ಬ್ರಾಹ್ಮೀ ಲಿಪಿ
| ಬ್ರಾಹ್ಮೀ ಲಿಪಿ | |
|---|---|
 
| |
| ಲಿಪಿ ಬಗೆ | |
ಕಾಲಾದಿ | ಕನಿಷ್ಠ ಕ್ರಿ.ಪೂ. 3ನೆ ಶತಮಾನೊಡ್ದ್[೧] ಕ್ರಿ.ಶ.5 ನೆ ಶತಮಾನೊ ಮುಟ್ಟ |
| ದಿಕ್ಕ್ | left-to-right  |
| ಬಾಸೆಲು | ಸಂಸ್ಕೃತ, ಪಾಲಿ, ಪ್ರಾಕೃತ, ಸಾಕ, ಪಿರಾಕ್ದ ಉಯಿಘರ್, ತಮಿಳು, Tocharian, ಎಲು |
| ಸಮ್ಮಂದೊದ ಲಿಪಿಲು | |
ಪೇರೆಂಟ್ ಸಿಸ್ಟಮ್ಸ್ | |
ಬಾಲ್ಯೊ ವ್ಯವಸ್ತೆಲು | ಟೆಂಪ್ಲೇಟ್:Clist |
ಸೋದರಿ ವ್ಯವಸ್ತೆಲು | ಖರೋಸ್ಟಿ |
| ಯೂನಿಕೋಡ್ | |
| U+11000–U+1107F | |
ಬ್ರಾಹ್ಮೀ ಲಿಪಿ ಭಾರತೀಯ ಬಾಸೆಲೆಗ್ ಮೂಲ ಲಿಪಿಲೆಡ್ ಒಂಜಿ. ಬ್ರಾಹ್ಮೀಲಿಪಿ ದಿಂಜ ಪಿರಾಕ್ದ ಲಿಪಿ. ಉಂದು ಏಷ್ಯಾದ ಮಸ್ತ್ ಲಿಪಿಲೆನ ಬುಲೆಚಿಲ್ಗ್ ಕಾರಣ ಆಂಡ್.[೫] ದೇವನಗರಿ ಬುಕ್ಕೊ ಬೇತೆ ದಕ್ಷಿಣ ಏಷ್ಯಾ, ಆಗ್ನೇಯ ಏಷ್ಯಾ, ಟಿಬೆಟಿಯನ್, ಬುಕ್ಕೊ ಕೆಲವು ಜನಕುಲೆನ ಪ್ರಕಾರ ಕೊರಿಯನ್ ಲಿಪಿಲೆನ ಬುಲೆಚಿಲ್ಗ್ ಉಂದು ಮೂಲ. [೬] [೭]
ಬ್ರಾಹ್ಮೀಲಿಪಿ ಕ್ರಿ.ಪೂ ನಾಲ್ನೇ ಶತಮಾನೊಡು ಇತ್ತ್ಂಡ್. ಭಾರತೊಡು ಇಪ್ಪುನ ಮಾತಾ ಬಾಸೆಲೆನ್ ಇತ್ತೆ ಬ್ರಾಹ್ಮೀ ಬಾಸೆಡ್ ಬರೆವೊಂದುಲ್ಲೆರ್. ಕ್ರಿ.ಪೂ.ಡ್ ಪಾಣಿನಿ ರಚನೆ ಮಲ್ತ್ನ ಅಷ್ಟಾಧ್ಯಾಯಿ ಪನ್ಪುನ ಸಂಸ್ಕೃತ ವ್ಯಾಕರಣೊದ ನಿಯಮೊಲೆನ್ ಪಾಲನೆ ಮಲ್ತ್ದ್ 4ನೇ ಶತಮಾನೊಡು ಕನ್ನಡ ಲಿಪಿನ್ ಬ್ರಾಹ್ಮೀಲಿಪಿಡ್ ಬರೆಯೆರ್ ಪನ್ಪುನ ಚರ್ಚೆಲು ಉಂಡು. ಮೌರ್ಯ ಸಾಮ್ರಾಜ್ಯೊದ ಚಕ್ರವರ್ತಿ ಅಶೋಕೆರೆನ ಮಾತಾ ಶಾಸನೊಲು ಬ್ರಾಹ್ಮೀಲಿಪಿಡ್ ಬರೆತಿನವು.
