ಮಿನ್ನು ಮಣಿ
 |
ಮಿನ್ನು ಮಣಿ (ಪುಟ್ಟು ೨೪ ಮಾರ್ಚ್ ೧೯೯೯) ಒರ್ತಿ ಭಾರತೀಯ ಅಂತರಾಷ್ಟ್ರೀಯ ಕ್ರಿಕೆಟ್ ಗೊಬ್ಬುದಾರ್ ಆದ್ ಭಾರತೀಯ ಮಹಿಳಾ ರಾಷ್ಟ್ರೀಯ ತಂಡೊನು ಪ್ರತಿನಿಧಿಸವೆರ್. ಆರ್ ಮಹಿಳಾ ಪ್ರೀಮಿಯರ್ ಲೀಗ್ ಡ್ ದೆಹಲಿ ಕ್ಯಾಪಿಟಲ್ಸ್ ಗ್ ಗೊಬ್ಬೊಂದಿತ್ತೆರ್. ದೇಶೀಯ ಕ್ರಿಕೆಟ್ ಡ್, ಆರ್ ಕೇರಳ ಕ್ರಿಕೆಟ್ ತಂಡೊನು ಪ್ರತಿನಿಧಿಸವೆರ್. ಆರ್ ಭಾರತೊಗು ಗೊಬ್ಬೊಂದಿತ್ತಿನ ಸುರುತ ಕೇರಳದ ಮಹಿಳಾ ಕ್ರಿಕೆಟಿಗೆರ್ ಆಯೆರ್.
ಸುರುತ ಜೀವನ
[ಸಂಪೊಲಿಪುಲೆ]ಮಿನ್ನು ಕೇರಳದ ವಯನಾಡ್ ಜಿಲ್ಲೆದ ಚೋಯಿಮೂಲೊಡ್ ಇತ್ತಿನಾರ್. ಅಲೆನ ಅಮ್ಮೆ, ಮಣಿ ಸಿ.ಕೆ., ಒರಿ ದೈನಂದಿನ ಬೇಲೆದಾರ್ ಬೊಕ್ಕ ಅಲೆನ ಅಪ್ಪೆ, ವಸಂತ, ಒರಿ ಇಲ್ಲದ ಕೆಲಸದಾರ್. [೧] ಅಲೆಗ್ ಒರ್ತಿ ಎಲ್ಯ ಅಕ್ಕ ಉಂಡು, ಮಿಮಿತಾ. [೨] ಮೇರ್ ಮನಂತವಾದಿ ಸರ್ಕಾರಿ ವೃತ್ತಿಪರ ಉನ್ನತ ಪ್ರೌಢಶಾಲೆ, ಎಡಪ್ಪಾಡಿಡ್ 8ನೇ ತರಗತಿ ಮುಟ್ಟ ಬೊಕ್ಕ 10ನೇ ತರಗತಿ ಮುಟ್ಟ ತೋಡುಪುಝಾದ ಸೈಂಟ್ ಸೆಬಾಸ್ಟಿಯನ್ ಪ್ರೌಢಶಾಲೆಡ್ ಓದುದು, ಸುಲ್ತಾನ್ ಬಾತೆರಿದ ಸರ್ವಜನ ಉನ್ನತ ಪ್ರೌಢಶಾಲೆಡ್ ಉನ್ನತ ಪ್ರೌಢ ಶಿಕ್ಷಣ ಮುಗಿತ್ ದ್ ಮಹಿಳಾ ಸರ್ಕಾರಿ ಕಾಲೇಜ್, ತಿರುನಾನ್ಪುರಂಥರ್ ಡ್ದ್ ಪದವಿ ಪಡೆಯೆರ್. [೩] 2023 ಡ್ದ್, ದೂರ ಶಿಕ್ಷಣದ ಮೂಲಕ ಸಮಾಜಶಾಸ್ತ್ರೊಡು ಬಿ.ಎ. ಮಲ್ತೊಂದುಲ್ಲೆರ್. [೪]ಅಲ್ 10 ವರ್ಸೊಡು ಜೋಕುಲೆನೊಟ್ಟುಗು ಬೇಳೆದ ಕಂಡೊಡು ಕ್ರಿಕೆಟ್ ಗೊಬ್ಬೆರೆ ಸುರು ಮಲ್ತೆರ್. ಸುರುಟು, ಅಲೆನ ಕುಟುಂಬದಕುಲು ಅಲೆನ್ ಕ್ರಿಕೆಟ್ ಗೊಬ್ಬಿನ ಗೇನೊಗ್ ಬೆಂಬಲ ಕೊರ್ಜೆರ್. ಅಲೆನ ದೈಹಿಕ ಶಿಕ್ಷಣ ಶಿಕ್ಷಕಿ, ಎಲ್ಸಮ್ಮ ಅಲೆನ ಕೌಶಲ್ಯೊನು ಗಮನಿಸಯೆರ್ ಬೊಕ್ಕ ಅಲೆನ್ ವಯನಾಡ್ ಜಿಲ್ಲಾ ಅಂಡರ್-13 ತಂಡೊದ ಆಯ್ಕೆದ ಪರೀಕ್ಷೆಗ್ ಲೆತೊಂದು ಪೋಯೆರ್. ದುಂಬುದ ವರ್ಷ, ಆರ್ ಕೇರಳ ಅಂಡರ್-೧೬ ತಂಡೊಡು ಆಡೊಂದಿತ್ತೆರ್ ಬೊಕ್ಕ ೧೬ ವರ್ಸೊದ ಪ್ರಾಯೊಡು ಕೇರಳೊನು ಹಿರಿಯ ಮಟ್ಟೊಡು ಪ್ರತಿನಿಧಿಸಯೆರ್. ಮಿನ್ನು ಕ್ರಿಕೆಟ್ ಅಭ್ಯಾಸೊಗು ತನ್ನ ಇಲ್ಲಡ್ದ್ ಸಮೀಪದ ಕ್ರೀಡಾಂಗಣೊಗು ಪೋಯೆರೆ ದಿನೊಲ ಒಂಜಿ ಅರ್ಧ ಗಂಟೆ ಪ್ರಯಾಣ ಮಲ್ಪೊಡಾಂಡ್, ನಾಲ್ ಬಸ್ ಲೆನ್ ಬದಲಾವಣೆ ಮಲ್ಪೊಡಾಂಡ್. [೪] [೫]
ದೇಶೀಯ ವೃತ್ತಿ
[ಸಂಪೊಲಿಪುಲೆ]ಮಿನ್ನು 16 ವರ್ಸೊದ ಪ್ರಾಯೊಡು ಕೇರಳ ತಂಡೊಗು ಪಾದಾರ್ಪಣೆ ಮಲ್ತೆರ್. 2018ಡ್ ಕೇರಳ ಅಂಡರ್-23 ಮಹಿಳಾ ತಂಡ 188 ರನ್ ಬೊಕ್ಕ 11 ವಿಕೆಟ್ ಲೆನ್ ಗಳಸೊಂದು ರಾಷ್ಟ್ರೀಯ ಟಿ20 ಚಾಂಪಿಯನ್ ಶಿಪ್ ಗೆಂದಿನಗ ಆರ್ ಪ್ರಮುಖ ಪ್ರದರ್ಶನ ಕೊರ್ತೆರ್. ೨೦೧೯ಡ್, ಆರ್ ಅಂಡರ್-೨೩ ಒನ್ ಡೇ ಚಾಲೆಂಜರ್ ಟ್ರೋಫಿಡ್ ಇಂಡಿಯಾ ಬ್ಲೂನ್ ಪ್ರತಿನಿಧಿಸಯೆರ್. ಬಾಂಗ್ಲಾದೇಶೊಗು ಪ್ರವಾಸ ಮಲ್ಪುನ ಇಂಡಿಯಾ ಎ ತಂಡೊಗು ಆರ್ ತನ್ನ ಸುರುತ ಲೆಪ್ಪುನು ಪಡೆಯೆರ್ ಬೊಕ್ಕ ಅದೇ ವರ್ಷ ಎಸಿಸಿ ಎಮರ್ಜಿಂಗ್ ಮಹಿಳಾ ಏಷ್ಯಾ ಕಪ್ ಗ್ ಆರ್ ಲೆಪ್ಪುವೆರ್. [೬]
ಮಹಿಳಾ ಪ್ರೀಮಿಯರ್ ಲೀಗ್
[ಸಂಪೊಲಿಪುಲೆ]ಫೆಬ್ರವರಿ ೨೦೨೩ಡ್, ೨೦೨೩ ಮಹಿಳಾ ಪ್ರೀಮಿಯರ್ ಲೀಗ್ ಗ್ ದುಂಬು ಡಬ್ಲ್ಯುಪಿಎಲ್ ಹರಾಜುಡ್ ದೆಹಲಿ ಕ್ಯಾಪಿಟಲ್ಸ್ ಡ್ದ್ ಅರೆನ್ ಕೊಂಡೊಂತೆರ್. [೭]
ಅಂತರಾಷ್ಟ್ರೀಯ ವೃತ್ತಿ
[ಸಂಪೊಲಿಪುಲೆ]ಜುಲೈ ೨೦೨೩ಡ್, ಬಾಂಗ್ಲಾದೇಶೊಗು ಪ್ರವಾಸ ಮಲ್ಪುನ ಭಾರತೀಯ ತಂಡೊಗು ಅರೆನ್ ಲೆಪ್ಪುವೆರ್, ಅರೆನ್ ಕೇರಳೊಡ್ದ್ ಭಾರತೊದ ಲೆಪ್ಪುನ್ ಗಳಸೊಂದಿತ್ತಿನ ಸುರುತ ಪೊಣ್ಣು ಕ್ರಿಕೆಟಿಗೆ ಆಯೆರ್. [೮] 9 ಜುಲೈ 2023 ಗ್ ಬಾಂಗ್ಲಾದೇಶ ಮಹಿಳಾ ವಿರುದ್ಧ ಭಾರತ ಮಹಿಳಾ ಪರವಾದ್ ಮಹಿಳಾ ಟ್ವೆಂಟಿ20 ಅಂತರಾಷ್ಟ್ರೀಯ ಕ್ರಿಕೆಟ್ (WT20I) ಡ್ ಪಾದಾರ್ಪಣೆ ಮಲ್ತೆರ್ [೯] ಮೂಜಿ ಪಂದ್ಯೊಲೆಡ್ 5 ವಿಕೆಟ್ ದೆತೊನುನ ಮೂಲಕ ಭಾರತದ ಅತಿ ಹೆಚ್ಚಿನ ವಿಕೆಟ್ ದೆತೊನುನ ಆಟಗಾರೆ ಆದ್ ಸರಣಿನ್ ಮುಗಿತೆರ್. [೧೦] ಜುಲೈ ೨೦೨೩ಡ್, ಆರ್ ಭಾರತದ ೨೦೨೩ ಏಷ್ಯನ್ ಗೇಮ್ಸ್ ತಂಡೊಗು ಆಯ್ಕೆ ಆಯೆರ್. [೧೧]
ಡಿಸೆಂಬರ್ ೨೦೨೩ಡ್, ಮಣಿ ಆಸ್ಟ್ರೇಲಿಯಾದ ವಿರುದ್ಧ ಭಾರತದ ಟಿ೨೦ಐ ಸರಣಿಡ್ ಆಯ್ಕೆ ಆಯೆರ್. [೧೨]
ಉಲ್ಲೇಖೊಲು
[ಸಂಪೊಲಿಪುಲೆ]- ↑ "Minnu Mani, Labourer's Daughter, Becomes First From Kerala to Make Indian Women's Cricket Team". Outlook India. Retrieved 6 July 2023.
- ↑ "'സ്പെഷ്യല് ക്ലാസുണ്ടെന്നുവരെ പറഞ്ഞ് ക്രിക്കറ്റ് കളിക്കാന് പോയിട്ടുണ്ട്' - മിന്നുമണി". Mathrubhumi (in ಮಲಯಾಳಂ). Retrieved 6 July 2023.
