ಬೆಂಗಳೂರು ನಗರ ಜಿಲ್ಲೆ

ಬೆಂಗಳೂರು ನಗರ ಜಿಲ್ಲೆ
ಜಿಲ್ಲೆ
ಮೇಲಿನಿಂದ ಎಡದಿಂದ ಗಡಿಯಾರದ ದಿಕ್ಕಿನಲ್ಲಿ: ರಾತ್ರೆಡ್ ಬ್ರಿಗೇಡ್ ಮಾರ್ಗ, ದೊಡ್ಡ ಬಸವನ ಗುಡಿ, ಬೆಂಗಳೂರು ಅರಮನೆ, ಬೆಂಗಳೂರುದ ಪೇಂಟೆ, ವಿಧಾನ ಸೌಧ
ಕರ್ನಾಟಕದ ನಕ್ಷೆಡ್ ಬೆಂಗಳೂರು ನಗರ
ನಿರ್ದೇಶಾಂಕೊ: 12.970214°N 77.56029°E / 12.970214; 77.56029
ದೇಶ	ಭಾರತ
ರಾಜ್ಯ	ಕರ್ನಾಟಕ
ಮುಖ್ಯಸ್ಥಾನ	ಬೆಂಗಳೂರು
ತಾಲೂಕುಲು	ಬೆಂಗಳೂರು ಕೆಂಗೇರಿ ಕೃಷ್ಣರಾಜಪುರ ಆನೇಕಲ್ ಸರ್ಜಾಪುರ
ಸರ್ಕಾರೊ
ಪ್ರಕಾರೊ	ಜಿಲ್ಲಾಡಳಿತ
ಆಡಳಿತ ಸಂಸ್ತೆ	ಜಿಲ್ಲಾ ಪಂಚಾಯತ್
• ಜಿಲ್ಲಾಧಿಕಾರಿ	ಜಗದೀಶ ಜಿ (ಭಾ.ಆ.ಸೇ)
• ಹೆಚ್ಚುವರಿ ಉಪ ಕಮಿಷನರ್	ಜಗದೀಶ್ ಕೆ ನಾಯಕ್ (KAS)
ಪ್ರದೇಸೊ
• Total	೨,೧೯೬ km2 (೮೪೮ sq mi)
ಜನಸಂಕ್ಯೆ  (2011)
• Total	೯೬,೨೧,೫೫೧
ಶ್ರೇಣಿ	3ನೇ (ಭಾರತ)
ಸಾಂದ್ರತೆ	೪೪೦೦/km2 (೧೧೦೦೦/sq mi)
ಭಾಷೆಗಳು
• ಅಧಿಕೃತ	ಕನ್ನಡ
ಸಮಯ ವಲಯೊ	UTC+5:30 (IST)
ಪಿನ್ ಕೋಡ್	ಬೆಂಗಳೂರು ಜನರಲ್ ಪೋಸ್ಟ್ ಆಫೀಸ್: 560001 ಬಸವನಗುಡಿ: 560004 ಪರ ಏರ್ಪೋರ್ಟ್ ಮಾರ್ಗ:560008 ರಾಜಾಜಿನಗರ:560010 ಆಡುಗೋಡಿ:560030 ಇಂದಿರಾನಗರ:560038 ವೈಟ್ ಫೀಲ್ಡ್:560066 ಇಲೆಕ್ಟ್ರಾನಿಕ್ ಸಿಟಿ ಹಂತ ೧:560100
ಗಾಡಿದ ನಂಬರ್	ಮೂಲ ಬೆಂಗಳೂರು ಸೆಂಟ್ರಲ್ (ಹೆಚ್ ಎಸ್ ಆರ್ ಲೇಔಟ್): KA01 ಬೆಂಗಳೂರು ವೆಸ್ಟ್ (ರಾಜಾಜೀನಗರ): KA02 ಬೆಂಗಳೂರು ಈಸ್ಟ್ (ಕಸ್ತೂರಿನಗರ): KA03 ಬೆಂಗಳೂರು ನಾರ್ತ್ (ಯಶವಂತಪುರ): KA04 ಬೆಂಗಳೂರು ಸೌತ್ (ಜಯನಗರ): KA05 ಜ್ಞಾನಭಾರತಿ (ಬೆಂಗಳೂರು ಪಶ್ಚಿಮ ಉಪನಗರಗಳು): KA41 ಯೆಲಹಂಕ (ಬೆಂಗಳೂರು ಉತ್ತರ ಉಪನಗರಗಳು): KA50 ಎಲೆಕ್ಟ್ರಾನಿಕ್ ಸಿಟಿ (ಬೆಂಗಳೂರು ದಕ್ಷಿಣ ಉಪನಗರಗಳು): KA51 ಕೃಷ್ಣರಾಜಪುರಂ (ಬೆಂಗಳೂರು ಪೂರ್ವ ಉಪನಗರಗಳು): KA53 ಶಾಂತಿನಗರ]: KA57 (ಕೇವಲ ಬೆಂಗಳೂರು ವಿಭಾಗದ ಅಡಿಯಲ್ಲಿರುವ ಕೆ‍ಎಸ್‍ಆರ್‌ಟಿಸಿ ಮತ್ತು ಬಿಎಮ್‍ಟಿಸಿ ಬಸ್‌ಗಳಿಗೆ) ಚಂದಾಪುರ (ಅನೇಕಲ್ ತಾಲೂಕು, ಬುಕ್ಕ ಬಿಬಿಎಂಪಿ ಅಡಿತ ಕೆಲವು ಪ್ರದೇಶಲು) KA59
ಜಿಡಿಪಿ(2022-23)	೩೦,೦೦೦ ಕೋಟಿ
ತಲಾ ಆದಾಯ (PPP)(2022-23)	$ 25,461
ನಾಮಮಾತ್ರ GDP (2022-23)	₹೯.೪೮೨೫೪ trillion (US$120.64 billion)
ತಲಾ ಆದಾಯ (ನಾಮಮಾತ್ರ)(2022-23 )	₹೭,೮೦,೩೨೧ (US$೯,೯೨೭.೧೮)
ಜಾಲತಾನೊ	bengaluruurban.nic.in

