ಮಂಗ್ಲಿ

ಮಂಗ್ಲಿ(ಸತ್ಯವತಿ ರಾಠೋಡ್)

ಮಂಗ್ಲಿ, ಸತ್ಯವತಿ ರಾಠೋಡ್

ಸತ್ಯವತಿ ರಾಠೋಡ್, ಮಂಗ್ಲಿ ಪನ್ಪಿನ ರಂಗ ಪುದರ್ಡ್ ಪುದರ್ ಪೋಯಿನ ಒರಿ ಭಾರತೀಯ ಗಾಯಕಿ ಬೊಕ್ಕ ಟೆಲಿವಿಷನ್ ನಿರೂಪಕಿ. ಆರ್ ಮುಖ್ಯವಾದ್ ತೆಲುಗು ಬೊಕ್ಕ ಕನ್ನಡ ಬಾಸೆಡ್ ಪಾಡುವೆರ್ ಬೊಕ್ಕ ಆರ್ನ ಸಾಂಸ್ಕೃತಿಕ ಪಾಡ್ದನೊಲೆಗ್ ಪುದರ್ ಪೋಯಿನಾರ್. ಆರ್ ರಡ್ಡ್ SIIMA ಪ್ರಶಸ್ತಿಲೆನ್ ಬೊಕ್ಕ ಒಂಜಿ IIFA ಉತ್ಸವ ಪ್ರಶಸ್ತಿನ್ ಪಡೆಯೆರ್.

ಸುರುತ ಜೀವನ

ಮಂಗ್ಲಿ ಭಾರತದ ಅನಂತಪುರ ಜಿಲ್ಲೆದ ಆಂಧ್ರಪ್ರದೇಶದ ಗೂಟಿಡ್ ಒಂಜಿ ಬಂಜಾರ ಸಮುದಾಯೊಡು ಪುಟ್ಟುವೆರ್. ತಿರುಪತಿದ ಶ್ರೀ ವೆಂಕಟೇಶ್ವರ ವಿಶ್ವವಿದ್ಯಾಲಯೊಡ್ದ್ ಕರ್ನಾಟಕ ಸಂಗೀತೊಡು ಡಿಪ್ಲೊಮಾ ಮಲ್ತೆರ್. ಅಲೆನ ಅಪ್ಪೆ ಅಲೆನ್ ಎಲ್ಯ ಪ್ರಾಯೊಡ್ದ್ ಒರಿ ಗಾಯಕಿ ಆಯೆರೆ ಪ್ರೋತ್ಸಾಹಿಸಯೆರ್. ಅಲೆನ ಶಿಕ್ಷಕೆರ್ನ ಸ್ಫೂರ್ತಿಡ್, ಅಲೆಗ್ ಸಂಗೀತ ಶಿಕ್ಷಕಿ ಆಯೆರೆ ಬಯಕೆ ಆಂಡ್. ದೂರದರ್ಶನ ಪ್ರಸ್ತುತಿಡ್ ವೃತ್ತಿಜೀವನ ಸುರು ಮಲ್ಪೆರೆ ಮಂಗ್ಲಿ ಹೈದರಾಬಾದ್ ಗ್ ಪೋಯೆರ್. ಮಂಗ್ಲಿಗ್ ಎಲ್ಯ ಮೆಗ್ದಿ ಇಂದ್ರಾವತಿ ಚೌಹಾಣ್ ಉಲ್ಲೆರ್, ಪುಷ್ಪಾ: ದ ರೈಸ್ ಸಿನಿಮಾಡ್ "ಊ ಅಂತವಾ ಊ ಊ ಅಂತವಾ" ಪನ್ಪಿನ ಹಿಟ್ ಪಾಡ್ದನೊನು ಪಾಡ್ದ್ ಪುದರ್ ಪಡೆಯೆರ್. ಪಾಡ್ದನೊನು ಮಂಗ್ಲಿ ಕನ್ನಡ ಆವೃತ್ತಿಡ್ ಪಾಡ್ದೆರ್.

