ಮಂಜಲ್ (ಬಣ್ಣೊ)
| ಮಂಜಲ್ (ಬಣ್ಣೊ) | |
|---|---|
 .jpg)      ಗಡಿಯಾರದ ದಿಕ್ಕ್ಡ್, ಎಡತ್ತ ಮಿತ್ತ್ಡ್ದ್: ಆಸ್ಪೆನ್ ಮರ; ಒಕ್ರೆ; ಫ್ರಾನ್ಸ್; ಸಿಟ್ರಾನ್ಡ್; ಕ್ಯಾಟ್ ವಾಕ್ ಡ್ರೆಸ್ ಮಾಡೆಲ್; ಕಾರ್ನ್ವಾಲ್ಡ್ ಡ್ಯಾಫೋಡಿಲ್ ಕ್ಷೇತ್ರೊ; ಬ್ರಾಡ್ಲಿ ವಿಗ್ಗಿನ್ಸ್ ಬೈಕ್ ಪ್ರಯಾಣೊಡು ಟೂರ್ ಡಿ ಫ್ರಾನ್ಸ್; ಚಕ್ರವರ್ತಿ ತೈಜುನ ಚಿತ್ರೊ. | |
| ವರ್ಣಪಟಲೊದ ಸಂಗಟನೆಲು | |
| ತರಂಗಾಂತರೊ | 575–585[೧] nm |
| ಪುನರಾವರ್ತನೆ | 521–512 THz |
 Color coordinates | |
| ಹೆಕ್ಸ್ ಟ್ರಿಪ್ಲೆಟ್ | #FFFF00 |
| ಮೂಲೊ | ಎಚ್ಟಿಎಂಎಲ್/ಸಿಎಸ್ಎಸ್[೨] |
ಮಂಜಲ್ ಬೊಲ್ಪುದ ವರ್ಣಪಟಲೊಡು ಪಚ್ಚೆ ಬುಕ್ಕೊ ಕಿತ್ತಳೆ ಬಣ್ಣೊದ ನಡುಟು ಇಪ್ಪುನ ಬಣ್ಣೊ . ಉಂದು ಸುಮಾರ್ 575 – 585 ಎನ್ಎಂ ದ ಪ್ರಬಲ ತರಂಗಾಂತರೊಡು ಬೊಲ್ಪುಡ್ದ್ ಉದಿಪನ ಆಪುಂಡು. ಉಂದು ಕಲೆಪುನ ಬಣ್ಣೊ ವ್ಯವಸ್ತೆಲೆಡ್ ಒಂಜಿ ಮೂಲೊ ಬಣ್ಣೊ. ಚಿತ್ರಕಲೆ ಅತ್ತಂಡ ಬಣ್ಣೊ ಮುದ್ರಣೊಡು ಬಳಕೆ ಆಪುಂಡು. ಟಿವಿ ಬುಕ್ಕೊ್ಕ ಕಂಪ್ಯೂಟರ್ ಪರದೆಲೆಡ್ ಬಣ್ಣೊಲೆನ್ ರಚನೆ ಮಲ್ಪಿಯರ ಉಪಯೋಗ ಮಲ್ಪುನ ಆರ್ಜಿಬಿ ಬಣ್ಣೊದ ಮಾದರಿಡ್. ಮಂಜಲ್ ಬಣ್ಣೊ ಪಂಡ ಕೆಂಪು ಬುಕ್ಕೊ ಪಚ್ಚೆ ಬಣ್ಣೊಲೆನ್ ಒಂಜೇ ತೀವ್ರತೆಡ್ ಒಟ್ಟು ಸೇರಾದ್ ಮಲ್ಪುನ ಒಂಜಿ ಇಬ್ಬಗೆತ ಬಣ್ಣೊ. ಚಳಿಗಾಲೊದ ಇರೆಕ್ಲು, ಲಿಂಬೆ ಪುಲಿ, ಕೆತ್ತಿದ ಮಂಜಲ್, ಬೊಲ್ನೆಯಿ ಬುಕ್ಕೊ ಬಾರೆದ ಪರ್ಂದ್ ಮಂಜಲ್ ಬಣ್ಣೊನು ತೋಜಾವುಂಡು. ಅವು ಬೊಲ್ಪುದ ಶಕ್ತಿನ್ ಹೀರೊಂದಿಪ್ಪುಂಡು.[೩] ಬೊಲ್ಪು ಬೈಯದ ಸೂರ್ಯನ ಮಂಜಲ್ ಬಣ್ಣೊಗು ಕಾರಣೊ ವಾತಾವರಣೊಡು ಕಮ್ಮಿ ತರಂಗಾಂತರೊಲು (ಪಚ್ಚೆ, ನೀಲಿ, ಬುಕ್ಕೊ್ಕ ನೇರಳೆ) ಚಿಮ್ಮುಂಡು.
