುಶಿಲ್ಪೊಡ್ದ್ ತಯಾರ್ ಮಲ್ತೆರ್, ಉದಾಹರಣೆಗೆ ಸಮರ್ರಾದ ಮಲ್ಲ ಮಸೀದಿಡ್. ವೈ-ಆಕಾರದ ತ್ರಿಪಕ್ಷೀಯ ನೆಲತ ಜ್ಯಾಮಿತಿನ್ ವಸತಿ ಬುಕ್ಕೊ್ಕ ಹೋಟೆಲ್ ಜಾಗೊನು ಉತ್ತಮ ಮಲ್ಪೆರೆ ವಿನ್ಯಾಸಗೊಳಿಸವೊಂಡುಂಡು. ಕಟ್ಟಡದ ಎತ್ತರೊನು ಬೆಂಬಲಿಸರೆ ಒಂಜಿ ಬಟ್ರೆಸ್ಡ್ ಸೆಂಟ್ರಲ್ ಕೋರ್ ಬುಕ್ಕೊ್ಕ ರೆಕ್ಕೆಲೆನ್ ಬಳಕೆ ಮಲ್ಪುವೆರ್. ಬುರ್ಜ್ ಖಲೀಫಾದ ಕೇಂದ್ರ ಕೋರ್ ರೆಕ್ಕೆಲೆಡ್ ಪ್ರತಿಯೊಂಜಿ ರೆಕ್ಕೆಲೆಡ್ ಪಿದಯಿ ಬರ್ಪಿನ ಮೆಟ್ಟಿಲುಲೆನ್ ಬುಡ್ದು ಬೇತೆ ಮಾತಾ ಲಂಬ ಸಾರಿಗೆನ್ ಒಟ್ಟು ಮಲ್ಪುಂಡು. ಈ ರಚನೆಡ್ ಒಂಜಿ ಕ್ಲಾಡಿಂಗ್ ವ್ಯವಸ್ಥೆಲಾ ಉಂಡು, ಉಂದು ದುಬೈದ ಬಿಸಿ ಬೇಸಿಗೆದ ಉಷ್ಣಾಂಶೊಲೆನ್ ತಡೆಯೆರೆ ವಿನ್ಯಾಸಗೊಳಿಸವೊಂಡುಂಡು. ಉಂದೆಟ್ ಒಟ್ಟು 57 ಎಲಿವೇಟರ್ ಬುಕ್ಕೊ್ಕ 8 ಎಸ್ಕಲೇಟರ್ ಉಂಡು.[೨] ಬುರ್ಜ್ ಖಲೀಫಾನ್ ಒಂಜಿ ಮಲ್ಲ ಪ್ರಮಾಣದ, ಮಿಶ್ರ-ಬಳಕೆದ ಅಭಿವೃದ್ಧಿದ ಕೇಂದ್ರಬಿಂದು ಆದ್ ವಿನ್ಯಾಸ ಮಲ್ತೆರ್, ಉಂದೆಟ್ 30,000 ಇಲ್ಲ್ ಲು, ಒಂಜಿ ಹೋಟೆಲ್ ಲು (ದಿ ಅಡ್ರೆಸ್ ಡೌನ್ ಟೌನ್ ದುಬೈ ಸೇರ್ದ್), 3 ಹೆಕ್ಟೇರ್ (7.4 ಎಕ್ರೆ) ಪಾರ್ಕ್ ಲ್ಯಾಂಡ್, ಕನಿಷ್ಠ 19 ವಸತಿ ಗಗನಚುಂಬಿ ಕಟ್ಟಡೊಲು, ದುಬೈ ಮಾಲ್, ಬುಕ್ಕೊ್ಕ 12-30 ಎಕ್ರೆ (3.4 ಎಕ್ರೆ) ಕೃತಕ ಬುರ್ಜ್ ಖಲೀಫಾ ಕೆರೆ. ಬುರ್ಜ್ ಖಲೀಫಾನ್ ನಿರ್ಮಾಣ ಮಲ್ಪುನ ನಿರ್ಧಾರೊನು ಎಣ್ಣೆ ಆಧಾರಿತ ಆರ್ಥಿಕತೆಡ್ದ್ ಸೇವೆ ಬುಕ್ಕೊ್ಕ ಪ್ರವಾಸೋದ್ಯಮ ಆಧಾರಿತ ಆರ್ಥಿಕತೆಗ್ ವೈವಿಧ್ಯಗೊಳಿಸವುನ ಸರ್ಕಾರದ ನಿರ್ಧಾರೊನ್ ಆಧಾರವಾದ್ ಮಲ್ತೆರ್.