ಕೆಲಸ

2013ಡ್ ತೆಲುಗು ಸುದ್ದಿ ಚಾನೆಲ್, V6 ನ್ಯೂಸ್ ಡ್ ಧೂಮ್ ಧಮ್ ಪನ್ಪಿನ ದಸರಾ ಉತ್ಸವದ ವಿಶೇಷ ಕಾರ್ಯಕ್ರಮೊಗು ಅತಿಥಿ ಕಲಾವಿದೆ ಆದ್ ಲೆಪ್ಪು ಬನ್ನಗ ಆರ್ ತನ್ನ ವೃತ್ತಿಜೀವನೊಡು ಸುರುತ ಬ್ರೇಕ್ ನ್ ಪಡೆಯೆರ್. ವಿ6 ನ್ಯೂಸ್ ಡ್ ಅರೆನ ಜನಪ್ರಿಯ ಕಾರ್ಯಕ್ರಮ, ಅಲ್ಪ ಅರೆಗ್ ಮಾಟಕರಿ ಮಂಗ್ಲಿ ಆದ್ ನಟನೆ ಮಲ್ತೆರ್, ವ್ಯಂಗ್ಯ ಸುದ್ದಿ ಕಾರ್ಯಕ್ರಮ, ತೀನ್ಮಾರ್ ವಾರ್ತಾಲು, ಬಿತಿರಿ ಸಾತಿ ಬೊಕ್ಕ ಸಾವಿತ್ರಿ ನಕುಲೆನೊಟ್ಟುಗು ಒಂಜಿ ಹಿಟ್ ಆಂಡ್. ಸುಜಾತಾನೊಟ್ಟುಗು ವ್ಯಂಗ್ಯ ಸುದ್ದಿ ಕಾರ್ಯಕ್ರಮೊಡು ಎಚ್ ಎಂಟಿವಿ ಸುದ್ದಿ ಚಾನೆಲ್ ಜೋರ್ದಾರ್ ನ್ಯೂಸ್ ಡ್ ಬೇಲೆ ಮಲ್ತೆರ್. ಬಾತುಕಮ್ಮ, ಬೋನಾಲು, ತೆಲಂಗಾಣ ರಚನೆ ದಿನ ಇಂಚಿನ ತೆಲಂಗಾಣದ ಪರ್ಬೊಲೆಡ್ ಪಾಡ್ದನೊಲೆನ್ ಪಾಡುವೆರ್. 2018 ತೆಲಂಗಾಣ ರಚನೆ ದಿನಾಚರಣೆಗಾದ್ ಅರೆನ ಪಾಡ್ದನ ಒರುಗಲ್ಲು ಕೋಟನಾಡುಗು ಒಂಜಿ ಹಿಟ್ ಆತ್ಂಡ್. ಸಪ್ತಗಿರಿ ಎಕ್ಸ್ ಪ್ರೆಸ್, ರಾಜ್ ಮಹಲ್, ನೀಧಿ ನಾಡಿ ಓಕಾ ಕಥೆ, ಜಾರ್ಜ್ ರೆಡ್ಡಿ ಬೊಕ್ಕ 2020 ಡ್ ಬತ್ತಿನ ಆಕ್ಷನ್-ಡ್ರಾಮಾ ಟಾಲಿವುಡ್ ಚಿತ್ರ ಅಲ ವೈಕುಂಠಪುರಮೂಲೊದ ರಾಮುಲೂ ರಾಮುಲಾ ಪನ್ಪಿನ ಕೆಲವು ಟಾಲಿವುಡ್ ಚಿತ್ರೊಲೆಡ್ ಪಾಡ್ದೆರ್. ಫೆಬ್ರವರಿ ೨೦೧೮ಡ್, ಲಕ್ಷ್ಮೀ ಮಂಚು ಮಹಾರಾಣಿ ನಡಪಾಯಿನ ಒಂಜಿ ಕಾರ್ಯಕ್ರಮೊಡು ಸ್ಪರ್ಧೆ ಮಲ್ತೆರ್. 2021ಡ್, ಲವ್ ಸ್ಟೋರಿ ಚಿತ್ರೊಗು ಅರೆನ "ಸರಂಗ ದರಿಯಾ" ಪನ್ಪಿನ ಪಾಡ್ದನ ಮಸ್ತ್ ಜನಪ್ರಿಯ ಆಂಡ್.

ವರ್ಗ:ಸ್ತ್ರೀವಾದೊ ಬುಕ್ಕೊ ಜಾನಪದೊ 2026