ಮಂಗೋಲಿಯಾ
 | ಈ ಲೇಕನೊ ಅತ್ತ್ಂಡ ಲೇಕನೊದ ವಿಬಾಗೊ ವಿಸ್ತರಣೆ ಅತ್ತ್ಂಡ ಮಹತ್ವೊದ ಬದಲಾವಣೆತ ನಡುಟ್ ಉಂಡು. ಈರ್ಲಾ ಲೇಕನೊದ ಸಂಪಾದನೆತ ಬುಲೆಚಿಲ್ಗ್ ಪಾಲ್ ದೆತೊನೊಲಿ. ಈ ಲೇಕನೊ ಅತ್ತಂಡ ವಿಬಾಗೊನು ಮಸ್ತ್ ದಿನೊ ಸಂಪಾದನೆ ಮಲ್ತಿಜಿಂಡ, ಈ ಟೆಂಪ್ಲೇಟ್ನ್ ದೆಪ್ಪುಲೆ. ಈರ್ ಈ ಲೇಕನೊ ಅತ್ತಂಡ ಇಬಾಗೊನ್ ಸಕ್ರಿಯವಾದ್ ಸಂಪಾದನೆ ಮಲ್ತೊಂದು ಇತ್ತ್ಂಡ, ಈ ಟೆಂಪ್ಲೇಟ್ನ್ {{in use}}ಗ್ ಬದಲ್ಪೊಲಿ.
ಈ ಲೇಕನೊ ಅಕೇರಿದ ಸರ್ತಿ ಸಂಪೊಲಿತ್ನಾರ್ Mahaveer Indra (ಚರ್ಚೆ | ಕೊಡುಗೆಲು) 27 ದಿನೊ ದುಂಬು. (ಅಪ್ಡೇಟ್) |
ಮಂಗೋಲಿಯಾ ಪೂರ್ವ ಏಷ್ಯಾದ ಒಂಜಿ ದೇಸೊ. ಮಂಗೋಲಿಯಾದ ಸುತ್ತ ಬಡಕಾಯಿಡ್ ರಷ್ಯಾ ಬೊಕ್ಕ ತೆಂಕಾಯಿಡ್ ಚೀನಾ ದೇಶೊಲು ಉಂಡು. ಅಂಚಾದ್ ಉಂದೊಂಜಿ ನಾಲ್ ದಿಕ್ಕ್‌ಡ್ ಬೂಮಿಡ್ ಅರಾದ್ ಇಪ್ಪುನ ದೇಸೊ. ಉಂದು 1,564,116 ಚದರ ಕಿಲೋಮೀಟರ್ ವಿಸ್ತೀರ್ಣೊಡು ಪರಡ್‌ದ್ ಉಂಡು. ಇಸ್ತೀರ್ನೊದ ಲೆಕ್ಕೊಡು ಮಂಗೋಲಿಯಾ ಪ್ರಪಂಚದ 18ನೇ ಮಲ್ಲ ದೇಶ ಬೊಕ್ಕ ಕಝಾಕಿಸ್ತಾನ ಬುಡಿಂಡ ಪ್ರಪಂಚೊಡು ಬೂ ಆವೃತ ಆಯಿನ ದೇಸೊಲೆಡ್ ರಡ್ಡನೇ ಮಲ್ಲ ದೇಶ ಆದುಂಡು. ಈ ದೇಸೊದ ಇತ್ತೆದ ಅಂದಾಜಿ ಜನಸಂಕ್ಯೆ 35 ಲಕ್ಷ ಉಂಡು. ಈ ದೇಶ ಮಂಗೋಲಿಯನ್ ಪ್ರಸ್ಥಭೂಮಿದ ಒಂಜಿ ಮಲ್ಲ ಭಾಗೊಲಾ ಅಂದ್, ಬೊಕ್ಕ ನೆತ್ತ ಪ್ರಕೃತಿಡ್ ಪಚ್ಚೆ ಹುಲ್ಲುಗಾವಲು, ಬಡಕಾಯಿ ಬೊಕ್ಕ ಪಡ್ಡಾಯಿಡ್ ಬೆಟ್ಟ-ಗುಡ್ಡೆಲು, ಅಂಚನೆ ತೆಂಕಾಯಿಡ್ ಗೋಬಿ ಮರುಭೂಮಿ ಉಂಡು. ನೆತ್ತ ರಾಜಧಾನಿ ಬೊಕ್ಕ ಅತಿ ಮಲ್ಲ ನಗರ ಆಯಿನ ಉಲಾನ್‌ಬಾತರ್.
