ಮರ್ಸಿ ಕುಟ್ಟನ್
ಪರಿಚಯ
[ಸಂಪೊಲಿಪುಲೆ]ಮರ್ಸಿ ಕುಟ್ಟನ್ (ಪುಟ್ಟು ೧ ಜನವರಿ ೧೯೬೦) ಒರಿ ಮಾಜಿ ಭಾರತೀಯ ಟ್ರ್ಯಾಕ್ ಅಂಡ್ ಫೀಲ್ಡ್ ಅಥ್ಲೀಟ್. ಆಜಿ ಮೀಟರ್ ದಾಂಟೊಂದಿತ್ತಿನ ಸುರುತ ಭಾರತೀಯ ಪೊಣ್ಣು ಲಾಂಗ್ ಜಂಪರ್ ಆಯೆರ್.೧೯೮೯ಡ್, ಮರ್ಸಿ ಭಾರತೀಯ ಅಥ್ಲೆಟಿಕ್ಸ್ ಗ್ ಮಲ್ತಿನ ಕೊಡುಗೆಗ್ ಅರ್ಜುನ ಪ್ರಶಸ್ತಿನ್ ಪಡೆಯೆರ್.
ವೃತ್ತಿ ಜೀವನ
[ಸಂಪೊಲಿಪುಲೆ]ಕೇರಳೊಡು ಪುಟ್ಟುವೆರ್; ಅರೆನ ಸುರುತ ಅಂತರರಾಷ್ಟ್ರೀಯ ಯಶಸ್ಸು 1981ಡ್ ಏಷ್ಯಾದ ಚಾಂಪಿಯನ್ ಶಿಪ್ ಡ್ ಅಥ್ಲೆಟಿಕ್ಸ್ ಡ್ ಬತ್ತ್ಂಡ್, ಅಪಗ ಅರೆಗ್ ಲಾಂಗ್ ಜಂಪ್ ಬುಕ್ಕೊ 4 x 400 ಮೀಟರ್ ರಿಲೇಡ್ ಡಬಲ್ ಕಂಚಿದ ಪದಕ ಗೆಂದಿಯೆರ್. ದುಂಬುದ ವರ್ಷ ೧೯೮೨ ಏಷ್ಯನ್ ಗೇಮ್ಸ್ ಡ್ ಲಾಂಗ್ ಜಂಪ್ ಡ್ ಬೊಳ್ಳಿ ಪದಕ ಗೆಂದಿನಗ.೧೯೮೩ಡ್ ಅಥ್ಲೆಟಿಕ್ಸ್ ಡ್ ವಿಶ್ವ ಚಾಂಪಿಯನ್ ಶಿಪ್ ಡ್ ಲಾಂಗ್ ಜಂಪ್ ಡ್ ಭಾರತೊನು ಪ್ರತಿನಿಧಿಸಯೆರ್. ಆಂಡ ಅಂತಿಮ ಸುತ್ತುಗು ಅರ್ಹತೆ ಪಡೆಯೆರ್.ಏಷ್ಯಾದ ಟ್ರ್ಯಾಕ್ ಅಂಡ್ ಫೀಲ್ಡ್ ಮೀಟ್ ಡ್ ಕೇರಳೊಡ್ದ್ ಪದಕ ಗೆಂದಿನ ಸುರುತ ಪೊಣ್ಣು ಪನ್ಪಿನ ಗೌರವೊನು ಮರ್ಸಿ ಪಡೆಯೆರ್.ಲಾಂಗ್ ಜಂಪ್ ಡ್ ಅರೆನ ವೈಯಕ್ತಿಕ ಅತ್ಯುತ್ತಮ 6.29 ಮೀ.ಅರೆನ ವೃತ್ತಿಜೀವನದ ಕಡೆತ ಹಂತೊಡು ಅರೆನ್ ಸ್ಪ್ರಿಂಟ್ ಗ್ ಬದಲಾವಣೆ ಮಲ್ತೆರ್ ಬುಕ್ಕೊ 400 ಮೀಟರ್ ಡ್ ಸ್ಪರ್ಧೆ ಮಲ್ಪೆರೆ ಸುರು ಮಲ್ತೆರ್. ಆರ್ 1988 ಸಿಯೋಲ್ ಒಲಿಂಪಿಕ್ಸ್ ಡ್ 400 ಮೀಟರ್ ಡ್ ಸ್ಪರ್ಧೆ ಮಲ್ತೆರ್ ಬುಕ್ಕೊ ರಡ್ಡನೆ ಸುತ್ತುಗು ಪೋಯೆರ್.
