ಮಣಿಮೆಖಾಲ

ಮಣಿಮೇಖಾಲ ಪಂಡ ಒಂಜಿ ದೇವಿ

ಮೇಖಾಲಾ ಬೊಕ್ಕ ರಾಮಸುರನ್ 19ನೆ ಶತಮಾನೊದ ಥಾಯ್ ಕಬಿತೆ ಸಮುತ್ ಖೋಯಿ ದ ದ್ವಿತೀಯಾರ್ಧೊಡು ವರ್ಣನೆ ಮಲ್ತೆರ್, ಇತ್ತೆ ಜರ್ಮನಿಡ್ ಬವೇರಿಯನ್ ರಾಜ್ಯ ಗ್ರಂಥಾಲಯೊದ ಸಂಗ್ರಹೊಡು ಉಂಡು.

ಮಣಿಮೆಖಾಲ (ಪಾಲಿ) ಬೌದ್ಧ ಪುರಾಣೊಡು ಉಪ್ಪುನ ಒಂಜಿ ದೇವಿ. ಆಗ್ನೇಯ ಏಷ್ಯಾದ ಪುರಾಣೊಡು ಆರ್ ಹಿಂದೂ ಮಹಾಸಾಗರ ಬೊಕ್ಕ ದಕ್ಷಿಣ ಚೀನಾ ಸಮುದ್ರೊದ ರಕ್ಷಕೆ ಪಂಡ್ದ್ ಪರಿಗಣಿಸವೆರ್. ಸದ್ಗುಣವಂತ ಜೀವಿಲೆನ್ ನೌಕಾ ನಾಶೊಡ್ದ್ ರಕ್ಷಣೆ ಮಲ್ಪೆರೆ ಆರೆನ್ ಚತುರ್ಮಹಾರಾಜಿಕ್ ನೇಮಕ ಮಲ್ತೆರ್. ಆರ್ ಮಹಾನಿಪಟ ಜಾತಕ (ಮಹಾಜನಕ ಜಾತಕ) ಸೇರ್ದ್ ಕೆಲವು ಬೌದ್ಧ ಕತೆಕುಲೆಡ್ ತೋಜಿದ್ ಬರ್ಪೆರ್, ಉಂದೆಟ್ ಆರ್ ರಾಜಕುಮಾರ ಮಹಾಜನಕನ್ ನೌಕಾ ನಾಶೊಡ್ದ್ ರಕ್ಷಣೆ ಮಲ್ಪುವೆರ್.

ವ್ಯಾಕರಣ

ಪಾಲಿಡ್, ಮಣಿಮೆಖಾಲ ಪಂಡ ರತ್ನೊಲೆನ ಕಟ್ಟೆ ಅತ್ತ್ಂಡ ಸೊಂಟದ ಪಟ್ಟಿ ಪನ್ಪಿನ ಅರ್ಥ. ಆಗ್ನೇಯ ಏಷ್ಯಾಡ್, ಮಣಿ ಮೆಖಾಲಾ (ಬರ್ಮಾ ಭಾಷೆಡ್ ಮಾयाकाला), ಮೋನಿ ಮೆಖಾಲಾ (मोनि मेकल) ಅತ್ತಂಡ ನಿಯಾಂಗ್ ಮೆಖಾಲಾ (ಖಮೇರ್ ಭಾಷೆಡ್) ಸೇರ್ದ್ ಬೇತೆ ಬೇತೆ ಸ್ಥಳೀಯ ಪುದರ್ ಲೆಡ್ ಲೆಪ್ಪುವೆರ್.

ಆಗ್ನೇಯ ಏಷ್ಯಾದ ಮುಖ್ಯ ಭೂಮಿಡ್

ಮಲ್ಲ ಮನುಷ್ಯೆ ಮಣಿಮೆಖಾಲ.

ಮ್ಯಾನ್ಮಾರ್ ದ ಜೋಥೊಕ್ ಡ್ (ಬಿಲಿನ್ ದ ಸಮೀಪ) ಮಣಿಮೆಖಾಲದ ಪುರಾತತ್ತ್ವ ಶಾಸ್ತ್ರದ ಸಾಕ್ಷ್ಯೊಲು ಕ್ರಿ.ಶ. ಸುರುತ ಸಹಸ್ರಮಾನೊಗು ಸೇರ್ದಿನವು.