ಮುಲ್ಪದ ಸುಮಾರ್ 30%ದಾತ್ ಜನಕುಲು ಅಲೆಮಾರಿ ಮಂಗೋಲ್ ಜನಾಂಗೊಗು, ಅತ್ತ್ಂಡ ಅರೆ-ಅಲೆಮಾರಿ ಜನಾಂಗೊಗು ಸೇರ್ದಿನಕುಲು. ಕುದುರೆ ಸಾಂಕುನ ಸಂಸ್ಕೃತಿ ಮುಲ್ಪದ ಬದ್‌ಕ್‌ದ ಒಂಜಿ ಮುಖ್ಯ ಭಾಗ ಆತ್ಂಡ್. ಮಹಾಯಾನ ಬೌದ್ಧ ಧರ್ಮೊದಕುಲು ಮುಲ್ಪ ಎಚ್ಚ, ಪಂಡ ೫೧.೭% ಉಲ್ಲೆರ್, ಅಂಚನೆ ೪೦.೬%ದಾತ್ ವಾ ಧರ್ಮನ್ಲ ನಂಬಂದಿನ ಜನೊಕುಲು ಉಲ್ಲೆರ್. ನನ ಮುಲ್ಪದ ಮೂಜನೇ ಮಲ್ಲ ಧರ್ಮ ಇಸ್ಲಾಂ, ಇಂದೆತ ಅನುಯಾಯಿಲು ೩.೨ದಾತ್ ಉಲ್ಲೆರ್.
ಮಂಗೋಲಿಯಾ ವಿಶ್ವಸಂಸ್ಥೆ, ಏಷ್ಯಾ ಕೋಆಪರೇಷನ್ ಡೈಲಾಗ್, ಜಿ77, ಏಷ್ಯನ್ ಇನ್‌ಫ್ರಾಸ್ಟ್ರಕ್ಚರ್ ಇನ್ವೆಸ್ಟ್‌ಮೆಂಟ್ ಬ್ಯಾಂಕ್, ಅಲಿಪ್ತ ಚಳುವಳಿ- ಈ ಒಕ್ಕೂಟೊಲೆಗ್ ಸೇರ್ದ್ಂಡ್ ಅತ್ತಂದೆ, ನ್ಯಾಟೋದ ಜಾಗತಿಕ ಪಾಲುದಾರ ದೇಶ ಆತ್ಂಡ್. ಮಂಗೋಲಿಯಾ 1997ಡ್ ವಿಶ್ವ ವ್ಯಾಪಾರ ಸಂಸ್ಥೆಗ್ ಸೇರ್ಂಡ್.
ಮಂಗೋಲಿಯಾಡ್ ಶಿಯೋಂಗ್‌ನು, ಶಿಯಾನ್‌ಬೈ, ರೌರಾನ್, ಸುರುತ ತುರ್ಕಿಕ್ ಸುಲ್ತಾನೆರ್, ರಡ್ಡನೇ ತುರ್ಕಿಕ್ ಸುಲ್ತಾನೆರ್, ಉಯ್ಘರ್ ಸುಲ್ತಾನೆರ್ ಬೊಕ್ಕ ಬೇತೆ ಬೇತೆ ಅಲೆಮಾರಿ ಸಾಮ್ರಾಜ್ಯೊಲು ಆಡಳಿತ ಮಲ್ತ್‌ದ. 1206ಡ್, ಚೆಂಗೀಸ್ ಖಾನ್ ಮಂಗೋಲ್ ಸಾಮ್ರಾಜ್ಯೊನು ಸ್ಥಾಪನೆ ಮಲ್ತೆ, ಉಂದು ಇತಿಹಾಸೊಡೆ ಅತಿ ಮಲ್ಲ ಒಂಜೇ ಭೂಬಾಗೊಡು ಇತ್ತಿನ ಸಾಮ್ರಾಜ್ಯ ಆದಿತ್ತ್ಂಡ್. ಆಯನ ಪುಲ್ಲಿ ಕುಬ್ಲಾಯ್ ಖಾನ್ ಚೀನಾ ದೇಶೊನು ಗೆಂದ್‌ದ್ ಯುವಾನ್ ರಾಜವಂಶೊನು ಸ್ಥಾಪನೆ ಮಲ್ತೆ.
