ಮೃಣಾಲಿನಿ ಸಾರಭಾಯಿ

ಮೃಣಾಲಿನಿ ಸಾರಭಾಯಿ

ಮೃಣಾಲಿನಿ ಸಾರಭಾಯಿ

ಮೃಣಾಲಿನಿ ವಿಕ್ರಮ್ ಸಾರಾಭಾಯ್ (೧೧ ಮೇ ೧೯೧೮ - ೨೧ ಜನವರಿ ೨೦೧೬) ಒರಿ ಭಾರತೀಯ ಶಾಸ್ತ್ರೀಯ ನರ್ತಕಿ, ನೃತ್ಯ ನಿರ್ದೇಶಕೆ ಬೊಕ್ಕ ಬೋಧಕೆರ್. ಅಹ್ಮದಾಬಾದ್ ನಗರೊಡು ನಲಿಕೆ, ನಾಟಕ, ಸಂಗೀತ ಬೊಕ್ಕ ಗೊಂಬೆಲೆನ ತರಬೇತಿ ಕೊರ್ಪಿನ ಸಂಸ್ಥೆ ಆಯಿನ ದರ್ಪನಾ ಅಕಾಡೆಮಿ ಆಫ್ ಪರ್ಫಾರ್ಮಿಂಗ್ ಆರ್ಟ್ಸ್ ದ ಸ್ಥಾಪಕೆರ್ ಬೊಕ್ಕ ನಿರ್ದೇಶಕೆರ್ ಆದಿತ್ತೆರ್. ೧೯೯೨ಡ್ ಪದ್ಮಭೂಷಣ ಬೊಕ್ಕ ೧೯೬೫ಡ್ ಪದ್ಮಶ್ರೀ ಪದವಿನ್ ಪಡೆಯೆರ್. ಕಲೆತ ಕೊಡುಗೆಗ್ ಮಾನ್ಯತೆ ಕೊರ್ದು ಬೇತೆ ಮಸ್ತ್ ಉಲ್ಲೇಖೊಲೆನ್ ಲಾ ಪಡೆಯೆರ್.

