ಮಹಿಮಾ ಚೌಧರಿ
ಮಹಿಮಾ ಚೌಧರಿ | |
|---|---|
 ೨೦೧೪ ರಲ್ಲಿ, ಚೌಧರಿಯವರು | |
| ಪುಟ್ಟು | ರಿತು ಚೌಧರಿ 13 September 1973 |
| ಬೇಲೆ | ನಟಿ |
| ಸಕ್ರಿಯ ವರ್ಸೊ | ೧೯೯೭–ಪ್ರಸ್ತುತ |
| ಸಂಗಾತಿ |
ಬಾಬಿ ಮುಖರ್ಜಿ
(m. ೨೦೦೬; ವಿಚ್ಛೇದನ ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೨".) |
| ಜೋಕುಲು | 1 |
ಮಹಿಮಾ ಚೌಧರಿ (ಪುಟ್ಟು ರಿತು ಚೌಧರಿ, ೧೩ ಸೆಪ್ಟೆಂಬರ್ ೧೯೭೩) ಒರ್ತಿ ಭಾರತದ ನಟಿ, [೨] [೩] ಹಿಂದಿ ಚಿತ್ರೊಲೆಡ್ ಬೇಲೆ ಮಲ್ಪುವೆರ್. ಚೌಧರಿ ಸಿನಿಮಾಲೆಡ್ ಪ್ರವೇಶ ಮಲ್ಪುನ ದುಂಬು ಕೆಲವು ಮಾಡೆಲಿಂಗ್ ಅಸೈನ್ಮೆಂಟ್ ಬೊಕ್ಕ ಟೆಲಿವಿಷನ್ ಜಾಹೀರಾತುಲೆನ್ ಮಲ್ತೆರ್. ೧೯೯೭ಡ್ ರೊಮ್ಯಾಂಟಿಕ್ ಡ್ರಾಮಾ ಪಾರ್ಡೆಸ್ ಡ್ ತನ್ನ ಪಾತ್ರೊಗು ಅತ್ಯುತ್ತಮ ಪೊಣ್ಣು ಪಾದಾರ್ಪಣೆಗ್ ಫಿಲ್ಮ್ಫೇರ್ ಪ್ರಶಸ್ತಿನ್ ಗೆಂದಿಯೆರ್.
ದಾಗ್ (೧೯೯೯), ಧಡ್ಕನ್ (೨೦೦೦), ಬೊಕ್ಕ ಕುರುಕ್ಷೇತ್ರ (೨೦೦೦) ಸೇರ್ದ್ ಕೆಲವು ಸಿನಿಮಾಲೆಡ್ ಪ್ರಮುಖ ಪಾತ್ರೊನ್ ಮಲ್ತೆರ್, ಬೊಕ್ಕ ದಿಲ್ ಕ್ಯಾ ಕರೆ (೧೯೯೯), ಲಜ್ಜಾ (೨೦೦೧), ಬೊಕ್ಕ ದೋಬಾರ (೨೦೦೪) ಸಿನಿಮಾಲೆಡ್ ಅರೆನ ಅಭಿನಯೊಗು ವಿಮರ್ಶಕೆರೆನ ಮೆಚ್ಚುಗೆನ್ ಪಡೆಯೆರ್. ದಿಲ್ ಕ್ಯಾ ಕರೆ ಬೊಕ್ಕ ಧಡ್ಕನ್ ಚಿತ್ರೊಲೆಡ್ ಅತ್ಯುತ್ತಮ ಸಹಾಯಕ ನಟಿ ಫಿಲ್ಮ್ ಫೇರ್ ಪ್ರಶಸ್ತಿಗ್ ನಾಮನಿರ್ದೇಶನೊಲೆನ್ ಗಳಸೊಂಡೆರ್.
