ಭಾರತೀಯ ಸ್ಟೇಟ್ ಬ್ಯಾಂಕ್
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಲ್ಯಡ್- ಎಸ್ಬಿಐ) ಮುಂಬೈಡ್ ಪ್ರಧಾನ ಕಚೇರಿನ್ ಹೊಂದೊಂದುಪ್ಪುನ ನಮ ದೇಸೊದ ಬಹುರಾಷ್ಟ್ರೀಯ ಬುಕ್ಕ ಸಾರ್ವಜನಿಕ ವಲಯದ ಬ್ಯಾಂಕ್. ದೇಸೊದ ಮಸ್ತ್ ಪಿರಾಕ್ದ ಬ್ಯಾಂಕ್ಲೆಡ್ ಒಂಜಿ. ಸ್ಟೇಟ್ ಬ್ಯಾಂಕ್ದ ಒಟ್ಟು ಆಸ್ತಿನ್ ಲೆಕ್ಕ ಪತ್ತಿಂಡ 23% ಮಾರುಕಟ್ಟೆ ಪಾಲ್, ಬೊಕ್ಕ ಒಟ್ಟು ಸಾಲ ಬೊಕ್ಕ ಠೇವಣಿದ ಮಾರುಕಟ್ಟೆ ಲೆಕ್ಕ ಪತ್ತಿಂಡ 25% ಪಾಲ್ ಇಪ್ಪುನ ಭಾರತದ ಮಾಮಲ್ಲ ಬ್ಯಾಂಕ್ ಆತುಂಡು.[೧] ದೇಸೊರ್ಮೆ ಇಪ್ಪುನ ಮಾತಾ ಶಾಕೆಲೆನ್ ಒಟ್ಟು ಸುಮಾರ್ 250,000 ಬೇಲೆದಕ್ಲು ಈ ಸ್ಟೇಟ್ ಬ್ಯಾಂಕ್ಡ್ ಉಲ್ಲೆರ್. ಸ್ಟೇಟ್ ಬ್ಯಾಂಕ್ ನಮ ದೇಸೊಡು ಅತೀ ಎಚ್ಚ ಬೇಲೆದಕ್ಲು ಇಪ್ಪುನ ಕಂಪೆನಿಲೆಡ್ ೧೦ನೇ ಸ್ತಾನೊಡು ಉಂಡು. ಅಂಚನೆ ಸಂಸ್ಥೆಲಾ ಆದ್ ಉಂಡು.[೨][೩][೪]
ಸ್ಟೇಟ್ ಬ್ಯಾಂಕ್, ಎಚ್ಡಿಎಫ್ಸಿ ಬ್ಯಾಂಕ್ ಬೊಕ್ಕ ಐಸಿಐಸಿಐ ಬ್ಯಾಂಕ್- ಈ ಮೂಜಿ ಬ್ಯಾಂಕ್ಲೆನ್ ನಮ ದೇಸೊದ ಪ್ರಮುಖ ಬ್ಯಾಂಕ್ಲು ಪಂದ್ ನಮ ದೇಸೊದ ರಿಸರ್ವ್ ಬ್ಯಾಂಕ್ ಗುರುತಿಸಾದ್ಂಡ್. ಅಂಚನೆ ಈ ಮೂಜಿ ಬ್ಯಾಂಕ್ಲೆನ್ ಸುಲಬೊಡು ಮುರ್ಕುದು ಪೋವಂದಿನಾತ್ ಮಲ್ಲ (ಇಂಗ್ಲೀಷ್ ಬಾಸೆಡ್ too big to fail) ಬ್ಯಾಂಕ್ಲು ಪಂದ್ ಲೆಪ್ಪುವೆರ್. ಪಂಡ ಒಂಜಿ ವೇಳೆ ಈ ಬ್ಯಾಂಕ್ಲೆಡ್ ಒಂಜಿ ಬ್ಯಾಂಕ್ ಒವಾಂಡ ಕಾರಣೊಡ್ದು ಮುರ್ಕುದು ಪೋಂಡ, ನಮ ದೇಸೊದ ಆರ್ತಿಕತೆಗ್ ಮಾಮಲ್ಲ ಪೆಟ್ಟ್ ಬೂರುಂಡು.[೫] ಜಗತ್ದ ಮಾತ ಬ್ಯಾಂಕ್ಲೆನ ಆಸ್ತಿನ್ ಲೆಕ್ಕ ದೆತೊಂಡ, ಎಸ್ಬಿಐ ಜಗತ್ಡ್ 43 ನೇ ಮಾಮಲ್ಲ ಬ್ಯಾಂಕ್ ಆತುಂಡು. ಅಂಚನೆ 2025 ತ ವಿಶ್ವದ ಅತಿದೊಡ್ಡ ಸಂಸ್ಥೆಲೆನ 'ಫಾರ್ಚೂನ್ ಗ್ಲೋಬಲ್ 500' ಪಟ್ಟಿಡ್ 163 ನೇ ಸ್ಥಾನೊಡು ಉಂಡು.[೬] 2024 ಡ್, 'ಫೋರ್ಬ್ಸ್ ಗ್ಲೋಬಲ್ 2000' ಪಟ್ಟಿಡ್ ಎಸ್ಬಿಐ 55 ನೇ ಸ್ಥಾನೊನು ಇತ್ಂಡ್.[೭]