ಆಗ್ನೇಯ ಏಷ್ಯಾದ ಮುಖ್ಯ ಭೂಮಿದ ವಾಟ್ ಚಿತ್ರಕಲೆಡ್ ಮಣಿಮೆಖಾಲಾನ್ ತೋಜಾವೆರ್, ಉಂದು ಮಹಾಕಾವ್ಯದ ದೃಶ್ಯೊಲೆನ್ ತೋಜಾವುಂಡು. ಥೈಲ್ಯಾಂಡ್ ಬೊಕ ಕಂಬೋಡಿಯಾಡ್ ಆರೆನ್ ಮಿಂಚು ಬೊಕ್ಕ ಸಮುದ್ರೊಲೆನ ದೇವತೆ ಪಂಡ್ದ್ ಲೆಪ್ಪುವೆರ್.

ಮಣಿಮೆಖಾಲ ಬೊಕ್ಕ ರಾಮಸುರ|

ಕಂಬೋಡಿಯ ಬೊಕ್ಕ ಥೈಲ್ಯಾಂಡ್ ದ ಶಾಸ್ತ್ರೀಯ ಸಾಹಿತ್ಯೊಡು ಮಣಿಮೆಖಾಲ ಬೊಕ್ಕ ರಾಮಸುರನ ಕತೆಟ್ ಮಸ್ತ್ ಸರ್ತಿ ಉಲ್ಲೇಖ ಉಂಡು. ಮಣಿಮೆಖಾಲ ರಾಮಸುರ (ಸಾಮಾನ್ಯವಾದ್ ಪರಶುರಾಮೆ ) ಬೊಕ್ಕ ಅರ್ಜುನನೊಟ್ಟುಗು ಚಿತ್ರಣ ಆತ್ಂಡ್. ಐತಿಹ್ಯದ ಪ್ರಕಾರ ಮಣಿಮೆಖಾಲನ ಸ್ಫಟಿಕ ಮಣಿಲೆನ ಮಿಂಚುನು ಬೊಕ್ಕ ಆಕಾಶೊಡು ರಾಮಸುರನ ಕುಡರಿ ಬೆನ್ನಿ ಬೆನ್ಪಿನ ಶಬ್ದೊಡ್ದ್ ಮೆಂಚ್ಬೊಕ್ಕ ತೆಡಿಲ್ ಉತ್ಪತ್ತಿ ಆಪುಂಡು.

ಶ್ರೀಲಂಕಾಡ್

ಶ್ರೀಲಂಕಾಡ್ ಆರೆನ್ ಸಮುದ್ರ ದೇವತೆ ಪಂಡ್ದ್ ಪರಿಗಣಿಸವೆರ್. ತಮಿಳು ಮಹಾಕಾವ್ಯ ಮಣಿಮೆಕಲೈಡ್ ಅವ್ವೇ ಪುದರ್‌ದ ನಾಯಕಿನ್ ಮೋಸ ಮಲ್ತ್‌ದ್ ಮಣಿಪಲ್ಲವಂ (ನೈನಾಥೀವು) ದ್ವೀಪೊಗು ಲೆತೊಂದು ಪೋಪಲ್. ದೇವೋಲ್ ದೈವದ ಪೌರಾಣಿಕ ಅವತಾರೊಡು ದೇವೊಲ್ ಬೊಕ್ಕ ಆಯನ ನೌಕೆ ಶ್ರೀಲಂಕಾದ ಸ್ಥಾಪಕೆಗ್ ಬನ್ನಗ ಮಣಿಮೆಕಲೈ ಶಕ್ರ ದೇವೆರೆನ ಸೂಚನೆದ ಪ್ರಕಾರ ಆಯನ್ ರಕ್ಷಣೆ ಮಲ್ಪೆರೆ ಕಲ್ಲ್‌ದ ದೋಣಿ ಕಟ್ಟುವೆರ್.

ನಲ್ಪು.

ತಾಯ್ ಶೈಲಿದ ಮೇಖಲ ನೃತ್ಯ.

ಥೈಲ್ಯಾಂಡ್ ಬೊಕ್ಕ ಕಂಬೋಡಿಯಾದ ಶಾಸ್ತ್ರೀಯ ನಲಿಕೆದ ಸಂಪ್ರದಾಯೊಲೆಡ್, ಪವಿತ್ರ ನಾಟಕೀಯ ನಲಿಕೆಲು ಮಣಿಮೆಖಾಲ ಬೊಕ್ಕ ರಾಮಸುರನ ಕತೆನ್ ತೋಜಾವುಂಡು.

