ಬ್ಯಾಂಕ್ ಆಫ್ ಮಹಾರಾಷ್ಟ್ರ
ಬ್ಯಾಂಕ್ ಆಫ್ ಮಹಾರಾಷ್ಟ್ರ ಭಾರತದ ಒಂಜಿ ಮಲ್ಲ ಸಾರ್ವಜನಿಕ ವಲಯದ ಬ್ಯಾಂಕ್ ಆದುಂಡು. ಇಂದೆತ ಮುಖ್ಯ ಕಛೇರಿ ಪುಣೆಡ್ ಉಂಡು. ಈ ಬ್ಯಾಂಕ್ ೧೯೩೫ನೇ ಇಸವಿಡ್ ಸ್ಥಾಪನೆ ಆಂಡ್ ಬೊಕ್ಕ ೧೯೬೯ನೇ ಇಸವಿಡ್ ಭಾರತ ಸರ್ಕಾರ ಇಂದೆನ್ ರಾಷ್ಟ್ರೀಕರಣ ಮಲ್ತ್ಂಡ್. ಜೂನ್ ೨೦೨೫ದ ಲೆಕ್ಕಾಚಾರದ ಪ್ರಕಾರ, ಈ ಬ್ಯಾಂಕ್‌ಗ್ ದೇಸೊರ್ಮೆ ಸುಮಾರ್ ೨,೬೪೧ ಶಾಖೆಲು ಉಲ್ಲ.[1]
ಮಾರುಕಟ್ಟೆ ಬಂಡವಾಳದ ಪ್ರಕಾರ, ಸಾರ್ವಜನಿಕ ವಲಯದ ಬ್ಯಾಂಕುಲೆಡ್ ಈ ಬ್ಯಾಂಕ್ ೮ನೇ ಸಾನೊಡು ಉಂಡು.
ಇತಿಹಾಸೊ
[ಸಂಪೊಲಿಪುಲೆ]೧೯೩೪ನೇ ಇಸವಿಡ್ ಪುಣೆಡ್ 'ಮರಾಠಾ ಚೇಂಬರ್ ಆಫ್ ಕಾಮರ್ಸ್' (MCC) ಸುರು ಆಂಡ್. ಅಯಿತ ಸ್ಥಾಪಕ ಕಾರ್ಯದರ್ಶಿ ಆಯಿನ ಶ್ರೀ ಎ.ಆರ್. ಭಟ್ ಬಾರೀ ದೂರದೃಷ್ಟಿ ಇತ್ತ್‌ನ ಮಾಮಲ್ಲ ನಾಯಕೆ ಆದಿತ್ತ್ಂಡ್.
ಮರಾಠಾ ಚೇಂಬರ್ ಆಫ್ ಕಾಮರ್ಸ್ ಸುರು ಆಯಿನ ಕೆಲವು ತಿಂಗೊಳುಡು ಲೋಕಮಾನ್ಯ ತಿಲಕೆರೆನ ನೆನಪುಡು ಬುಡುಗಡೆ ಆಯಿನ 'ಕೇಸರಿ' ಪತ್ರಿಕೆದ ವಿಶೇಷ ಸಂಚಿಕೆಡ್ ಆ ಪ್ರದೇಶೊಡು ಇಪ್ಪುನ ಬ್ಯಾಂಕಿಂಗ್ ಸೇವೆಲೆನ ಬಗ್ಗೆ ಒಂಜಿ ವರದಿನ್ ಪ್ರಕಟ ಮಲ್ಪೆರೆ ಶ್ರೀ ಭಟ್ ಸುರು ಮಲ್ತೇರ್. ಅರೆನ ದೋಸ್ತಿ ಬೊಕ್ಕ ಸಹಕಾರ ಚಳವಳಿದ ಮಲ್ಲ ಮೇಧಾವಿ ಆಯಿನ ಶ್ರೀ ವಿ. ಪಿ. ವರ್ದೆ ಅರೆನ ಕೈಡ್ದ್ "ಮಹಾರಾಷ್ಟ್ರಗ್ ಒಂಜಿ ಪ್ರತ್ಯೇಕ ಬ್ಯಾಂಕ್ ಬೋಡು" ಪನ್ಪಿನ ವಿಷಯದ ಬಗ್ಗೆ ಒಂಜಿ ಬರವು ಬರೆಪಾಯೆರ್. ಈ ಲೇಖನಗ್ ಸುರುಟು ಜನಡ್ದ್ ಅಂಚಿನ ಮಲ್ಲ ಪ್ರತಿಕ್ರಿಯೆ ಬತ್ತಿಜಿಂಡಲಾ, ಶ್ರೀ ಎ.ಆರ್. ಭಟ್ ವ್ಯಾಪಾರ ಬೊಕ್ಕ ಕೈಗಾರಿಕಾ ರಂಗದ ಮಲ್ಲ ಜನಕುಲೆನ ಒಟ್ಟುಗು ಈ ವಿಷಯದ ಬಗ್ಗೆ ಪಾತೆರೊಂದು ಇತ್ತ್ಂಡ್.