೧೮೦೬ನೇ ಇಸವಿಡ್ ಉಂಡು ಮಲ್ತಿನ ಬ್ಯಾಂಕ್ ಆಫ್ ಕಲ್ಕತ್ತ ಎಸ್ಬಿಐದ ಮೂಲ ಆದುಂಡು. ಸ್ವಾತಂತ್ರ್ಯಗ್ ದುಂಬು ನಮ ದೇಸೊಡು ಇತ್ತಿನ ಬ್ಯಾಂಕ್ ಆಫ್ ಬಾಂಬೆ ಬುಕ್ಕ ಬ್ಯಾಂಕ್ ಆಫ್ ಮದ್ರಾಸ್ನ್ ಬ್ಯಾಂಕ್ ಆಫ್ ಕಲ್ಕತ್ತೊಡು ವಿಲೀನ ಮಲ್ತೆರ್. ಐಡ್ದ್ ಬುಕ್ಕ ೧೯೨೧ನೇ ಇಸವಿಡ್ ಈ ಬ್ಯಾಂಕ್ಗ್ ಇಂಪಿರಿಯಲ್ ಬ್ಯಾಂಕ್ ಆಫ್ ಇಂಡಿಯಾ ಪಂದ್ ಪುದರ್ ಬತ್ತ್ಂಡ್. ಸ್ವಾತಂತ್ರೊಡ್ದು ಬುಕ್ಕ ೧೯೫೫ನೇ ಇಸವಿಡ್ ನಮ ದೇಸೊದ ಭಾರತೀಯ ರಿಸರ್ವ್ ಬ್ಯಾಂಕ್ ಈ ಬ್ಯಾಂಕ್ಡ್ ಪಾಲ್ ದೆತೊಂದು ಬ್ಯಾಂಕ್ದ ಪುದರ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಪಂದ್ ಬದಲ್ತ್ಂಡ್.[೮][೯][೧೦]
ಇತಿಹಾಸೊ
[ಸಂಪೊಲಿಪುಲೆ]ಭಾರತೀಯ ಸ್ಟೇಟ್ ಬ್ಯಾಂಕ್ಗ್ ೨೦೦ ವರ್ಷದಾತ್ ಪಿರಾಕ್ದ ಇತಿಹಾಸೊ ಉಂಡು. ಜೂನ್ 2, 1806 ದಾನಿ 'ಬ್ಯಾಂಕ್ ಆಫ್ ಕಲ್ಕತ್ತಾ' (ಬೊಕ್ಕ ನೆಕ್ಕ್ 'ಬ್ಯಾಂಕ್ ಆಫ್ ಬೆಂಗಾಲ್' ಪಂದ್ ಪುದರ್ ದೀಯೆರ್) ಸ್ಥಾಪನೆ ಆಂಡ್. ಬ್ಯಾಂಕ್ ಆಫ್ ಬೆಂಗಾಲ್ ಆ ಕಾಲದ ಮೂಜಿ ಪ್ರೆಸಿಡೆನ್ಸಿ ಬ್ಯಾಂಕ್ಲೆಡ್ ಒಂಜಾದಿತ್ತ್ಂಡ್; ನನ ರಡ್ಡ್ ಬ್ಯಾಂಕ್—ಬ್ಯಾಂಕ್ ಆಫ್ ಬಾಂಬೆ ಬೊಕ್ಕ ಬ್ಯಾಂಕ್ ಆಫ್ ಮದ್ರಾಸ್. ಈ ಮೂಜಿ ಪ್ರೆಸಿಡೆನ್ಸಿ ಬ್ಯಾಂಕ್ಲೆನ್ ಜಂಟಿ ಬಂಡವಾಳ ಸಂಸ್ಥೆಗಳಾದ್ ಒಟ್ಟು ಮಲ್ತ್ದಿತ್ತೆರ್. ಉಂದು ಬ್ರಿಟೀಷ್ ರಾಜಮನೆತನದ ಸನ್ನದುದ ಫಲವಾದ್ ಅಸ್ತಿತ್ವಗ್ ಬೈದಿತ್ತ್ಂಡ್.
