ಮರಿಜಾನ್ ಕಾಪ್

ಮರಿಜಾನ್ ಕಾಪ್ (/mɑːriːˈzɑːn ˈkæp/ mah-REE-ZAN KAPP; ಆಫ್ರಿಕಾನ್ಸ್ ಉಚ್ಚಾರಣೆ: [mɑːriˈzɑːn ˈkæp]; ಪುಟ್ಟಿನೆ ೪ ಜನವರಿ ೧೯೯೦) ಒರ್ತಿ ದಕ್ಷಿಣ ಆಫ್ರಿಕಾದ ಅಂತರರಾಷ್ಟ್ರೀಯ ಪೊಣ್ಣು ಕ್ರಿಕೆಟ್ ದಾರ್. ಆರ್ ದಕ್ಷಿಣ ಆಫ್ರಿಕಾದ ಪೊಣ್ಣುಲೆ ರಾಷ್ಟ್ರೀಯ ಕ್ರಿಕೆಟ್ ತಂಡೊಗು ಗೊಬ್ಬು ಗೊಬ್ಬೊಂದಿತ್ತೆರ್. ಟ್ವೆಂಟಿ20 ಅಂತರಾಷ್ಟ್ರೀಯ ಸ್ಪರ್ಧೆಡ್ ದಕ್ಷಿಣ ಆಫ್ರಿಕಾದ ಪರವಾದ್ ಹ್ಯಾಟ್ರಿಕ್ ಮಲ್ತಿನ ಸುರುತ ಪೊಣ್ಣು ಕ್ರಿಕೆಟಿಗೆ ಆರ್.

ಕೆಲಸ

ಡಿಸೆಂಬರ್ ೨೦೧೭ಡ್, ಆರ್ ಐಸಿಸಿ ಪೊಣ್ಣುಲೆ ಒಡಿಐ ಟೀಮ್ ಆಫ್ ದ ಇಯರ್ ಡ್ ಒರ್ತಿ ಆದ್ ಆಯ್ಕೆ ಆಯೆರ್. ಮಾರ್ಚ್ ೨೦೧೮ಡ್, ೨೦೧೮-೧೯ ಋತುರ್ದ್ ದುಂಬು ಕ್ರಿಕೆಟ್ ದಕ್ಷಿಣ ಆಫ್ರಿಕಾಡ್ದ್ ರಾಷ್ಟ್ರೀಯ ಒಪ್ಪಂದೊಲೆನ್ ಪಡೆಯಿನ ಪದಿನಾಲ್ ಗೊಬ್ಬುದಕುಲೆಡ್ ಒರ್ತಿಯೇ ಆದಿತ್ತೆರ್.

ವಿಶ್ವ ಟ್ವೆಂಟಿ20 ಸಾಧನೆಲು

ಸೆಪ್ಟೆಂಬರ್ ೨೦೧೮ಡ್, ವೆಸ್ಟ್ ಇಂಡೀಸ್ ವಿರುದ್ಧದ ಸರಣಿಡ್ ಮಹಿಳಾ ಒನ್-ಡೇ ಇಂಟರ್ನ್ಯಾಷನಲ್ಸ್ (WODIs) ಡ್ ೧೦೦ನೇ ವಿಕೆಟ್ ದೆತೊನುವೆರ್. ಅಕ್ಟೋಬರ್ ೨೦೧೮ಡ್, ವೆಸ್ಟ್ ಇಂಡೀಸ್ ಡ್ ನಡತಿನ ೨೦೧೮ ಐಸಿಸಿ ಪೊಣ್ಣುಲೆ ವಿಶ್ವ ಟ್ವೆಂಟಿ೨೦ ಪಂದ್ಯಾವಳಿಗ್ ದಕ್ಷಿಣ ಆಫ್ರಿಕಾ ತಂಡೊಗು ಆಯ್ಕೆ ಆಯೆರ್. ಈ ಟೂರ್ನಿಡ್ ದಕ್ಷಿಣ ಆಫ್ರಿಕಾದ ತಂಡೊಗು 98 ರನ್ ಮಲ್ತಿನ ಟೂರ್ನಮೆಂಟ್ ಡ್ ರಿಂದ ಜಾಸ್ತಿ ರನ್ ಸ್ಕೋರ್ ಮಲ್ತಿನ ಪೊಣ್ಣು ಆಯೆರ್. ನವೆಂಬರ್ ೨೦೧೮ಡ್, ೨೦೧೮-೧೯ ಪೊಣ್ಣುಲೆ ಬಿಗ್ ಬ್ಯಾಶ್ ಲೀಗ್ ಋತುವಿಗ್ ಸಿಡ್ನಿ ಸಿಕ್ಸರ್ಸ್ ತಂಡೊಗು ಸೇರ್ಸಾಯೆರ್.