ಮಹರತ್ತಾ ಚೇಂಬರ್ ಬೊಕ್ಕ ಅಯಿತ ನಿರ್ದೇಶಕರು ಈ ವಿಷಯೊನು ಗಂಭೀರವಾದ್ ದೆತೊಂದು, ಫೆಬ್ರವರಿ ೧೯೩೫ಡ್ ಪುಣೆಡ್ ವ್ಯಾಪಾರ ಬೊಕ್ಕ ಕೈಗಾರಿಕಾ ಸಮ್ಮೇಳನಡ್ ಈ ಇಸಯ ಚರ್ಚೆಗ್ ಬತ್ತ್ಂಡ್. "ಮಹಾರಾಷ್ಟ್ರದ ವ್ಯಾಪಾರ ಬೊಕ್ಕ ಕೈಗಾರಿಕೆಲೆಗ್ ದುಡ್ಡುದ ಸೌಲಭ್ಯ ಕೊರಿಯೆರೆ ಒಂಜಿ ಜಾಯಿಂಟ್ ಸ್ಟಾಕ್ ಕಮರ್ಷಿಯಲ್ ಬ್ಯಾಂಕ್ (ವಾಣಿಜ್ಯ ಬ್ಯಾಂಕ್) ಸ್ಥಾಪನೆ ಮಲ್ಪುನು ಬಾರೀ ಅಗತ್ಯ ಉಂಡು. ಅಂಚಾದ್ ಮಹರತ್ತಾ ಚೇಂಬರ್ ಇಂದೆಕ್ ಬೋಡಾಯಿನ ಇಚಾರ ಮಲ್ತ್‌ದ್, ಬ್ಯಾಂಕ್ ಸುರು ಮಲ್ಪೆರೆ ಆವಶ್ಯಕ ಕ್ರಮ ದೆತೊನೊಡು. ಮಹಾರಾಷ್ಟ್ರದ ಮಾತಾ ವ್ಯಾಪಾರಸ್ಥರು ಈ ಪ್ರಯತ್ನೊಗು ಬೆರಿ ಸಹಾಯ ಕೊರೊಡು."
೨೦ನೇ ಶತಮಾನದ ಸುರುತ ದಶಕೊಡು ನಡತಿನ ಸ್ವದೇಶಿ ಚಳವಳಿ ಭಾರತದ ಜನಕುಲೆನ ಉಸ್ತುವಾರಿಡು ಮಹಾರಾಷ್ಟ್ರೊಡು ಮಸ್ತ್ ವಾಣಿಜ್ಯ ಬ್ಯಾಂಕುಲೆನ ಸ್ಥಾಪನೆಗ್ ಪ್ರೇರಣೆ ಕೊರ್ತುಂಡು. ಇಂದೆತ ಕೆಲಸೊಗಾದ್ MCC ಒಂಜಿ ಉಪ-ಸಮಿತಿನ್ ಉಂಡು ಮಲ್ತ್ಂಡ್. ಅಯಿಟು ಶ್ರೀ ವಿ.ಜಿ. ಕಾಳೆ, ಡಿ.ಕೆ. ಸಾಠೆ, ಎನ್.ಜಿ. ಪವಾರ್, ಜಿ.ಡಿ. ಆಪ್ಟೆ ಬೊಕ್ಕ ಎ.ಆರ್. ಭಟ್ ಇತ್ತೆರ್.