ಉಂದು ವ್ಯಾಪಕವಾದ್ ಲಭ್ಯವಾಯಿನೆಡ್ದಾವರ, ಮಂಜಲ್ ನಿರೆಲ್ ವರ್ಣದ್ರವ್ಯೊ ಕಲೆಟ್ ಬಳಕೆ ಆಯಿನ ಸುರುತ ಬಣ್ಣೊಲೆಡ್ ಒಂಜಿ. ಫ್ರಾನ್ಸ್ಡ್ ಲಾಸ್ಕಾಕ್ಸ್ ಗುಹೆಡ್ 17,000 ವರ್ಸೊದ ಪಿರಾಕ್ದ ಒಂಜಿ ಮಂಜಲ್ ಕುದುರೆದ ಚಿತ್ರೊ ಉಂಡು. ಈಜಿಪ್ಟಿಯನ್ ಸಮಾದಿಲೆಡ್ ಬಂಗಾರ್ ಬುಕ್ಕೊ ಚರ್ಮೊದ ಬಣ್ಣೊನು ತೋಜಾನಗ ಮಂಜಲ್ ವರ್ಣದ್ರವ್ಯೊಲೆನ್ ಬಳಕೆ ಮಲ್ತೆರ್. ಬುಕ್ಕೊ ರೋಮನ್ ಇಲ್ಲಡೆದ ಗೋಡೆ ಚಿತ್ರೊಲೆಡ್ ಬಳಕೆ ಮಲ್ತೆರ್.[೪] ಸುರುತ ಕ್ರೈಸ್ತ ಚರ್ಚ್ಡ್ ಮಂಜಲ್ ಬಣ್ಣೊನು ಪೋಪ್ ಬುಕ್ಕೊ ರಾಜ್ಯೊದ ಬಂಗಾರ್ದ ಕೀಲೆಗ್ ಸಮ್ಮಂದೊ ಪಟ್ಟಿನವು. ೨೦ನೆ ಶತಮಾನೊಡು, ನಾಜಿ ಆಕ್ರಮಣೊಡು ಇತ್ತಿನ ಯುರೋಪ್ಡ್ ಯೆಹೂದಿಲೆಗ್ ಮಂಜಲ್ ನಕ್ಷತ್ರೊನು ಪಾಡೆರೆ ಬಲವಂತ ಮಲ್ತೆರ್. ಚೀನಾಡ್, ತೆಲಿಪುನ ಮಂಜಲ್ ಬಣ್ಣೊ ನಡೂ ರಾಜ್ಯೊದ ಬಣ್ಣೊ ಆದಿತ್ತ್ಂಡ್. ಬುಕ್ಕೊ ಇಂದೆನ್ ಚಕ್ರವರ್ತಿ ಬುಕ್ಕೊ ಅರೆನ ಇಲ್ಲಡೆದಕುಲು ಮಾತ್ರ ಪಾಡೊಲಿ. ವಿಸೇಸೊ ಬಿನ್ನೆತೆನ್ ಒಂಜಿ ಮಂಜಲ್ ಪಜೆ ಪಾಡ್ದ್ ಎದ್ಕೊನೆದರ್.[೫]
ಯುರೋಪ್, ಕೆನಡಾ, ಅಮೇರಿಕ ಬುಕ್ಕೊ ಬೇತೆ ಕಡೆಟ್ ನಡತ್ನ ಸಮೀಕ್ಷೆಲೆ ಪ್ರಕಾರೊ, ಮಂಜಲ್ ಬಣ್ಣೊನು ಜನಕುಲು ಮಸ್ತ್ ಸರ್ತಿ ಮನರಂಜನೆ, ಸಂದಿಗ್ದೊ, ಹಾಸ್ಯೊ, ತಮಾಸೆಗ್, ಸಂತೋಷ, ಬೂತಾರಾದನೆ, ಮದ್ರೆಂಗಿ ಶಾಸ್ತ್ರೊ ಇಂಚಿತ್ತಿ ಸಮ್ಮಂದೊಗು ಗಳಸುವೆರ್. ಆಂಡಲಾ ಉಂದು ದ್ವಂದ್ವ, ಅಸೂಯೆ, ಲೋಭ, ನ್ಯಾಯೊ ಇಂಚಿತ್ತಿ ಸಮ್ಮಂದೊಡುಲಾ ಬಳಕೆ ಆಪುಂಡು.[೬] ಇರಾನ್ಡ್ ಉಂದೆಟ್ ರೋಗದ ಅರ್ತೊ ಉಂಡು,[೭] ಆಂಡ ಬುದ್ಧಿವಂತಿಕೆ ಬುಕ್ಕೊ ಸಂಪರ್ಕೊಲಾ ಉಂಡು.[೮] ಚೀನಾ ಬುಕ್ಕೊ ಏಷ್ಯಾದ ಮಸ್ತ್ ದೇಶೊಲೆಡ್ ರಾಜವಂಶಸ್ತೆರ್ ಶ್ರೀಮಂತೆರ್, ಗೌರವೊ, ಸುಕೊ, ಮಹಿಮೆ, ಸೌಹಾರ್ದತೆ ಬುಕ್ಕೊ ಬುದ್ಧಿವಂತಿಕೆದ ಬಣ್ಣೊ ಆದ್ ತೂಪೆರ್.[೯]