ಮೇ ೨೦೧೯ಡ್, ಪಾಕಿಸ್ತಾನೊದ ವಿರುದ್ಧ ನಡತಿನ ಸುರುತ ಪೊಣ್ಣುಲೆ ಒಡಿಐ ಪಂದ್ಯೊಡು, ಕೊಪ್ ೧೦೦ ಪೊಣ್ಣುಲೆ ಒಡಿಐ ಪಂದ್ಯೊಲೆನ್ ಗೊಬ್ಬೊಂದಿತ್ತಿನ ಮೂಜಿನೆ ದಕ್ಷಿಣ ಆಫ್ರಿಕಾದ ಕ್ರಿಕೆಟಿಗ ಆಯೆರ್. ಸೆಪ್ಟೆಂಬರ್ ೨೦೧೯ಡ್, ದಕ್ಷಿಣ ಆಫ್ರಿಕಾಡ್ ಸುರು ಆಯಿನ ಪೊಣ್ಣುಲೆ ಟಿ೨೦ ಸೂಪರ್ ಲೀಗ್ ದ ಉದ್ಘಾಟನಾ ಆವೃತ್ತಿಗ್ ಎಂ. ವ್ಯಾನ್ ಡೆರ್ ಮೆರ್ವೆ XI ಡ್ ಆರ್ ಆಯ್ಕೆ ಆಯೆರ್.

ವಿಶ್ವಕಪ್ ಬೊಕ್ಕ 'ದಿ ಹಂಡ್ರೆಡ್'

ಜನವರಿ ೨೦೨೦ಡ್, ಆಸ್ಟ್ರೇಲಿಯಾಡ್ ನಡತಿನ ೨೦೨೦ ಐಸಿಸಿ ಪೊಣ್ಣುಲೆ ಟಿ೨೦ ವಿಶ್ವಕಪ್ ಗ್ ದಕ್ಷಿಣ ಆಫ್ರಿಕಾ ತಂಡೊಗು ಸೇರ್ಸಾಯೆರ್. ಜುಲೈ ೨೩, ೨೦೨೦ಡ್, ಇಂಗ್ಲೆಂಡ್ ದ ಪ್ರವಾಸೊಗು ದುಂಬು ಪ್ರಿಟೋರಿಯಾಡ್ ತರಬೇತಿ ಸುರು ಮಲ್ತಿನ ೨೪ ಪೊಣ್ಣುಲೆನ ದಕ್ಷಿಣ ಆಫ್ರಿಕಾ ತಂಡೊಗು ಕ್ಯಾಪ್ ನ್ ಸೇರ್ಪಾಯೆರ್. ೨೦೨೧ಡ್, ದಿ ಹಂಡ್ರೆಡ್ ಟೂರ್ನಮೆಂಟ್ ದ ಉದ್ಘಾಟನಾ ಋತುವಿಗ್ ಓವಲ್ ಇನ್ವಿನ್ಸಿಬಲ್ಸ್ ಡ್ ಡ್ರಾಫ್ಟ್ ಆಯೆರ್. ಫೆಬ್ರವರಿ ೨೦೨೨ಡ್, ನ್ಯೂಜಿಲೆಂಡ್ ಡ್ ನಡಪುನ ೨೦೨೨ ಮಹಿಳಾ ಕ್ರಿಕೆಟ್ ವಿಶ್ವಕಪ್ ಗ್ ದಕ್ಷಿಣ ಆಫ್ರಿಕಾ ತಂಡೊಗು ಆಯ್ಕೆ ಆಯೆರ್. ಮಾರ್ಚ್ ೧೪, ೨೦೨೨ಡ್, ದಕ್ಷಿಣ ಆಫ್ರಿಕಾದ ವಿಶ್ವಕಪ್ ಪಂದ್ಯೊಡು ಇಂಗ್ಲೆಂಡ್ ನ ವಿರುದ್ಧ ಮಹಿಳಾ ಒಡಿಐ ಕ್ರಿಕೆಟ್ ಡ್ ಕ್ಯಾಪ್ ಸುರುತ ಐನ್ ವಿಕೆಟ್ ದೆತೊನುವೆರ್.