ಸುರುತ ಜೀವನ
[ಸಂಪೊಲಿಪುಲೆ]ಮಹಿಮಾ ಉತ್ತರ ಪ್ರದೇಶದ ಬಾಗ್ಪತ್ ಜಿಲ್ಲೆದ ಜಾಟ್ ಅಮ್ಮೆರ್ ಬೊಕ್ಕ ಭಾರತದ ದಾರ್ಜೀಲಿಂಗ್ ದ ನೇಪಾಳಿ ಮೂಲದ ಅಪ್ಪೆಗ್ ರಿತು ಚೌಧರಿ ಪಂಡ್ದ್ ಪುಟ್ಟುವೆರ್. [೪] ಡೌ ಹಿಲ್, ಕುರ್ಸಿಯಾಂಗ್ ಡ್ ೧೦ನೇ ತರಗತಿ ಮುಟ್ಟ ಓದುದು ಬೊಕ್ಕ ದಾರ್ಜೀಲಿಂಗ್ ದ ಲೊರೆಟೊ ಕಾನ್ವೆಂಟ್ ಗ್ ಪೋಯೆರ್. [೫] ದಾರ್ಜಿಲಿಂಗ್ದ ಗುಡ್ಡೆ ಪ್ರದೇಶೊಡು ಬುಲೆಯಿನ ಆರ್ ಹಿಂದಿ ಬೊಕ್ಕ ನೇಪಾಳಿ ಭಾಷೆನ್ ಸ್ಪಷ್ಟವಾದ್ ಪಾತೆರುವೆರ್. ಒಂಜಿ ಸ್ಥಳೀಯ ಸೌಂದರ್ಯ ಸ್ಪರ್ಧೆಡ್ 'ಮಿಸ್ ದಾರ್ಜೀಲಿಂಗ್' ಪನ್ಪಿನ ಬಿರುದುನ್ ಗೆಂದಿಯೆರ್. [೬]
ಅರೆನ ಸುರುತ ಬಿಡುಗಡೆ, ಪರ್ಡೆಸ್ ಗ್ ದುಂಬು, ಅರೆನ ನಿರ್ದೇಶಕೆರ್ ಸುಭಾಷ್ ಘೈ ನ ಶಿಫಾರಸ್ ಡ್ ಅರೆನ ಪುದರ್ ನ್ ಮಹಿಮಾ ಚೌಧರಿ ಪಂಡ್ದ್ ಬದಲಾವಣೆ ಮಲ್ತೆರ್, ಅರೆನ ಸಿನಿಮಾಲೆಡ್ ಪ್ರಮುಖ ನಟಿಲೆಗ್ 'ಎಂ' ಅಕ್ಷರ ಅದೃಷ್ಟ ಪಂಡ್ದ್ ನಂಬಿಯೆರ್.
ಕೆಲಸ
[ಸಂಪೊಲಿಪುಲೆ]
ಚೌಧರಿ ತನ್ನ ವೃತ್ತಿಜೀವನೊನು ಒರ್ತಿ ವಿಡಿಯೋ ಜಾಕಿ ಆದ್ ಸುರು ಮಲ್ತೆರ್. [೧] ಆರ್ ೧೯೯೭ಡ್ ಪಾರ್ಡೆಸ್ ಚಿತ್ರೊಡು ನಟನೆ ಮಲ್ತೆರ್. [೨] ಚೌಧರಿ ಶಾರುಖ್ ಖಾನ್ ನ ಎದುರು ಹಳ್ಳಿದ ಪೊಣ್ಣು ಪಾತ್ರೊನ್ ಮಲ್ತೆರ್ . [೩] ಈ ಸಿನಿಮಾ ಜಗತ್ತ್ ದ ಮಟ್ಟೊಡು ಒಂಜಿ ಮಲ್ಲ ವಾಣಿಜ್ಯ ಯಶಸ್ಸ್ ನ್ ಪಡೆಯೊಂಡು. ಅಲೆನ ಅಭಿನಯೊಗು, ಅತ್ಯುತ್ತಮ ಮಹಿಳಾ ಪಾದಾರ್ಪಣೆಗ್ ಫಿಲ್ಮ್ಫೇರ್ ಪ್ರಶಸ್ತಿನ್ ಗೆಂದಿಯೆರ್, ಒಟ್ಟುಗು ಅತ್ಯುತ್ತಮ ನಟಿ ಪನ್ಪಿನ ನಾಮನಿರ್ದೇಶನೊನುಲಾ ಗೆಂದಿಯೆರ್. [೪]
ಚೌಧರಿ ಮೇರ್ನ ಬೇತೆ ಬೇತೆ ಪಾತ್ರೊಗುಲು ದಾಗ್: ದಿ ಫೈರ್ (೧೯೯೯) ಚಿತ್ರಡ್ ಇತ್ತೆರ್.[೭] ಅಲ್ಪ ಆರ್ ರಡ್ಡ್ ಪಾತ್ರನ್ ನಿರ್ವಹಿಸಾಯೆರ್. ಪ್ಯಾರ್ ಕೋಯಿ ಖೇಲ್ ನಹೀ (೧೯೯೯) ಚಿತ್ರಡ್ ಆರ್ ತಮ್ಮಲೆನ್ ಮದಿಮೆ ಆಯೆರೆ ಒತ್ತಾಯ ಮಲ್ಪುನ ವಿಧವೆನ ಪಾತ್ರನ್ ಮಲ್ತೆರ್. ಧಡ್ಕನ್(೨೦೦೦) ಚಿತ್ರಡ್ ಬುಕೊರ್ತಿ ಪೊನ್ನನ್ ಜಾಸ್ತಿ ಪ್ರೀತಿ ಮಲ್ಪುನ ಆನನ ಪ್ರೀತಿದ ದೋಸ್ತಿ ಆದ್ ಪಾತ್ರೊನ್ ಮಲ್ತೆರ್ . ದೀವಾನೆ ಪಿಚ್ಚರ್ಡ್ ಆರ್ ಕಳ್ವನ್ ಪ್ರೀತಿ ಮಲ್ಪುನ ಗಾಯಕಿಯಾದ್ ನಟನೆ ಮಲ್ಪುವೆರ್. ಕುರುಕ್ಷೇತ್ರ ಚಿತ್ರಡ್ ಆರ್ ಪೊಲೀಸ್ ಅಧಿಕಾರಿನ ಜೋರುದ ಬೊಡೆದಿನ ಪಾತ್ರೊಡು ನಟನೆ ಮಲ್ಪುವೆರ್.
