ಮನು ಭಾಕರ್

ಮನು ಭಾಕರ್
ಮನು ಭಾಕರ್ ಕ್ರೀಡಾ ಪಟು
Born	೧೮ ಫೆಬ್ರವರಿ ೨೦೦೨ ಹರಿಯಾಣದ ಜಜ್ಜರ್ ಪನ್ಪುನ ಊರುದ ಗೋರಿಯಾ ಗ್ರಾಮಡ್
Occupation	ಕ್ರೀಡಾ ಶೂಟರ್.
Notable work	ಮಹಿಳಾ ಶೂಟರ್

ಮನು ಭಾಕರ್ ಒಂಜಿ ಮಹಿಳಾ ಕ್ರೀಡಾಪಟು. ಆರ್ ಮಸ್ತ್ ಪುದರ್ ಪಡೆಯಿನಾರ್. ಆರ್ ಪುಟ್ಟುದುನೆ ೧೮ ಫೆಬ್ರವರಿ ೨೦೦೨ಡು. ಆರ್ ಭಾರತೀಯ ಕ್ರೀಡಾ ಶೂಟರ್. ಆರ್ ಕ್ರೀಡಾ ಕೂಟಡು ೨ ಪದಕ, ಏಷ್ಯಾನ್ ಗೇಮ್ಸ್ ಬೊಕ ಏಷ್ಯಾನ್ ಚಾಂಪಿಯನ್‌ಶಿಪ್‌ಡ್ ೭ಪದಕನ್ ಬೊಕ ವಿಶ್ವ ಚಾಂಪಿಯನ್‌ಶಿಪ್‌, ಬೊಕ ವಿಶ್ವಕಪ್ ಡ್ ೨೧ ಪದಕನ್ ಗೆಂದ್‌ದೆರ್. ಆರ್ ೨೦೨೪ತ ಒಲಿಂಪಿಕ್ಸ್‌ಡ್ ಗೊಬ್ಬುದ್ ಎಡ್ಡೆ ಪುದರ್ ಗಳಿಸದೇರ್. ಅಲ್ಪ ಆರ್ ೧೦ಮೀಟರ್ ಪಿಸ್ತುಲ್ ಸ್ಪರ್ಧೆ‌ಡ್ ಕಂಚಿದ ಪದಕ ಗೆಂದ್‌ದ್, ಒಲಿಂಪಿಕ್ಸ್‌ಡ್ ಸುರುತ ಪದಕ ಗೆಂದ್‌ನ ಭಾರತೀಯ ಮಹಿಳಾ ಶೂಟರ್ಂದ್ ಪುದರ್ ಪಡೆಯೆರ್.ಬೊಕ ಆರ್ ೧೦ಮೀ ಪಿಸ್ತುಲ್ ಗುಂಪು ಗೊಬ್ಬಿನೆಟ್‌ಲಾ ಬೊಕೊಂಜಿ ಕಂಚಿದ ಪದಕ ಗೆಂದ್ ಯೆರ್. ಇಂಚನೇ ಒಂಜೇ ಒಲಿಂಪಿಕ್ಸ್ ಕ್ರೀಡಾ ಕೂಟಡು ೨ಪದಕ ಗೆಂದ್ ನ ಭಾರತದ ಸುರುತ ಮಹಿಳೆ ಆದುಲ್ಲೆರ್.

ಪರಿಚಯ

ಮನು ಭಾಕರ್ ೧೮ ಫೆಬ್ರವರಿ೨೦೦೨ ಟ್ ಹರಿಯಾಣದ ಜಜ್ಜರ್ ಪನ್ಪುನ ಊರುದ ಗೋರಿಯಾ ಗ್ರಾಮಡ್ ಪುಟ್ಟಿಯೆರ್. ಆರ್ನ ಅಮ್ಮೆರ್ ರಾಮ್ ಕಿಶನ್ ಭಾಕರ್, ಆರ್  ಮರ್ಚೆಂಟ್ ನೇವಿಡ್ ಇಂಜಿನಿಯರ್ ಆದ್ ಕೆಲಸ ಮಳ್ತೊಂದು ಉಲ್ಲೆರ್.೧೪ವರ್ಷ ಮುಟ್ಟ ಮನು ಮಣಿಪುರಿ ಸಮರ ಕಳೆಯಾಯಿನ ಹ್ಯೂಯೆನ್ ಲ್ಯಾಂಗ್ಲಾನ್, ಅಂಚನೆ ಬಾಕ್ಸಿಂಗ್, ಟೆನ್ನಿಸ್ ಬೊಕ ಸ್ಕೇಟಿಂಗ್‌ನಂಚಿನ ಬೇತೆ ಗೊಬ್ಬುಲೆಡ್ಲಾ ಸಾಧನೆ ಮಲ್ತ್ ದೆರ್. ಐಟ್ ಪದಕ ಲಾ ಗೆಂದ್‌ದೆರ್.