"ಸುರುತ ತೀರ್ಥಂಕರ ವೃಷಭದೇವೆರ್ ಮಗಲ್ ಬ್ರಾಹ್ಮೀ ಸುಂದರಿಗ್ ಕನ್ನಡ ವರ್ಣಮಾಲೆನ್ ವಿವರಿಸದ್ ಕೊರ್ತಿನೆಡ್ದಾವರ ಈ ವರ್ಣಮಾಲೆನ್ 'ಬ್ರಾಹ್ಮೀ ಲಿಪಿ' ಪಂಡ್ದ್ ಲೆಪ್ಪುವೆರ್ ಬೊಕ್ಕ ಆ ವರ್ಣಮಾಲೆನ್ 'ಸುಂದರಿ ಲಿಪಿ' ಪಂದ್ ಲೆಪ್ಪುವೆರ್." ಸಿರಿ ಭೋಜ್ವಾಯೆ ಈ ವಿಚಾರೊನು ಬಾರೀ ಸ್ಪಷ್ಟವಾದ್ ತೆರಿಪಾದ್ಂಡ್.
ಬ್ರಾಹ್ಮೀಲಿಪಿತ ಮೂಲೊ
[ಸಂಪೊಲಿಪುಲೆ]ಅಯಿತ ಮೂಲದ ಬಗ್ಗೆ ವಿದ್ವಾಂಸೆರೆನ ಬಿನ್ನಾಬಿಪ್ರಾಯೊಲು ಉಂಡು. ಇಂದೆನ್ ಮುಕ್ಯವಾದ್ ರಡ್ಡ್ ಇಬಾಗೊಗು ಮಲ್ಪೊಲಿ.
- ಬ್ರಾಹ್ಮೀಲಿಪಿತ ಪುಟ್ಟುಗು ಪಿದಯಿ ದೇಸೊದ ಲಿಪಿಕ್ಲೇ ಆದಾರೊ. ಈ ಲಿಪಿ ಬುಕ್ಕೊಂಜಿ ದೇಶಡ್ ಉದ್ಭವ ಆದ್, ಭಾರತೊಗು ವಲಸೆ ಬತ್ತ್ನಕ್ಲೆಡ್ದ್ ಬತ್ತ್ದ್, ಬುಕ್ಕೊ ಮುಲ್ಪ ಬುಳೆಚಿಲ್ ಪಡೆವೊಂಡ್ ಪಂಡ್ದ್ ವಿದ್ವಾಂಸೆರೆನ ಅಬಿಪ್ರಾಯೊ. ಅಕ್ಲೆಡ್ ಜೇಮ್ಸ್ ಪ್ರಿನ್ಸೆಪ್ ಪನ್ಪಿನಾಯೆ ಬ್ರಾಹ್ಮೀ ಲಿಪಿತ ಬಗ್ಗೆ ೧೯ನೇ ಶತಮಾನದ ಸುರೂಟೆ ಅದ್ಯಯನ ಮಲ್ತ್ದ್, ಉಂದು ಗ್ರೀಕ್ ಲಿಪಿಡ್ದ್ ಬುಳೆಯಿನ ಪನ್ಪುನ ತೀರ್ಮಾನೊಗು ಬತ್ತೆ. ಹೆಲೆವಿ ಪನ್ಪಿನಾಯೆ ಉಂದು ಖರೋಷ್ಠಿ, ಅರಮೇಯಿಕ್ ಬುಕ್ಕೊ ಗ್ರೀಕ್ ಲಿಪಿಕ್ಲೆನ ಮಿಶ್ರನೊ. ಇಂದೆತ ಪುಟ್ಟು ಕ್ರಿ. ಪೂ. ನಾಲನೇ ಶತಮಾನಡ್ ಆಂಡ್ ಪನ್ತೆರ್. ಟೆರೆನ್ ಡೆ ಲಾ ಕೊಪಿರೆ ಪನ್ಪಿನಾಯೆ ಉಂದು ಚೀನಾದ ಚಿತ್ರಲಿಪಿಡ್ದ್ (ಪಿಕ್ಟೋಗ್ರಾಫ್) ಬುಲೆಯಿನ ಪಂಡ್ದ್ ವಾದ ಮಲ್ಪುವೆ. ಬ್ರಾಹ್ಮೀಲಿಪಿ ದಕ್ಷಿಣ ಸಿಮಿಟಕ್ ಲಿಪಿಡ್ದ್ ಬತ್ತ್ನೆ ಪಂಡ್ದ್ ನಿರ್ಣಯೊ ಮಲ್ತ್ನ ವಿದ್ವಾಂಸೆರೆಡ್ ಡಿ.ಕೆ ಬೊಕ್ಕ ಕ್ಯಾನನ್ ಐಸಾಕ್ ಟೈಲರ್ ಪ್ರಮುಕೆರ್.. ಬ್ಯೂಲರ್, ವೆಬರ್, ಬೆನ್ಛೇ, ಜೆನ್ಸನ್ ಮುಕುಲು ಬ್ರಾಹ್ಮೀಲಿಪಿಗ್ ಫಿನೀಷಿಯನ್ ಲಿಪಿಗ್ ಮಸ್ತ್ ಹೋಲಿಕೆ ಇತ್ತಿನೆಡ್ದ್ ಫಿನೀಷಿಯನ್ ಲಿಪಿಯೇ ಇಂದೆತ ಪುಟ್ಟುಗು ಕಾರಣೊಂದ್ ವಾದೊ ಮಲ್ತ್ದೆರ್.
- ಬ್ರಾಹ್ಮೀಲಿಪಿ ಭಾರತೊದ ಸ್ವತಂತ್ರೊ ಲಿಪಿ. ಉಂದು ಮೂಲತಃ ಭಾರತೊದ ಲಿಪಿಂದ್ ಪನ್ಪುನ ವಿದ್ವಾಂಸೆರೆಡ್ ರಡ್ಡ್ ಗುಂಪುಲು ಉಲ್ಲೊ ೧. ಆರ್ಯರ್ ಸುರು ಮಲ್ತ್ನೆ ಪನ್ಪುನಕುಲು ೨. ಮೂಲ ದ್ರಾವಿಡ ಲಿಪಿಂದ್ ವಾದ ಮಲ್ಪುನಕುಲು. ಅಲೆಕ್ಸಾಂಡರ್, ಕನ್ನಿಂಗ್ಹ್ಯಾಮ್, ಲಸ್ಸೆನ್ ಮೆಕ್ಲ್ ವೈದಿಕ ಕಾಲೊದ ಜನಕ್ಲೆಡ್ದ್ ಅತ್ತಂದೆ ಆರ್ಯರೆಡ್ದ್ ಚಿತ್ರಲಿಪಿತ ಆದಾರೊದ ಮಿತ್ತ್ ರಚನೆ ಆಂಡ್ಂದ್ ಅಬಿಪ್ರಾಯೊ ಪಡೆತೆರ್. ಉದಾರ್ಮೆಗ್ ರ-ರಜ್ಜು (ಬಳ್ಳ್). ಮ-ಮುಖ(ಮೋರೆ), ನ-ನಾಸ (ಮೂಂಕು) ಶ-ಶ್ರವಣ (ಕೆಬಿ/ಕಿವಿ) ಇಂಚ.