ರಾಜಕೀಯ ಚಟುವಟಿಕೆಲು
[ಸಂಪೊಲಿಪುಲೆ]೨೦೨೧ ಪಶ್ಚಿಮ ಬಂಗಾಳ ಚುನಾವಣೆಡ್, ಚೌಧರಿ ಭಾರತೀಯ ಜನತಾ ಪಾರ್ಟಿ (ಬಿಜೆಪಿ) ಬೊಕ್ಕ ತೃಣಮೂಲ ಕಾಂಗ್ರೆಸ್ ದ ಕೆಲವು ಅಭ್ಯರ್ಥಿಲೆಗ್ ಪ್ರಚಾರ ಮಲ್ತೆರ್. [೮] 2023ಡ್, ಮಧ್ಯಪ್ರದೇಶದ ಚುನಾವಣೆದ ದುಂಬು ಆರ್ ಬಿಜೆಪಿಗ್ ಸೇರುವೆರ್ ಪನ್ಪಿನ ಊಹಾಪೋಹೊಲು ಇತ್ತ್ಂಡ್. ರಾಜ್ಯ ಸಚಿವ ವಿಶ್ವಾಸ ಸಾರಂಗನ್ ಭೇಟಿ ಕೊರ್ದು ಬಿಜೆಪಿ ಸರ್ಕಾರದ ಪ್ರಶಂಸೆ ಮಲ್ತೆರ್. [೯]
ವೈಯಕ್ತಿಕ ಜೀವನ
[ಸಂಪೊಲಿಪುಲೆ]೧೯೯೯ಡ್, ದಿಲ್ ಕ್ಯಾ ಕರೆ ಚಿತ್ರೊದ ಶೂಟಿಂಗ್ ಮಲ್ಪುನಗ, ಚೌಧರಿ ಒಂಜಿ ಕಾರ್ ಅಪಘಾತೊಗು ಒಳಗಾಯೆರ್. ಬೆಂಗಳೂರುಡು ಅರೆನ ಕಾರ್ ಒಂಜಿ ಲಾರಿಗ್ ಗುದ್ದುದು ಅಪಘಾತದ ಪರಿಣಾಮವಾದ್ ಅರೆನ ಮೋನೆಡ್ದ್ ಕೆಲವು ಗಾಜಿದ ತುಂಡುಲೆನ್ ದೆಪ್ಪೊಡಾಪುಂಡು. [೧೦]
ಚೌಧರಿ 2006ಡ್ ಬಾಬಿ ಮುಖರ್ಜಿನ್ ಮದಿಮೆ ಆಯೆರ್. [೧೧] ಅಕ್ಲೆಗ್ 2007ಡ್ ಒರ್ತಿ ಮಗಳ್ ಪುಟ್ಟುಂಡು, ಬೊಕ್ಕ ಅಕುಲು 2013ಡ್ ಬೇತೆ ಆಯೆರ್. [೧೨]
ಚೌಧರಿಗ್ 2022ಡ್ ಸ್ತನ ಕ್ಯಾನ್ಸರ್ ಉಂಡು ಪಂಡ್ದ್ ಗೊತ್ತಾಂಡ್ ಬೊಕ್ಕ ಅರೆಗ್ ಯಶಸ್ವಿಯಾದ್ ಚಿಕಿತ್ಸೆ ಮಲ್ತೆರ್. ದಿ ಕಪಿಲ್ ಶರ್ಮಾ ಶೋ ಇಂಚಿನ ಹಾಸ್ಯ ಕಾರ್ಯಕ್ರಮೊಲು ತನ್ನ ಕಾಯಿಲೆಡ್ದ್ ಗುಣ ಆಯೆರೆ ಸಹಾಯ ಮಲ್ತೆರ್ ಪಂದ್ ಆರ್ ಉಲ್ಲೇಖ ಮಲ್ತೆರ್. [೧೩]
ಸಿನಿಮಾಲು
[ಸಂಪೊಲಿಪುಲೆ]| ವರ್ಷ | ಚಲನಚಿತ್ರ | ಪಾತ್ರ | ಟಿಪ್ಪಣಿಗಳು |
|---|---|---|---|
| ೧೮೮೭ | ಪರ್ದೇಸ್ | ಕುಸುಮ್ ಗಂಗಾ | |
| ೧೯೯೯ | ಮನಸುಲೋ ಮಾತಾ | ಪ್ರಿಯಾ | ತೆಲುಗು ಚಲನಚಿತ್ರ |
| ದಿಲ್ ಕ್ಯಾ ಕರೇ | ಕವಿತಾ ಕಿಶೋರ್ | ||
| ದಾಗ್: ದಿ ಫೈರ್ | ಕಜ್ರಿ ವರ್ಮಾ / ಕಾಜಲ್ | ||
| ಪ್ಯಾರ್ ಕೋಯಿ ಖೇಲ್ ನಹೀನ್ | ನಿಶಾ | ||
| ೨೦೦೦ | ಧಡ್ಕನ್ | ಶೀತಲ್ ವರ್ಮಾ | |