ಬೆಂಗಳೂರು ನಗರ ಜಿಲ್ಲೆ ನಮ ರಾಜ್ಯೊದ ಒಂಜಿ ಜಿಲ್ಲೆ. ರಾಜ್ಯೊಡು ಇಪ್ಪುನ ೩೧ ಜಿಲ್ಲೆಲೆಡ್ ಎಚ್ಚ ಜನಸಾಂದ್ರತೆ ಇಪ್ಪುನ ಜಿಲ್ಲೆ ಪಂಡ ಬೆಂಗಳೂರು ನಗರ ಜಿಲ್ಲೆ. ಈ ಜಿಲ್ಲೆದ ಕೇಂದ್ರ ಜಿಲ್ಲಾ ಕೇಂದ್ರ ಬೆಂಗಳೂರು. ಈ ಜಿಲ್ಲೆದ ಮೂಡಾಯಿ ಬೊಕ್ಕ ಬಡಕಾಯಿಡ್ ದೊಡ್ಡಬಳ್ಳಾಪುರ, ಪಡ್ಡಾಯಿಡ್ ರಾಮನಗರ ಬೊಕ್ಕ ತೆನ್ಕಾಯಿಡ್ ತಮಿಳುನಾಡುದ ಕೃಷ್ಣಗಿರಿ ಜಿಲ್ಲೆ ಸುತ್ತುವರಿದ್ ಉಂಡು.

ದುಂಬುದ ಬೆಂಗಳೂರು ಜಿಲ್ಲೆನ್ ಬೆಂಗಳೂರು ನಗರ ಬೊಕ್ಕ ಬೆಂಗಳೂರು ಗ್ರಾಮೀಣ ಜಿಲ್ಲೆ ಪುದರ್‌ಡ್ ವಿಂಗಡಣೆ ಮಲ್ತಿಬೊಕ್ಕ ಬೆಂಗಳೂರು ನಗರ ಜಿಲ್ಲೆ ೧೯೮೬ನೇ ಇಸವಿಡ್ ಅಸ್ತಿತ್ವೊಗು ಬತ್ತ್ಂಡ್. ಬೆಂಗಳೂರು ನಗರ ಜಿಲ್ಲೆಡ್ ಬೆಂಗಳೂರು, ಕೆಂಗೇರಿ, ಕೃಷ್ಣರಾಜಪುರ, ಸರ್ಜಾಪುರ ಬೊಕ್ಕ ಆನೇಕಲ್ ಪುದರ್‌ದ ೫ ತಾಲೂಕುಲು ಉಲ್ಲ.