ಲಿಪಿತ ಮೂಲ |
[ಸಂಪೊಲಿಪುಲೆ]ಎಡ್ವರ್ಡ್ ಥಾಮಸ್ ಬುಕ್ಕೊ ಟಿ.ಎನ್. ಈ ಲಿಪಿ ದ್ರಾವಿಡ ಮೂಲದಂದ್ ಸುಬ್ರಮಣ್ಯೆರ್ ಪನ್ಪೆರ್. ಆರ್ಯೆರ್ ಬರ್ಪಿನೆಗ್ ದುಂಬೇ ದ್ರಾವಿಡೆರ್ ಭಾರತೊಡು ನಿಲೆ ಆದಿತ್ತಿನಕ್ಲೆನ್ ಮಸ್ತ್ ವಿದ್ವಾಂಸೆರ್ ಒಪ್ಪೊನುವೆರ್. ಆರ್ಯ ಸಂಸ್ಕೃತಿದ ಮಿತ್ತ್ ದ್ರಾವಿಡೆರ್ನ ಬಾರೀ ಪ್ರಬಾವೊ ಇತ್ತಿನೆರ್ದಾತ್ರೊ ಬ್ರಾಹ್ಮೀಲಿಪಿ ಉದಿಪನೊಗು ದ್ರಾವಿಡೆರ್ ಕಾರಣೆರ್, ಈ ದ್ರಾವಿಡ ಲಿಪಿನ್ ಆರ್ಯೆರ್ ಬುಲೆಪಾಯೆರ್ಂದ್ ಕೆಲವು ವಿದ್ವಾಂಸೆರ್ ಊಹೆ ಮಲ್ತ್ದೆರ್.
ಈ ಲಿಪಿ ಬ್ರಹ್ಮಡ್ದ್ ರಚನೆ ಆಂಡ್ ಪನ್ಪುನವು ಸಾಂಪ್ರದಾಯಿಕ ವಾದೊ. ಬ್ರಹ್ಮವಿದ್ಯೆನ್ ಕಲ್ಪುನೆಕ್ಕಾದ್ ಉದ್ಭವೊ ಆಯಿನ ಈ ಲಿಪಿಗ್ ಬ್ರಾಹ್ಮೀ ಪಂದ್ ಪುದರ್ ಬತ್ತ್ದ್ಂಡ್ ಪನ್ಪುನ ಸಾಂಪ್ರದಾಯಿಕ ಅಬಿಪ್ರಾಯೊನ್ ಕೆಲವೆರ್ ಒಪ್ಪುವೆರ್. ಉಂದೆತ ಉದ್ಭವ ಭಾರತೊಡೇ ಆಂಡ್ಂದ್ ಪನ್ಪುನೆಗ್ ವಿದ್ವಾಂಸೆರೆಗ್ ಸಿಂಧೂಲಿಪಿ ಮಸ್ತ್ ಸಹಕಾರಿ ಆತ್ಂಡ್. ಸಿಂಧೂ ನಾಗರಿಕತೆಡ್ ಲಿಪಿತ ಬಳಕೆ ಇತ್ತ್ಂಡ್ ಪನ್ಪುನ ವಿಚಾರೊ ೧೯೨೩ಡ್ ನಡತ್ನ ಸಿಂಧೂ ನಾಗರಿಕತೆದ ಶೋದನೆದ ಬುಕ್ಕೊ (ಕ್ರಿ.ಪೂ. ೨೫೦೦-೧೮೦೦) ತೆರಿದ್ ಬರ್ಪುಂಡು. ಸಿಂಧೂ ಲಿಪಿತ ಸಂಪೂರ್ಣ ಅದ್ಯಯನೊ ನಾನಲ ಆವೊಡಾಯಿನೆಡ್ದ್ ಅವು ಬ್ರಾಹ್ಮೀಲಿಪಿತ ಪೂರ್ವರೂಪಂದ್ ಪನ್ಪುನೆ ಸರಿ ಅತ್ತ್. ಕೆಲವೆರ್ ವಿದ್ವಾಂಸೆರ್ ಉಂದು ಸಾಮ್ರಾಟ್ ಅಶೋಕನ ಕಾಲಡ್ದ್ ದುಂಬೇ ಬಳಕೆಡ್ ಇತ್ತ್ದ್ಂಡ್ ಪನ್ಪೆರ್. ಕೆಲವೆರ್ ಉಂದು ಅಶೋಕನ ಕಾಲಡ್ ಸಂಸ್ಕೃತ ಗೊತ್ತಿತ್ತ್ನ ಪಂಡಿತರೆಡ್ದ್ ರಚನೆ ಆಂಡ್ಂದ್ ಪನ್ಪೆರ್. ಬ್ರಾಹ್ಮೀಲಿಪಿ ಅಶೋಕನ ಕಾಲಡ್ ಪುಟ್ಟುಂಡ್ ಪನ್ಪುನೆಗ್ ಎಸ್. ಶಂಕರ ನಾರಾಯಣನ್ ನಾಲ್ ಕಾರಣೊಲೆನ್ ಕೊರ್ಪೆರ್. ೧. ಅಶೋಕಡ್ದ್ ದುಂಬು ಬರೆತಿನಂಚಿನ ಲಿಖಿತ ಆದಾರೊಲು ತಿಕ್ಕಂದೆ ಇಪ್ಪುನೆ (ಸಿಂಧೂ ನಾಗರಿಕತೆದ ಲಿಪಿನ್ ಬುಡ್ತ್). ೨. ಮೆಗಾಸ್ತನೀಸ್ ಚಂದ್ರಗುಪ್ತ ಮೌರ್ಯನ ಕಾಲೊಡ್ ಭಾರತೊಗು ಬನ್ನಾಗ ಭಾರತೊಡ್ ಬರೆಪುನೆ ಗೊತ್ತಿಜ್ಜಂಡ್ಂದ್ ಹೇಳಿಕೆ ಕೊರ್ತಿನವು. ೩. ಬೌದ್ಧ ಬಿಕ್ಕುಲೆಗ್ (ಅಶೋಕಡ್ದ್ ದುಂಬು) ಬುದ್ಧನ ಉಪದೇಸೊಲೆನ್ ಬಾಯಿ ಪಾತೆರೊಡೇ (ಮೌಕಿಕವಾದ್) ಉಪದೇಶ ಮಲ್ತೊಂದಿತ್ತಿನವು. ೪. ಅಶೋಕನ ಬ್ರಾಹ್ಮೀಡ್ ಹೆಚ್ನದ ಪ್ರಾದೇಶಿಕ ವ್ಯತ್ಯಾಸೊಲು (ಪ್ರಾಂತೀಯ ಬೇದೊಲು) ಇದ್ಯಾಂದೆ ಇಪ್ಪುನೆ.
ಬ್ರಾಹ್ಮೀಲಿಪಿ ಕ್ರಿ.ಪೂ. ಮೂಜಿನೆ ಶತಮಾನೊದ ಸುರುತ ಬಾಗೊಡು ರಚನೆ ಆಂಡ್ಂದ್ ಎಸ್.ಆರ್. ಗೋಯಲ್ ಪನ್ಪೆರ್. ಡಿ.ಸಿ. ಸರ್ಕಾರ್, ಟಿ., ಈ ಅಬಿಪ್ರಾಯೊಗು ಒಪ್ಪಿಗೆ ಕೊರ್ಪೆರ್. ಬ್ರಾಹ್ಮೀಲಿಪಿ ಅಶೋಕನ ಕಾಲೊಡು ಆವಿಸ್ಕಾರೊ ಆಯಿಜಿಂದ್ ಪಿ.ವರ್ಮೆರ್ ಪನ್ಪೆರ್. ಅಶೋಕೆರ್ ಈ ಲಿಪಿನ್ ಬುಕ್ಕೊ ಪಾಲಿ ಬಾಸೆನ್ ಗಳಸೊಂದು ಬೌದ್ಧ ದರ್ಮನ್ ಪ್ರಚಾರ ಮಲ್ತೆರ್ ಪನ್ಪುನವು ತೆರಿಯುಂಡು.