ಸುರುತ ಜೀವನ ಬೊಕ್ಕ ಶಿಕ್ಷಣ

ಮೃಣಾಲಿನಿ ಒರಿ ತಮಿಳು ಬ್ರಾಹ್ಮಣ ಅಪ್ಪೆ ಬೊಕ್ಕ ಮಲಯಾಳಿ ನಾಯರ್ ಅಮ್ಮೆರೆಗ್ ಇತ್ತೆದ ಕೇರಳೊಡು ೧೧ ಮೇ ೧೯೧೮ಡ್ ಪುಟ್ಟುವೆರ್. ಅರೆನ ಅಪ್ಪೆ ಸುಬ್ಬರಾಮ ಸ್ವಾಮಿನಾಥನ್, ಹಾರ್ವರ್ಡ್ ಬೊಕ್ಕ ಲಂಡನ್ ವಿಶ್ವವಿದ್ಯಾಲಯೊಲೆಡ್ದ್ ಪದವಿ ಪಡೆಯಿನ ಒರಿ ಗೌರವಾನ್ವಿತ ವಕೀಲೆರ್, ಮದ್ರಾಸ್ ಹೈಕೋರ್ಟ್ ಡ್ ಕ್ರಿಮಿನಲ್ ಕಾನೂನು ವೃತ್ತಿ ಮಲ್ತೆರ್ ಬೊಕ್ಕ ನನೊಂಜಿ ಸರ್ತಿ ಮದ್ರಾಸ್ ಲಾ ಕಾಲೇಜಿದ ಪ್ರಾಂಶುಪಾಲೆರಾದ್ ನೇಮಕ ಆಯೆರ್. ಅಲೆನ ಅಮ್ಮೆರ್ ಅಲೆನ ಅಪ್ಪೆನ ಸಂಬಂಧಮ್ ಪಾರ್ಟ್ನರ್ ಎ.ವಿ. ಅಮ್ಮುಕುಟ್ಟಿ, ಅಮ್ಮು ಸ್ವಾಮಿನಾಥನ್ ಪಂಡ್ದ್ ಪುದರ್ ಪೋಯಿನ, ಒರಿ ಸಮಾಜ ಸೇವಕೆ, ಸ್ವಾತಂತ್ರ್ಯ ಕಾರ್ಯಕರ್ತೆ, ಬೊಕ್ಕ ನನೊಂಜಿ ಸಂಸದೀಯ. ಅರೆನ ಅಕ್ಕ ಲಕ್ಷ್ಮೀ ಸಹಗಲ್ ಭಾರತೀಯ ರಾಷ್ಟ್ರೀಯ ಸೇನೆದ (ಆಜಾದ್ ಹಿಂದ್ ಫೌಜ್) ಸುಭಾಸ್ ಚಂದ್ರ ಬೋಸ್ ನ 'ರಾಣಿ ಆಫ್ ಝಾನ್ಸಿ ರೆಜಿಮೆಂಟ್' ದ ಕಮಾಂಡರ್-ಇನ್-ಚೀಫ್ ಆದಿತ್ತೆರ್. ಅಲೆನ ಅಣ್ಣೆ, ಗೋವಿಂದ್ ಸ್ವಾಮಿನಾಧನ್, ಒರಿ ಬ್ಯಾರಿಸ್ಟರ್ ಆದಿತ್ತೆರ್, ಆರ್ ಮದ್ರಾಸ್ ಡ್ ನಾಗರಿಕ ಕಾನೂನು ಬೊಕ್ಕ ಕಂಪೆನಿ ಕಾನೂನು ಬುಕ್ಕೊ ಸಂವಿಧಾನಾತ್ಮಕ ಬೊಕ್ಕ ಅಪರಾಧ ಕಾನೂನುಲೆಡ್ ತಜ್ಞೆರಾದ್ ವೃತ್ತಿ ಮಲ್ತೆರ್; ಆರ್ ಮದ್ರಾಸ್ ರಾಜ್ಯೊದ (ಇತ್ತೆದ ತಮಿಳುನಾಡು) ಅಟಾರ್ನಿ ಜನರಲ್ ಆದಿತ್ತೆರ್. ಸ್ವಿಟ್ಜರ್ಲೆಂಡ್ ಡ್ ಒಂಜಿ ಬೋರ್ಡಿಂಗ್ ಶಾಲೆಡ್ ರಡ್ಡ್ ವರ್ಸೊಗು ಪೋಯೆರ್, ಅಲ್ಪ, ಡಾಲ್ಕ್ರೋಜ್ ಶಾಲೆಡ್ ಸುರುತ ಪಾಠೊಲೆನ್ ಪಡೆಯೆರ್, ಉಂದು ಪಾಶ್ಚಾತ್ಯ ನಲಿಕೆದ ಚಲನೆಲೆನ ತಂತ್ರ. ರವೀಂದ್ರನಾಥ ಟಾಗೋರ್ ನ ಮಾರ್ಗದರ್ಶನೊಡು ಶಾಂತಿನಿಕೇತನೊಡು ಶಿಕ್ಷಣ ಪಡೆಯೆರ್ ಅಲ್ಪ ಅರೆಗ್ ತನ್ನ ನಿಜವಾಯಿನ ಕರೆನ್ ಅರ್ಥ ಮಲ್ತೆರ್. ಅಯಿಡ್ದ್ ಬೊಕ್ಕ ಅಮೇರಿಕ ಸಂಯುಕ್ತ ಸಂಸ್ಥಾನೊಗು ಎಲ್ಯ ಸಮಯೊಗು ಪೋಯೆರ್ ಅಲ್ಪ ಅಮೇರಿಕನ್ ಅಕಾಡೆಮಿ ಆಫ್ ಡ್ರಾಮಾಟಿಕ್ ಆರ್ಟ್ಸ್ ಗ್ ಸೇರ್ದೆರ್. ಭಾರತೊಗು ಬನ್ನಗ, ಮೀನಾಕ್ಷಿಸುಂದರಂ ಪಿಳ್ಳೈ ನ ಅಡಿಟ್ ದಕ್ಷಿಣ ಭಾರತದ ಶಾಸ್ತ್ರೀಯ ನೃತ್ಯ ರೂಪೊಡು ಭರತನಾಟ್ಯೊಡು ಬೊಕ್ಕ ಪುರಾಣ ಪ್ರಸಿದ್ಧ ಗುರು ಥಕಾಜಿ ಕುಂಚು ಕುರುಪ್ ನ ಅಡಿಟ್ ಕಥಕಳಿದ ಶಾಸ್ತ್ರೀಯ ನೃತ್ಯ-ನಾಟಕೊಡು ತರಬೇತಿನ್ ಸುರು ಮಲ್ತೆರ್.