ಏಪ್ರಿಲ್ ೨೦೨೨ಡ್, ಕೊಪ್ ನ್ ಇಂಗ್ಲೆಂಡ್ ಡ್ ದಿ ಹಂಡ್ರೆಡ್ ದ ೨೦೨೨ ಋತುವಿಗ್ ಓವಲ್ ಇನ್ವಿನ್ಸಿಬಲ್ಸ್ ಸೈನ್ ಮಲ್ತೆರ್. ತಂಡ ಟೂರ್ನಿನ್ ಗೆಂದಿಯೆರ್ ಬೊಕ್ಕ ಫೈನಲ್ ಡ್ ತನ್ನ ಪಂದ್ಯ ಗೆಂದಿನ ಇನಿಂಗ್ಸ್ ಗ್ ಪ್ಲೇಯರ್ ಆಫ್ ದ ಮ್ಯಾಚ್ ಪ್ರಶಸ್ತಿನ್ ಪಡೆಯೆರ್.

ಮೇ ೨೦೨೨ಡ್, ಯುನೈಟೆಡ್ ಅರಬ್ ಎಮಿರೇಟ್ಸ್ ದ ದುಬೈಡ್ ನಡತಿನ ೨೦೨೨ ಫೇರ್ಬ್ರೇಕ್ ಇನ್ವಿಟೇಶನಲ್ ಟಿ೨೦ ಪಂದ್ಯಾವಳಿಡ್ ಫಾಲ್ಕನ್ಸ್ ಗ್ ರಡ್ಡ್ ಪಂದ್ಯೊಲೆನ್ ಗೊಬ್ಬೊಂದಿತ್ತೆರ್. ಟೊರ್ನಾಡೋಸ್ ನ ವಿರುದ್ಧದ ಅಂತಿಮ ಪಂದ್ಯೊಡು, ಆರ್ 67 ರನ್ (ಔಟ್ ಅತ್ತ್) ಆಜಿ ಫೋರ್ ಬೊಕ್ಕ ರಡ್ಡ್ ಸಿಕ್ಸ್ ಮಲ್ತೆರ್ ಬೊಕ್ಕ ಪ್ಲೇಯರ್ ಆಫ್ ದ ಮ್ಯಾಚ್ ಪ್ರಶಸ್ತಿನ್ ಪಡೆಯೆರ್. ಆಂಡಲಾ, ಅರೆನ ಪ್ರಭಾವಶಾಲಿ ಪ್ರದರ್ಶನೊದ ನಡುಟು, ಟೊರ್ನಡೋಸ್ ನ್ ಟೂರ್ನಿನ್ ಗೆಂದಿನೆನ್ ತಡೆಯೆರೆ ಸಾಧ್ಯ ಆಯಿಜಿ.

ಟೆಸ್ಟ್ ಕ್ರಿಕೆಟ್

ಜೂನ್ ೨೦೨೨ಡ್, ಇಂಗ್ಲೆಂಡ್ ನ ವಿರುದ್ಧ ಒಂಜೇ ಟೆಸ್ಟ್ ಪಂದ್ಯೊಡು, ಕೊಪ್ ಟೆಸ್ಟ್ ಕ್ರಿಕೆಟ್ ಡ್ ೧೫೦ ರನ್ ಡ್ ತನ್ನ ಸುರುತ ಶತಕೊನು ಮಲ್ತೆರ್. ಮಹಿಳಾ ಟೆಸ್ಟ್ ಪಂದ್ಯೊಡು ಒರಿ ದಕ್ಷಿಣ ಆಫ್ರಿಕಾದ ಗೊಬ್ಬುದಾರ್ ಮಲ್ತಿನ ಬಾರಿ ಮಲ್ಲ ವೈಯಕ್ತಿಕ ಸ್ಕೋರ್ ಉಂದು.