ಈ ಮಾತಾ ಅಬಿಪ್ರಾಯೊಲೆಡ್ದ್ ಅಶೋಕನ ಕಾಲೊಡು ಬ್ರಾಹ್ಮೀ ಪುಟ್ಟುದು ಬತ್ತ್ನವು ಅತ್ತ್ಂಡ ಅಶೋಕಡ್ದ್ ದುಂಬೇ ಇತ್ತ್ನ ಲಿಪಿನ್ ಬುಲೆಪಾಯೆರ್ ಪನ್ಪುನೆನ್ ನಿಗಂಟಾದ್ ಪನ್ಯರ ಸಾದ್ಯೊ ಇದ್ದಿ, ಆಂಡ ಅಯಿತ ಬುಲೆಚಿಲ್ಗ್ ಅಶೋಕೆನೆ ಕಾರಣೊಂದ್ ಪನೊಲಿ.
ಅಶೋಕನ ಬ್ರಾಹ್ಮೀಲಿಪಿ ದಕ್ಷಿಣ ಭಾರತೊದ ಸರಳ ಬುಕ್ಕೊ ಪೊರ್ಲುದ ಲಿಪಿ. ಇಂದೆಟ್ ಜಾಸ್ತಿ ಲಂಬ ರೇಕೆಲು ಉಂಡು. ಶತಮಾನೊಲು ಕರಿನಂಚನೆ ಬ್ರಾಹ್ಮೀಲಿಪಿ ವಿಕಸನೊ ಆದ್ ಕುಷಣ, ಕ್ಷತ್ರಪ, ಶತವಾಹನ, ಗುಪ್ತ ವಂಸೊಲೆನ ಆಳ್ವಿಕೆದ ಕಾಲೊಡು ಮಸ್ತ್ ರೂಪೊನ್ ಪಡೆಯಿನವು.
ಬ್ರಾಹ್ಮೀ ಲಿಪಿ
[ಸಂಪೊಲಿಪುಲೆ]| ಕ್ರ.ಸಂ. | ಧ್ವನಿ(Approx.Phoen.sound) | ಬ್ರಾಹ್ಮಿ(Direct Brahmi(IAST value)) | ಬದಲಾವಣೆ(Secondarily Derived Brahmi) |
|---|---|---|---|
| 1 | ʾ [ʔ], M.L. |  (a) |
ಅ |
| 2 | b [b] |  (ba) |
ಬ - (bha) |
| 3 | g [ɡ] |  (ga) |
ಗ, (ಘ)- Bhattiprolu gh |
| 4 | d [d] |  (dha) |
ಧ - (da), (ḍa), (ḍha) |
| 5 | h [h], M.L. |  (ha) |
ಹ |
| 6 | w [w], M.L. |  (va |
ವ (u), (o)) |
| 7 | z [z] |  (ja) |
ಜ,ಝ- (jha) |
| 8 | ḥ [ħ] |  (gha) |
ಘ |
| 9 | ṭ [tˤ] |  (tha) |
ಥ (ṭa), (ṭha) |
| 10 | y [j], M.L. |  (ya) |
ಯ |
| 11 | k [k] |  (ka |
ಕ |
| 12 | l [l] |  (la) |
ಲ, Bhattiprolu ḷ |
| 13 | m [m] |  (ma) |
ಮ, (ಂ) anusvara |
| 14 | n [n] |  (na) |
ನ, (ṇa) |
| 15 | s [s] |  (ṣa) |
ಸ, (sa) |
| 16 | ʿ [ʕ], M.L. |  (e) |
ಏ, ಐ (i), (ai) |
| 17 | p [p] |  (pa) |
ಪ, (pha) |
| 18 | ṣ [sˤ] |  (ca) |
ಚ, (cha) |
| 19 | q [q] |  (kha)1 |
ಖ, |
| 20 | r [r] |  (ra) |
ರ |
| 21 | š [ʃ] |  (śa) |
ಶ (ಷ) |
| 22 | t [t] |  (ta) |
ತ |
ತೂಲೆ
[ಸಂಪೊಲಿಪುಲೆ]ಪಿದಯಿದ ಕೊಂಡಿಲು
[ಸಂಪೊಲಿಪುಲೆ]- ಪ್ರಾಕೃತ, ಸಂಸ್ಕೃತ, ಕನ್ನಡ: ಪಿರಾಕ್ ದ ಭಾಷಾ ಸಂಬಂಧೊಲು: ಭಾಷೆಲೆನ ವಂಶಾವಳಿ ಬೊಕ್ಕ ಸಾಹಿತ್ಯ ಸಮಾಜ. ಶೆಟ್ಟರ್;5 ಫೆಬ್ರವರಿ, 2017 ಡ್ Archived
- ಸುರುತ ಭಾರತೀಯ ಲಿಪಿಲೆನ ಮೂಲದ ಬಗ್ಗೆ: ವಾಷಿಂಗ್ಟನ್ ವಿಶ್ವವಿದ್ಯಾಲಯದ ರಿಚರ್ಡ್ ಸಲೋಮನ್ ನ ಒಂಜಿ ವಿಮರ್ಶೆ ಲೇಖನ ( archive.org ಮೂಲಕ)
- ಭಾರತೀಯ ವಿಜ್ಞಾನ ಸಂಸ್ಥೆಯ ಬ್ರಾಹ್ಮೀ ಯೋಜನೆ
- ಪ್ರಾಚೀನ ಲಿಪಿಗಳು – ಬ್ರಾಹ್ಮೀ
- ಬ್ರಾಹ್ಮೀ ಲಿಪಿತ ಬೌದ್ಧ ಗ್ರಂಥ
- ವಿಂಡೋಸ್ ಇಂಡಿಕ್ ಸ್ಕ್ರಿಪ್ಟ್ ಸಪೋರ್ಟ್ ಡ್ Archived
ಉಲ್ಲೇಕೊ
[ಸಂಪೊಲಿಪುಲೆ]- ↑ Salomon 1998, pp. 11–13.
- ↑ Salomon 1996, p. 378.
- ↑ Damodaram Pillai, Karan (2023). "The Hybrid Origin of Brāhmī Script from Aramaic, Phoenician and Greek Letters". Indialogs. 10: 93–122. doi:10.5565/rev/indialogs.213.
The origins of Brāhmī script have been mired in controversy for over a century... Aramaic has remained the leading candidate for the source of Brāhmī