ಇಸ್ತೀರ್ನೊ ಬುಕ್ಕ ಜನಸಂಖ್ಯಾ ಶಾಸ್ತ್ರ

ಇಸ್ತೀರ್ನೊ

ಬೆಂಗಳೂರು ನಗರ ಜಿಲ್ಲೆದ ಒಟ್ಟು ಇಸ್ತೀರ್ನೊ 2,196 ಚದರ ಕಿಲೋಮೀಟರ್ ಇಸ್ತೀರ್ನೊದ ಲೆಕ್ಕೊಡು ಉಂದು ಕರ್ನಾಟಕೊದ ಎಲ್ಯ ಜಿಲ್ಲೆ. ರಾಜ್ಯದ ಒಟ್ಟು ವಿಸ್ತೀರ್ಣೊದ ೧.೧೪% ಮಾತ್ರ ಉಂಡು. ಉಂದೆತ ಗಾತ್ರ ರಾಜ್ಯೊಡು ಅತಿ ಮಲ್ಲ ಬೆಳಗಾವಿ ಜಿಲ್ಲೆಡ್ದ್ (13,415 ಚದರ ಕಿ.ಮೀ.) ಸುಮಾರ್ ಆಜಿ ಬಾರಿ ಎಲ್ಯ ಉಂಡು, ಅಂಚನೆ ಎಲ್ಯ ಜಿಲ್ಲೆಲೆಡ್ ಒಂಜಿ ಆಯಿನ ಉಡುಪಿ ಜಿಲ್ಲೆಡ್ದ್ (3,582 ಚದರ ಕಿ.ಮೀ.)ಲಾ ಎಲ್ಯ ಉಂಡು. ವಿಚಿತ್ರ ದಾದ ಪನ್ನಗ, ಇಸ್ತೀರ್ನೊಡು ಮಸ್ತ್ ಎಲ್ಯ ಇಪ್ಪುನ ಈ ಜಿಲ್ಲೆ ರಾಜ್ಯೊಡು ಎಚ್ಚ ಜನಸಾಂದ್ರತೆ ಇಪ್ಪುನ ಜಿಲ್ಲೆಲಾ ಅಂದ್. ಮುಲ್ಪ ಪ್ರತಿ ಚದರ ಕಿ.ಮೀ.ಗ್ 4,381 ಜನ ಉಲ್ಲೆರ್. ನಗರ ಪ್ರದೇಶೊಲೆಡ್ 90.94% ಜನಸಂಖ್ಯೆ ಉಪ್ಪುನೆರ್ದಾತ್ರ, ರಾಜ್ಯೊದ ಬೇತೆ ಜಿಲ್ಲೆಲೆಗ್ ಹೋಲಿಕೆ ಮಲ್ಪುನಗ ಗಮನಾರ್ಹವಾದ್ ಎಚ್ಚ ಮಟ್ಟೊದ ನಗರೀಕರಣೊನುಲಾ ತೋಜಾವುಂಡು.

ಜನಸಂಖ್ಯಾ ಶಾಸ್ತ್ರ

೨೦೧೧ ರ ಜನಗಣತಿ ಪ್ರಕಾರ, ಬೆಂಗಳೂರು ನಗರ ಜಿಲ್ಲೆಡ್ ೯೬,೨೧,೫೫೧ದಾತ್ ಜನಸಂಖ್ಯೆ ಉಂಡು. ಜನಸಂಖ್ಯೆದ ಲೆಕ್ಕಡ್ ಬೆಂಗಳೂರು ನಗರ ಜಿಲ್ಲೆ, ನಮ ದೇಸೊಡು ಇಪ್ಪುನ ಒಟ್ಟು ೬೪೦ ಜಿಲ್ಲೆಲೆಡ್ ಮೂಜಿನೆ ಸ್ಥಾನೊಡು ಉಂಡು. ಜಿಲ್ಲೆಡ್ ಒಂಜಿ ಚದರ ಕಿಲೋಮೀಟರ್‌ಡ್ 4,378 ಜನೊಕ್ಲು ಉಲ್ಲೆರ್. ೨೦೦೧-೨೦೧೧ದ ಪೊರ್ತುಡು ಈ ಜಿಲ್ಲೆದ ಜನಸಂಖ್ಯೆ ಬೆಳವಣಿಗೆದ ದರ ೪೬.೬೮% ಆದಿತ್ತ್ಂಡ್. ಜಿಲ್ಲೆದ ಲಿಂಗಾನುಪಾತ ೧೦೦೦/೯೦೮. ಪನ್ನಗ ಪ್ರತಿ 1000 ಪುರುಷೆರೆಗ್ 908 ಪೊಣ್ಣುಲು ಉಲ್ಲ. ೮೮.೪೮%ದಾತ್ ಸಾಕ್ಷರತೆದ ಪ್ರಮಾಣ ಉಂಡು. ಒಟ್ಟು ಜನಸಂಖ್ಯೆದ 90.94% ಜನಕ್ಲು ನಗರ ಪ್ರದೇಶೊಲೆಡ್ ವಾಸ ಮಲ್ಪೆರ್. ಒಟ್ಟು ಜನಸಂಖ್ಯೆದ 12.46%ದಾತ್ ಅನುಸೂಚಿತ ಜಾತಿಲು ಬೊಕ್ಕ 1.98%ದಾತ್ ಅನುಸೂಚಿತ ಪಂಗಡದ ಜನಕ್ಲು ಉಲ್ಲೆರ್.