ವಾಸ್ತುಶಿಲ್ಪ ಬುಕ್ಕೊ್ಕ ವಿನ್ಯಾಸ
[ಸಂಪೊಲಿಪುಲೆ]
ಈ ಗೋಪುರೊನು ಸ್ಕಿಡ್ಮೋರ್, ಒವಿಂಗ್ಸ್, ಬುಕ್ಕೊ್ಕ ಮೆರಿಲ್ (ಎಸ್ಒಎಂ) ವಿನ್ಯಾಸ ಮಲ್ತೆರ್, ಅಕುಲು ಚಿಕಾಗೊಡು ವಿಲ್ಲಿಸ್ ಗೋಪುರೊನು (ದುಂಬು ಸಿಯರ್ಸ್ ಗೋಪುರ) ಬುಕ್ಕೊ್ಕ ನ್ಯೂಯಾರ್ಕ್ ನಗರೊಡು ಒನ್ ವರ್ಲ್ಡ್ ಟ್ರೇಡ್ ಸೆಂಟರ್ ನ್ ಲಾ ವಿನ್ಯಾಸ ಮಲ್ತೆರ್.ಎಂಪೈರ್ ಸ್ಟೇಟ್ ಬಿಲ್ಡಿಂಗ್ ಗ್ ಹೋಲಿಕೆ ಮಲ್ಪುನಗ, ಅಯಿತ ನಳೀಯ ವ್ಯವಸ್ಥೆಡ್ದ್, ಅನುಪಾತೊಡು ಅರ್ಧ ಪ್ರಮಾಣೊದ ಉಕ್ಕುನ್ ಮಾತ್ರ ನಿರ್ಮಾಣೊಡು ಬಳಕೆ ಮಲ್ತೆರ್. ಎತ್ತರದ ಕಟ್ಟಡೊಲೆನ ವಿನ್ಯಾಸೊಗು ಖಾನ್ ನ ಕೊಡುಗೆಲು ವಾಸ್ತುಶಿಲ್ಪ ಬುಕ್ಕೊ್ಕ ಎಂಜಿನಿಯರಿಂಗ್ ಡ್ ಮಲ್ಲ ಪ್ರಭಾವ ಬೀರುಂಡು.ಈ ವಿನ್ಯಾಸ ಫ್ರಾಂಕ್ ಲಾಯ್ಡ್ ರೈಟ್ ನ ದಿ ಇಲಿನಾಯ್ಸ್ ದ ದೃಷ್ಟಿಕೋನೊನು ನೆನಪು ಮಲ್ಪುಂಡು, ಚಿಕಾಗೊಗು ವಿನ್ಯಾಸಗೊಳಿಸಾಯಿನ ಒಂಜಿ ಮೈಲ್ ಎತ್ತರದ ಗಗನಚುಂಬಿ ಕಟ್ಟಡ, ಅಂಚನೆ ಚಿಕಾಗೊದ ಲೇಕ್ ಪಾಯಿಂಟ್ ಟವರ್. ಆಡ್ರಿಯನ್ ಸ್ಮಿತ್ ಎಸ್ಒಎಂಡ್ ಯೋಜನೆನ್ ಕಲ್ಪುನಗ, ಆರ್ ತನ್ನ ಕಚೇರಿದ ಕಿಟಕಿಡ್ದ್ ಲೇಕ್ ಪಾಯಿಂಟ್ ಟವರ್ ದ ವಕ್ರವಾದ್ ಮೂಜಿ ರೆಕ್ಕೆದ ಲೇಔಟ್ ನ್ ತೂದು "ಅಲ್ಪ ಮೂಲಮಾದರಿ ಉಂಡು" ಪಂಡ್ದ್ ಯೋಚನೆ ಮಲ್ತೆರ್. ಸ್ಟ್ರಾಬಾಲಾದ ಪ್ರಕಾರ, ಬುರ್ಜ್ ಖಲೀಫಾನ್ ಸಿಯೋಲ್ ಡ್ ಒಂಜಿ ಆಲ್-ರೆಸಿಡೆನ್ಶಿಯಲ್ ಬಿಲ್ಡಿಂಗ್ ಆಯಿನ 73 ಮಹಡಿದ ಟವರ್ ಪ್ಯಾಲೇಸ್ ಥ್ರೀ ನ್ ಆಧಾರ ಮಲ್ತ್ದ್ ವಿನ್ಯಾಸ ಮಲ್ತೆರ್. ಈ ಕಟ್ಟಡೊಡು 57 ಎಲಿವೇಟರ್ ಬುಕ್ಕೊ್ಕ 8 ಎಸ್ಕಲೇಟರ್ ಉಂಡು. ಈ ಎಲಿವೇಟರ್ ಲೆಗ್ ಒಂಜಿ ಕ್ಯಾಬಿನ್ ಗ್ 12 ರ್ದ್ 14 ಜನೊಕ್ಲೆನ ಸಾಮರ್ಥ್ಯ ಉಂಡು, ಬುಕ್ಕೊ್ಕ ಜಗತ್ತ್ ದ ಅತ್ಯಂತ ವೇಗದ ಡಬಲ್-ಡೆಕ್ ಎಲಿವೇಟರ್ ಉಂಡು. ಉಂದು 10 m/s (33 ft/s) ಮುಟ್ಟ ಏರುಂಡು ಬುಕ್ಕೊ್ಕ ಇಳಿಯುಂಡು. ಎಂಜಿನಿಯರ್ ಲು ಸುರುಟು ಜಗತ್ತ್ ದ ಸುರುತ ಟ್ರಿಪಲ್-ಡೆಕ್ ಎಲಿವೇಟರ್ ಲೆನ್ ಸ್ಥಾಪನೆ ಮಲ್ಪೆರೆ ಯೋಚನೆ ಮಲ್ತೆರ್. ಡಬಲ್-ಡೆಕರ್ ಲೆಡ್ ಎಲ್ ಸಿ ಡಿ ಡಿಸ್ಪ್ಲೇಲೆನ್ ದೀದ್ ವೀಕ್ಷಣೆದ ಡೆಕ್ ಗ್ ಪೋಪಿನಗ ಸಂದರ್ಶಕೆರೆನ್ ಮನರಂಜನೆ ಮಲ್ಪುವೆರ್. ಈ ಕಟ್ಟಡೊಡು ನೆಲಮಹಡಿಡ್ದ್ 160ನೇ ಮಹಡಿ ಮುಟ್ಟ 2,909 ಮೆಟ್ಟಿಲುಲು ಉಂಡು.
ನೀರಾವರಿ ವ್ಯವಸ್ಥೆ
[ಸಂಪೊಲಿಪುಲೆ]ಬುರ್ಜ್ ಖಲೀಫಾದ ನೀರ್ ವ್ಯವಸ್ಥೆ 100 ಕಿ.ಮೀ (62 ಮೈಲ್) ಪೈಪ್ ಲೆನ ಮೂಲಕ ದಿನೊಕು ಸರಾಸರಿ 946,000 ಎಲ್ (250,000 ಯು.ಎಸ್. ಗ್ಯಾಲ್) ನೀರ್ ನ್ ಸಪ್ಲೈ ಮಲ್ಪುಂಡು ಹೆಚ್ಚುವರಿ 213 ಕಿ.ಮೀ (132 ಮೈಲ್) ಪೈಪಿಂಗ್ ಅಗ್ನಿ ತುರ್ತು ವ್ಯವಸ್ಥೆಗ್ ಸೇವೆ ಮಲ್ಪುಂಡು, ಬುಕ್ಕೊ್ಕ 34 ಕಿ.ಮೀ (21 ಮೈಲ್) ಏರ್ ಕಂಡಿಷನಿಂಗ್ ವ್ಯವಸ್ಥೆಗ್ ತಂಪು ನೀರ್ ನ್ ಸಪ್ಲೈ ಮಲ್ಪುಂಡು.