ಪದೊ ತಯಾರಿ
[ಸಂಪೊಲಿಪುಲೆ]ಮಂಜಲ್/ಎಲ್ಲೋ ಪನ್ಪುನ ಶಬ್ದೊ ಪರತ್ ಇಂಗ್ಲಿಸ್ geolu, geolwe (ಒಬ್ಲಿಕ್ ಕೇಸ್)ಡ್ದ್ ಬತ್ತ್ಂಡ್. ಕನ್ನಡೊಡು ಹಳದಿ ಪನ್ಪೆರ್. ಅರ್ತೊ "ಮಂಜಲ್, ಬುಕ್ಕೊ ಮಂಜಲ್ ಬಣ್ಣೊದ", ಪ್ರೊಟೊ-ಜರ್ಮನಿಕ್ ಗೆಲ್ವಾಜ್ "ಮಂಜಲ್" ಪನ್ಪಿನ ಶಬ್ದೊಡ್ದ್ ಬತ್ತ್ಂಡ್. ಇಂಚನೆ ಇಂದೆಕ್ ಇಂಡೋ-ಯುರೋಪಿಯನ್ ಮೂಲೊಲಾ ಉಂಡು. ಲ್ಯಾಂಗ್|ಇನ್|ಜೆಲ್ - ಗೋಲ್ಡ್ ಬುಕ್ಕೊ ಯೆಲ್ ಪನ್ಪಿನ ಶಬ್ದೊಲೆನ ಲೆಕ; ಘೆಲ್- ಪಂಡ ಪೊಲಬು ಬುಕ್ಕೊ ಮಿಂಚು ಪನ್ಪುನ ಅರ್ತೊ ಉಂಡು.[೧೦]
ಇಂಗ್ಲಿಸ್ದ yellow ಪನ್ಪುನವು ಜರ್ಮನಿಕ್ ಪದೊಕುಲೆಗ್ ಸಮ್ಮಂದೊ ಪಟ್ಟ್ನವು. ಅವು ಸ್ಕಾಟ್ಸ್ - ಲ್ಯಾಂಗ್|ಸ್ಕೋ|ಯೆಲ್ಲಾ - ಪೂರ್ವ ಫ್ರೀಷಿಯನ್ ಜೀಲ್, ಪಶ್ಚಿಮ ಫ್ರೀಷಿಯನ್ ಡಚ್ -ಲ್ಯಾಂಗ್|ಎನ್ಎಲ್|ಗೀಲ್, ಜರ್ಮನ್ - ಲ್ಯಾಂಗ್|ಡೆ|ಗೆಲ್ಬ್, ಬುಕ್ಕೊ ಸ್ವೀಡಿಷ್ ಬುಕ್ಕೊ ನಾರ್ವೆಜಿಯನ್ - ಲ್ಯಾಂಗ್|ಎಸ್ವಿ|ಗುಲ್.[೧೧] ಆಕ್ಸ್ ಫರ್ಡ್ ಇಂಗ್ಲಿಷ್ ಡಿಕ್ಷನರಿದ ಪ್ರಕಾರೊ, ಇಂಗ್ಲಿಸ್ಡ್ ಈ ಪದೊತ ಪಿರಾಕ್ದ ಬಳಕೆ 700ಡ್ ದಿ ಎಪಿನಲ್ ಗ್ಲೋಸರಿಡ್ದ್ ಉಂಡು.[೧೨]
ವಿಜ್ಞಾನೊ ಬುಕ್ಕೊ ಪರಿಸರೊ
[ಸಂಪೊಲಿಪುಲೆ]ಬಣ್ಣೊದ ಮುದ್ರಣೊ ಬುಕ್ಕೊ ಕಂಪ್ಯೂಟರ್ ಪರದೆಲು
[ಸಂಪೊಲಿಪುಲೆ]| ಮಂಜಲ್ದ ಪ್ರಕ್ರಿಯೆ (ಕಲೆಪುನ ಮೂಲ) | |
|---|---|
| Color coordinates | |
| ಹೆಕ್ಸ್ ಟ್ರಿಪ್ಲೆಟ್ | #FFEF00 |
| ಮೂಲೊ | CMYK |
ಬಣ್ಣೊದ ಮುದ್ರಣೊಡು ಸಾಮಾನ್ಯವಾದ್ ನಾಲ್ ಬಣ್ಣೊಲೆನ ಶಾಯಿನ್ ಗಳಸುವೆರ್: ಪಚ್ಚೆ-ನೀಲಿ, ಕೆನ್ನೇರಳೆ, ಮಂಜಲ್, ಬುಕ್ಕೊ ಕಪ್ಪು. ಸಿಎಂವೈ ಪ್ರಕಾರೊ "ಮೂಲೊನ್" ಪೂರ್ತಿ ಒಟ್ಟು ಸೇರಾನಗ, ರಡ್ಡನೆದ ಮಿಸ್ರೊಡು ಕೆಂಪು, ಪಚ್ಚೆ ಬುಕ್ಕೊ ನೀಲಿ ಆಪುಂಡು.