| ದೀವಾನೆ | ಪೂಜಾ | ||
| ಕುರುಕ್ಷೇತ್ರ | ಅಂಜಲಿ ಪಿ. ಸಿಂಗ್ | ||
| ಖಿಲಾಡಿ ೪೨೦ | ಋತು ಭಾರದ್ವಾಜ್ | ||
| ೨೦೦೧ | ಲಜ್ಜ | ಮೈಥಿಲಿ | |
| ಯೇ ತೇರಾ ಘರ್ ಯೇ ಮೇರಾ ಘರ್ | ಸರಸ್ವತಿ | ||
| ೨೦೦೨ | ಓಂ ಜೈ ಜಗದೀಶ್ | ಆಯೇಷಾ | |
| ದಿಲ್ ಹೈ ತುಮ್ಹಾರಾ | ನಿಮ್ಮಿ | ||
| ೨೦೦೩ | ಸಾಯಾ | ತಾನ್ಯಾ | |
| ತೇರೆ ನಾಮ್ | ಅವಳೇ
"ಓ ಜಾನಾ" ಹಾಡಿನಲ್ಲಿ ವಿಶೇಷ ಪಾತ್ರ | ||
| ಬಾಗ್ಬಾನ್ | ಅರ್ಪಿತಾ ಅಲೋಕ್ ಮಲ್ಹೋತ್ರಾ | ||
| ಎಲ್ಒಸಿ ಕಾರ್ಗಿಲ್ | ರೀನಾ ಯಾದವ್ | ||
| ೨೦೦೪ | ದೊಬಾರಾ | ಡಾ. ಅಂಜಲಿ ಸೆಹಗಲ್ | |
| ೨೦೦೫ | ಜಮೀರ್: ದಿ ಫೈರ್ ವಿಥಿನ್ | ಸುಪ್ರಿಯಾ ಮಹೇಶ್ವರಿ | |
| ಕುಛ್ ಮೀತಾ ಹೋ ಜಾಯೆ | ಗುಲಾಬ್ ಖಾನ್ | ||
| ಸೆಹರ್ | ಅನಾಮಿಕಾ ಕಾಂತ್ | ||
| ಫಿಲ್ಮ್ ಸ್ಟಾರ್ | ಹೀರಾ ಪಂಡಿತ್ | ||
| ದಿ ಫಿಲ್ಮ್ | ಸುಶ್ಮಿತಾ ಬ್ಯಾನರ್ಜಿ | ||
| ಹೋಮ್ ಡೆಲಿವರಿ | ಮಾಯಾ | ||
| ಭಾಗಮತಿ | ಭಾಗಮತಿ | ಧ್ವನಿ-ಓವರ್ | |
| ೨೦೦೬ | ಸೌಟನ್: ದಿ ಅದರ್ ವುಮನ್ | ಮಿತಾಲಿ 'ಮಿತಾ' ಆರ್. ಸಿಂಗ್ | |
| ಸ್ಯಾಂಡ್ವಿಚ್ | ಸ್ವೀಟ್ ಸಿಂಗ್ / ಸ್ವೀಟಿ ಶೇಖರ್ | ||
| ಕುಡಿಯೋಂ ಕಾ ಹೈ ಜಮಾನಾ | ಅಂಜಲಿ | ||
| ಮಿಸ್ಟರ್ ೧೦೦% | ಶಿಲ್ಪಾ | ||
| ಹೋಪ್ ಅಂಡ್ ಎ ಲಿಟಲ್ ಶುಗರ್ | ಸಲೋನಿ | ||
| ಸರ್ಹದ್ ಪಾರ್ | ಸಿಮ್ರಾನ್ | ||
| ೨೦೦೮ | ಗುಮ್ನಾಮ್ – ದಿ ಮಿಸ್ಟರಿ | ರಿಯಾ | |
| ೨೦೧೦ | ಪುಷರ್ | ಅನಿತಾ | |
| ೨೦೧೪ | ಕಾಂಚಿ: ದಿ ಅನ್ಬ್ರೇಕಬಲ್ | ಅವಳೇ | ವಿಶೇಷ ನೋಟ |
| ೨೦೧೫ | ಮುಂಬೈ - ದಿ ಗ್ಯಾಂಗ್ಸ್ಟರ್ | ದರೋಡೆಕೋರನ ಹೆಂಡತಿ | |
| ೨೦೧೬ | ಡಾರ್ಕ್ ಚಾಕೊಲೇಟ್ | ಇಶಾನಿ ಬ್ಯಾನರ್ಜಿ | |
| ೨೦೨೪ | ದಿ ಸಿಗ್ನೇಚರ್ | ಅಂಬಿಕಾ "ಅಂಬು" | |
| ೨೦೨೫ | ಎಮರ್ಜೆನ್ಸಿ | ಪುಪುಲ್ ಜಯಕರ್ | [೧೪] |
| ನಾದನಿಯನ್ |
ಪ್ರಶಸ್ತಿಲು ಬೊಕ್ಕ ನಾಮನಿರ್ದೇಶನೊಲು
[ಸಂಪೊಲಿಪುಲೆ]ಸಂಗೀತ ವಿಡಿಯೋ
