ಬೇಂಗದ ಮರ

ಬೇಂಗ ಮರ

ಬೇಂಗದ ಮರ ೮೦ರ್ದ್ ನೂದು ಅಡಿ ಎತ್ತರ ಮಲ್ಲೆಗ್ ಬುಳೆಪುನ ಮರ. ಸಂಸ್ಕೃತಡ್ ಬೀಜಕ, ಅಸನ ಪಂದ್ ಲೆತ್ತ್ಂಡ ತುಳುಟು ಬೇಂಗದ ಮರ ಪನ್ಪೆರ್. ದಂಡ್ ಕಪ್ಪಾದ್ ತೋಜಿಂಡಲಾ ಐತ ಕೆತ್ತೆನ್ ಕೆತ್ತ್ಂಡ ಕೆಂಪು ರಸ ಮಯಣದಲೆಕ ಬರ್ಪುಂಡು. ಇರೆಕುಲು ಸಮಾನಾಂತರ ಆದ್ ಬಳಪಂದೆ ಮಿತ್ತ್ ತಿರ್ತ್ ಪುಟ್ಟುಂಡು . ೫-೬ ಇಂಚ್ ಉದ್ದದ ಇರೆತ ಬರಿ ಓರೆಕೋರೆಯಾದ್ ತೋಜಿದ್‌ಬರ್ಪುಂಡು. ಮಂಜೊಲ್ ಬಣ್ಣದ ಗೊಂಚೆಲ್ದ ಲೆಕ ಮೂಡ್ದ್ ಬರ್ಪುನ ಪರಿಮಳದ ಪೂಕುಲು . ಒಂಜೆರ್ದ್ ಒಂಜರೆ ಇಂಚ್ ವ್ಯಾಸದ ಚಕ್ರದಾಕಾರದ ಫಲಕುಳು. ನಡುಟು ಉಬ್ಬುನ ಭಾಗಡ್ ೧-೨ ಗಟ್ಟಿ ಬೀಜೊಲು ಉಪ್ಪುಂಡು .^[೧]

ಕೆತ್ತೆನ್ ನೀರ್‌ಡ್ ಪಾಡ್ಂಡ ನೆತ್ತೆರ್ದ ಬಣ್ಣ ತೋಜಿದ್ ಬತ್ತ್ಂಡ ಬೇಂಗದ ತಿರ್ಲ್ ತೂಯೆರೆ ನಸು ಮಂಜೊಲ್ ಅತಂಡ ನಸು ಕೆಂಪು ನೀರ್ಡ್ ಪಾಡ್ಂಡ ನೀರ್ ಮಂಜೊಲ್ ಬಣ್ಣ ಆದ್ ಅಯಿರ್ದ್ ಬುಕ್ಕೊ ನೀಲಿ ಆಪುಂಡು. ನೆತ್ತ ಇರೆ, ಕೆತ್ತೆ, ಮಯಣ, ದಂಡ್ ಲಾ ಶುಗರ್, ಚರ್ಮರೋಗ, ಚರ್ಭಿ ಕರಯೆರೆ ಅತ್ತಂದೆ ನನಲಾ ಸುಮಾರ್ ತೊಂದರೆಲೆಗ್ ರೋಗಿಲೆಗ್ ಅಂಚನೆ ವ್ಯಾಧಿಗ್ಲೆಗ್ ಅನುಸಾರವಾದ್ ಪ್ರಯೋಗಿಸಾಬೆರ್.^[೨]

ಗಳಸುನ

ಬೇನೆ

ಎಲುತ, ಮಾಸದ ಕಲಾಯಿ ಬೇನೆ ಉಪ್ಪುನಗ ನೆತ್ತ ಇರೆನ್ ನಯವಾದ್ ಅರೆತ್ ದ್ ಚೂರು‌ ಬೆಚ್ಚ ಮಲ್ತ್ ದ್ ಬೇನೆ ಅಂತಾನೆ ಬಾಪು ಇತ್ತ್ ನಾಡೆಗ್ ಪೂಜಿಂಡ ಬೇನೆ ಕಮ್ಮಿ ಆಪುಂಡು.