ಮದಿಮೆ ಬೊಕ್ಕ ದುಂಬುದ ವರ್ಷೊಲು

ಮೃನಾಲಿನಿ 3 ಸೆಪ್ಟೆಂಬರ್ ೧೯೪೨ಡ್ ಭಾರತೀಯ ಬಾಹ್ಯಾಕಾಶ ಕಾರ್ಯಕ್ರಮದ ಪಿತಾಮಹ ಪಂಡ್ದ್ ಪರಿಗಣಿಸಾಯಿನ ಭಾರತೀಯ ಭೌತಶಾಸ್ತ್ರಜ್ಞ ವಿಕ್ರಮ್ ಸಾರಾಭಾಯಿನ್ ಮದಿಮೆ ಆಯೆರ್. ಅರೆಗ್ ಒರಿ ಮಗೆ, ಕಾರ್ತಿಕೇಯ ಬೊಕ್ಕ ಒರಿ ಮಗೆ ಮಲ್ಲಿಕಾ ಉಲ್ಲೆರ್, ಅರೆಗ್ಲಾ ನಲಿಕೆ ಬೊಕ್ಕ ರಂಗಭೂಮಿಡ್ ಪುದರ್ ಪೋಯೆರ್. ಮೃನಾಲಿನಿ 1948ಡ್ ಅಹ್ಮದಾಬಾದ್ ಡ್ ದರ್ಪಣೊನು ಸ್ಥಾಪನೆ ಮಲ್ತೆರ್. ಒಂಜಿ ವರ್ಷೊಡ್ದು ಬೊಕ್ಕ, ಆರ್ ಪ್ಯಾರಿಸ್ ಡ್ ಥಿಯೇಟರ್ ನ್ಯಾಷನಲ್ ಡಿ ಚೈಲೊಟ್ ಡ್ ಪ್ರದರ್ಶನ ಕೊರ್ತೆರ್.

ಕೊಡುಗೆ ಕೊರ್ತಿನ ಬೇತೆ ಕ್ಷೇತ್ರೊಲು

ಮೂಜಿ ನೂದುಡ್ದ್ ಜಾಸ್ತಿ ನಲಿಕೆದ ನಾಟಕೊಲೆನ್ ನೃತ್ಯ ಸಂಯೋಜನೆ ಮಲ್ಪುನ ಜೊತೆಗೆ ಜೋಕುಲೆಗಾತ್ರ ಮಸ್ತ್ ಕಾದಂಬರಿಲು, ಕಬಿತೆಲು, ನಾಟಕೊಲು, ಕತೆಕುಲೆನ್ ಬರೆತೆರ್. ಗುಜರಾತ್ ರಾಜ್ಯ ಕರಕುಶಲ ಬೊಕ್ಕ ಕೈಮಗ್ಗ ಅಭಿವೃದ್ಧಿ ನಿಗಮ ಲಿಮಿಟೆಡ್ ದ ಅಧ್ಯಕ್ಷೆರಾದಿತ್ತೆರ್. ಗಾಂಧಿ ಆದರ್ಶೊಲೆನ್ ಉತ್ತೇಜಿಸವುನ ಸಂಸ್ಥೆ ಆಯಿನ ಸರ್ವೋದಯ ಇಂಟರ್ನ್ಯಾಷನಲ್ ಟ್ರಸ್ಟ್ ದ ಟ್ರಸ್ಟಿಲೆಡ್ ಒರಿಯೆರ್, ಬೊಕ್ಕ ನೆಹರು ಫೌಂಡೇಶನ್ ಫಾರ್ ಡೆವಲಪ್ಮೆಂಟ್ (ಎನ್ಎಫ್ಡಿ) ದ ಅಧ್ಯಕ್ಷೆರಾದಿತ್ತೆರ್.ಅರೆನ ಆತ್ಮಚರಿತ್ರೆದ ಶೀರ್ಷಿಕೆ ಮೃಣಾಲಿನಿ ಸರಭಾಯ್: ದಿ ವಾಯ್ಸ್ ಆಫ್ ದಿ ಹಾರ್ಟ್.

ಮರಣ

ಜನವರಿ ೨೦, ೨೦೧೬ಡ್ ಆಸ್ಪತ್ರೆಗ್ ಸೇರ್ದೆರ್ ಬೊಕ್ಕ ಮನದಾನಿ ೯೭ ವರ್ಸೊದ ಪ್ರಾಯೊಡು ತೀರ್ ಪೋಯೆರ್.