ವೈವಾಹಿಕ ಜೀವನ ಬುಕ್ಕೊ ಸಾಧನೆ
[ಸಂಪೊಲಿಪುಲೆ]ಮರ್ಸಿ 400 ಮೀಟರ್ ರಾಷ್ಟ್ರೀಯ ಚಾಂಪಿಯನ್ ಆಯಿನ ಮುರಳಿ ಕುಟ್ಟನ್ ನ್ ಮದಿಮೆ ಆಯೆರ್ ಬುಕ್ಕೊ ಸೂರಜ್ ಕುಟ್ಟನ್ ಬುಕ್ಕೊ ಸುಜಿತ್ ಕುಟ್ಟನ್ ಪನ್ಪಿನ ರಡ್ಡ್ ಜೋಕುಲೆನ್ ಪಡೆಯೆರ್. ಮರ್ಸಿ ಬುಕ್ಕೊ ಮುರಲಿ ರಾಷ್ಟ್ರೀಯ ಚಾಂಪಿಯನ್ ಆದ್ ಏಷ್ಯಾದ ಪದಕೊಲೆನ್ ಗೆಂದಿನ ಸುರುತ ಭಾರತೀಯ ಅಥ್ಲೆಟಿಕ್ ಜೋಡಿ.ಮುರ್ಲೈ ಕೋಚ್ ನ ಪಾತ್ರೊನ್ ದೆತೊನುವೆರ್ ಬುಕ್ಕೊ ಮರ್ಸಿನ್ ಲಾಂಗ್ ಜಂಪ್ ಡ್ದ್ 400 ಮೀಟರ್ ಗ್ ಬದಲಾವಣೆ ಮಲ್ಪೆರೆ ಪ್ರಭಾವಿತ ಮಲ್ತೆರ್. ಮರ್ಸಿ ಬುಕ್ಕೊ ಮುರಲಿ ರಡ್ಡ್ ಜನಲಾ ಟಾಟಾ ಸ್ಟೀಲ್, ಜಮಶೆಡ್ಪುರ್ ಡ್ ಬೇಲೆ ಮಲ್ತೆರ್. ಅಕುಲು ಇತ್ತೆ ಕೊಚ್ಚಿಡ್ "ಮರ್ಸಿ ಕುಟ್ಟನ್ ಅಥ್ಲೆಟಿಕ್ಸ್ ಅಕಾಡೆಮಿ"ನ್ ನಡಪಾವೊಂದುಲ್ಲೆರ್.
ದೇಶ,ವಿದೇಶೊಡು ಗೆಂದಿನ ಸ್ಪರ್ಧೆ ಬುಕ್ಕೊ ಪದಕ
[ಸಂಪೊಲಿಪುಲೆ]ರಾಷ್ಟ್ರೀಯ ಮಟ್ಟ
೧೯೭೬ – ೭೮—ಲಾಂಗ್ ಜಂಪ್ ಡ್ ರಾಷ್ಟ್ರೀಯ ಶಾಲಾ ಆಟೊಲೆನ ಚಾಂಪಿಯನ್
೧೯೭೯ – ೮೦—೧೦೦ ಮೀ, ೨೦೦ ಮೀ, ಬುಕ್ಕೊ ಲಾಂಗ್ ಜಂಪ್ ಡ್ ಆಲ್ ಇಂಡಿಯಾ ಇಂಟರ್-ಯೂನಿವರ್ಸಿಟಿ ಚಾಂಪಿಯನ್
೧೯೭೯ – ೮೭—ಲಾಂಗ್ ಜಂಪ್ ಡ್ ರಾಷ್ಟ್ರೀಯ ಚಾಂಪಿಯನ್
೧೯೮೮—೪೦೦ ಮೀಟರ್ ಡ್ ರಾಷ್ಟ್ರೀಯ ಚಾಂಪಿಯನ್
ಅಂತರಾಷ್ಟ್ರೀಯ ಮಟ್ಟ
೧೯೮೦—ಲಾಹೋರ್ ಡ್ ನಡತಿನ ಪಾಕಿಸ್ತಾನ ರಾಷ್ಟ್ರೀಯ ಕ್ರೀಡಾಕೂಟೊಡು ಲಾಂಗ್ ಜಂಪ್, ೪ x ೪೦೦ ಮೀ ಬುಕ್ಕೊ ೪ x ೧೦೦ ಮೀ ರಿಲೇಡ್ ಚಿನ್ನದ ಪದಕ ಗೆಂದಿಯೆರ್