- ↑ "മിന്നുകയാണു കേരളത്തിന്റെ പൊന്നുമണി". Madhyamam (in ಮಲಯಾಳಂ). Retrieved 6 July 2023.
- 1 2 "Meet Minnu Mani, tribal woman cricketer from Kerala who's set to play for India". The News Minute. Retrieved 6 July 2023.
- ↑ "WPL Auction: Tribal girl Minnu Mani reaps rich rewards for her sacrifices". The Times of India. Retrieved 6 July 2023.
- ↑ "Wielding the willow, this tribal girl from Wayanad chases a dream". OnManorama. Retrieved 6 July 2023.
- ↑ Sudarshanan, S (13 February 2023). "Bid-by-bid updates - 2023 WPL auction". ESPNcricinfo. Retrieved 6 July 2023.
- ↑ "India's tour of Bangladesh: Minnu Mani becomes the first from Kerala to get picked in Indian women's squad". The Hindu. Retrieved 6 July 2023.
- ↑ "1st T20I, Mirpur, July 09, 2023, India Women tour of Bangladesh". ESPNcricinfo. Retrieved 9 July 2023.
- ↑ "India Women tour of Bangladesh- Records". ESPNcricinfo. Retrieved 13 July 2023.
- ↑ "Ruturaj Gaikwad, Harmanpreet Kaur to lead as BCCI announces India men's and women's squads for 19th Asian Games". The Indian Express. Retrieved 23 July 2023.
- ↑ "Team India's ODI & T20I squad against Australia announced". Board of Control for Cricket in India. Archived from the original on 25 December 2023. Retrieved 25 December 2023.
ಬಾಹ್ಯ ಕೊಂಡಿಲು
[ಸಂಪೊಲಿಪುಲೆ]- Minnu Mani at ESPNcricinfo
- Minnu Mani at CricketArchive (subscription required)