ಏರ್ ಕಂಡಿಷನಿಂಗ್
[ಸಂಪೊಲಿಪುಲೆ]ಏರ್ ಕಂಡಿಷನಿಂಗ್ ವ್ಯವಸ್ಥೆ ಮಿತ್ತ್ ದ ಮಹಡಿಲೆಡ್ದ್ ಗಾಳಿನ್ ಸೆರವುಂಡು ಅಲ್ಪ ಗಾಳಿ ನೆಲತ ಮಿತ್ತ್ ಡ್ದ್ ತಂಪು ಬುಕ್ಕೊ್ಕ ಸ್ವಚ್ಛವಾದುಂಡು. ಗರಿಷ್ಠ ತಂಪು ಸಮಯೊಡು, ಗೋಪುರೊದ ತಂಪು 46 ಮೆಗಾವಾಟ್ (62,000 ಎಚ್ ಪಿ) ಆದುಂಡು, ಉಂದು 13,000 ಸಣ್ಣ ಟನ್ (26,000,000 lb; 10,000,000,000,000 ಕೆಜಿ) ಒಂಜಿ ಕರಗುವಿಕೆಡ್ ಒದಗಿಸಾಯಿನವುಗು ಸಮ. ದಿನ. ನೀರ್ ನ್ ಕಂಡೆನ್ಸೇಟ್ ಸಂಗ್ರಹ ವ್ಯವಸ್ಥೆದ ಮೂಲಕ ಸಂಗ್ರಹ ಮಲ್ಪುವೆರ್ ಬುಕ್ಕೊ್ಕ ಅಯಿನ್ ಸುತ್ತಮುತ್ತದ ಉದ್ಯಾನವನೊಗು ನೀರ್ ಪಾಡುನಗ ಉಪಯೋಗ ಮಲ್ಪುವೆರ್.
ಫೌಂಟೇನ್
[ಸಂಪೊಲಿಪುಲೆ]ಬುರ್ಜ್ ಖಲೀಫಾದ ಪಿದಯಿ, ವೆಟ್ ಎಂಟರ್ ಪ್ರೈಸಸ್ 800 ಮಿಲಿಯನ್ ಡಿಹಂ (US$217 ಮಿಲಿಯನ್) ವೆಚ್ಚೊಡು ಒಂಜಿ ಫೌಂಟೇನ್ ವ್ಯವಸ್ಥೆನ್ ವಿನ್ಯಾಸ ಮಲ್ತ್ಂಡ್. 6,600 ದೀಪೊಲು ಬುಕ್ಕೊ್ಕ 50 ಬಣ್ಣದ ಪ್ರೊಜೆಕ್ಟರ್ ಲೆಡ್ ಬೆಳಕು ಪಾಡ್ದ್, ಉಂದು 270 ಮೀ (900 ಅಡಿ) ಉದ್ದ ಉಂಡು ಬುಕ್ಕೊ್ಕ 150 ಮೀ (500 ಅಡಿ) ನೀರ್ ನ್ ಗಾಳಿಗ್ ಗುಂಡು ಮಲ್ಪುಂಡು, ಉಂದೆಟ್ ಶಾಸ್ತ್ರೀಯ ಬುಕ್ಕೊ್ಕ ಸಮಕಾಲೀನ ಅರೇಬಿಕ್ ಬುಕ್ಕೊ್ಕ ಬೇತೆ ಸಂಗೀತೊಲೆನ ಶ್ರೇಣಿ ಉಂಡು. ಉಂದು ಜಗತ್ತ್ ದ ಮಲ್ಲ ಕೊರಿಯೊಗ್ರಾಫ್ಡ್ ಫೌಂಟೇನ್. ೨೬ ಅಕ್ಟೋಬರ್ ೨೦೦೮ಡ್, ಇಮಾರ್ ಒಂಜಿ ಪುದರ್ ದೀಪುನ ಸ್ಪರ್ಧೆದ ಫಲಿತಾಂಶೊಲೆನ್ ಆಧಾರ ಮಲ್ತ್ದ್ ಫೌಂಟೇನ್ ನ್ ದುಬೈ ಫೌಂಟೇನ್ ಪಂಡ್ದ್ ಲೆಪ್ಪುವೆರ್ ಪಂದ್ ಘೋಷಣೆ ಮಲ್ತೆರ್.