ಚರ್ಮರೋಗ

ಮೇಲ್ಡ್ ಕಿರುಂಬುನ ಕಜ್ಜಿ, ಪುರಿ ಕಜ್ಜಿ ಫಂಗಲ್ ಕಾಯಿಲೆ ಚರ್ಮಡ್ ಪರಡ್ಂಡ ನೆತ್ತ ಇರೆನ್ ಅರೆತ್ ದ್ ೭-೧೪ ದಿನ ಪೂಜಿಂಡ ಕಮ್ಮಿ ಆಪುಂಡು. ಬೆಸರ್ಪು, ಕಿರುಂಬೊಂದಿತ್ತ್ಂಡ ೧೦ ಗ್ರಾಂ ದಂಡ್ ದ ದೊರಗಾಯಿನ ಪೊಡಿನ್ 400ml ನೀರ್ ಪಾಡ್ದ್ ಕೊದಿಪಾದ್ ಕಷಾಯ ಮಲ್ತ್ ದ್ 100 ml ದಾತ್ ಮಲ್ತ್ ದ್ ೨ ಸರ್ತಿ ಪರ್ಂಡ ಪುರಿ ಕಜ್ಜಿ ಕಡಿಮೆ ಆಪುಂಡು.

ಬೊಲ್ದುತೊನ್ನು

ಚರ್ಮಡ್ ಉಪ್ಪುನಕುಲು ನೆತ್ತ ದಂಡ್ ದ ಕಷಾಯನ್ ಪೇರ್ ಡ್ ತಯಾರಿಸಾದ್ ೫-೬ ತಿಂಗೊಲು ಪರೊಡು. ೨೮ ದಿನ ಬುಡಂದೆ ಪರ್ದ್ ೭ ದಿನ ಬುಡ್ದು ಪಿರಾ ೨೮ ದಿನ ಮುಂದುವರಿಸೊಡು.

ನೆತ್ತೆರ್ ಇಜ್ಜಂದಿನಕ್ಲೆಗ್

ನೆತ್ತ ಸಣ್ಣ ಪೊಡಿನ್ (೩-೪ ಗ್ರಾಂ) ನೀರ್ಡ್ ಅತಂಡ ತ್ರಿಫಲಾ(ಅಣಿಲೆ, ನೆಲ್ಲಿ, ಶಾಂತಿ) ಕಷಾಯದೊಟ್ಟಿಗೆ ೩೦ ದಿನ ಪರ್ಂಡ ನೆತ್ತೆರ್ ವೃದ್ಧಿ ಆಪುಂಡು

ಶುಗರ್

ಬೇಂಗ ಡಯಾಬಿಟೀಸ್‌ಗ್ ಜಾಸ್ತಿ ಉಪಯೋಗ ಮಲ್ಪುವೆರ್. ದಂಡ್ ದ ತಿರ್ಲ್ ದ ಕಷಾಯನ್ ದಿನಾಲ ಪರ್ಂಡ ಶುಗರ್ ( ಟೈಪ್-||) ವಂತೆ ಮಟ್ಟ್ ಗ್ ನಿಯಂತ್ರಣಗ್ ಬರ್ಪುಂಡು.

ಉಪಯೋಗ

ಮರನ್ ಮುಖ್ಯವಾದ್ ಕಟ್ಟಡ ನಿರ್ಮಾಣ ಉದ್ದೇಶ, ಕೃಷಿ ಉಪಕರಣಳು, ಮರತ ಸಂಕ ನೆಕ್ ಮಾತಾ ಗಳಸುವೆರ್. ಮರತ ತಿರ್ಲ್ ನ್ ಕಾಗಜಿದ ಉದ್ಯಮಡ್ ಬಳಸುವೆರ್ ಬುಕ್ಕೊ ಮರನ್ ಇಂಧನವಾದ್ ಬಳಸುವೆರ್. ದೈ ಮರ್ದ್ ದ ಉದ್ಯಮಡ್ ಬುಕ್ಕೊ ಬಣ್ಣ ಪಾಡುನೆ, ಚರ್ಮ ಹದ ಮಲ್ಪುನೆ, ಪ್ರಿಂಟ್ ಬುಕ್ಕೊ ಕಾಕಜಿದ ಉದ್ಯಮಡ್ ಬಳಸುನ ಗಮ್ 'ಕಿನೊ' ತಿಕ್ಕುಂಡು. ಕೆತ್ತೆ, ಪೂಕುಳು, ಮರ ಬುಕ್ಕೊ ಇರೆಕುಲು ಮರ್ದ್ದವು. ಇರೆಕ್ಲೆನ್ ತೋಟೊಗ್ಲೆಗ್ ಗೊಬ್ಬರವಾದ್ ಬಳಸುವೆರ್.