ಪ್ರಶಸ್ತಿ ಬೊಕ್ಕ ಮಾನ್ಯತೆ

ಸಿ.ಕೆ.ಮೆಹ್ತಾ 27 ಜೂನ್ 2014 ರಂದು ಮೃಣಲಿನಿ ಸಾರಭಾಯಿಗೆ ಧೀರುಭಾಯಿ ಠಾಕರ ಸಾವ್ಯಸಾಚಿ ಸರಸ್ವತ್ ಪ್ರಶಸ್ತಿ ಪ್ರದಾನ ಮೃಣಾಲಿನಿ ಸಾರಾಭಾಯ್ ಗ್ ಭಾರತ ಸರ್ಕಾರ ೧೯೯೨ಡ್ ರಾಷ್ಟ್ರೀಯ ನಾಗರಿಕ ಪ್ರಶಸ್ತಿಲೆನ್ ಪದ್ಮಭೂಷಣ ಬೊಕ್ಕ ೧೯೬೫ಡ್ ಪದ್ಮಶ್ರೀ ಪ್ರಶಸ್ತಿಲೆನ್ ಕೊರ್ತುಂಡು. ೧೯೯೭ಡ್ ಯುಕೆದ ನಾರ್ವಿಚ್ ದ ಈಸ್ಟ್ ಆಂಗ್ಲಿಯಾ ವಿಶ್ವವಿದ್ಯಾಲಯೊಡ್ದ್ ಡಾಕ್ಟರ್ ಆಫ್ ಲೆಟರ್ಸ್, ಹಾನೊರಿಸ್ ಕಾಸಾ (ಲಿಟ್ಡಿ) ಪದವಿನ್ ಗೌರವಿಸಯೆರ್. ಫ್ರೆಂಚ್ ಅಸೋಸಿಯೇಷನ್ ​​ಆರ್ಕೈವ್ಸ್ ಇಂಟರ್ನ್ಯಾಷನಲ್ಸ್ ಡೆ ಲಾ ಡಾನ್ಸ್ ದ ಪದಕ ಬೊಕ್ಕ ಡಿಪ್ಲೊಮಾನ್ ಪಡೆಯಿನ ಸುರುತ ಭಾರತೀಯೆಲಾ ಆಯೆರ್. ಆರ್ ೧೯೮೮ಡ್ ಕೇರಳ ಸಂಗೀತ ನಾಟಕ ಅಕಾಡೆಮಿ ಫೆಲೋಶಿಪ್ ಪಡೆಯೆರ್.೧೯೯೦ಡ್ ಪ್ಯಾರಿಸ್ ದ ಅಂತರರಾಷ್ಟ್ರೀಯ ನೃತ್ಯ ಮಂಡಳಿದ ಕಾರ್ಯನಿರ್ವಾಹಕ ಸಮಿತಿಗ್ ನಾಮನಿರ್ದೇಶನ ಆಯೆರ್ ಬೊಕ್ಕ ೧೯೯೪ಡ್ ಸಂಗೀತ ನಾಟಕ್ ಅಕಾಡೆಮಿ ಫೆಲೋಶಿಪ್, ನ್ಯೂ ದೆಹಲಿನ್ ಗೆಂದಿಯೆರ್. ಮೆಕ್ಸಿಕೊದ ಬ್ಯಾಲೆ ಫೋಕ್ಲೋರಿಕೊಗ್ ನೃತ್ಯ ನಿರ್ದೇಶನೊಗು ಮೆಕ್ಸಿಕೊದ ಸರ್ಕಾರೊಡ್ದ್ ಚಿನ್ನದ ಪದಕೊನು ಕೊರ್ತೆರ್.