ಬುರ್ಜ್ ಖಲೀಫ಼ಾ ದ ವಿಶ್ವ ದಾಖಲೆಲು
[ಸಂಪೊಲಿಪುಲೆ]ಇತ್ತೆದ ಎತ್ತರದ ರಚನೆ: 829.8 ಮೀ (2,722 ಅಡಿ) (ದುಂಬು ಕೆವಿಎಲ್ವೈ-ಟಿವಿ ಮಸ್ತ್ – 628.8 ಮೀ ಅತ್ತ್ಂಡ 2,063 ಅಡಿ) ಇತ್ತೆ ಮುಟ್ಟ ಕಟ್ಟ್ ನ ಎತ್ತರದ ರಚನೆ: 829.8 ಮೀ (2,722 ಅಡಿ) (ದುಂಬು ವಾರ್ಸಾ ರೇಡಿಯೋ ಮಸ್ತ್ – 646.38 ಮೀ ಅತ್ತ್ಂಡ 2,121 ಅಡಿ) ಎತ್ತರದ ಸ್ವತಂತ್ರ ರಚನೆ: 829.8 ಮೀ (2,722 ಅಡಿ) (ದುಂಬು ಸಿಎನ್ ಟವರ್ – 553.3 ಮೀ ಅತ್ತಂದೆ 1,815 ಅಡಿ) ಎತ್ತರದ ಗಗನಚುಂಬಿ ಕಟ್ಟಡ (ಶಿಖರದ ಮಿತ್ತ್): 828 ಮೀ (2,717 ಅಡಿ) (ದುಂಬು ತೈಪೆ 101 – 509.2 ಮೀ ಅತ್ತ್ಂಡ 1,671 ಅಡಿ) ಆಂಟೆನಾದ ಮಿತ್ತ್ ಮುಟ್ಟ ಎತ್ತರದ ಗಗನಚುಂಬಿ ಕಟ್ಟಡ: 829.8 ಮೀ (2,722 ಅಡಿ) (ದುಂಬು ವಿಲ್ಲಿಸ್ (ದುಂಬು ಸಿಯರ್ಸ್) ಗೋಪುರ – 527 ಮೀ ಅತ್ತ್ಂಡ 1,729 ಅಡಿ) ಹೆಚ್ಚಿನ ಮಹಡಿಲೆನ ಕಟ್ಟಡ: 163 (ದುಂಬು ವರ್ಲ್ಡ್ ಟ್ರೇಡ್ ಸೆಂಟರ್ – 110) ಜಗತ್ತ್ ದ ಎಚ್ಚಿನ ಎಲಿವೇಟರ್ ಅನುಸ್ಥಾಪನೆ (ಕಟ್ಟಡದ ಮಿತ್ತ್ ಒಂಜಿ ರಾಡ್ ದ ಉಲಯಿ ಉಂಡು) ಜಗತ್ತ್ ದ ಅತಿ ದೂರದ ಪ್ರಯಾಣದ ಎಲಿವೇಟರ್ ಲು: ೫೦೪ ಮೀ (೧,೬೫೪ ಅಡಿ) ಎಚ್ಚಿನ ಲಂಬ ಕಾಂಕ್ರೀಟ್ ಪಂಪಿಂಗ್ (ಒಂಜಿ ಕಟ್ಟಡೊಗು): 606 ಮೀ (1,988 ಅಡಿ) ವಸತಿ ಜಾಗೊನು ಸೇರ್ದುಪ್ಪುನ ವಿಶ್ವದ ಅತಿ ಎತ್ತರದ ರಚನೆ ಅಲ್ಯೂಮಿನಿಯಂ ಬುಕ್ಕೊ್ಕ ಗಾಜಿದ ಮುಖಭಾಗೊದ ಜಗತ್ತ್ ದ ಅತಿ ಎತ್ತರದ ಅನುಸ್ಥಾಪನೆ: 512 ಮೀ (1,680 ಅಡಿ) ವಿಶ್ವದ ಅತಿ ಎತ್ತರದ ರೆಸ್ಟೋರೆಂಟ್:122ನೇ ಮಹಡಿ 442 ಮೀ (1,450 ಅಡಿ) (ದುಂಬು 360, ಸಿಎನ್ ಟವರ್ ಡ್ 350 ಮೀ (1,148 ಅಡಿ) ಎತ್ತರೊಡು) ವಿಶ್ವದ ಅತಿ ಹೆಚ್ಚಿನ ಹೊಸ ವರ್ಷ ಪಟಾಕಿ ಪ್ರದರ್ಶನ. ಒಂಜೇ ಕಟ್ಟಡೊಡು ನಡತಿನ ಜಗತ್ತ್ ದ ಅತಿ ಮಲ್ಲ ಬೊಲ್ಪು ಬುಕ್ಕೊ್ಕ ಶಬ್ದ ಪ್ರದರ್ಶನ.