ಬ್ರೆಡ್ ಕಟ್ಲೆಟ್
 ಬ್ರೆಡ್ ಕಟ್ಲೆಟ್ | |
| ಬೇತೆ ಪುದರ್ | ಬ್ರೆಡ್ ಕಟ್ಲೆಟ್ |
|---|---|
| ಬಗೆ | ತಿಂಡಿ |
| ಮೂಲದ ಜಾಗೆ | ಭಾರತ |
| ಪ್ರದೇಸೊ | ಕುಡ್ಲ,ಉಡುಪಿ |
| ಬೊಡಾಯಿನ ಸಾಮಾನ್ | ಬಟಾಟೆ,ಬ್ರೆಡ್ |
ಬ್ರೆಡ್ ಕಟ್ಲೆಟ್, ಉಂದು ಬ್ರೆಡ್ ಬುಕ್ಕ ಬಟಾಟೆನ್ ಗಲಸ್ ದ್ ಮಲ್ಪಿನ ಒಂಜಿ ಬಗೆತ್ತ ತಿಂಡಿ. ಬಟಾಟೆನ್ ಬಾಜಿ ಲೆಕ ಮಲ್ತ್‍ದ್ ಅವೆನ್ ಬ್ರೆಡ್ ದುಲಾಯಿ ಗಿಂಜಾದ್ ತ್ರಿಬುಜ ಆಕಾರೊಡು ಬ್ರೆಡ್ ನ್ ತುಂಡು ಮಲ್ತ್‍ದ್ ಕಡ್ಲೆಹಿಟ್ಟ್ ಡ್ ಮುರ್ಕಾದ್ ಎಣ್ಣೆಡ್ ಕೈತ್ ದ್ ಮಲ್ಪುವೆರ್. ಅವತ್ತಂದೇ ಎಣ್ಣೆಡ್ ಕೈತಿನ ತಿಂಡಿ ಬೆಚ್ಚ ಬೆಚ್ಚ ಚಾ-ಕಾಪಿ ದೊಟ್ಟುಗು ತಿನರೆ ಬಾರೀ ರುಚಿ. ತುಳುನಾಡ್ಡ್ ಸಾಮಾನ್ಯವಾದ್ ಉಮದು ಮಾಂತ ಹೊಟೇಲ್ ಡ್ಲಾ ತಿನರೆ ತಿಕ್ಕುಂಡು.[೧]
ಮಲ್ಪರೆ ಬೋಡಾಯ್ನ ಸಾಮಾನುಲು
[ಸಂಪೊಲಿಪುಲೆ]- ಬ್ರೆಡ್ - ಒಂಜಿ ತೊಟ್ಟೆ.
- ಬಟಾಟೆ - ನಾಲಾಯ್ನ್.
- ಕಡ್ಲೆಹಿಟ್ಟ್ - ೨ ಕಪ್.
- ಕಾಯ್ಮುಂಚಿ - ನಾಲೈನ್ ಸನ್ನ ಮೂರ್ದಿನ.
- ಶುಂಠಿ - ಎಲ್ಯ ತುಂಡು.
- ಬೆಳ್ಳುಳ್ಳಿ - ನಾಲ್ ಐನ್ ಅರಿ.
- ಓಮ - ಅರ್ದ ಚಮ್ಚ.
- ಅಟಿಲ್‍ಗ್ ಗಲಸುನ ಎಣ್ಣೆ (ನೀತುಳ್ಳಿ ಬಜೆ ಕಯ್ಪರೆ ಬೊಡಾಯ್ನಾತ್).
ಮಲ್ಪುನ ವಿದಾನೊ
[ಸಂಪೊಲಿಪುಲೆ]
ಸುರುಕಾದ್ ಬೈಪಾದಿನಲ್ ಬಟಾಟೆ, ಮುಂಚಿ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಸನ್ನ ಮುರ್ದಿನ ಮುಂಚಿ ಬುಕ್ಕ ರುಚಿಗ್ ಬೋಡಾಯ್ನಾತ್ ಉಪ್ಪು ಈತೆನ್ ಒಟ್ಟಿಗೆ ಪುರುಂಚೊಡು. ಉಂದು ಬ್ರೆಡ್ದ ನಡುಕು ದೀವರೆ ಮಲ್ಪಿನ. ಒಂಜಿ ಬಾಜನೊಡು ಕಡ್ಲೆ ಹಿಟ್ಟ್ ನ್ ಸಾರ್ದ್(ಗಂಟ್ ಬರ್ರೆ ಬಲ್ಲಿ ಪಂದ್ ಸಾರುನ) ಅವೆಕ್ಕ್ ರುಚಿಗ್ ಬೋಡಾಯ್ನಾತ್ ಉಪ್ಪು ಪಾರ್ದ್ ನೀರ್ ಪಾರ್ದ್ ದೋಸೆದ ಬಂದೊದ ಹದೊಕ್ಕ್ ಕಲಪ್ಪೊಡು. ಒಂಜಿ ಬ್ರೆಡ್ ಗೆತೊಂದ್ ಅವೆಕ್ಕ್ ಬಟಾಟೆದ ಮಿಶ್ರಣ ದೀದ್ ಅವೆತ್ತ ಮಿತ್ತ್ ಕುಡೊಂಜಿ ಬ್ರೆಡ್ ದೀದ್ ಬ್ರೆಡ್ ನ್ ತ್ರಿಬುಜ ಆಕಾರೊಗ್ ತುಂಡು ಮಲ್ಪೊಡು. ಬೊಕ್ಕ ರಡ್ಡ್ ತುಂಡುನ್ಲಾ ಕಡ್ಲೆ ಹಿಟ್ಟ್ ದ ಮಿಶ್ರಣೊಡ್ ಮುರ್ಕಾದ್ ಬೆಚ್ಚ ಎಣ್ಣೆ ಡ್ ಕಯ್ಪೊಡು.
ಬೇತೆ ಬಾಸೆಲೆಡ್ ಬ್ರೆಡ್ ಕಟ್ಲೆಟ್
[ಸಂಪೊಲಿಪುಲೆ]ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Bread Pakora Recipe (Bread Pakoda)". Swasthi's Recipes. 21 June 2022. Retrieved 10 July 2024.
- ↑ Kitchen, Hebbars (14 February 2019). "bread pakora recipe | aloo stuffed bread pakora | bread bajji recipe". Hebbar's Kitchen. Retrieved 10 July 2024.