ದರ್ಪಣಾ ಅಕಾಡೆಮಿ ಆಫ್ ಪರ್ಫಾರ್ಮಿಂಗ್ ಆರ್ಟ್ಸ್ ಶಾಸ್ತ್ರೀಯ ನಲಿಕೆದ ಕ್ಷೇತ್ರೊಡು ವಾರ್ಷಿಕ "ಶಾಸ್ತ್ರೀಯ ಶ್ರೇಷ್ಠತೆಗಾದ್ ಮೃಣಾಲಿನಿ ಸರಭಾಯಿ ಪ್ರಶಸ್ತಿ" ನ್ ಘೋಷಣೆ ಮಲ್ತ್ ದ್, ೧೯೯೮ ಡಿಸೆಂಬರ್ ೨೮ ತಾರೀಕ್ ಗ್ ತನ್ನ ಸುವರ್ಣ ಮಹೋತ್ಸವೊನು ಆಚರಣೆ ಮಲ್ತ್ಂಡ್.ಮೃನಾಲಿನಿ ಸರಭಾಯ್: ದಿ ಆರ್ಟಿಸ್ಟ್ ಅಂಡ್ ಹೆರ್ ಆರ್ಟ್, 2012ಡ್ ಬಿಡುಗಡೆ ಆಯಿನ ಅರೆನ ಜೀವನೊನ್ ಆಧಾರವಾದ್ ಮಲ್ತಿನ ಒಂಜಿ ಸಾಕ್ಷ್ಯಚಿತ್ರ. ಉಂದೆನ್ ಯಾದವನ್ ಚಂದ್ರನ್ ನಿರ್ದೇಶನ ಮಲ್ತೆರ್ ಬೊಕ್ಕ ಪಬ್ಲಿಕ್ ಸರ್ವಿಸ್ ಬ್ರಾಡ್ಕಾಸ್ಟಿಂಗ್ ಟ್ರಸ್ಟ್ ನಿರ್ಮಾಣ ಮಲ್ತೆರ್. ಕೇರಳ ಸರಕಾರದ ವಾರ್ಷಿಕ ಪ್ರಶಸ್ತಿ ನಿಷಾಗಂಧಿ ಪುರಸ್ಕಾರಂಗೆ ಸುರೂತ ಪುರಸ್ಕಾರ ಪುರಸ್ಕಾರ ಮೇರ್. ಈ ಪ್ರಶಸ್ತಿನ್ ೨೦೧೩ಡ್ ಕೊರ್ತೆರ್. ಆರ್ 2014ಡ್ ಧೀರುಭಾಯ್ ಠಾಕರ್ ಸಾವ್ಯಸಾಚಿ ಸರಸ್ವತ್ ಪ್ರಶಸ್ತಿನ್ ಪಡೆಯೆರ್. ಮೇ ೧೧, ೨೦೧೮ಡ್, ಗೂಗಲ್ ಡೂಡಲ್ ಅರೆನ ೧೦೦ನೇ ಪುಟ್ಟು ಪರ್ಬೊನು ನೆನಪು ಮಲ್ತ್ಂಡ್.

ಮೃನಾಲಿನಿ ಸರಭಾಯಿ: ದಿ ಆರ್ಟಿಸ್ಟ್ ಅಂಡ್ ಹೆರ್ ಆರ್ಟ್, ಅರೆನ ಜೀವನದ ಬಗ್ಗೆ 2012ಡ್ ಬಿಡುಗಡೆ ಆಯಿನ ಒಂಜಿ ಸಾಕ್ಷ್ಯಚಿತ್ರ. ಉಂದೆನ್ ಯಾದವನ್ ಚಂದ್ರನ್ ನಿರ್ದೇಶನ ಮಲ್ತೆರ್ ಬೊಕ್ಕ ಪಬ್ಲಿಕ್ ಸರ್ವಿಸ್ ಬ್ರಾಡ್ಕಾಸ್ಟಿಂಗ್ ಟ್ರಸ್ಟ್ ನಿರ್ಮಾಣ ಮಲ್ತೆರ್. ಕೇರಳ ಸರಕಾರದ ವಾರ್ಷಿಕ ಪ್ರಶಸ್ತಿ ನಿಷಾಗಂಧಿ ಪುರಸ್ಕಾರಂಗೆ ಸುರೂತ ಪುರಸ್ಕಾರ ಪುರಸ್ಕಾರ ಮೇರ್. ಈ ಪ್ರಶಸ್ತಿನ್ 2013ಡ್ ಕೊರ್ತೆರ್. 2014ಡ್ ಧೀರುಭಾಯ್ ಠಾಕರ್ ಸಾವ್ಯಸಾಚಿ ಸರಸ್ವತ್ ಪ್ರಶಸ್ತಿನ್ ಗೆಂದಿಯೆರ್. ಮೇ ೧೧, ೨೦೧೮ಡ್, ಗೂಗಲ್ ಡೂಡಲ್ ಅರೆನ ೧೦೦ನೇ ಪುಟ್ಟು ಪರ್ಬೊನು ನೆನಪು ಮಲ್ತ್ಂಡ್.