ಈ ಸಮಿತಿದ ಸುರುತ ಕೂಟ ೧೯ ಮೇ ೧೯೩೫ ದಾನಿ ನಡತಿನ ಬೊಕ್ಕೊಂಜಿ ಮಲ್ಲ ಕೂಟೊಡು ನಿರ್ಧಾರೊಲೆನ್ ದೆತೊಂಡೆರ್: ಪ್ರಸ್ತಾಪಿತ ಬ್ಯಾಂಕ್‌ದ ಬೋರ್ಡ್‌ಡ್ ಗರಿಷ್ಠ ೧೧ ನಿರ್ದೇಶಕರು ಇಪ್ಪೊಡು, ಒಂಜಿ ಶೇರ್‌ದ ಬಿಲೆ ೫೦ ರೂಪಾಯಿ ಆವೊಡು, ಬೊಕ್ಕ ನಿರ್ದೇಶಕ ಆಯೆರೆ ಕನಿಷ್ಠ ೫೦೦ ಶೇರುಲು ಇಪ್ಪೊಡು ಪಂದ್ ತೀರ್ಮಾನ ಮಲ್ತೇರ್.[2]
ಅಂಚ ತೀರ್ಮಾನ ಆಯಿಬೊಕ್ಕ ಬ್ಯಾಂಕ್ ಆಫ್ ಮಹಾರಾಷ್ಟ್ರ ೧೬ ಸೆಪ್ಟೆಂಬರ್ ೧೯೩೫ ದಾನಿ ಬೊಂಬಾಯಿ ಪ್ರೆಸಿಡೆನ್ಸಿದ ಪೂನಾಡ್ (ಇತ್ತೆದ ಪುಣೆ, ಮಹಾರಾಷ್ಟ್ರ) ಸ್ಥಾಪನೆ ಆಂಡ್. ಭಾರತೊಡು ಸಹಕಾರಿ ಚಳವಳಿ ನಡತೊಂದು ಇತ್ತ್‌ನ ಆ ಸಮಯೊಡು, ಎಲ್ಯ ವ್ಯಾಪಾರಸ್ಥರೆಗ್ ಬೊಕ್ಕ ಉದ್ಯಮಿಲೆಗ್ ಬೆರಿ ಸಹಾಯ ಕೊರಿಯೆರೆ ಬೋಡಾದ್ 'ಮಹರತ್ತಾ ಚೇಂಬರ್ ಆಫ್ ಕಾಮರ್ಸ್' ಉಸ್ತುವಾರಿಡು ಈ ಬ್ಯಾಂಕ್ ಸುರು ಆಂಡ್.[3][4] ಅಯಿಡ್ದ್ ಬೊಕ್ಕ, ೧೯೪೪ನೇ ಇಸವಿಡ್ ಈ ಬ್ಯಾಂಕ್ ಒಂಜಿ 'ಷೆಡ್ಯೂಲ್ಡ್ ಬ್ಯಾಂಕ್' ಆದ್ ನೋಂದಣಿ ಆಂಡ್. ೧೯೫೫ನೇ ಇಸವಿಡ್ 'ಬ್ಯಾಂಕಿಂಗ್ ಕಂಪೆನೀಸ್ ಆಕ್ಟ್' ಅಡಿಟ್ ಅಧಿಕೃತ ಬ್ಯಾಂಕಿಂಗ್ ಲೈಸೆನ್ಸ್ ದೆತೊಂಡು. ಈ ಬ್ಯಾಂಕ್, ೧೯೫೮ನೇ ಇಸವಿಡ್ ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್‌ಡ್ ದಾಖಲಾಂಡ್.[3]
ಸ್ವಾದೀನೊ
[ಸಂಪೊಲಿಪುಲೆ]೧೯೬೧ನೇ ಇಸವಿಡ್ ಬ್ಯಾಂಕ್ ಆಫ್ ಮಹಾರಾಷ್ಟ್ರ ರಾಜ್ಯದ ಮೂಜಿ ಎಲ್ಯ ಬ್ಯಾಂಕುಲೆನ್- ಮಾಲ್ವಣ್‌ಡು ಇತ್ತ್‌ನ 'ಬ್ಯಾಂಕ್ ಆಫ್ ಕೊಂಕಣ್', ನಾಗಪುರಡು ಇತ್ತ್‌ನ 'ಬ್ಯಾಂಕ್ ಆಫ್ ನಾಗಪುರ' ಬೊಕ್ಕ ಪೂನಾಡ್ (ಇತ್ತೆದ ಪುಣೆ) ಇತ್ತ್‌ನ 'ಭಾರತ್ ಇಂಡಸ್ಟ್ರಿಯಲ್ ಬ್ಯಾಂಕ್- ಸ್ವಾಧೀನ ಮಲ್ತೊಂಡ್.[5]
ಗ್ರಾಮೀಣ ಬ್ಯಾಂಕ್ ಸುರು ಮಲ್ತಿನಿ
[ಸಂಪೊಲಿಪುಲೆ]ಬ್ಯಾಂಕ್ ಆಫ್ ಮಹಾರಾಷ್ಟ್ರ, ಕೇಂದ್ರ ಬೊಕ್ಕ ರಾಜ್ಯ ಸರ್ಕಾರೊಲೆನ ಸೇರಿಕೆಡ್ ಮೂಜಿ ಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಲೆನ್ ಸುರು ಮಲ್ತ್ಂಡ್.[6] ಅವು ಒವ್ವು ಪಂಡ, ೧೯೭೬ಡ್ ನಾಂದೇಡ್‌ಡ್ ಸುರು ಆಯಿನ 'ಮರಾಠವಾಡ ಗ್ರಾಮೀಣ ಬ್ಯಾಂಕ್', ೧೯೮೧ಡ್ ಔರಂಗಾಬಾದ್‌ಡ್ ಸುರು ಆಯಿನ 'ಔರಂಗಾಬಾದ್-ಜಾಲ್ನಾ ಗ್ರಾಮೀಣ ಬ್ಯಾಂಕ್' ಬೊಕ್ಕ ೧೯೮೬ಡ್ ಥಾಣೆಡ್ ಸುರು ಆಯಿನ 'ಥಾಣೆ ಗ್ರಾಮೀಣ ಬ್ಯಾಂಕ್'. ೨೦೦೯ನೇ ಇಸವಿಡ್ ಈ ಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಲೆನ್ ಒಟ್ಟು ಸೇರಾದ್ 'ಮಹಾರಾಷ್ಟ್ರ ಗ್ರಾಮೀಣ ಬ್ಯಾಂಕ್' ಪನ್ಪಿನ ಪೊಸ ಬ್ಯಾಂಕ್‌ನ್ ಮಲ್ತೇರ್.[7]
