ಬೊಂಬಾಯಿಪುಳಿ

ವಿಕಿಪೀಡಿಯರ್ದ್
Jump to navigation Jump to search
ಬೊಂಬಾಯಿಪುಳಿ

ಬೊಂಬಾಯಿಪುಳಿ ಪಂಡ ಒಂಜಿ ತರಕಾರಿ ದೈ. ಕರ್ನಾಟಕ,ಆಂಧ್ರ, ಮಹಾರಾಷ್ಟ್ರ, ಮಧ್ಯಪ್ರದೇಶ ಬೊಕ್ಕ ಬಿಹಾರೋಡ್ದು ಪತ್ತಿನ ಹಿಮಾಲಯ ಮುಟ್ಟ ಉಂದು ಮಾತಾ ಭಾಗೊಡ್ಲಾ ಬುಲೆವುಂಡು. ಕರ್ನಾಟಕದ ಬೆಳಗಾವಿ, ಬಿಜಾಪುರ, ಧಾರವಾಡ ಬೊಕ್ಕ ಮೈಸೂರು ಜಿಲ್ಲೆಡ್ ನೆತ್ತ ಸಾಗುವಳಿ ಮಲ್ಪುವೆರ್. .

ಬೇತೆ ಪುದರ್[ಸಂಪೊಲಿಪುಲೆ]

ತುಳು ಪುದರ್ ಬೊಂಬಾಯಿ ಪುಳಿ. ಕನ್ನಡೊಡು ಪುಂಡಿ ಪಲ್ಲೆ, ಪುಂಡಿ ಸೊಪ್ಪು, ಪುಂಡಿ ಪಲ್ಯ, ಗೋಗು, ಪಿಂಡಿಸೊಪ್ಪು, ಪುಂಡಿ, ಪುಂತ್ರಿಕೆ ಪಂದ್ ಪನ್ಪೆರ್. ಇಂಗ್ಲಿಷ್ ಡ್ Roselle ಪಂದ್ ಪುದರ್. ತೆಲುಗುಡು Gongura Pappu ಪಂದ್ ಲೆಪ್ಪುವೆರ್.

ಉಪಯೋಗೋ[ಸಂಪೊಲಿಪುಲೆ]

ಬೊಂಬಾಯಿಪುಳಿ ದೈತ ಇರೆರ್ದ್ ಪತ್ತಿನ ಕಾಯಿ, ಕಾಂಡ, ಬೇರ್ ಮಾತೆತ್ತಲಾ ಉಪಯೋಗ ಮಲ್ಪುವೆರ್. ಈ ದೈಟ್ ಮಾತಾ ರೀತಿದ ಪೋಷಕಾಂಶಲು ಉಂಡು. ನೆತ್ತ ಇರೆ ಬೊಕ್ಕ ಕಾಯಿ ಪುಳಿಯಾದ್ ಉಪ್ಪುಂಡು. ನೆತ್ತ ಉಪ್ಪಡ್, ತಂಬುಳಿ, ಚಟ್ನಿ ಪೂರಾ ಮಲ್ಪುವೆರ್. ಉಂದು ಅಗ್ನಿ ಮಾಂದ್ಯನ್ ನಿವಾರಣೆ ಮಲ್ಪು೦ಡು. ತಿನ್ಪುನ ತೆನಸ್ ದ ರುಚಿ ಜಾಸ್ತಿ ಮಲ್ಪು೦ಡು ಬೊಕ್ಕ ತಿಂದಿನ ತೆನಸ್ ಜೀರ್ಣ ಆಯೆರೆ ಎಡ್ಡೆ ಆದುಂಡು. ಪಿತ್ತೊರ್ದು ಆಯಿನ ವಾಂಕತೇನ್ ಕಮ್ಮಿ ಮಲ್ಪು೦ಡು.ನೆತ್ತ ಸೊಪ್ಪು ಮಲಬದ್ಧತೆನ್ ಕಮ್ಮಿ ಮಲ್ಪು೦ಡು. ಇರೆತ್ತ ಕಷಾಯನ್ ತೆಮ್ಮೊಗು ಮರ್ದ್ ಆದ್ ಗಲಸುವೆರ್ . ಬೀಜನ್ ಅರೆತುದು ಗಾಯಗ್ ಲೇಪ ಪಾಡುವೆರ್. ಈ ದೈತ ನಾರ್ ನ್ ಬಲ್ಲ್ ,ಗೋಣಿ ಚೀಲೋಗ್ ಪೂರಾ ಗಲಸುವೆರ್. ಕಾಕಜಿ ಮಲ್ಪರೆಲಾ ನೇತ ನಾರ್ ಉಪಯೋಗ ಆಪುಂಡು.

ಉಲ್ಲೇಕೊ[ಸಂಪೊಲಿಪುಲೆ]