ಮೂಜೆನ್ಲಾ ಮಿಸ್ರೊ ಮಲ್ಪುನಗ ಸೈದ್ಧಾಂತಿಕವಾದ್ ಕಪ್ಪು ಬಣ್ಣೊ ಬರ್ಪುಂಡು. ಆಂಡ ಸರಿ ಇದ್ಯಾಂದಿನ ಬಣ್ಣೊ ನಿಜವಾದ್ ಕಪ್ಪು ಬಣ್ಣೊನು ಕೊರ್ಪುಜಿ. ಅಂಚಾದ್ ಒಂಜಿ ಹೆಚ್ಚುವರಿ ಕೆ ಗಟಕೊದ ಅಗತ್ಯೊ ಉಂಡು.
1902ಡ್ದ್ ಬಣ್ಣೊದ ಮುದ್ರಣೊದ ಒಂಜಿ ಉದಾರ್ಮೆ. ಮಂಜಲ್, ಕೆನ್ನೇರಳೆ ಬುಕ್ಕೊ ಪಚ್ಚೆ-ನೀಲಿ ಬಣ್ಣೊಡು ಚಿತ್ರೊಲೆನ್ ಒಟ್ಟು ಸೇರಾದ್ ಒಂಜಿ ಪೂರ್ತಿ ಬಣ್ಣೊದ ಚಿತ್ರೊನು ರಚನೆ ಮಲ್ಪುಂಡು.
ಉಲ್ಲೇಕೊ
[ಸಂಪೊಲಿಪುಲೆ]- ↑ Elert, Glenn (2021). "Color". The Physics Hypertextbook. Archived from the original on 19 August 2016. Retrieved 18 December 2016.
- ↑ "CSS Color Module Level 3". 19 June 2018. Archived from the original on 29 November 2017. Retrieved 4 April 2007.
- ↑ Armstrong, G.A.; Hearst, J.E. (1996). "Carotenoids 2: Genetics and molecular biology of carotenoid pigment biosynthesis". FASEB J. 10 (2): 228–37. doi:10.1096/fasebj.10.2.8641556. ISSN 0892-6638. PMID 8641556. S2CID 22385652. Archived from the original on 14 July 2020. Retrieved 22 November 2012.
- ↑ "Antiquity". Pigments through the Ages. Archived from the original on Feb 3, 2023.
- ↑ Cited in Eva Heller (2000), Psychologie de la couleur – effets et symboliques, p. 82.
- ↑ Eva Heller (2000), Psychologie de la couleur – effets et symboliques, pp. 69–86.
- ↑ Price, Massoume (December 2001). "Culture of Iran: Festival of Fire". Iran Chamber Society. Archived from the original on Feb 3, 2023.
- ↑ Amjadi, Maryam Ala (2012). "Shades of doubt and shapes of hope: Colors in Iranian culture". Payvand. Archived from the original on Dec 21, 2022.
- ↑ Eva Heller (2000), Psychologie de la couleur – effets et symboliques, pp. 69–86
- ↑ Webster's New World Dictionary of American English, Third College Edition, (1988)
- ↑ "Online Etymology Dictionary". Archived from the original on 15 May 2006. Retrieved 26 November 2007.
- ↑ "yellow, adj. and n". Oxford English Dictionary. OUP. Retrieved 21 April 2011.[permanent dead link]