೧೯೮೧—೧೯೮೧ಡ್ ಮಾಸ್ಕೋಡ್ ನಡತಿನ ವಿಶ್ವ ಸ್ಪಾರ್ಟಕ್ಯಾಡ್ ಡ್ ಭಾರತೊನು ಪ್ರತಿನಿಧಿಸಯೆರ್
೧೯೮೧—ಟೋಕಿಯೋಡ್ ನಡತಿನ ಏಷ್ಯಾದ ಟ್ರ್ಯಾಕ್ ಅಂಡ್ ಫೀಲ್ಡ್ ಮೀಟ್ ಡ್ ಲಾಂಗ್ ಜಂಪ್ ಬುಕ್ಕೊ ೪ x ೪೦೦ ಮೀ ರಿಲೇಡ್ ಕಂಚಿನ ಪದಕ ಗೆಂದಿಯೆರ್
೧೯೮೨—ನವದೆಹಲಿಡ್ ನಡತಿನ ೯ನೇ ಏಷ್ಯಾದ ಕ್ರೀಡಾಕೂಟೊಡು ಲಾಂಗ್ ಜಂಪ್ ಡ್ ಬೊಳ್ಳಿ ಪದಕ ಗೆಂದಿಯೆರ್
೧೯೮೨—ಆಸ್ಟ್ರೇಲಿಯಾದ ಬ್ರಿಸ್ಬೇನ್ ಡ್ ನಡತಿನ ಕಾಮನ್ ವೆಲ್ತ್ ಕ್ರೀಡಾಕೂಟೊಡು ಭಾರತೊನು ಪ್ರತಿನಿಧಿಸಯೆರ್
೧೯೮೩—ಹೆಲ್ಸಿಂಕಿಡ್ ನಡತಿನ ಸುರುತ ವಿಶ್ವ ಅಥ್ಲೆಟಿಕ್ ಮೀಟ್ ಡ್ ಲಾಂಗ್ ಜಂಪ್ ಡ್ ಭಾರತೊನು ಪ್ರತಿನಿಧಿಸಯೆರ್
೧೯೮೩—ಕುವೈಟ್ ಡ್ ಏಷ್ಯಾದ ಟ್ರ್ಯಾಕ್ ಅಂಡ್ ಫೀಲ್ಡ್ ಮೀಟ್ ಡ್ ಭಾರತೊನು ಪ್ರತಿನಿಧಿಸಯೆರ್
೧೯೮೬—ಸಿಯೋಲ್ ಡ್ ನಡತಿನ ೧೦ನೆ ಏಷ್ಯಾದ ಕ್ರೀಡಾಕೂಟೊಡು ಲಾಂಗ್ ಜಂಪ್ ಡ್ ಭಾರತೊನು ಪ್ರತಿನಿಧಿಸಯೆರ್
೧೯೮೭—ಕಲ್ಕತ್ತಾಡ್ ನಡತಿನ ಎಸ್.ಎ.ಎಫ್ ಗೇಮ್ಸ್ ಡ್ ಲಾಂಗ್ ಜಂಪ್ ಡ್ ಚಿನ್ನದ ಪದಕ ಗೆಂದಿಯೆರ್
೧೯೮೮—ಸಿಯೋಲ್ ಒಲಿಂಪಿಕ್ಸ್ ಡ್ ೪೦೦ ಮೀ ಬುಕ್ಕೊ ೪ x ೪೦೦ ಮೀ ರಿಲೇಡ್ ಭಾರತೊನು ಪ್ರತಿನಿಧಿಸಯೆರ್
೧೯೮೯—ನವ ದೆಹಲಿಡ್ ಏಷ್ಯಾದ ಟ್ರ್ಯಾಕ್ ಅಂಡ್ ಫೀಲ್ಡ್ ಡ್ ೪ × ೪೦೦ ಮೀ ರಿಲೇಡ್ ಚಿನ್ನದ ಪದಕ ಗೆಂದಿಯೆರ್
ಉಲ್ಲೇಕೊಲು
[ಸಂಪೊಲಿಪುಲೆ]https://nbf-academy.com/profile/mercy-kuttan/
https://www.news18.com/news/india/mercy-kuttan-academy-pleads-for-government-mercy-491932.html