- ↑ Coningham, Robin; Allchin, Frank Raymond; Batt, Catherine M.; Lucy, Dramani (1996). "Passage to India? Anuradhapura and the Early Use of the Brahmi Script". Cambridge Archaeological Journal. 6 (1): 73–97. doi:10.1017/S0959774300001608.
- ↑ Salomon 1998, p. 17. "Until the late nineteenth century, the script of the Aśokan (non-Kharosthi) inscriptions and its immediate derivatives was referred to by various names such as 'lath' or 'Lat', 'Southern Aśokan', 'Indian Pali', 'Mauryan', and so on. The application to it of the name Brahmi [sc. lipi], which stands at the head of the Buddhist and Jaina script lists, was first suggested by T[errien] de Lacouperie, who noted that in the Chinese Buddhist encyclopedia Fa yiian chu lin the scripts whose names corresponded to the Brahmi and Kharosthi of the Lalitavistara are described as written from left to right and from right to left, respectively. He therefore suggested that the name Brahmi should refer to the left-to-right 'Indo-Pali' script of the Aśokan pillar inscriptions, and Kharosthi to the right-to-left 'Bactro-Pali' script of the rock inscriptions from the northwest."
- ↑ Salomon 1998, p. 17. "... the Brahmi script appeared in the third century BCE as a fully developed pan-Indian national script (sometimes used as a second script even within the proper territory of Kharosthi in the north-west) and continued to play this role throughout history, becoming the parent of all of the modern Indic scripts both within India and beyond. Thus, with the exceptions of the Indus script in the protohistoric period, of Kharosthi in the northwest in the ancient period, and of the Perso–Arabic and European scripts in the medieval and modern periods, respectively, the history of writing in India is virtually synonymous with the history of the Brahmi script and its derivatives."
- ↑ "Brahmi". Encyclopedia Britannica. 1999. Archived from the original on 2020-07-19. Retrieved 2017-03-21.
Among the many descendants of Brāhmī are Devanāgarī (used for Sanskrit, Hindi and other Indian languages), the Bengali and Gujarati scripts and those of the Dravidian languages