ಗೊಬ್ಬುದ ಸಾಧನೆಲು

೨೦೧೬-೨೦೨೦

೨೦೧೭ಟ್  ಏಷ್ಯನ್ ಜೂನಿಯರ್ ಚಾಂಪಿಯನ್‌ಶಿಪ್‌ಡ್ ಬೊಳ್ಳಿದ ಪದಕ ಗೆಂದ್ ಯೆರ್. ಉಂದು ಆರ್ನ ಸುರುತ ಅಂತರರಾಷ್ಟ್ರೀಯ ಮಟ್ಟದ ಬಿರುದು. ಕೇರಳಡ್ ನಡತ್ ನ ಕ್ರೀಡಾ ಕೂಟಡು ವಿಶ್ವಕಪ್ ಪದಕ ವಿಜೇತೆ ಹೀನಾ ಸಿಧು ಅರೆನ್ ಸೋಲ್ ಪಾದ್ ೯ ಬಂಗಾರ್ ದ ಪದಕ ಗೆಂದ್ ಯೆರ್. ಫೈನಲ್‌ ಡ್ ೨೪೨.೩ ಮಾರ್ಕ್ ಪಡೆಯೊಂದು, ಸಿಧುನ ೨೪೦.೮ಮಾರ್ಕ್ ದ ದಾಖಲೆನ್  ಪೊಲಿತೆರ್.

ಮೆಕ್ಸಿಕೋದ ಗ್ವಾಡಲಜರಾಡ್ ನಡತಿನ ೨೦೧೮ತ ಅಂತರರಾಷ್ಟ್ರೀಯ ಶೂಟಿಂಗ್ ಸ್ಪೋರ್ಟ್ ಫೆಡರೇಶನ್ ವಿಶ್ವಕಪ್ ಸ್ಪರ್ಧೆ ಡ್ ಭಾಕರ್ ಪೊಂಜೊಲೆನ ೧೦ ಮೀಟರ್ ಏರ್ ಪಿಸ್ತೂಲ್‌ ಸ್ಪರ್ಧೆ ಡ್ ೨ ಸರ್ತಿ ಚಾಂಪಿಯನ್ ಮೆಕ್ಸಿಕೋದ ಅಲೆಜಾಂಡ್ರಾ ಜವಾಲಾ ಅರೆನ್ ಸೋಲಿಸದ್ ಬಂಗಾರ್ ದ ಪದಕ ಗೆಂದ್ ದೆರ್.೨೩೭.೧ ಮಾರ್ಕ್ ಪಡೆಯಿನ ಜವಾಲಾ ನ ಎದುರು ಕಡೆತ ಗೊಬ್ಬುಡು ಭಾಕರ್ ೨೩೭.೫ ಮಾರ್ಕ್ ಪಡೆಯೆರ್.

೧೦ ಮೀಟರ್ ಏರ್ ಪಿಸ್ತೂಲ್ ಜೋಡಿ ಗೊಬ್ಬುಡು ಭಾಕರ್ ವಿಶ್ವಕಪ್ ನಲ್ಲಿ ತನ್ನ ೨ ನೇ ಬಂಗಾರ್ ದ ಪದಕ ಗೆಂದ್ ಯೆರ್. ಆರ್ ಓಂ ಪ್ರಕಾಶ್ ಮಿಥರ್ವಾಲ್ ಆರ್ನ ಒಟ್ಟುಗು ಜೋಡಿ ಆದ್ ಗೊಬ್ಬುದೆರ್. ಈ ಜೋಡಿ ೪೭೬.೧ ಮಾರ್ಕ್ ಪಡೆಯೊಂದು ೪೭೫.೨ ಮಾರ್ಕ್ ಪಡೆಯಿನ ಸಾಂಡ್ರಾ ರೀಟ್ಜ್ ಬೊಕ ಕ್ರಿಶ್ಚಿಯನ್ ರೀಟ್ಜ್ಅಕುಲೆನ್ ಸೋಲಿಸಯೆರ್.