1861 ರ ಮುಟ್ಟ ಕಾಗದದ ದುಡ್ಡು ಚಲಾವಣೆಗ್ ಕೊನಪಿನ ಪ್ರತ್ಯೇಕ ಹಕ್ಕ್ನ್ ಈ ಮೂಜಿ ಬ್ಯಾಂಕ್ಲು ಹೊಂದ್ದಿತ್ತೊ. ಆಂಡ, 1861 ದ ಕಾಗದದ ಹಣದ ಕಾಯ್ದೆದ ಒಟ್ಟುಗು ಈ ಹಕ್ಕ್ನ್ ಬ್ರಿಟಿಷ್ ಭಾರತ ಸರ್ಕಾರ ತನ್ನ ಸುಪರ್ದಿಗ್ ದೆತೊಂಡ್. ಬೊಕ್ಕ, 27 ಜನವರಿ 1921 ದಾನಿ ಈ ಮೂಜಿ ಪ್ರೆಸಿಡೆನ್ಸಿ ಬ್ಯಾಂಕ್ಲೆನ್ ವಿಲೀನ ಮಲ್ತ್ಂಡ್. ಇಂಚ ಒಟ್ಟು ಮಲ್ತಿನ ಬ್ಯಾಂಕಿಂಗ್ ಸಂಸ್ಥೆಗ್ 'ಇಂಪೀರಿಯಲ್ ಬ್ಯಾಂಕ್ ಆಫ್ ಇಂಡಿಯಾ' ಪಂದ್ ಪುದರ್ ದೀಯೆರ್. ಇಂಪೀರಿಯಲ್ ಬ್ಯಾಂಕ್ ಆಫ್ ಇಂಡಿಯಾ ಸರ್ಕಾರದ ಪಾಲ್ ಇಜ್ಜಂದೆ ಜಂಟಿ ಬಂಡವಾಳ ಸಂಸ್ಥೆಯಾದೇ ದುಂಬರಿತ್ಂಡ್.
ನಮ ದೇಸೊಗು ಸ್ವಾತಂತ್ರ್ಯ ಬತ್ತಿಬೊಕ್ಕ 1955 ದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಕಾಯ್ದೆದ ನಿಬಂಧನೆಲೆನ ಅಡಿಟ್, ಭಾರತದ ಕೇಂದ್ರ ಬ್ಯಾಂಕ್ ಆಯಿನ ರಿಸರ್ವ್ ಬ್ಯಾಂಕ್, ಇಂಪೀರಿಯಲ್ ಬ್ಯಾಂಕ್ ಆಫ್ ಇಂಡಿಯಾದ ಪಾಲನ್ ದೆತೊಂಡ್. 1 ಜುಲೈ 1955 ದಾನಿ, ಇಂಪೀರಿಯಲ್ ಬ್ಯಾಂಕ್ ಆಫ್ ಇಂಡಿಯಾದ ಪುದರ್ನ 'ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ' ಪಂದ್ ಬದಲಾವಣೆ ಮಲ್ತೆರ್.
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ದೇಶದ ಬ್ಯಾಂಕಿಂಗ್ ನಿಯಂತ್ರಣ ಪ್ರಾಧಿಕಾರ ಆಯಿನ ಕಾರಣ, ದುಂಬುಗು ಒವ್ವೇ ರೀತಿದ ಹಿತಾಸಕ್ತಿಲೆನ ಸಂಘರ್ಷ ಬರಂದಿಲೆಕ್ಕ ತಡೆವರ, 2008 ಡ್ ಭಾರತ ಸರ್ಕಾರ ಎಸ್ಬಿಐಡ್ ಇತ್ತಿನ ರಿಸರ್ವ್ ಬ್ಯಾಂಕ್ದ ಪಾಲನ್ ತಾನೇ ದೆತೊಂಡ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "SBI joins Rs 7-trillion market cap club; stock surges 26% in three months". 14 September 2022.
- ↑ "These Are the Biggest Employers in India". 15 December 2016.
- ↑ "India's eight biggest employers".
- ↑ "Top Companies in India: Top Companies in India by Employee Cost, Top BSE Companies by Employee Cost, Top BSE Companies".
- ↑ "Monetary and Credit Information Review". Reserve Bank of India. 31 January 2024. Retrieved 1 September 2024.
Domestic Systemically Important Banks (D-SIBs) - The Reserve Bank on January 2, 2023 released the list of Domestic Systemically Important Banks (D-SIBs). State Bank of India, ICICI Bank, and HDFC Bank continue to be identified as D-SIBs, under the same bucketing structure as in the 2021 list of D-SIBs.
- ↑ "Fortune Global 500 – The largest companies in the world by revenue". Fortune. Retrieved 2 October 2025.
- ↑ "The Global 2000 2023". Forbes (in ಇಂಗ್ಲಿಷ್). Archived from the original on 2024-01-29. Retrieved 2024-02-07.
- ↑ Rajesh (2009). Banking Theory Law N Practice. Tata McGraw-Hill Education. p. 8. ISBN 978-0-07-009123-8. Retrieved 4 November 2014.
- ↑ "From Imperial Bank to State Bank" (PDF). rbidocs.rbi.org.in. Retrieved 11 September 2023.
- ↑ "The State Bank Of India (Subsidiary Banks) Act, 1959". Indian Kanoon. Retrieved 11 September 2023.