[ಸಂಪೊಲಿಪುಲೆ]| ವರ್ಷ | ಪುದರ್ | ಪ್ರದರ್ಶಕೆರ್ | ಸ್ವಭಾವ | ಆಲ್ಬಮ್ |
|---|---|---|---|---|
| ೨೦೦೨ | "ತೇರೆ ಬೀನ ಚೈನ್ ಮುಜೆ ಅಬ್ ಆಯೆ ನ". | ಅದ್ನಾನ್ ಸಾಮಿ | ಪುದರ್ ಇಜ್ಜಂದಿನ | ತೆರಾ ಚೆಹ್ರಾ |
ಉಲ್ಲೇಖೊಲು
[ಸಂಪೊಲಿಪುಲೆ]- ↑ Chhetri, Vivek (21 December 2011). "Hills smile to conquer 'camera' & hearts". The Telegraph. Archived from the original on 12 June 2018. Retrieved 15 July 2016.
- ↑ "Mahima Chaudhary Turns 51: Actress' Comeback Story of Resilience and Talent". News18 (in ಇಂಗ್ಲಿಷ್). Retrieved 13 September 2024.
- ↑ "Then vs Now: From Pardes to Emergency, a look at Mahima Chaudhry's journey". Mid Day (in ಇಂಗ್ಲಿಷ್). Retrieved 13 September 2024.
- ↑ "Actress महिमा चौधरी बोली मैं जाट हूँ, करनाल पहुंचकर". IBN24 News Network. 11 April 2021. Archived from the original on 3 April 2024. Retrieved 25 March 2024.
- ↑ "Mahima Chaudhry Beautiful And Cute". Postost. 27 December 2021. Archived from the original on 8 October 2022. Retrieved 25 March 2024.
- ↑ "This Actress, Who Made Her Debut With A Superstar, Underwent Surgery After Horrific Accident". ABP Live (in ಇಂಗ್ಲಿಷ್). Retrieved 2024-08-15.
- ↑ Chopra, Anupama (22 February 1999). "Film Without Fire". India Today. Archived from the original on 21 November 2000. Retrieved 10 May 2020.