ಅಯಿಡ್ದ್ ಬೊಕ್ಕ, ಭಾರತ ಸರ್ಕಾರದ "ಒಂಜಿ ರಾಜ್ಯ, ಒಂಜಿ ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್" (One State, One RRB) ನಿಯಮದ ಪ್ರಕಾರ, ಮೇ ೧, ೨೦೨೫ ದಾನಿ ಈ ಮಹಾರಾಷ್ಟ್ರ ಗ್ರಾಮೀಣ ಬ್ಯಾಂಕ್‌ನ್ 'ವಿದರ್ಭ ಕೊಂಕಣ್ ಗ್ರಾಮೀಣ ಬ್ಯಾಂಕ್'ದ ಒಟ್ಟುಗು ಸೇರಾದ್, ಇಡೀ ರಾಜ್ಯಗೇ ಒಂಜೇ ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್ ಆಪುಲೆಕ್ಕ ವಿಲೀನ ಮಲ್ತೇರ್.[8]
ಉಲ್ಲೇಕ
[ಸಂಪೊಲಿಪುಲೆ]- ↑ "Financial Results For Quarter Ended, 30th June 2025" (PDF). Bank of Maharashtra. Retrieved 15 August 2025.[permanent dead link]
- ↑ "bankofmaharashtra.bank.in". bankofmaharashtra.bank.in. BOM. Retrieved 10 July 2026.
- 1 2 "Bank of Maharashtra - History and Growth" (PDF). Shivaji University. Retrieved 15 August 2025.
- ↑ "Bank of Maharashtra: Rating reaffirmed; withdrawn for Rs. 600-crore Basel III tier II bonds". ICRA. Retrieved 15 August 2025.
- ↑ "Banks which have closed down or amalgamated or placed under liquidation during the period 1st March to 4th September 1961" (PDF). Rajya Sabha Debates. Retrieved 15 August 2025.[permanent dead link]
- ↑ Ray, Partha; Basu, Sankarshan (November 2022). "Bank of Maharashtra: An Indian Small Public Sector Bank Unshackling itself from the baggage of the Past" (PDF). National Institute of Bank Management. Retrieved 15 August 2025.
- ↑ "Bank of Maharashtra merges two RRBs". The Economic Times. 31 March 2008. Retrieved 15 August 2025.
- ↑ Livemint (8 April 2025). "'One state-one RRB' to be effective from May 1 after govt approves consolidation of 15 regional rural banks | Mint". mint.