ಜುಲೈ ೨೦೨೨ಡ್, ಇಂಗ್ಲೆಂಡ್ ದ ಬರ್ಮಿಂಗ್ಹ್ಯಾಮ್ ಡ್ ನಡತಿನ ೨೦೨೨ ಕಾಮನ್ವೆಲ್ತ್ ಗೇಮ್ಸ್ ಕ್ರಿಕೆಟ್ ಪಂದ್ಯಾವಳಿಗ್ ದಕ್ಷಿಣ ಆಫ್ರಿಕಾ ತಂಡೊಗು ಆಯ್ಕೆ ಆಯೆರ್. ಆಂಡಲಾ, ಕುಟುಂಬದ ಕಾರಣೊಲೆನ್ ಉಲ್ಲೇಖ ಮಲ್ತ್ದ್ ಸುರುಟು ಅರೆನ್ ಟೂರ್ನಿಡ್ದ್ ಪಿದಯಿ ಬುಡ್ಪಾಯೆರ್. ಒಂಜಿ ಅಪಘಾತೊಡು ಗಂಭೀರವಾದ್ ಗಾಯೊ ಆಯಿನ ಬೊಕ್ಕ ತೀವ್ರ ಆರೈಕೆಡ್ ಇತ್ತಿನ ತನ್ನ ಮಾಮಿನ್ ತೂವೆರೆ ಕೊಪ್ ದಕ್ಷಿಣ ಆಫ್ರಿಕಾಗ್ ವಾಪಸ್ ಪೋಯೆರೆ ನಿರ್ಧರಿಸಯೆರ್.

2024 ಐಸಿಸಿ ಪೊಣ್ಣುಲೆ ಟಿ20 ವಿಶ್ವಕಪ್ ಬೊಕ್ಕ ನವೆಂಬರ್ 2024ಡ್ ಇಂಗ್ಲೆಂಡ್ ವಿರುದ್ಧ ಬಹು-ಸ್ವರೂಪದ ಮನೆ ಸರಣಿಗ್ ದಕ್ಷಿಣ ಆಫ್ರಿಕಾ ತಂಡೊಗು ಆಯ್ಕೆ ಆಯೆರ್

ಅಕ್ಟೋಬರ್ ೨೦೨೫ ಮುಟ್ಟ, ಐಸಿಸಿ ಪೊಣ್ಣುಲೆ ಕ್ರಿಕೆಟ್ ವಿಶ್ವಕಪ್ ಡ್ ದಕ್ಷಿಣ ಆಫ್ರಿಕಾದ ಪರ ಆಲ್ ರೌಂಡರ್ ಆದ್ ಗೊಬ್ಬು ಗೊಬ್ಬೊಂದಿತ್ತೆರ್. ಮುಖ್ಯ ಸಾಧನೆಲು: ಪಾಕಿಸ್ತಾನದ ವಿರುದ್ಧ 68 ರನ್ (43 ಚೆಂಡೆಡ್ ಔಟ್ ಆಯಿಜಿ) ಬೊಕ್ಕ 3-20 ವಿಕೆಟ್ ದೆತೊನುನ ಕಾರಣೊಗು ಪ್ಲೇಯರ್ ಆಫ್ ದ ಮ್ಯಾಚ್ ಪ್ರಶಸ್ತಿನ್ ಪಡೆಯೆರ್. ಸೆಮಿ-ಫೈನಲ್ ಪಂದ್ಯೊಡು ಆರ್ 5-20 ವಿಕೆಟ್ ದೆತೊನುವೆರ್; ಉಂದೆಟ್ ರಡ್ಡ್ ಡಬಲ್-ವಿಕೆಟ್ ಮೈಡೆನ್ ಓವರ್ ಲು ಸೇರ್ದ್, ಐಸಿಸಿ ಪೊಣ್ಣುಲೆ ಕ್ರಿಕೆಟ್ ವಿಶ್ವಕಪ್ ದ ಇತಿಹಾಸೊಡು ಅತಿ ಹೆಚ್ಚಿನ ವಿಕೆಟ್ ದೆತೊನುನ (44) ಆಯೆರ್.

ವೈಯಕ್ತಿಕ ಜೀವನ

ಜುಲೈ ೨೦೧೮ಡ್, ಆರ್ ತನ್ನ ತಂಡದ ಸದಸ್ಯೆ ಬೊಕ್ಕ ದಕ್ಷಿಣ ಆಫ್ರಿಕಾದ ಪೊಣ್ಣುಲೆ ಕ್ರಿಕೆಟ್ ತಂಡದ ಮಾಜಿ ನಾಯಕ ಡೇನ್ ವ್ಯಾನ್ ನಿಕೆರ್ಕ್ ನ್ ಮದಿಮೆ ಆಯೆರ್.