- ↑ "Bengal polls Days after roadshow for TMC, Mahima Chaudhry campaigns for BJP". India Today. 12 April 2021. Archived from the original on 3 April 2024. Retrieved 25 March 2024.
- ↑ "Bollywood Actress Mahima Chaudhary Meets Minister Vishvas Sarang". FPJ. 14 August 2023. Archived from the original on 15 August 2023. Retrieved 25 March 2024.
- ↑ "When 67 glass pieces had to be removed from Mahima Chaudhary's face after she met with an accident". www.zoomtventertainment.com. 13 September 2021. Archived from the original on 25 April 2023. Retrieved 25 April 2023.
- ↑ "Mahima Chaudhry on challenges she has faced in life, being a single parent". Hindustan Times (in ಇಂಗ್ಲಿಷ್). 2020-06-08. Retrieved 2022-09-10.
- ↑ "Mahima Chaudhry opens up about troubled marriage, suffering two miscarriages: 'It was due to not being in a happy space'". The Indian Express (in ಇಂಗ್ಲಿಷ್). 2021-04-07. Retrieved 2024-08-15.
- ↑ "The Kapil Sharma Show: Mahima Chaudhary thanks Kapil Sharma for helping her recover from cancer; says 'In my sickness, your show helped me a lot to recover'". The Times of India. 16 April 2023. Archived from the original on 25 April 2023. Retrieved 25 April 2023.
- ↑ "Kangana Ranaut ropes in Mahima Chaudhry to essay the role of Pupul Jayakar in Emergency; first look unveiled". Bollywood Hungama. 20 August 2022. Archived from the original on 20 August 2022. Retrieved 20 August 2022.