ಕಂಬೋಡಿಯಾ

ಖಮೇರ್ ಬ್ಯಾಲೆಟ್ ಡ್ ಮೋನಿ ಮೆಖ್ಲಾ.

ರೋಬಂ ಮೋನಿ ಮೆಖ್ಲಾ ,ಉಂದೆನ್ ರೋಬಂ ಮೇಖಲ -ರೀಮ್ಸೊರ್ ಪಂದ್ ಲೆಪ್ಪುವೆರ್.

ಥೈಲ್ಯಾಂಡ್

ಥೈಲ್ಯಾಂಡ್ ಡ್, ಲಖೋನ್ ನ್ಯಿ ಅತ್ತ್ಂಡ ಖೋನ್ ನಲಿಕೆಲೆನ ಮುಖ್ಯ ಪ್ರದರ್ಶನೊಲೆಗ್ ದುಂಬು ಬೊಕ್ ರೊಂಗ್ ('ಪರಿಚಯ ನಲಿಕೆ') ದ ಪರಿಚಯೊದ ರೂಪೊಡು ಮೆಖ್ಲಾ-ರಾಮ್ಸುನ್ ನಲಿಕೆನ್ ಮಲ್ಪುವೆರ್.

ಆಧುನಿಕ ಬಳಕೆಡ್

• ಜನಪ್ರಿಯ ಬರ್ಮಾದ ಪಾಪ್ ಗಾಯಕಿ ಮೈಖಲಾರ ತನ್ನ ವೇದಿಕೆದ ಪುದರ್ ನ್ ಮಣಿಮೆಖಲಾರೊಡ್ದ್ ದೆತೊನುವೆರ್.
• ಥೈಲ್ಯಾಂಡ್ ಡ್ 2002, 2008, 2015 ಬೊಕ್ಕ 2020ಡ್ ನಡತಿನ ಉಷ್ಣವಲಯದ ಚಂಡಮಾರುತೊಲೆಗ್ ಮೆಖಾಲಾ ಪನ್ಪಿನ ಪುದರ್ ದೀತೆರ್. ಅಂಚನೆ, 1980ಡ್ದ್ ಬೊಕ್ಕ ಥಾಯ್ ದೂರದರ್ಶನ ಉದ್ಯಮೊಡು ಕೊರ್ಪಿನ ಒಂಜಿ ಪ್ರಶಸ್ತಿನ್ ಮೇಖಾಲಾ ಪ್ರಶಸ್ತಿ ಪನ್ಪೆರ್.

ಅಂಚನೆ ತೂಲೆ

• ಮಣಿಮೆಕಲೈ, ಬೌದ್ಧ ಸನ್ಯಾಸಿನಿ ಆಯಿನ ಶೀರ್ಷಿಕೆದ ಪಾತ್ರದ ಬಗ್ಗೆ ಭಾರತೀಯ ತಮಿಳು ಮಹಾಕಾವ್ಯ
• ಕುಡ್ಡಕ ನಿಕಾಯದಿಂದ ಜಾತಕ ಕಥೆಗಳು ಖುಡ್ಡಕ ನಿಕಾಯ
• ಮಹಾನಿಪತ ಜಾತಕ
• ರೋಬುಂ ಮೋನಿ ಮೆಖ್ಲ
• ಮಾಜು, ಚೀನಾದ ಸಮುದ್ರ ದೇವತೆ
• ಇಂಡೋನೇಷ್ಯಾದ ಜವಾನೀಸ್ ಬೊಕ್ಕ ಸುಂಡಾನೀಸ್ ನಕುಲು ಆರಾಧನೆ ಮಲ್ಪುನ ದಕ್ಷಿಣ ಸಮುದ್ರದ ರಾಣಿ ನ್ಯಾಯ ರೋರೊ ಕಿದುಲ್

ಬಾಹ್ಯ ಲಿಂಕ್ ಲು

• ದೇವತೆ ಬೊಕ್ಕ ರಾಕ್ಷಸೆ - ಒಂಜಿ ಕಂಬೋಡಿಯನ್ ದಂತಕಥೆ