16ನೇ ಶತಮಾನೊಡು, ಟಿಬೆಟಿಯನ್ ಬೌದ್ಧ ಧರ್ಮ ಮಂಗೋಲಿಯಾಗ್ ಪರಡರ ಸುರು ಆಂಡ್.[1][2] 17ನೇ ಶತಮಾನೊಡು ಕ್ವಿಂಗ್ ರಾಜವಂಶ ಈ ದೇಶೊನು ತನ್ನ ವಶೊಕ್ಕು ದೆತೊಂಡ್. 1911ಡ್ ಕ್ವಿಂಗ್ ರಾಜವಂಶ ಪತನ ಆಯಿಬೊಕ್ಕ, ಮಂಗೋಲಿಯಾ ತನ್ನ ಸ್ವಾತಂತ್ರ್ಯೊನು ಘೋಷಣೆ ಮಲ್ತ್ಂಡ್. 1921ನೇ ಇಸವಿಡ್ ಚೀನಾ ದೇಸೊಡ್ದು ನಿಜವಾಯಿನ ಸ್ವಾತಂತ್ರ್ಯೊನು ಪಡೆಂಡ್. ಒಂತೆ ಸಮಯೊಡೆ, ಈ ದೇಶ ಸೋವಿಯತ್ ಒಕ್ಕೂಟೊಡು ಸೇರಿಂಡ್. 1924ನೇ ಇಸವಿಡ್, ಮಂಗೋಲಿಯನ್ ಪೀಪಲ್ಸ್ ರಿಪಬ್ಲಿಕ್ ಪನ್ಪಿನ ಸಮಾಜವಾದಿ ರಾಷ್ಟ್ರ ಸ್ಥಾಪನೆ ಆಂಡ್. 1989ದ ಕಮ್ಯುನಿಸ್ಟ್-ವಿರೋಧಿ ಕ್ರಾಂತಿರ್ದ್ ಬೊಕ್ಕ, ಮಂಗೋಲಿಯಾ 1990ನೇ ಇಸವಿಡ್ ತನ್ನನೇ ಆಯಿನ ಶಾಂತಿಯುತವಾಯಿನ ಕ್ರಾಂತಿ ನಡತ್ಂಡ್. ಉಂದು ಬಹು-ಪಕ್ಷ (multi-party) ಪದ್ಧತಿಗ್, 1992ದ ಪೊಸ ಸಂವಿಧಾನೊಗು, ಬೊಕ್ಕ ಮಾರುಕಟ್ಟೆ ಆರ್ಥಿಕತೆಗ್ ಬದಲಾವಣೆ ಆವರೆ ಕಾರಣ ಆಂಡ್.[3]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Michael Jerryson, Mongolian Buddhism: The Rise and Fall of the Sangha, (Chiang Mai: Silkworm Books, 2007), 89.
- ↑ "Mongolia – Religion". Michigan State University. Archived from the original on 15 March 2015. Retrieved 24 January 2015.
- ↑ Sik, Ko Swan (1990). Nationality and International Law in Asian Perspective. Martinus Nijhoff Publishers. p. 39. ISBN 978-0-7923-0876-8. Archived from the original on 4 September 2015. Retrieved 2013-06-28.