ಬೆಂಗಳೂರು ನಗರ ಜಿಲ್ಲೆಡ್ ಬಾಸೆ

  ಕನ್ನಡ (44.47%)

  ತಮಿಳು ಬಾಸೆ (15.99%)

  ತೆಲುಗು ಬಾಸೆ (13.99%)

  ಉರ್ದು ಬಾಸೆ (12.11%)

  ಹಿಂದಿ ಬಾಸೆ (4.55%)

  ಮಲಯಾಳಂ ಬಾಸೆ (2.94%)

  ಮರಾಠಿ (1.92%)

  ಬೇತೆ ಬಾಸೆಲು (4.82%)

ಹವಾಮಾನ

ಬೆಂಗಳೂರು ನಗರ ಜಿಲ್ಲೆ ಸಮುದ್ರ ಮಟ್ಟೊಡ್ದ್ ಸರಾಸರಿ 901.77 ಮೀಟರ್ (2,958.56 ಅಡಿ) ಎತ್ತರೊಡು ಉಂಡು ಕೊಪ್ಪೆನ್-ಗೀಗರ್ ವರ್ಗೀಕರಣ ವ್ಯವಸ್ಥೆದ ಪ್ರಕಾರ ಉಷ್ಣವಲಯದ ಚಿಮ ಬೊಕ್ಕ ಉಣ್ಗೆಲ್ ಸವನ್ನಾ ಹವಾಮಾನೊದ ವಿಬಾಗೊಡು (Aw) ಬರ್ಪುಂಡು. ಮುಲ್ಪದ ವಾರ್ಷಿಕ ಸರಾಸರಿ ಉಷ್ಣಾಂಶ 22.9°C (73.1°F). ಸಾಮಾನ್ಯವಾದ್ ಅರೆಗಾಲಡ್ದಾವರ ಎಚ್ಚ ಉಷ್ಣಾಂಶ ಎಪ್ರಿಲ್ ತಿಂಗೊಲುಡು ೩೧.೫೭ ಡಿಗ್ರಿ ಸೆ. ಇತ್ಂಡ, ಚಲೀಗಾಲಡ್ದಾವರ ಕಡಮೆ ಉಷ್ಣಾಂಶ ೨೩.೧೨ ಡಿಗ್ರಿ ಇಪ್ಪುಂಡು. ವಾರ್ಷಿಕ ಅಂದಾಜಿ 960 ಮಿಲಿಮೀಟರ್ ಬರ್ಸ ಬರ್ಪುಂಡು. in). ಚಳಿಗಾಲ (ನವೆಂಬರ್ ಡ್ದ್ ಫೆಬ್ರವರಿ ಮುಟ್ಟ), ಅರಗಾಲ (ಮಾರ್ಚ್ ಡ್ದ್ ಮೇ ಮುಟ್ಟ), ಬೊಕ್ಕ ಮರಿಯಾಲ (ಜೂನ್ ಡ್ದ್ ಅಕ್ಟೋಬರ್ ಮುಟ್ಟ) ಇಪ್ಪುಂಡು. ಆಂಡಲಾ ಪಿರವುದ ಕೆಲವು ವರ್ಸೊಲೆಡ್ ನಗರೀಕರಣ ಬೊಕ್ಕ ಪರಿಸರ ಮಾಲಿನ್ಯಡ್ದಾವರ ಮುಲ್ಪದ ಹವಾಮಾನೊಡು ಎಚ್ಚ ಬದಲಾವಣೆ ಆಪುನ ತೋಜುಂಡು.